قلوب تائهة

الحكاية الرابعة ج٤

وإني اخط ثنايا هاي القصة وإني احچي قصة إنسانة ،نعم إنسانة اليوم بهذا المجتمع الرجال اذا خان عادي ماعليه شي بس المرية فضيحة وكارثة وطالعة عن الطريق وكل الحچي السيئ نحچي نسينا انو كلنا رح نوگف كدام رب العالمين ونتحاسب ومحد يأخذ سيئات غيرة بس ممكن حسناتكم طير وانتو تحاكمون انسانة معنفة نفسيا ..
زوجها ميهتم بيها ولا بمشاعرها خادمة بالنهار وعاهرة بالليل وميصير تشتكي ولاتحچي خلص عدهة جهال تحطهم وتسكت  رب العالمين من ذكر بمحكم كتابة يگول الزانية والزاني ،المومنين والمومنات ، الصادقين والصادقات وأغلب ايات القرآن الاثنين سوا نفسالثواب والعقاب لذا مو دفاعا عن صاحبة القصة بس لمن يكون الإنسان مضغوط وفارغ من جوا وايمانة ضعيف هيچ يصير بي ..ولاتنسون هي تشارككم قصتها من أجل العبرة وكلنا تقريبا نعاني من الي تعاني سعاد مع اختلافات بسيطة ..
لذا اخط الكم سطور وارجو تأخذون العبرة والحذر دير بالكم تضعفون ..دير بالكم ...

تحياتي ..

نازك الملائكه

دخلت البيت والوجوه كلها ملظومة من العصبية وحمويني قلقانين وعمتي تسالني ورحيق خائفة علية ،ماانتبهت شوكت طلعت وشوكت رجعت..

بس چنت هادئة..ومچذبت ومااعرف شون جتي كلمة الطلاگ ع لساني اول مرة احس انو لازم اخذ هذا القرار لان بسبب هاي الحياة والمشاكل چان زلت رجلي بالوحل ، الكل انصدمت وعمتي ضربت ع صدرها لا..لا... يمة مو انتي التحچين هيج ..
شنو الصار ..شصار بينكم كليلي..

سعاد: عمة..قاطعني فؤاد ...

دتراهق يوم ..دترجع ليورا دور سوالف رحيق وتريد تضعف وتدور صالونات..

حيل ضجت من اسلوبة ويدل ماابرر ..رددت كلامة ..

اي اني موزينة وصخة مو راعية بيت خدامة ومااريدك بعد ورح الم هدومي واطلع..

فؤاد: ومنو يلفيج..

سعاد: حتى لو بالشارع ولااكعد بيتك ..

عفتهم وصعدت ..وعمتي تصيح علية وفؤاد يحجي ..ورحيق لحگتني تبجي..

وإني مو بالي شي بس اطلع من البيت ..

رحيق: ماما..شگاعد تسوين ..ليش تلمين هدومج ..

سعاد: رحيق ..ماابقى بعد ..اني دا اراهق گضيت عمري كلة ناسية روحي البارحة يكلي هاشة ومن اريد اهتم بروحي وبصحتي اصير مراهقة..

عوفيني..

ماما..انتي مو تعرفين بابا گلبة طيب يحجي وينسى الحجي بعد شوية ..

سعاد: اي مو الكدامة صنم متحس مسويني قرقوز گدام اهلة وينسى ويضحك ..

رحيق: الله يخليچ يووم ..لاتطلعين اني واخوتي وين نروح..

سعاد: انهاريت وكلماتة تردد براسي وبنتي تتوسل ، كعدت عالچرباية وادگ ع راسي كافي ..كافي ..لخاطر فلان سكتي ، لخاطر فلان عدي وإني طز بية طز..
ورحيق تلزم ايدية وتبجي ويايا ..