كرونيك: 💔💔لماذا _تركتني؟💔💔

💔البارت 08💔

8,,,,,,,,, محمد : شكون رايح يعلمك ايناس : نروح ندير لبارمي وشبيك محمد : اوكي روحي دريه و طي يعطيهولك نزيد نعلمك انا وصلني الدار و جيت هابطة محمد : رايح نتوحشك دوكا الويكاند كامل منشوفكش ههه ايناس : ااوي لي حب لازم يصبر ايا باي عمري تهلا في روحك هبطت و رحت نجري الدار شفت طموبيل و عجبتني بزاف بديت نطلع فيها كي المهبولة ياسمين : اسمعي طلعي لشمبرة و قليلي واش قلك محمد ايناس : بلعي فمك دزك يسمعك بابا ياسمين : راني طالعة و تبعيني طلعت لشمبرة انا وختي ياسمين : ايه احكيلي واش قلك ايناس : ياسمين من كترت الفرحة ننيش عارفة كيفاه رايحة نعبرلك و الله ياسمين : متقوليليش بلي راكي معاه ايناس : ايه و الله راني معاه و قالي نحبك و الله و الله ياسمين : ههه راكي تكذبي ايناس : و الله مراني نكذب و الله ياسمين : يا عمري اياي نعنقك مبروك عليك ربي يدومها المحبة مابينتكم ايناس : امين يا ربي تعرفي شحال هايل واو واش نحكيلك واش نخلي. دايمن مع حكايات سرين جازو يمات و رحت درت لبارمي و عطاوهولي و كان كل يوم يجي يديني و يزيد يعلمني كيفاش نسوق كانو احسن يامات يعلم كنت معاه كي طفل صغير نضحكو نزهاو جازو ايام و انا هكذا معاه دينها غير ضحك و تحواس تعلمت نسوق وليت انا ندي ختي للجامعة كان كل يوم يفوت عليا نزيد نحبو اكتر نكتشف انو مكاش حياة بلا بيه كنت نهار لي نشفو يضحك نحس دنيا راهي تضحكلي كنت كل يومين يديني للبحر نريمو مستقبلنا كيفاه رايحة نعيشو حتى خيرنا اسموات ولدنا ههه و كونا احسن كوبل كنت نقرسو و نروح نجري في البحر و نخليه يجري موريا كان يعملني كي طفلة صغيرة كنت كي نروح الدار يسقسوني يقلولي وشبيك هذا اشهر راكي هبلتي ههه كانو دايمن يلقاوني نضحك وحدي و نهدر وحدي نتخيل كي نتزوجو كيفاه رايحين نعيشو نتخايل نهار عرسي كيفاه هو وعدني بأحلى عرس راح يصرى في هذي دنيا