قلوب تائهة

الحكاية الثانية ج٣

دائما الاشياء الي تكون سهلة بحياتنا منحبهة نحب نعاني نحب الصعب جگد احلامنا نحسها بعيدة وصعبة المنال وبعدين من تجي وتصير بين أيدينا تفقد لذتها ..
كنت بزيارة لبيت الحجي دنتناقش بالحسابات وفاتو بيت علي نسيبهم زوج ضحى ..

ابو علي: السلام عليكم ..

ام ضحى : وعليكم السلام والرحمة تفضلو.. تفضلو ..

مهيمن : استغربت من ترحيبها المبتذل والإبتسامة المزيفة متأكد لو كان زوج ضحى فقير اكيد مرح تستقبلة بالحفاوة الي شفتها والاسوء خشومهم المرفوعة هم أهل الراهي ..گلت اوفر ع روحي القشلة الي رح يفشلنياها الحجي واگوم لان شفت استقبال الحجية .. اكيد الحجي هم رح ينطي بية عمود بنتة..

عمي ..اني اترخص واجيك بغير وقت..

الحجي: اگعد ابني البيت بيتك ..لا تگوم عمود أحد ..
اتقدم سلم ع الحجي ومن شفتة مد ايدة وسلم سلمت ..
تفضلو ..تفضلو ..
بدو يحجون بموضوع ضحى وإني خايف لاتنهان كرامتي كنت احدث نفسي اذا الحجي انطة بية اعوف الشغل كلة..
ظليت انتظر اللحظة ولكن ردة فعل عمي غريبة وفاجأتني وفاجئت الكل ..

الحجي: ياهو هذا الغريب ..الي گاعد تشوفة ذراعي اليمين وزوج بنتي المستقبلي..

ابو علي: شنو..اكيد تشاقة حجي شهالحجي..

ام علي: حقة الصار مو قليل يمكن الوكعة أثرت ع راسة..

الحجي: أثرت ع راسي..مشكورة..الولد اجى خطب بنتي قبل لااوكع لهذا اكلج جنت بكامل قواية العقلية ..

ام ضحى: حجي ..شكاعد تحجي مو وقت العناد..

الحجي : ياعناد ..دا اگللكم  هذا خطيب بنتي ..مثل مسمعتم ..

مهيمن: عمي ..اترخص...
الحجي: گتلك اگعد..
ابو علي : يعني تريد تساوي ابنٓ بعامل عندك..

انتفضت ..عمي اسمحلي..
اكلك اكعد مهيمن ..عرفت ابنهم ع منو طالع..

الحجي: طبعا اكو فرق بينهم ..

مهيمن: كل كلمة يكولها عمي جنت انتفض بس احس بالراحة بكل إجابة يجاوبها الهم..

الفرق بين مهيمن وعلي..رجال..اي والله رجال واكدر انسند علي وكت العوزة اامن ع بنتي ويا مو يومية سكران ومرجعهة بعاهة..
وكت ماوگعت لكيتة عوچيتي الاستند عليها ..
مو ابنك الي تهجم ع بيتي وياذي بنتي اني نايم مستشفى..وابنك شوف وين نايم..لهذا هالمرة ..مرح ترجع ضحى ..واسمحولي اني تعبان..
ابني مهيمن تعال اسندني تعبان ..

مهيمن: جنت متفاجئ بحجي عمي مثلي مثلهم..
بس جنت ماشي ويا عمي اكيد الموضوع بس عمود يضوجهم ..لهذا مشيت ويا رغم حجيهم و ردة فعل ام ضحى اكثر شي اذاني...كأني مرض معدي وخائفة لينصابون بي..

دخلت الحجي لغرفة جانبية واسمع أصواتهم برة ..
هذا الحجي ميصرفنا ..وخل يفيدكم هذا العامل..
ردت اگوم..لزم ايدي عمي..