تاني يوم و انا ماشه SHIA بالصباح فاذا انا اسمع زول بناديني ي هديل ي هديل ي بتي اتلفت لقيته ابو عبدالله و عمر و كانو عبدالله و عمر معاهم .. ابو عمر قال لي كيفك ي بتي قلت تمام الحمدلله و انتو قال لي نكون كيف بس ..طبعا انا فهمته قاصد شنو بس ابتسمت ليهو قام قال انتي عارفه بالحصل امس و انو انتي ضمنتيهم و مرقتيهم و دفعتي ليهم الكفاله قال لي و ديل قروشك الدفعتيهم امس .. ابو عمر قال لي انتي م قصرتي شيليهم قلت ليهم و الله م بشيلها قال لي ي بت شيليها قلت ليهم انا حلفت م بشيلها عبدالله و عمر ديل زي اخواني و انا لو كان حاصل لي نفس الموقف هم ما كانو حيخلوني و بالنسبه للقروش انا و الله م بشيلها ي ابوي ف النهايه اخواني و ساعدتهم .. ابو عمر قال لي الله يرضى عليك م قصرتي تب بالجد ابوك عرف يربي قلت ليهو تسلم ي ابوي و مشيت طبعا عبدالله و عمر كانو خجلانين شديد و طبعا انا كبرت في نظرهم شديد و في نظر ابهاتهم احم احم و كدا😂♥ المهم مشيت SHIA و لقيتهم بدربوا طوالي بديت اتدرب معاهم و كان ماف شي جديد فهد م جا الليله م عارفه ماله المهم رجعت البيت و الروتين دا استمر كم يوم و كان الاسبوع الجاي عرس بت خالتي الاء😍😍ياخ انا بالجد كنت محتاجه لي عرس و فرح و رقص و هجيج النفسيه محتاجه 😂😂 و ي النظافه جاك زول بعمل خلطات طبيعيه م بشتري كريمات بتعمل لي حساسية ((انا من بعت رسماتي و بقى عندي قروش كل شهر بعمل جلسه فيشل لي وشي و بعمل حمام مغربي يعني عنايه كدا كامله للجسم و الوش دا بسبب كلام عمر ف انو ماف زول بعاين لي)) و جا يوم الحنه و كانت حلوة شديد رقصنا رقيييص مبالغه😍😍العرس كان ف سبارك سيتي بت خالتي غيرت ديكور الصاله كله كان الطاولات لونها ابيض في نصها فاظه طوييله فيها ورود بالبنفسج و الكراسي بيضاء فيها نظام فيونكه كدا بالبنفسج كان ديكور فظيع😍😍😍 انا كنت لابسه فستان لونه رمادي لامع من فوق و من تحت شاي لبن غامق و عملت مكياج خفيف و لبست طوق زي التاج كدا على شكل ورود زي لون الفستان و عملت شعري بورا كعكه كبيره كدا زي الورده و من قدام طلعت خصلتين اي زول شافني قال لي اتحصني 😂😂 المهم الحفله بدت و كانت ب محمد بشير الحب😍 رقصت رقيص حتيته حتت😂😂😂 المهم طلعت من حت الرقيص لانه ف زول ضرب لي دايره ارد بس اعاين يمين و ألقاهم و اشوفهم ليك بيعاينو لي ديل منويتبع.....