حسن قال لي انا نفسي في عصير قصب قلت ليهو و انا كمان😍 ارح نمشي نشرب قال لي تمام مشينا شربناه من جنب الرباط و كان يوم من الموت😍 رجعنا SHIA لاقينا قائد عثمان قلت ليهو هدا ليهو الشيطان كتمت 💔😢 قال لي ب منو نيجيري و لا الربع😂 قمت لكزته بكوعك و قلت ليهو دا م وقت ظرافتك حسي😒 قائد عثمان قال لينا جميل جدا جدا جدا حسن دخل يده في شعره و بقا بيخلل فيهو قال ليهو انا صح؟😏😍 عاينت لي حسن كدا😳 ي ويلك غلطت غلطه عمرك قائد عثمان جرا حسن من ياقه قميصه قال ليهو امشي قدامي المكتب 😂😂حمدلله م قال اسمي رفعت لي حسن حواجبي و عملت ليهو بيديني باي قام حمر لي و قال لي قائد عثمان و دي م حتمشي معانا قال ليهو زكرتني امشي قدامي انتي زاتك اقسم بالله شميت حسن دا و سبيت ليهو سب حيوان متخلف😒شحطونا جوا المكتب و بهدلونا جنس بهدله ياخ دا لمن دق التربيزه بيده لمن قلبي عمل شحح😂 ما عارفه الراجل الفقري دا ماله مع دق الترابيز بعد بهدلونا زي الكلاب 😂 انا و حسن طلعنا بهنا عاينا لي بعض و فكينا الضحكه😂😂😂 قلت ليهو الراجل دا كان عنده مشكله معاي حسي انت انضميت للمجموعة قال لي شكلي حأتعب قلت ليهو حتتعب شديد😂 كل واحد فينا مشى غرفته مسكت تلفوني اتذكرت انو الرقم الكان ليهو فتره برسل لي بحبك تاني م رسل كنت متردده ارسل و لا لا بس الشمار كان حارقني قمت رسلت ليهو بقيت م بتحبني؟ بعد دقيقتين جاتني رساله فتحتها لقيتها من نفس الرقم قال لي كنت بحبك و حأفضل احبك بس كانت حاصلة لي ظروف قال لي داير ألاقيك بكرا قلت ليهو طيب وين قال لي في .... قلت ليهو تمام .. اي انا بحب فهد بس برضو لازم اعرف دا منو عندي احساس انو فهد🙄هي بسيره فهد خليني اضرب ليهو ضربت ليهو فصل فيني المكالمه و رجع لي قال لي روحي قلت ليهو اهلين قال لي مشتاق ليك قلت ليهو و انا كمان قلت ليهو بقيت كيف قال لي احسن الحمدلله مفكر انزل اداوم قلت ليهو انت مجنون كيف تنزل؟؟ قال لي بتخافي علي قمت انا تمتمت بعديها اخدت نفس و قلت ليهو اكييد زول ضحى بروحه عشاني م أخاف عليه؟؟💕 قال لي داير اداوم عشان اشوفك كل يوم اشتقت ليك و لي ضحكتك قلت ليهو و حسن؟😂😂 سكت م رد قلت ليهو فهد قال لي نعم قلت ليهو مالك قال مافي شي قلت ليهو قول لي غيران؟😂😂قال لي اي غيران فيها شي؟ قلت ليهو امممم طيب سكته قال لي انا بقيت كويس خلاص و بقدر انزل قلت ليهو حلو و الله و اتونسنا طويل بعديها قفل الخط و كل واحد فينا نام انا بفكر في المجهول دا و فهد بفكر فيني صحيت الصباح م مشيت الجامعه دكيتها طوالي مشيت المكتبه قريت و منها مشيت SHIA لقيت الناس متلمين في المجلس لقيت فهد قاعد هناك اتخلعت يعني هو جادي جا؟مشيت سلمت عليه و قلت ليهو نورت قال لي اصلا منوره بناسها😂 كان بعرج في المشي ياخ شكله و هو لابس الحماله كسسسار ياخ 😍 قعد شويه معانا بس انا م لقيت ليهو فرصه عشان اقعد معاه هنادي و باقي الناس استلموه🙂 زعلت شديد انو م اتونست معاه و بس اعاين ليهو😒 بعديها فهد رجع البيت كنت زعلانه شديددددددد غرت من هنادي يادوب فهمت شعورها لمن كان بتغير مني... طلعت فوق غرفتي فهد ضرب لي قال لي هديل قلت ليهو نعم قال لي دا شنو الرد البارد دا قلت ليهو انت قلت لي هديل دايرني اقول شنو يعني😕 قال لي حبيبي قوليها لي قلت ليهو ههه ظريف قال لي زعلانه مني قلت ليهو لا م زعلانه قال لي جد؟ قلت ليهو ايوه قال لي تمام يلا سلام و قفل الخط😐 و لا فكر يحنسني😒زعلت شديد قلت ف ستينه ياخ عنه م ضرب زاتو ضرب لي فصلت الخط فيهو تاني ضرب لي لمن رديت اول كلمه قالها لي بحبك❤ كلمه من 4 حروف خلتني اهدى قلبت مزاجي كله من صره وشي لي ابتسامه لي خجله💕 م كنت قادره ارد كأنه لساني اتربط قلبي كأنه زول كشح فيهو مويه حاره حسيت بشي حار في جانب قلبي الا ختيت يدي على صدري و قلبي العامل زي الدلوكه قال لي م تزعلي مني بهظر معاك م عدا انا م عارفه زعلانه مني في شنو قلت ليهو عادي حصل خير قال لي طيب يلا باي قلت ليهو باي انبسطت لي درجه دموعي نزلو ياخ انا بحبه شديد كلمه بحبه دي بسيطه و الله😍💕.. اتذكرت انو مفروض امشي عشان ألاقي صاحب الرقم المهم مرقت بالدس عشان م ناقصه تشغيلات و يشوفي الراجل الفقر دا... مشيت المقهى.... على حسب اتفاقنا دخلت و قعدت في اقرب طاوله لاقتني و لا فكرت اعاين في المكان .. بقيت منتظراه قام ضرب لي و الصوت م غريب علي قال لي انا جاي عليك عاينت و اتصدمت من الزول الشوفتو عمر؟🙆🏻♀😳 جا قعد قصادي بقيت مبحلقه فيهو قمت ضربت في الرقم عشان اتأكد دا هو و لا لا؟ تلفونه قام ضرب قال لي م مصدقاني يعني قال لي ياهو انا بحبك ي هديل لو بتعرفي قدر شنو انا خسرتك مره ي هديل اديني فرصه تانيه انا بحبك بعمل اي شي عشانك انا عرفت قيمتك بعد خسرتك دايره ارفع راسي ارد ليهو بس اشوف فهد *مش لمن قلت ليكم خشيت المحل و قعدت طوالي ما عاينت ف المكان يلا فهد و محمد كانو هناك* قام هو مرق و محمد لحقه قلت لي عمر انا م عاوزاك و مستحيل افكر في زول غشاني و غشى اهلي كان بقيت قبله زاتو و مشيت خليته و هو بنادي فيني خلى الناس كلها تركز معاه طلعت برا ألحق فهد كان داير يركب عربيته و يمشي مسكت يد الباب قلت ليهو ممكن ثانيه دايره اتكلم معاك قام قال لي فكي يد الباب قلت ليهو ابييت قال لي هديل م تنرزفيني قلت ليهو انا دايره انرفزك عاينت لي محمد ...محمد قال ليهو اسمعها دايره تقول شنو قال ليهو م عاوز و قفل الباب و مشى خلاني واقفه😦محمد قال لي فهد ياخ كان تسمعها دايره تقول شنو فهد قال ليهو انا كان ممكن اقول ليها كلام يزعلها ف اللحظه دي ف عشان كدا احسن اسكت خلاني واقفه و بس دموعي دايره تنزل دوست على يدي شديد.. عمر جاني قال لي شوفتي هو لو كان بحبك كان سمعك لكن هو م بحبك انا بحبك ي هديل قبلت عليه و اديته كفففف قلت ليهو فهد دا ارجل منك بمليون مره و اياك تغلط فيهو لانو فهد م بيساوي ظفرك و مشيت خليته ضربت لي فهد كتير بس م كان برد لي انا م بحب اضرب لي ولد كتير م عارفه بس حسيت انو انا بهين في كرامتي😅 فقلت تاني م بضرب االحاله انا ضربت ليهو زي 5 مرات رجعت SHIA و على غرفتي و اتغطيت بالبطانيه و بقيت ببكي بحرقه خاته يدي في خشمي عشان صوتي م يطلع ليه هو اصلا صوتي حيفرق مع زول؟؟بكيت لاني لقيت انو انا خسرت كل الناس و حاليا بخسر في فهد شويه شويه و كلام عمر كان بزن لي ف راسي انو هو م بحبني حسن ضرب لي بس ابيت ارد ..نمت و انا ببكي صحيت اليوم التاني زهجانه شديد جرينا و تمارين التحميه و اتدربنا و في التدريب حسن كان بعاين لي.. المهم المشى فطر و المشى شرب الشاي مشيت انا حشيت لي روحي سندوتش و معاه شاي و بقيت بأكل في المجلس جاني حسن قال لي انا امس بضرب ليك م بتردي قلت ليهو كنت نايمه قال لي طيب زهجانه مالك من الصباح لاحظت ليك احكي لي حكيت ليهو و تكلت راسي على الطاوله و بقيت ببكي كلهم بقا يسألوه مالها بقول ماف شي دنقر و قال لي الموضوع بسيط اعترفي ليهو قلت ليهو م عارفه قال لي كدا بتخسريه اعترفي ليهو قلت ليهو يعني اعمل كدا؟ قال لي ااااي قلت ليهو تمام خلينا نمرق من هنا قال لي و اكلك قلت ليهو شبعت رفعت راسي لقيت فهد قاعد في المجلس كنت بعاين لي بنظرات شوق و حنيه و حب كأنه ام ضربت شافعها و بعد بكى رجعت تعتذر ليهو بس النظرات دي بس كنت بعاين ليهو و هو و لا فكر يعاين لي مرقت من المجلس قعدت برا في بنش قلت لي حسن خليه يخلص اكله بقيت بهز في رجلي من التوتر قال لي ي بت اهدي قلت ليهو ابيت كل شويه اعاين لي الساعه قلت ليهو هو بياكل براحه ليه قال لي يادوب تمى 5 دقائق اصبري البشوفك حسي م بيشوفك زمان رافعه نخرتك كيف😂
قلت ليهو ههه قال لي عايني طلع قمت عاينت لقيتو بهظر قمت حمرت ليهو😒 قال لي عايني و الله طلع قلت ليهو على اساس حصدقك قال لي و الله عاينت لقيتو ماشي على غرفته اللي هي مكتبه حسيت بجسمي اتشلى و قلبي عمل شحح بقيت بذكر في اسم الله مشيت طلعت الطابق حق غرفته وقفت قدام الباب بقيت مترددة ادق و لا لا و شغاله اقول بسم الله بسم الله بسم الله في النهايه دقيت و قال اتفضل خشيت ليهو جوا قال لي اتفضلي عاوزه حاجه قلت ليهو فهد انناااا قال لي انتي مالك ؟ بقيت بتمتم قال لي سريع م عندي زمن قلت ليهو من بتين مش قلت لو م فاضي بتفضى لي قال لي كان زمان قلت ليهو كيف زمان قال لي كدا قال لي ي زوله انا مستعجل و قام من كرسيه متجه على الباب مسكته من يده قلت ليهو م تمشي ي فهد انا بحبك ي فهد انا بحبك و بقيت ببكي قبل علي قال لي قوليها تاني قلت ليهو ابيت مش قلت كان زمان قال ياخ قوليها قلت ليهو بحبك قال لي تاني قلت بحبك جراني عليهو و ضماني شديد عليه و انا بقيت ببكي في حضنه قلت ليهو جرحك ي فهد قال لي م مهم انت اهم دايره ازح منه قال لي لا لا خليك ضماني عليه شديد و باسني في راسي قال لي من زمان مستنيك تقولي لي بحبك من زمان ي هديل قلت ليهو بحبك😂 قال لي و انا بموت فيك ي روحي💕 مسح لي دموعي قال لي لو انا السبب في انو العيون الحلوة دي تدمع ف مفروض اتعاقب قولي لي عقابي شنو😂 قلت ليهو بس كل يوم حبني و كل يوم حبك يزيد لي قال لي هو ليهو سنه كل يوم بزيد و حيفضل يزيد💕😍 قلت ليهو انا بمشي بعد دا قال لي خليك قلت ليهو لا لا بمشي لي بعدين قال لي طيب ي دولتي❤ مرقت منه مبسوطه 😍😍بقيت بس بفتش على حسن دايره اوريه لقيته و حكيت ليهو فرح لي شديد😍😍 قال لي بما انو ساعدتك انت برضو تعملي نفس الشي بكرا اسبوع المهندس حق جامعتنا ببدا شوفي لي شيماء قلت ليهو من عيوني اصلا عندي كم حسوني😍 اليوم البعديه مشيت الجامعه و كلمت شيماء تمشي معاي الجنوبي و وافقت مشينا ياخ مبالغه اسبوع المهندس شي تحفه ياخ عرفتهم على بعض و خليتهم بيتونسوا مشيت ضربت لي فهد قلت ليهو فهدد😍 قال لي عيون فهد روح فهد😍 قلت ليهو مشتاقين قال لي انا اكتر😍 كيفك قال لي تمام و انتي قلت ليهو تمام قال لي دي شنو الجوطه دي قلت ليهو في الجنوبي اسبوع المهندس قال لي و ليه م كلمتيني قلت ليهو لانو الموضوع م بحتاج قال لي طيب و قفل الخط رجعت ليهو ابا يرد و بقينا لافين في معرض بتاع رسم كدا قلت ليهو خلينا نخشه الباب كان صغير و الحته ملانه اولاد قام قال لي ختي يدك على يدي بقا بقول للناس الطريق ي جماعه دا كله عشان مافي ولد يلمسني😍 خشينا و بقينا نتفرج على الرسمات قلت ليهو حلوات ياخ قلت ليهو مش انت بتعرف ترسم ارسمني قال لي ابيت قلت ليهو ليه قال لي م فاضي و الله قلت ليهو طيب😂 انا اصلا مفروض اسافر عشان حقي بعديها مرقنا و لفينا كتير و شيماء رجعت بيتها و نحن كلنا رجعنا SHIA
كان يوم حلو شديد😍 غايتو انا و حسن اقرب سرير اترمينا فيهو لمن صحيت لقيت جنبي في حاجه مغلفه و جنبها ورده حمراء و كرت قريت الكرت كاتب فيهو *لمن اقول ليك م فاضي انتي مستثنيه من الموضوع عشانك افضى بحبك❤* فتحتها لقيت فهد راسمني😍😍 احيي انا ياخ الرسمه حلوة شديد عجبتني شديد و كمان معاها ورده حمراء😍 ضربت ليهو لمن فتح الخط قلت ليهو و انا بموت فيك😍❤ قال لي عجبتك قلت ليهو مووووت قال لي م يغلى عليك شي و ثم ثانيا هي حلوة بس انتس في الحقيقه احلى منها بمليونه مره😍
طبعا الكلام دا كله قدام هنادي و شيماء لقيتهم بعاينو لي و بحمروا لي😒 علاقتي مع فهد استمرت لمده اسبوعين😍 و كنا حلوين شديد مع بعض المهم يوم كنت بتهابل مع حسن الصباح كان قاشر ماشي يلاقي شيماء هم الاتنين ربطوا طبعا 😍😂 قلت ليهو من يوم اتعرفنا على بعض م حصل يوم قشرت كدا😂 الساعه دي انا دايراها و حسي كمان قلت ليهو تتصرف بس قال لي م تغلى عليك قلعها و اداني ليها و مرق 😂😂
يتبع.....
