في حياتنا تجارب سيئة ،تجارب منحبهة ومنفضلها تجارب تحطمنا تخلينا مدمرين متشتتين هل من حقنا أن نعوض احلام ماعشناها ولالحظات حب ضيعناها بثقافة العيب واللازم والممكن
وبالنهاية جگد نخاف من الخسارة نخسر أنفسنا بلحظة ضعف ..
رح احچيلكم قصتي ..واتمنى تكون قصتي بها معنى يوصلكم وبنفس الوقت اتمنى وانتو تسمعون قصتي تساعدوني لأن تعبت ومكادرة اطلع من هاي الحفرة الكل البية رافضهة بس اني امرأة احتاج حب حنان شخص يحاوطني باايديناتة ويخفف علية مو قصدي اغلط مو قصدي اكون امرأة قليلة شرف بس هذا الصار والي انگضة ..
اني امرأة متزوجة عمري اربعين سنة عندي ثلاث بنات وولد تزوجت بعمر صغير كلش ١٤سنة تقريبا شخص يكبرني ب١٧سنة متدين خلوق كلش يحب اولادة علاقتنا كأن. قفل ولگى مفتاحة ،موظف بسيط ويشتغل تكسي
وبنهاية الشهر يشيل الراتب ينطينيا ويگلي انتي وزعي عمود يكفي لنهاية الشهر صح قليل بس اني اوزعه توزيع مرتب عمود يكفي وراضية والحمدلله..
فؤاد: يامرة صار ساعة كاعد دجيبي الغدا عمود اطلع ..
ام رحيق: چنت ادردم وإني اصب اي مو فاتحة اني فندق اكل ونوم بس وتگول اني خدامة بهالبيت ..
رحيق: ماما ..هاي شنو دتحچين ويا روحج..
ام رحيق: هااا..ولچ يمتة جيتي فززتيني..
رحيق: من ساعة ما جان البيت فندق واكل ونوم چنج تحجين ع أبوية ..
ام رحيق: أشرت ع حلگي وصميتة ..اخ مشتغلة مخابرات هو بس ابوكم لو كلكم جالطيني ..
اووف..اوف ..
رحيق: حبيبتي ماما الله يخليج النا احسن فلبينية انتي..
ام رحيق : جانت حاظنتني وتحچي ممازحة ..وإني گاعد اصب..
شو ولچ وخري لااضربج بهالچفچير..
رحيق: هههههه..ها يمة سالمين توبة ..
أكول ماما انتي شطابخة عالغدا ؟
تمن وفاصوليا..يلة روحي بدلي عمود نتغدا اني وياج وخواتج بين مااودي الغدا لاابوچ..
عقچت وجههة..
ماما..اگلج اني مااريد تمن ومرگة مشتهية بيض عيون..
ام رحيق: ولچ شن. انتي صبح بيض ظهر بيض عشا بيض ..رح تنگلبين دجاجة...
رحيق: يلة هسة اني شطالبة يمة فوزي ..هي بيضة وستة بالف ..
ام رحيق : ولچ ماما هي مال فلوس لو انتي جسمج محتاج غير البيض تاكلين ميصير..
رحيق: ماااريد اروح ابدل ..
ام رحيق : عنچ مااكلتي طبچ طوب ..
هي بالله مطبخ فرحان كل واحد يريد شي..
دائما فؤاد ميحب يكعد ويا البنات وهوستنا عالاكل ومراوس رحيق وضحى وبنتي الصغيرة عندة تخلف عقلي ..
