يوم بعد الناس ركبو في الحافله جيت اشيل منهم القروش اتخيلو بس اتخيلو بسسس لقيت منو💔💔 عبدالله و اصحابه و انا اصلا طبيعي بعرفهم و هم بعرفوني المهم بديت اشيل منهم القروش و شلت من عبدالله و اصحابه عادي المهم بعد شلت من الناس كلهم عاينت ليهو لقيتو بعاين لي و اصحابه زاتهم مخلوعين و انا شغاله اكورك بري المعرض بري المعرض😂😂 المهم قام عبدالله طقطق قاموا نزلو و انا عملت رايحه بس هو عاين لي🙄🙄و هو بعد نزل يعاين لي ساي عملت رايحه منو لانه اصلا انا شاماه..المهم بعد خلصت شغلي مشيت منظمه SHIA قالو بكرا في حفله لينا و م حيكون في تدريب و البنات يلبسوا فساتين سوداء و الاولاد يلبسوا بدل سوداء طبعا انا اصلا م طايقاهم قلت بشترهم بجي لابسه فستان ابيض😂😂 و كنت جاده طبعا المهم رجعت البيت و جهزت فستاني لي يوم بكرا و خاته العزيمه اني ألبس ابيض بس قله ادب مني و اصلا كنت زهجانه قلت اقشر بس
المهم في الوقت داك عبدالله كان بيتكلم مع أصحابه واحد من اصحابه قال ليهو انت زولتك دي جاده تشتغل كمساري عبدالله قال ليهو لا زولتي لا شي اصلا فاكه مالي و مالها ان شاءالله تشتغل شنو م عندي شغله بيها ..صحبه التاني قال ليهو الشغل م عيب يمكن مضطره .. صحبه قال ليهو انت الما بتعرفها اقعد دافع ليها عبدالله دا زاتو م دافع ليها قول عجبتك و خلاص😂😂... المهم رجعت البيت ارتحتتته و مشيت قطعت لي بطيخه بموووت في البطيخ😍😍 و عملت فشار و مشيت شغلت بولييوود و حضرت فيلم لي شاروخان و مبسوطططه عادي يعني اتعودت تلفوني م بتجيني فيهو رسايل غير حقت قروب SHIA دا و انا اصلا م برد ليهم و م مسجله رقم زول منهم المهم تميت الفيلم و مسكت التلفون لقيت رقم غريب مرسل لي قال لي السلام عليكم قلت ليهو و عليكم السلام قال لي كيفك قلت ليهو تمام بس م عرفتك منو قال لي 😂😂اممم فهد قلت ليهو م بعرف زول بالاسم دا قال لي و الله قلت ليهو اي 😬 قال لي طيب قائد فهد في منظمه shia قلت ليهو اهااا قال لي كيفك قلت ليهو تمام و انت قال الحمدلله طبعا بكرا مافي تدريب و في احتفال عاملاه المنظمه ليكم و لازم لبسكم يكون اسود يعني فستان اسود قلت ليهو اي عارفه الا اسود؟ قال لي اي ليه جايه شاتره؟😂😂قلت ليهو بالظبط قال لي ياخي😂😂 م مسجله رقمي؟ قلت ليهو اي قال لي ليه سفهته قلت دا مالو المتخلف دا.. رسل لي تاني استفهامات قلت ليهو ساي قال لي تمام المهم اليوم التاني صحيت و طبعا قلت لاخواتي بموضوع الحفله و كدا قلت ليهو حأشترهم قالو لي م تتهوري 😂قلت ليهم طيب المهم المغرب كدا مشيت جهزت و قشرت و عملت مكياج حلو كنت طالعه حلوة شديد بس كان عندي مزاج اتمكيج و اطلع حلووة المهم مشيت SHIA و كلهم كانو قاشرين المهم خشيت كدا بس لقيتهم كلهم بعاينو لي 😀💔💔
يتبع......
