22,,,,,,,,بقيت قاعدة نعيطلو و محبش يريبوندي حتى نسمع في الحس هبطت طليت لقيت محمد مع دارهم جاو و نسمع في بابا يبهدل فيهم طلعت نجري و غلقت وذنيا محبيت نسمع والو الانسان لي نحبو راه يضارب مع بابا يا ربي اوقف معايا يا رب بقيت قلعدة وحد نص ساعة و انا غالقة وذنيا حتى جات ختي و قاتلي ايناس ايناس ياسمين : واش تسحقي منيش نسمع في الحس وقيلا دار محمد خرجو ياسمين : ههههه و الله محمد عرف كيفاه يقنع بابا اهبطي وجدي القهوة اليوم الخطبة تاعك نهار لي قلتهالي مصدقتش ياسمين ياك مراكيش تتمسخري ياك صح كاينة منها ياسمين : هههه و الله يا ختي الحمد الله لي صرى واش كنتي متمنيا اهبطي حبيبك راه يسنى فيك بديت نبكي و هبطت ليهم و عنقني بابا و قالي مبروك عليك مصدقتش بلي حلمي تحقق جازت خطبتي و كانت احلى ايام في حيلتي جازو بالخف اشهر الخطوبة ياسمين : ايناس نوضي كيفاش راه جايك رقاد و اليوم عرسك ايناس : هههه وي باصك الليل كامل و حنا نهدرو في تلفون ياسمين : بففف اليوم رايحة تتزوجي بيه واش بقلكم تهدرو في تلفون ايناس : هههه منقدرش نصبر عليه ياسمين : نوضي نرحو للحفافة خفي نضنا و رحنا للحفافة و دارتلي قفة فوق راسي و بعتتني رحنا الدار و قاغدة نسنى فيهم يجو قلبي كان رايح يحبس فجأة سمعت صوت طموبيلات يصونو قلبي حبس دهلت يماه و ختو و خرجوني و رحنا لصالة درت حالة بشطيح ممبعد لبست لاغوب لونج و دخلنا انا وياه شطحنا ڨلبناها ممبعد باسني و جبنا خارجين رايحين اوتال بدات ماما تبكي و بابا يبكي حتى انا بكيت من كترت الفرحة و زدت بكيت على درنا لي تربيت فيها و دوكا راني خارجة منها ركبنا في طموبيل و رحنا كانت احلى ليلة في حياتي عوضلي كامل شس لي فاتني رحنا شهر العسل و كان احلى ايامي حتى كي رجعنا بقينا في العسل عايشين الحمد الله بعد معاناة طويلة بصح هذيك الالم خلاص و تحول لسعادة تحول القصة حب يخكو فيها ناس هذا بفضل ربي كي دعيتلو ستجبل لدعاواتي ......خلاصت قصة حبي و معانتي و المي بالفرح و زواج ...
💞.....#النهااااااااية ....💞
... 💞 خلاصت لحكاية💞
أنت تقرأ
كرونيك: 💔💔لماذا _تركتني؟💔💔
Fanfic💞 سلااام . واش راكم حبابي 😘😘 تلمو كاملين 💞💞💞 كرونيك قصيرة تاع قسرة نلقا تفاعل نكملها ** #لماذا_تركتني ** منقووووولة #### باللهجة الجزائرية 🇩🇿🇩🇿🇩🇿 1 ,,,,,,,,,, ايناس خلاص دموع نشفولك و نتي تبكي عليه خلاص نسايه ايناس : ياسمين مقدرتش زعم...
