بس دخلت SHIA كدا لقيتهم كلهم بيعاينوا لي و مخلوعين م عارفه مخلوعين من الفستان 😂😂 و لا من سماحتي😌😌قامت بت قالت لي انت جاده قلت ليها عجبك؟☺قالت لي مجنونه شترتينا 😒 قلت ليها جد ما تكلمي زول بس🤫 و لا اشتغلت بيهم مشيت قعدت في كرسي و لا كأنه حاصل شي و شايفاهم كلهم بحمروا لي الا فهد قاعد يضحك😂😂 اغلبيتهم كانو فاكين شهرهم و في المطلعه جزء من شعرها و خاته الطرحه في نص راسها اما انا كنت لافه الطرحه زوله مؤدبه انا احم احم😌😌 هنادي كانت فاكه شعرها كانت لابسه فستان اسود دانتيل مع الجسم م عدا فستانها شاذ بس مزززززههه كانت😍😍😍 و شيماء برضو فاكهه فاكه شعرها و راميه الطرحه على اكتافها م عارفه لزومها شنو كان هي رامياها😕😕كانو قرضااااات انا زاتي كنت قرضه قولو ماشاءالله م تسحروني😌😌 الاحتفال بدا و كان جميل شديد انا في نص الاحتفال زهجت قمت مشيت قعدت في بنش كدا تحت شجره و شلت لي قزازه مويه و ركبت سماعاتي قعدت اسمع في قران و مغمضه عيوني فضلت على الحاله دي قرابه ال15 دقيقه بعديها حسيت بزول بهبشني ف كتفي فتحت عيوني قالو لي حنأخد صوره جماعيه تعالي قلت ليهو لا مشى بعده بمسافه جا فهد قال لي ليه م دايره تتصوري قلت ليهو ساي بس قال لي م ظريفه تعالي الناس مستنينك كفايه الفستان دا براهو موضوع قبلت عليه و قلت ليهو كلامي واضح م دايره اتصور م الا اعيده ليك و م الا ألبس شي يعجبكم تمام قام هو مشى ياخ رفع لي كثافتي.. بالغصب هو ..دا شنو دا😒😒💔💔 بعديها رجعت البيت و نمت عشان بدري عندي صحيه دايره اقعد اقرا للامتحانات لانها قربت🌚💔💔 المهم اجتهدت شديد و كنت بحاول اوفق بين شغل الكمساري و تدريبي و قرايتي غايتو تعب تعب شديد..المهم الاسابيع مرت و نزلت امتحانات و منها الصعب و منها الساهل و كدا كملت السمستر الاول و اخر يوم مشيت SHIA و رجعت البيت 😂😂امرق تاني وين بس وينهم هم الصحبات البيمرقوا معاهم💔💔 اجازتي كانت اسبوعين بقيت مرتاحة كدا رجعت ارسم عشان دايره اعرضهم قلت استفيد من الاسبوعين ديل ... زي م قلت ليكم انا اي رقم مسحته من تلفوني الا ارقام اهلي و اصلا صحباتي عفوا الكانو صحباتي😂😂مرقوني من القروب حقهم بلاااابلاباابا😬😬فجأة كدا ألقى روحي في قروب you were added قلت اجججيييي دا منوو مشيت شوفت الأرقام الفي القروب عرفتهم صحباتي المهم و لا اتفاهمت طوالي غادرت تاني دخلوني دايره اغادر قالو لي هديل اسمعي تاني قلت اشوف نهايتهم شنو م عدا كنت حاساهم دايرين يردحوا لي و اصلا الموضوع تم سنه المهم كل واحده من صحباتي رسلت لي انا اسفه و اعتذروا لي انا طبعا بقيت مخلوعه ديل بيستعبطوا؟؟بيتهابلو؟؟؟ قلت ليهم عفوا؟؟ بتعتذروا عن شنو قالو لي لانو نحن اتهمناك بشي م عملتيه م صدقناك قلت ليهم ههه م مشكله حصل خير ..جايين يعتذرو لي بعد سنه احساس اعتذارهم حيعمل لي شي اصلا انا خلاص كسرت حنكهم.. دا كوم و اسراء الضربت لي كوم براهو ابيت ارد تاني ضربت ابيت ارد لمن ضربت المره التالته رديت قالت لي هديل بخوف و توتر كدا قلت ليها معاي منو قالت لي معقوله نسيتي صوتي قلت ليها معاي منو ياخ انا الحركات دي م بتنفع معاي قالت لي اسراء قلت ليها اسراء منو قالت لي إسراء عبدالمنعم قلت ليها اهاااا و سكتنا مسافه قمت قلت يلا سلام قالت لي استني قلت ليها اها قالت لي هديل انا اسفه عارفة روحي غلطت عليك و م صدقتك و م وقفت معاك عارفه روحي جرحتك و ظلمتك انا خسرتك عارفه روحي اعفي لي ي هديل و يا ريتني لو م مديت يدي عليك و ما سمعتك الكلام داك و بقت بتبكي م عدا انا كرهتها اصلا لكن حننتني ((م تشوفوني كرييهه كدا انا قلبي حنين و طيبه شديد😂😂)) قلت ليها خلاص م مشكله حصل خير قالت لي جد يعني سامحتيني؟ قلت ليها ياب قالت لي ربنا يخليك لي ضحكت و قلت ليها اميين و باي و قفلت الخط و لا فكرت استنى ردها قلت دي مالها المتخلفه دي فجأة الناس بقو يعتذروا لي حتى ناس سيماء و رؤى جو اعتذروا لي و انا و لا فارق معاي شي قلت اكيد دايرين يموتو😂😂 ياخ حتى عبودي رسل لي و اعتذر و قال شنو انا اسف ي هديل م كان قصدي و يبرر المهم اختصرته و قلت ليهو حصل خير بس عمره الاتكسر م بتصلح 💔💔💔
يتبع......
