المهم مر شهرين بقيت منعزله في الجامعه و الشي دا اثر فيني شديد يعني اتخذلت في صحبتي و الناس اخدو عني فكره كعبه💔 المهم دا كوم ... تاني فجأة كل صحباتي حقن الاساس و الثانوي قطعوا علاقتهم بي لسبب انا م عارفاه حتى اسراء بقت م بتتكلم معاي.. ..طبعا لمن خلاص فاض بي مشيت سألت صحبتي ان طبعا هي بتقرا طب اسنان معاي جامعه الخرطوم و الليله كان الخميس يعني عندهم لابات المهم مشيت سألتها دا شنو الحاصل و هي و باقي صحباتي ليه اتغيروا مني.. قعدت تعاين لي قامت قالت و بكل قوة بتسألي كمان و انا كنت معتبراك صحبتي و اختي لكن بالجد ي خسارة ... طبعا انا قربت ابكي قلت ليها مالك ي ان كدي وريني المهم فتحت تلفونها و ورتني فيديو كدا .. المهم بعد شوفته قلت ليها دي ما انا انا م مستحيل اعمل حاجه زي دي معقوله يا ان تصدقي اني ممكن اعمل حاجه زي دي و دموعي نزلو بالجد ي خسارة... رجعت البيت منفسنه بالجد يعني عرفت سبب تغير الناس معاي شنو بكيت قدرتي و ابيت الاكل بس ابكي الوقت كله يوم الجمعه نفس الشي يوم السبت صحباتي و ناس ان كانو مارقين قلت بمشي عشان اوريهم انو دي ما انا العملت كدا المهم مشيت ليهم كانو في مطعم طبعا لمن خشيت كلهم بقو يعاينو لي باحتقار كدا احساس الجابك شنو🙄 قلت ليهم اول شي كيفكم تاني شي انتو مالكم معاي و انا مستحيل اعمل شي زي دا المهم كلمهم قعدوا يشاكلو فيني و نبزوني انا بس دموعي نزلت عاينت لي تقوى لانها احن واحده فيهم قلت ليها بتصدقي الكلام دا ي تقوى قامت نزلت راسها ف عرفت انو هي مصدقه الكلام طلعت طوالي من المطعم و رجعت البيت لقيتهم طلعوني من القروب حقهم يعني بالجد اتصدمت
المهم الفيديو كان عباره عني قاعده و بشرب في شيشه كمان اتخيلو😂😂 و معاي بت كدا ما بعرفها المهم هي بتقول لي اسماء بنات و انا بقعد اطلع العيب الفيهم و اشتمهم باكعب انواع النبز مافي بت م اتكلمت فيها حتى أصحابي يعني و الكلام كعبب شديددد يعني ما بتقال و الفيديو كأنو دي انا بس هو كان مدبلج و للاسف ماف زول صدقني حتى اسراء اتخيلو لمن وريتها و مشيت ليها عشان هي الوحيده الحتصدقني لمن جيتها عاينت لي بعين غريبه و طوالي ادتني كف انا ختيت يدي قي خدي يعني بالجد اتخلعت فيها قلت ليها حتى انتي ي اسراء مصدقه ما كنت قايلاك كدا تاني رصعتتي كف قالت لي اوعى تجيبي اسمي على لسانك الوسخ بالجد يعني اتوقع شنو من واحده بتعمل علاقه مع رجال قدر ابوها.. انا بالجد في اللحظه دي اتكسرت شديددددددددددد م فاهمين وجعي كان كيف يعني دي اختي صديقتي بالسنين البحكي ليها اي شي صدقت الكلام هههه 💔💔💔
يتبع.....
