ﻳﻮﻣﻴﺎﺕ ﻣﺴﻄﻮﻟﻪ 3
ﺍﻫﺎ ﻃﺒﻌﺎ ﺍﻧﺎ ﻟﻘﻴﺖ ﻋﻠﺒﺘﻴﻦ ﺯﻱ ﻣﺎ ﻭﺻﻔﺖ ﻟﻲ ﺍﻟﻤﺮﺓ ﺑﺎﻟﻀﺒﻂ ﻭﻃﺒﻌﺎ ﻃﺒﻴﻌﻲ ﺃﻱ ﺑﻨﻲ ﺁﺩﻡ ﺑﻘﺪﺭ ﻳﻔﺮﻕ ﺑﻴﻦ ﺍﻟﺴﻜﺮ ﻭﺍﻟﻤﻠﺢ ﻟﻜﻦ ﺍﻧﺎ ﻣﺎ ﺑﻌﺮﻑ ﺃﻇﻦ ﻣﻦ ﺗﻔﻜﻴﺮﻱ ﻓﻲ ﻃﻠﺐ ﺍﻟﺸﺎﻱ ﺗﻘﻮﻝ ﻃﻠﺐ ﻳﺪﻱ ﻃﻌﻤﺖ ﺑﻜﻞ ﺛﻘﺔ ﻭﻣﺸﻴﺖ ﻭﺩﻳﺘﻪ ﻭﻋﻴﻮﻧﻲ ﺑﺘﺮﻣﺶ ﺑﺴﺮﻋﺔ ﻭﺑﺴﻤﺔ ﺧﻔﻴﻔﺔ ﻛﺪﻩ ﻭﺍﺩﻳﺘﻪ ﺍﻟﺼﻴﻨﻴﺔ ﻭﻣﺸﻴﺖ
ﺩﺧﻠﺖ ﺍﻟﻤﻄﺒﺦ ﻋﺸﺎﻥ ﺍﺭﺟﻊ ﺍﻟﺤﺎﺟﺎﺕ ﻣﺤﻠﻬﺎ ﻭﻟﻤﻦ ﺭﻛﺰﺕ ﻓﻲ ﺍﻟﻌﻠﺒﺔ ﻟﻘﻴﺘﻬﺎ ﺣﻘﺖ ﺍﻟﻤﻠﺢ ﺟﺎﺗﻨﻲ ﻗﺒﻀﺔ ﻛﺪﻩ ﻏﺮﻳﺒﺔ ﻭﻃﻌﻨﺎﺕ ﻓﻲ ﻛﻠﻮﻱ
ﻣﺸﻴﺖ ﺍﺗﺎﻭﻕ ﻟﻘﻴﺘﻮ ﻗﺎﻋﺪ ﻓﻲ ﺗﻠﻔﻮﻧﻪ ﻭﺍﻟﻜﺒﺎﻳﺔ ﻓﻲ ﻇﻬﺮ ﺍﻟﺘﻠﻔﺰﻳﻮﻥ ﻋﺮﻓﺘﻮ ﺣﺮﺩﻭ ﻋﻤﻠﺖ ﺭﺍﻳﺤﺔ ﻭﻣﺸﻴﺖ ﺍﺷﺘﻐﻞ ﻣﻊ ﺍﻟﻨﺎﺱ
ﺑﻌﺪ ﺳﺎﻋﺔ ﻭﺷﻮﻳﺔ ﻛﺪﻩ ﻃﻠﻌﺖ ﺍﻟﺸﺎﺭﻉ ﻛﺎﻥ ﻓﻲ ﺷﺠﺮﺓ ﻛﺒﻴﻴﻴﻴﺮﺓ ﻛﺪﻩ ﻋﺎﻳﻨﺖ ﻓﻮﻕ ﻟﻘﻴﺖ ﻗﺮﺩ ﻭﻗﻔﺖ ﺟﻨﺐ ﺍﻟﺸﺠﺮﺓ ﻭﺑﻘﻴﺖ ﺍﺷﺎﻏﻞ ﻓﻴﻪ ﺑﻌﺪ ﺷﻮﻳﺔ ﺑﻘﻲ ﻳﻔﻠﻘﻨﻲ ﺑﺠﻮﺍﻓﺔ ﺻﻐﻴﺮﺓ ﻭﻋﺮﻓﺖ ﺩﻱ ﺷﺠﺮﺓ ﺟﻮﺍﻓﺔ ﻓﺮﺣﺖ ﻭﺑﻘﻴﺖ ﺍﺗﺎﻭﻕ ﻟﻘﻴﺖ ﺍﻟﻨﺎﺱ ﻛﻠﻬﺎ ﻣﺸﻐﻮﻟﺔ ﻣﺸﻴﺖ ﻭﺭﺍ ﺍﻟﺸﺠﺮﺓ ﻭﻟﻘﻴﺖ ﺳﻠﻢ ﺍﻟﻨﻮﻉ ﺍﻟﻔﻴﻪ ﺟﻬﺘﻴﻦ ﻭﺛﺎﺑﺖ ﻓﻲ ﺍﻷﺭﺽ ﻃﻮﺍﻟﻲ ﻋﻨﻘﻠﺖ ﻋﺒﺎﻳﺘﻲ ﻓﻲ ﻧﺼﻲ ﻭﺗﺤﺖ ﻻﺑﺴﺔ ﺑﻨﻄﻠﻮﻥ ﺟﻴﻨﺰ ﻭﻃﻠﻌﺖ ﻭﺑﻘﻴﺖ ﺍﺭﻓﻊ ﻓﻲ ﻧﺼﻲ ﻋﺸﺎﻥ ﺍﺣﺼﻞ ﺍﻟﺠﻮﺍﻓﺔ ﺍﻟﻘﺮﺩ ﻛﻞ ﻣﺎ ﺍﺟﻴﺐ ﻳﺪﻱ ﻳﻀﺮﺑﻨﻲ ﻭﺍﺷﻴﻞ ﻭﺍﻧﺒﺬ ﻓﻴﻪ ﻳﺎﺥ ﻣﺎﻟﻚ ﺧﻠﻴﻨﻲ ﺧﻠﻴﺖ ﺍﻟﺴﻠﻢ ﻭﻃﻠﻌﺖ ﻭﺛﺒﺖ ﻓﻲ ﺍﻟﺸﺠﺮﺓ ﻋﺸﺎﻥ ﺍﻟﺤﻖ ﺯﻳﺎﺩﺓ ﺑﻌﺪ ﺷﻮﻳﺔ ﺳﻤﻌﺖ ﺣﺎﺟﺔ ﻗﺎﻟﺖ ﺷﻴﻴﻴﻴﻴﻴﻴﻂ
ﺍﻟﻠﻴﻠﺔ ﻛﺮ ﻋﻠﻴﻚ ﻳﺎ ﻫﺒﺔ ﻗﻠﺖ ﺃﻧﺰﻝ ﻋﺸﺎﻥ ﻗﺒﻞ ﻣﺎ ﺯﻭﻝ ﻳﺸﻮﻓﻨﻲ ﻭﻟﺴﻪ ﻣﺎ ﻋﺎﺭﻓﺔ ﺍﻟﻘﺎﻝ ﺷﻴﻂ ﺩﻩ ﺷﻨﻮ 😂😂😂😂 ﺍﻟﻤﻬﻢ ﻭﺃﻫﻢ ﻣﺎﻓﻲ ﺍﻟﻤﻮﺿﻮﻉ ﻗﻄﻌﺖ ﺟﻮﺍﻓﺔ ﻟﻤﻦ ﺑﻘﻴﺖ ﺍﻓﺘﺶ ﻓﻲ ﺍﻟﺴﻠﻢ ﺑﺮﺟﻮﻟﻲ ﻟﻘﻴﺘﻮ ﻣﺎﻓﻲ ﻗﺒﻠﺖ ﻟﻘﻴﺖ ﻫﻨﺪ ﻭﻣﻌﺎﻫﺎ ﻛﻢ ﺷﺎﻓﻊ ﺷﺎﻟﻮﻩ 😢😢😭😭😢😭😭😭 ﻛﺮ ﻋﻠﻲ ﻛﺮ ﻋﻠﻲ ﻭﺑﻘﻴﺖ ﻣﻌﻠﻘﺔ ﻓﻲ ﺍﻟﺸﺠﺮﺓ 😂😂😂😂😂
ﻣﺎ ﻋﺮﻓﺖ ﺍﻋﻤﻞ ﺷﻨﻮ ﺑﻘﻴﺖ ﺷﻐﺎﻟﺔ ﻫﻨﺪﻭﻳﺔ ﻳﺎ ﻋﺴﻞ ﺭﺟﻌﻮ ﺍﻟﺴﻠﻢ ﻋﺸﺎﻥ ﻣﺎ ﺍﻗﻊ 😂😂😂 ﺑﻘﺖ ﺗﺤﺎﻛﻴﻨﻲ ﻫﻨﺪﻭﻳﺔ ﻳﺎ ﻋﺴﻞ ﻋﻠﻴﻚ ﺍﻟﻠﻪ 😂😂😂😂 ﺑﻌﺪ ﺷﻮﻳﺔ ﺳﻤﻌﺘﻬﺎ ﻗﺎﻟﺖ ﻋﻤﻮﻭﻭﻭﻭﻭ ﺧﺎﻟﺪ ﺍﻟﻠﻴﻠﺔ ﻭﻭﻭﻭﻭﻭﻭﺏ ﺧﺎﻟﺪ ﻋﺪﻳﻞ ﻛﺪﻩ ﻋﻠﻴﻚ ﺍﻟﻠﻪ ﻳﺎ ﻫﻨﺪ ﻻ ﺣﺴﻴﺖ ﺑﺠﺴﻤﻲ ﺑﺮﺭﺭﺭﺭﺩ ﺷﺪﻳﺪ ﻭﻋﺮﻗﺖ ﻭﻗﺮﺑﺖ ﺍﺑﻜﻲ ﻳﺎ ﻳﻤﻲ ﺣﺎﻝ ﺍﻟﺴﻮﺍﺩ ﻗﻠﺖ ﻟﻴﻬﺎ ﻭﺍﻟﻠﻪ ﺃﻧﺰﻝ ﻛﺎﻥ ﺍﻗﺘﻠﻚ 😭😭😭😭 ﻳﻼ ﺧﺎﻟﺪ ﺩﻩ ﻋﻤﻬﺎ ﺍﻟﺼﻐﻴﺮ ﻭﻣﻐﺘﺮﺏ ﻭﺟﺎ ﺍﻟﺒﻠﺪ ﺩﻱ ﻟﻌﺮﺱ ﺍﺧﺘﻮ ﻭﺁﺧﺮ ﻣﺮﺓ ﺷﻔﺘﻮ ﻓﻲ ﻋﺮﺱ ﺍﺧﺘﻲ ﻗﺒﻞ ﺃﺭﺑﻌﺔ ﺳﻨﻪ ﻭﻳﺎ ﻳﻤﻲ ﻋﻠﻴﻪ ﻧﻀﺎﻓﺔ ﺟﺴﻤﻪ ﻛﻠﻮ ﺍﻧﻀﻒ ﻣﻦ ﻟﺴﺎﻧﻲ 😂😂😂😂 ﻭﻃﺒﻌﺎ ﺍﺧﺘﻲ ﻃﻮﺍﻟﻲ ﺑﺘﻘﻮﻝ ﻟﻲ ﺧﺎﻟﺪ ﺩﻩ ﺣﻘﻮ ﻧﻌﺮﺳﻮ ﻟﻴﻚ ﻗﻠﺖ ﻟﻴﻬﺎ ﻳﺎﺍﺍﺭﻳﻴﻴﻴﺖ 😂😂😂 ﻭﺍﺗﻤﻨﻴﺖ ﺍﻷﺭﺽ ﺗﺒﻠﻌﻨﻲ ﻭﻻ ﻳﺸﻮﻓﻨﻲ ﻣﻌﻠﻘﺔ ﻛﺪﻩ ﺯﻱ ﻟﺤﻤﺔ ﺍﻟﺸﺮﻣﻮﻁ ﺍﻟﻨﺴﻮﻫﺎ ﻭﻧﺸﻔﺖ 😭😭😭😭😭😭😭 ﻭﻫﻨﺪ ﻣﺼﺮﺓ ﻳﺎ ﻋﻤﻮﻭﻭﻭﻭﻭ ﺗﻌﺎﻝ ﻋﺸﺎﻥ ﺧﺎﻟﺘﻮ ﺡ ﺗﻘﻊ ﺑﻌﺪ ﺷﻮﻳﺔ ﺧﺎﻟﺪ ﻇﻬﺮ ﺍﺣﻴﻴﻴﻴﻲ ﻭﺍﺣﻴﻴﻴﻴﻲ ﻃﻮﺍﻟﻲ ﺍﺗﺬﻛﺮﺕ ﺍﻟﺤﺎﺟﺔ ﺍﻟﻘﺎﻟﺖ ﺷﻴﻂ ﻭﺡ ﺗﻜﻮﻥ ﻇﺎﻫﺮﺓ ﻣﺎ ﻓﻀﻞ ﻟﻲ ﺍﻛﻮﺭﻙ ﺍﻟﻠﻪ ﻣﺎ ﻳﺨﺘﻜﻢ ﻓﻲ ﻣﻮﻗﻒ ﺯﻱ ﺩﻩ 😭😭😭😭😭😂😂😂 ﻃﻮﺍﻟﻲ ﻋﻤﻠﺖ ﻣﻴﺘﺔ ﻭﻟﺼﻘﺖ ﺭﺍﺳﻲ ﻓﻲ ﺍﻟﺸﺠﺮﺓ ﺑﻌﺪ ﺷﻮﻳﺔ ﻗﺎﻝ ﻟﻲ ﺧﺎﻟﺪ ﻫﺒﺔ ﺍﻧﺰﻟﻲ ﺍﻧﺎ ﺧﺘﻴﺖ ﻟﻴﻚ ﺍﻟﺴﻠﻢ 😭😭😭😭😭 ﻭﺡ ﺍﻣﺸﻲ ﺍﻧﺎ ﺑﺲ ﺍﻧﺰﻟﻲ ﺑﺮﺍﺣﺔ ﻗﺒﻠﺖ ﻟﻘﻴﺘﻮ ﻣﺎﻓﻲ ﺧﺘﻴﺖ ﺭﺟﻠﻲ ﻓﻲ ﺍﻟﺴﻠﻢ ﻫﻨﺪ ﻭﻣﻌﺎﻫﺎ ﺷﺎﻓﻊ ﺟﺮﻭﻩ ﺗﺎﻧﻲ ﻭﺭﺟﻠﻲ ﺍﻟﺘﺎﻧﻴﺔ ﻓﻠﺘﺖ ﻭﺟﻴﺖ ﻭﺍﻗﻌﺔ ﻭﺑﻘﻴﺖ ﻭﺍﻗﻌﺔ ﻗﺒﻠﻲ ﻭﺑﺒﻜﻲ 😭😭 ﺑﻌﺪﻫﺎ ﺟﺎ ﺧﺎﻟﺪ ﻣﺪ ﻟﻲ ﻳﺪﻩ ﻗﺎﻝ ﻟﻲ ﻣﻌﻠﻴﺶ ﻗﻮﻣﻲ ﻗﻤﺖ ﻭﻓﻜﻴﺖ ﻳﺪﻩ ﻭﺑﻘﻴﺖ ﻣﺎﺷﺔ ﻭﺍﻟﻌﺒﺎﻳﺔ ﻣﺸﺮﻭﻃﺔ ﻭﺭﺍ 😂😂😂😂😂😂 ﻧﻔﻀﺖ ﻧﻔﺴﻲ ﻭﻣﺸﻴﺖ ﻛﺄﻧﻪ ﻣﺎﻓﻲ ﺷﻲ ﻭﺍﻧﺸﻐﻠﺖ ﻣﻊ ﺍﻟﻨﺎﺱ ﻭﻋﺒﺎﻳﺘﻲ ﻭﺭﺍ ﻣﺸﺮﻭﻃﺔ 😭😭😭😭😭 ﻓﻲ ﺯﻭﻝ ﻣﺤﻈﻮﻅ ﺯﻳﻲ ﻛﺪﻩ 😂😂😂
ﺍﻫﺎ ﻧﺒﻬﺘﻨﻲ ﻭﺣﺪﺓ ﻛﺘﺮ ﺧﻴﺮﻫﺎ ﺍﻧﺎ ﻛﻨﺖ ﻧﺎﺳﻴﺔ ﺍﻟﻤﻮﺿﻮﻉ ﻃﺒﻌﺎ ﻃﻮﺍﻟﻲ ﺩﺧﻠﺖ ﻏﻴﺮﺕ ﺍﻟﻌﺒﺎﻳﺔ ﻭﻣﺸﻴﺖ ﻻﺧﺘﻲ ﻋﺸﺎﻥ ﺗﺪﻳﻨﻲ ﺍﻟﻘﺮﻭﺵ ﺍﺩﺗﻨﻲ ﺍﻟﻘﺮﻭﺵ ﻭﻃﻠﻌﺖ ﻋﺸﺎﻥ ﺍﻣﺸﻲ ﺍﻟﺴﻮﻕ ﺍﺷﺘﺮﻱ ﺍﻟﻔﺴﺘﺎﻥ ﺑﻌﺪ ﺣﺼﻠﺖ ﺑﺮﺓ ﺗﻠﻔﻮﻧﻲ ﺿﺮﺏ ﻃﻠﻌﺖ ﺩﻱ ﺻﺤﺒﺘﻲ ﻭﺣﺒﻴﺒﺘﻲ ﺍﺳﻤﻬﺎ ﺳﻬﺎﻡ ﺍﻫﺎ ﻋﺎﻳﺰﺓ ﺗﻌﺮﻑ ﺇﺧﺒﺎﺭﻱ ﻭﺣﻜﻴﺖ ﻟﻴﻬﺎ ﻣﻮﺿﻮﻉ ﺍﻟﺸﺠﺮﺓ ﻭﻣﻴﺘﻪ ﺑﺎﻟﻀﺤﻚ ﻗﻠﺖ ﻟﻴﻬﺎ ﺍﻗﻔﻠﻲ ﻋﺸﺎﻥ ﻣﺎﺷﺔ ﺍﻟﺴﻮﻕ ﺑﺮﺟﻊ ﻟﻴﻚ ﺑﻌﺪﻳﻦ ﺑﺲ ﻗﻔﻠﺖ ﻛﺪﻩ ﻗﺒﻠﺖ ﻭﺭﺍﻱ ﻟﻘﻴﺖ ﺧﺎﻟﺪ ﻗﺎﻋﺪ ﻭﺧﺎﻟﻒ ﺭﺟﻠﻮ ﻭﺧﺎﺗﻲ ﻳﺪﻭ ﻓﻲ ﺧﺸﻤﻮ ﻭﺑﻀﺤﻚ 😭😢😢😭 ﺣﻆ ﺍﻟﺴﻮﺍﺩ ﻭﺍﻟﺮﻣﺎﺩ ﻳﺎ ﻫﺒﺔ ﺻﺒﺖ ﻓﻴﻨﻲ ﻣﻄﺮﺓ ﻭﺟﺴﻤﻲ ﺗﻘﻞ ﺟﺎﺗﻨﻲ ﺷﺠﺎﻋﺔ ﻛﺪﻩ ﻭﻗﻠﺖ ﻟﻴﻪ ﻓﻲ ﺣﺎﺟﺔ ﻣﻀﺤﻜﺔ ﻗﺎﻝ ﻟﻲ ﻻﻻ ﺍﺑﺪﺍ ﻣﻌﻠﻴﺶ ﻣﻌﻠﻴﺶ 😂😂😂😂😂 ﻣﺸﻴﺖ ﻃﻮﺍﻟﻲ ﻭﻟﻔﻴﺖ ﺍﻟﺴﻮﻕ ﻭﺍﻟﺤﻤﺪ ﻟﻠﻪ ﻣﺎ ﺣﺼﻞ ﺷﻲ ﻭﻋﺪﺕ ﺳﻼﻡ 😂😂😂 ﺍﻫﺎ ﻭﺍﻧﺎ ﺭﺍﺟﻌﺔ ﻗﺒﻞ ﺍﻟﺒﻴﺖ ﺑﻜﻢ ﺷﺎﺭﻉ ﻭﺍﻧﺎ ﻣﺎﺷﺔ ﻓﻲ ﺃﻣﺎﻧﺔ ﺍﻟﻠﻪ ﻓﻲ ﻭﺍﺣﺪ ﻗﺎﻝ ﻟﻲ ﺛﺎﺍﺍﺍﺍﺍﺑﺖ ﻋﻨﺪﻙ 😳😳 ﺍﺟﻲ ﻳﺎ ﺛﺎﺑﺖ ﻋﻨﺪﻙ ﻭﻗﻔﺖ ﻭﻋﺎﻳﺰﺓ ﺃﻗﺒﻞ ﻗﺎﻝ ﻟﻲ ﺍﻭﻋﻚ ﺗﺘﻠﻔﺘﻲ ﺧﺘﻲ ﻛﻴﺴﻚ ﺩﻩ ﻭﺍﺭﻓﻌﻲ ﻳﺪﻙ ﻓﻮﻭﻭﻭﻭﻕ ﺟﺎﻧﻲ ﺣﻮﻝ ﻭﺑﻘﻴﺖ ﻣﺎ ﻓﺎﻫﻤﺔ ﺷﻲ ﻃﻮﺍﻟﻲ ﺩﺧﻠﺖ ﺗﻠﻔﻮﻧﻲ ﻓﻲ ﺻﺪﺭﻱ 😂😂😂 ﻭﺭﻓﻌﺖ ﻳﺪﻱ ﻫﻬﻬﻬﻪ ﺍﺗﺎﺭﻳﻬﻮ ﺩﻩ ﻣﺠﻨﻮﻥ ﺍﻟﺤﻠﺔ ﻭﺍﻧﺎ ﺑﻘﻴﺖ ﻓﻲ ﻭﺿﻊ ﻻ ﺃﺣﺴﺪ ﻋﻠﻴﻪ ﺍﺷﺘﻬﻴﺖ ﺍﻣﻲ ﻓﻲ ﺍﻟﻠﺤﻈﺔ ﺩﻱ
يتبع
