كرونيك: 💔💔لماذا _تركتني؟💔💔

💔البارت 10💔

10,,,,,,,,,,نضنا انا و ياسمين سيقنا دار و خملنها ايناس : ياسمين محمد البارح في الليل معيطليش و مام صباح معيطش سقسى ماشي عوايدو ملفا هو ينوضني ياسمين : هههه بوه عليا بوه وشبيك متفهمتيش انا و جمال كي خطبني و الله يومين معيطش هوما يحبو يديروها زكارة سكتي سكتي و كملي شغلك مبقاش بزاف و يجو قاعدة نڨسر مع ختي حتى نسمع غي ماما و بابا يضاربو اووه عليا نتا هذا وين جي ناس راهم قريب يوصلو و نتا مزال مدوشتش يا مرى يهديك ربي سكتي هذا وين راني وصلت راني عيان ياسمين : ماما خليه يريح مزال الحال و شبيك راكي مقلقة ايناس : ماما راهي مقلقة كتر مني شغل هي راهم جايين يخطبوها ياسمين : ههههه سكتي سكتي دوكا تسمعك تمسح بيك دار ههه خملنا دار و طلعت لبست و مكييت و قاعدة نسنى فاتت ساعة و مزال مجاوش جات ليا ماما و قاتلي بنتي ماشي طولو شويا ياسمين : بلاك حصلو في طريق هذا مكان رفدت تلفون عيطت لمحمد تلفون مغلوق ياسمين : ايناس وشبيك مقلقة دوك يجو ايناس : يا ختي راني حاسة حاجة رايحة تصرى قلبي راه مزير و شوفي معيطليش كامل ياسمين : غير نتي لي راكي موسوسة دوك زادت جازت ساعة و مكان حتى حاجة ايناس : ياسمين وين راه علاش مجاوش حبو يهبلوني ياسمين : دوك يجو وشبيك ايناس : اووف يماه قالت ليما على 3 نكنو عندكم راهي 5 و مزال مجاوش هبطت نجري و قعدت في صالون مع بابا و ماما ممبعد بابا قال لماما عيطي مدام صفية و قليلها وين راكي عندنا ساعتين و حنا نسناو فيهم رفدت تلفون ماما و عيطت ليمات محمد ريبوندات و قاتلها ماما غير الخير شفناكم طولتو عيطنا نسقسو وقيلا حصلتو في طريق بقيت نشوف في ماما وجهها تبدل قلبي بدى يرجف ماما غير كوبات ماما واش كاين راهم في طريق ياك يما علاه راكي ساكتة واش كاين بنتي و الله معلبالي واش راني رايحة نقلك ياسمين : ماما اهدري واش كاين راهم جايين و لا لالا ايناس : ماما الله يسترك اهدري قلبي رايح يحبس واش كاين