عاينت لي هنادي و ابتسمت و غمزت ليها😉😂احساس ي بيبي فهد معاي و كدا😌 ركبنا العربيه و فهد دا سايق بأقصى سرعته م انكر يدي كانت واجعاني و بديت اهبط فقدت دم كتير بس لازم استغل الفرصه .. فهد دا سايق بأقصى سرعته و انا اقول ليهو براحه ي فهد و بقا يتخطى في العربات🙂💔 وصلنا المستشفى سريع سريع لاقى دكتور في الباب بقا يقول ليهو جرحها داير تعقيم ووو و فقدت دم كتير هو زاتو فهد م قادر يتكلم مخلوع😂😂 طبعا انا مهبطه و قمت وقعت تاني م صحيت الا و انا راقده في السرير و مركبين لي درب و دم عشان فقدت دم كتير دايره اقوم من السرير فهد جا قال لي على وين مجنونه انتي جرحك دا بعد عقمه ليك محمد مالك م مشيتي راجعتي دكتور و انا بكل برود قلت ليهو لاني شوفت الموضوع م بحتاج 🙂 قال ل ي م بحتاج انتي هبله؟ ياخ جرحك كان ملتهب قلت ليهو طيب طيب و انا م هبله😒😒 🙂🙂 قعد يحمر لي و انا بس بتأفف🙄🙄قال لي من هنا للبيت و بوصلك انا بنفسي و حتكلم مع أبوك طبعا ابوي بكون شغال الليله عمليات و م حيكون رجع بدري طلعنا من المستشفى و هو في العربيه بس يعاين لي بطرف عينه و انا عامله رايحه بس شايفاه😂 قال لي بيتكم وين وصفته ليهو و لسوء حظي لقيت عربيه ابوي 😳😳 بقيت بتمتم قال لي دا البيت قلت ليهو اااي للاا ايي قال لي بتمتمي مالك قلت ليهو ماف مشكله قال لي انزلي نزلنا و ضرب الجرس فتحت الشغاله لقى امي و ابوي .. امي شافت يدي قالت لي دا شنو دايره اتكلم فهد قال ليهم انا القائد فهد في منظمه SHIA و انا مدربها هي اصلا كان اتجرحت و انا قلت ليها م تجي لحدي الجرح يبرى بس هي جات و اتدربت و الجرح اتفتح و نزفت دم كتير اضطريت اوديها المستشفى المهم دي ادويتها و لحدي جرحها يبرى م تجي المنظمة ابوي شكره بس امي ادتني حدره كدا فهد مشى بهنا امي استلمتني ب هنا قالت لي انت هبله و لا شنو انت مجروحه تمشي تدربي ليه دا خليه و كمان يجيبك البيت قلت ليها إنتي قايلاني انا م شاكلته؟ ؟ انا قلت ليهو بمشي براي بس رفض و غير كدا انا اصلا هبطت و نزفت دم كتير و انا حاليا تعبانه خليني امشي انوم مشيت خشيت نمت لقيت رساله من فهد طمنيني عليك❤ سفهته صراحه كدا انا كنت خايفه من رده فعل ابوي لمن يشوف فهد جايبني رقدت نمت صحيت بعد صلاه العشاء لقيت مكالمات كتيره من فهد قفلت التلفون مشيت اكلت و صليت و اخدت ادويتي 🌚تعبانه قلت م بمشي الجامعة بكرا .. بس قعدت في السرير و مسكت تلفوني فهد ضرب لي رديت ليهو قال لي دولتي❤ قلت ليهو اهلين😊 قال لي بقيتي كيف ؟ قلت ليهو تمام الحمدلله قال لي كنت بفكر فيك الوقت كله كنتي ماخده تفكيري و بالي كله قمت انا سكته🤨 قال لي
هديل قلت ليهو نعم قال لي خلاص انسي انسي قلت ليهو تمام سكتنا مسافه قال لي هديل انتي بتحبني؟
يتبع.......
