نزلت من السطوح و ماشه لقيت غرفة اتخلعت من الفيها طوالي خشيتها عجبتني شديد و بالذات لقيت في الوان و قماش حق الرسم يا زول طوالي مشيت جريت الكرسي و داك يالرسم و اندمجت شديد و بقيت برسم و اغني و ألخبط في الالوان رسمت رسمه عجبتني شديد😻😻😻 و انا قاعده في الكرسي شوفت ليك ظل زول طبعا حسيت روحي اتشليت بس اسمع ليك صوت القائد فهد و الله برافو طوالي اتلفت عليه قال لي برافو و منداحه و ترسمي باحساس و بتغني كمان و الله قال لي انتي قايله روحك شنو خاشه غرفتي و بترسمي كمان بحاجاتي انتي و لا شي قلت ليهو م دام عارف انا و لا شي بتتكلم مالك 😒 طبعا كنت بارده و لا فارق معاي و لا خوفت منه بقا بس يعاين لي شكلو استغرب من ردي قال لي كدي زحي كدا شاف الرسمه قال لي و بتعرفي ترسمي كمان و الله حلو بس الزاويه م ظابطه قلت ليهو و انت العرفك شنو قال لي انتي في غرفتي و بترسمي بألواني حأكون جايبهم عشان اتفرج عليهم يعني قلت ليهو ههه ظريف قال لي اتعلمتي رسم من وين قلت ليهو براي ليه بتسأل قال لي لانو رسمك حلو شديد لازم تعرضيهم قلت ليهو اصلا قاعده اعمل كدا و كمان بتباعوا قال لي انتي هديل محمد ديك يعني قلت ليهو ااااااي بس ياها بقا يعاين لي و يبتسم قلت ليهو في شنو قال لي ماف شي بس تاني م تخشي الغرفة دي لانو دي غرفتي و انتي عارفه العواقب شنو قلت ليهو تمام و لا فكرت اعتذر .. داير يتكلم تاني جات واحده قاطعته قالت ليهو قائد فهد قائد عثمان عاوزك طبعا دا اكبر قائد فيهم مشى عليه و البت بقت تحمر لي قلت ليها في شنو و مشيت خليتها اتاريها المعفنه مشت لي هنادي و قالت ليها هديل كانت مع فهد في غرفته هنادي جاتني قال لي قايله روحك شنو قلت ليها مالك ياخ بتهيجي كدا قالت لي الوداك غرفه فهد شنو قلت ليها انتي مالك و اوريك ليه؟؟ قالت لي اصلا ظاهر عليك فاكه و بت م نافعه شكلو ابوك م رباك بس مع كلامها دا انا أعصابي باظت بس اديتها كف حااار لمن نزفت دم من خشمها اتكيفت من روحي شديد قلت ليها اياك ثم اياك تغلطي فيي تربيه ابوي في اللحظه الاديتها كف ناس فهد و محمد و عثمان يعني القواد جو بس قائد عثمان نهرني و قال لي تعالو المكتب انتو الاتنين طبعا هي شغاله تبكي و انا بس اعاين ليها و احمر قلت و الله م ابكي.. مشينا مكتب القائد عثمان قال لي هنادي القصه شنو قعدت تبكي و قالت ليهو جات سمعتني كلام فارغ و بقت تتكلم عن شرفي و قالت لي و الله اقتلك و تبكي و انا اعاين ليها و فاتحة خشمي من كذبها انا دي قربت اصدقها و الله قلت ليهو كذابه و الله قامت قالت ليهو اسألو شيماء .. شيماء دي الجات شافتني مع فهد نادوها و جات .. القائد عثمان قال ليها الكلام القالتو هنادي قامت شيماء قالت ليهو نفس كلام هنادي و زادت طبعا انا بس بقيت ساكته قال ليهم انتو امشو و انت ي هديل خليك قعد يشاكل فيني و ضرب التربيزه بيده لمن قلبي عمل شححححح 💔💔💔قال لي تاني حركات زي دي م دايرها كمان بتهددي تقتلي و انا بس اعاين ليهو قال لي نزلي عيونك ديل قمت نزلتهم قال لي دا اول انذار ليك فضل ليك انذارين تنفصلي قال لي و عقابك تقيفي في الساحه مدت يومين لا تأكلي لا تشربي بس تقيفي كدا و بس ألقاك قاعده اقسم بالله ابقيها ليك اسبوع قال لي يلا امشي طلعت من المكتب دموعي نزلت لقيت فهد في وشي مسحتهم سريع و مشيت وقفت في الساحه
يتبع......
