ﻳﻮﻣﻴﺎﺕ ﻣﺴﻄﻮﻟﻪ 2
ﺍﻫﺎ ﻃﺒﻌﺎ ﺑﻌﺪ ﺍﻟﻮﻗﻌﺔ ﺣﻠﻔﺖ ﺍﻣﺸﻲ ﺑﻴﺘﻨﺎ ﻭﺩﺧﻠﺖ ﻗﻠﺖ ﻻﺧﺘﻲ ﺑﻴﺘﻚ ﺩﻩ ﺟﺎﺏ ﻟﻲ ﺍﻟﻌﻮﺍﺭﺽ ﻭﺍﻟﻌﻴﻦ ﻣﺎﺍﺍﺍﺍﺍﺷﺔ ﻻﻣﻲ ﺍﻧﺎ ﻫﻨﺪ ﻗﺎﻟﺖ ﻟﻲ ﻓﻲ ﺯﻭﻝ ﺭﺍﺑﻄﻚ ﻣﺎ ﺗﻤﺸﻲ ﻛﺮﻣﺸﺖ ﻟﻲ ﺃﺣﺎﺳﻴﺴﻲ ﻗﻠﺖ ﻟﻴﻬﺎ ﻫﺲ ﻳﺎ ﺑﺖ ﻗﺎﻟﺖ ﻟﻲ ﻳﻬﺮﺳﻚ ﺟﺪﻱ ﻃﻮﺍﻟﻲ ﺷﻠﺖ ﻛﻴﺴﻲ ﻭﺍﺗﺨﺎﺭﺟﺖ ﻃﺒﻌﺎ ﻭﻗﻔﺖ ﺟﻨﺐ ﺑﺎﺏ ﺍﻟﺸﺎﺭﻉ ﺍﺗﺎﻭﻕ ﻋﺸﺎﻥ ﺍﺷﻮﻑ ﺃﻣﺠﺪ ﻓﻲ ﻭﻻ ﻏﺎﺭ
ﻟﻘﻴﺘﻮ ﺩﺧﻞ ﺍﻟﺤﻤﺪﻟﻠﻪ ﻃﻮﺍﻟﻲ ﻛﺘﺤﺖ ﻭﺍﻧﺖ ﻻﻓﺤﺔ ﻛﻴﺴﻲ ﻭﻣﺸﻴﺖ ﺍﻟﺒﻴﺖ ﺩﺧﻠﺖ ﺑﻴﺘﻨﺎ ﻟﻘﻴﺖ ﺍﺑﻮﻱ ﺭﺍﻗﺪ ﻓﻲ ﺍﻟﺤﻮﺵ ﺑﻼﻱ ﺟﺴﻤﻲ ﺑﺮﺩ ﻭﺑﻘﻴﺖ ﻣﺎﺷﺔ ﺯﻱ ﺍﻹﻧﺴﺎﻥ ﺍﻵﻟﻲ ﻗﺎﻝ ﻟﻲ ﻣﺎﻟﻚ ﺟﻴﺘﻲ ﻭﺍﺧﺘﻚ ﻛﻴﻒ ﻗﻠﺖ ﻟﻴﻬﻮ ﻛﻮﻳﺴﺔ ﺍﻟﺤﻤﺪﻟﻠﻪ ﺑﺲ ﺟﻴﺖ ﺃﺳﻠﻢ ﻋﻠﻴﻜﻢ ﻗﺎﻝ ﻟﻲ ﺍﻳﻮﺍﺍﺍ ﺧﺸﻲ ﻋﻠﻲ ﺃﻣﻚ ﻭﺍﺭﺗﺎﺣﻲ ﻋﺸﺎﻥ ﺗﺮﺟﻌﻲ ﻗﺒﻞ ﺍﻟﻠﻴﻞ ﻣﺸﻴﺖ ﺟﻮﺓ ﻭﺍﻧﺎ ﺑﺘﺎﻟﻢ ﺍﻭﻝ ﻣﺮﺓ ﺍﺷﻮﻑ ﺃﻫﻞ ﻣﺴﺘﻐﻨﻴﻦ ﻋﻦ ﺑﺘﻬﻢ ﻛﺪﻩ ﺳﻠﻤﺖ ﻋﻠﻲ ﺍﻣﻲ ﻭﺃﺧﺘﻲ ﺿﺮﺑﺖ ﻟﻲ ﻗﺎﻟﺖ ﺑﻜﺮﺓ ﻋﺮﺱ ﺳﻠﻤﻲ ﻓﻲ ﺻﺎﻟﺔ ﻟﻴﻠﻪ ﺍﻟﻌﻤﺮ ﻟﻜﻦ ﺡ ﺍﻣﺸﻲ ﻫﺴﻲ ﻭﺍﺑﻴﺖ ﻗﻠﺖ ﻟﻴﻬﺎ ﻫﺴﻲ ﺑﺠﻴﻜﻢ ﺍﻧﺘﻈﺮﻳﻨﻲ
ﻣﻌﻠﻴﺶ ﺑﺲ ﺗﻠﻔﻮﻧﻲ ﺑﻌﻠﻖ ﻭﺷﻜﻠﻮ ﻗﺪﻡ ﻳﺎﻛﺎﻓﻲ ﺍﻟﺒﻼ ﻻ ﺳﻴﺪ ﺭﻳﺪ ﻻ ﺳﻴﺪ ﻟﺒﻦ
ﺍﺭﺟﻮﻧﻲ ﺩﻗﺎﻳﻖ ﻭﺍﻋﺪﻝ ﻣﻮﺍﻗﻒ ﺍﻟﻌﺮﺱ
ﺍﻫﺎ ﻛﺸﺤﺖ ﻃﻮﺍﻟﻲ ﻋﻠﻲ ﺑﻴﺖ ﺍﺧﺘﻲ ﻻﺯﻡ ﻃﺒﻌﺎ ﺍﻟﻤﻮﺿﻮﻉ ﻓﻴﻪ ﻋﺮﺱ ﻭﻗﻠﺖ ﻻﺧﺘﻲ ﻻﺯﻡ ﺗﺸﺘﺮﻱ ﻟﻲ ﻓﺴﺘﺎﻥ ﻗﺎﻟﺖ ﺑﺪﻳﻚ ﺍﻟﻘﺮﻭﺵ ﺑﻜﺮﺓ ﺍﻣﺸﻲ ﺑﺎﻟﻨﻬﺎﺭ ﺍﺷﺘﺮﻱ ﻟﻴﻚ ﻓﺴﺘﺎﻥ ﺍﻫﺎ ﻭﺻﻠﻨﺎ ﺑﻴﺖ ﺍﻟﻌﺮﺱ ﻳﻼ ﺍﻟﺒﻴﺖ ﻛﺒﻴﻴﻴﻴﻴﻴﻴﻴﺮ ﻣﺎﺷﺎﺀ ﺍﻟﻠﻪ ﻋﻤﺎﺭﺓ ﻛﻢ ﻃﺎﺑﻖ ﺍﻭﻝ ﺣﺎﺟﺔ ﺩﺧﻠﺖ ﺑﺮﺟﻠﻲ ﺍﻟﻴﻤﻴﻦ ﻭﻗﻠﺖ ﻳﺎ ﺍﻟﻠﻪ ﻋﺮﻳﺲ ﻣﻦ ﺍﻟﺒﻴﺖ ﺩﻩ
😂😂 ﺍﻫﺎ ﻟﻘﻴﻨﺎ ﻟﻴﻚ ﺍﻟﺤﺮﻳﻢ ﻣﺮﺻﻮﺻﺎﺕ ﺯﻱ ﺃﺳﻨﺎﻥ ﺍﻟﻤﺸﻂ ﺷﻐﺎﻻﺕ ﺷﻐﻞ ﺍﻻﻛﻞ 😂 ﻣﺎﺷﺎﺀ ﺍﻟﻠﻪ ﺗﺒﺎﺭﻙ ﺍﻟﻠﻪ ﻳﻌﻨﻲ ﻭﺑﺪﻭ ﻳﻌﻤﻠﻮ ﺍﻟﻌﺸﺎﺀ ﻟﻠﻨﺎﺱ ﺍﻟﺒﺎﻳﺘﻴﻦ ﺍﺧﺘﻲ ﻃﺒﻌﺎ ﻋﺸﺎﻥ ﺍﻟﺤﻤﻞ ﺩﻟﻌﻮﻫﺎ ﺩﻟﻊ ﺧﺸﻲ ﺍﺭﻗﺪﻱ ﻭﺟﻬﺰﻭ ﻟﻴﻬﺎ ﺳﺮﻳﺮ ﺑﺪﻳﺖ ﺍﺟﻬﺰ ﻣﻌﺎﻫﻢ ﺍﻟﻌﺸﺎﺀ ﻓﻲ ﺻﻴﻨﻴﺔ ﺩﺧﻠﻨﺎﻫﺎ ﻟﺸﺒﺎﺏ ﻗﺎﻋﺪﻳﻦ ﻓﻲ ﻏﺮﻓﺔ ﺟﻮﺓ ﺑﻼﻱ ﻣﻦ ﺷﻔﺘﻬﻢ ﺟﺴﻤﻲ ﺍﺗﻌﺪﻝ ﺑﺮﺍﻩ ﻭﺑﻘﻴﺖ ﺍﺗﺮﺍﻗﺺ 😂😂😂😂 ﺃﻭﻻﺩ ﺯﻱ ﺻﻴﻨﻴﻪ ﺍﻟﺒﺴﺒﻮﺳﺔ 😂😂😂 ﻗﺎﻟﻮ ﺩﻳﻞ ﺃﻭﻻﺩ ﺣﻤﺎﻩ ﺍﺧﺘﻲ ﻟﻜﻦ ﻣﺎ ﺣﺼﻞ ﺷﻔﺘﻬﻢ ﺍﻫﺎ ﺧﺘﻴﻨﺎ ﺍﻟﻌﺸﺎﺀ ﻭﺑﻘﻴﺖ ﻭﺍﻗﻔﺔ ﺑﻌﺎﻳﻦ ﺯﻱ ﻧﺎﺱ ﺍﻟﺨﺪﻣﺎﺕ ﺍﻟﺒﺮﺟﻮ ﺍﻟﺘﺎﺱ 😂😂😂😂 ﺇﻻ ﺟﺮﺗﻨﻲ ﻭﺣﺪﺓ ﻣﻢ ﺍﻟﻔﺘﻮﺍﺕ ﺍﻟﻜﺎﻧﺖ ﻣﻌﺎﻱ ﺣﺘﻲ ﻭﻋﻴﺖ ﻭﻣﺸﻴﺖ ﻣﻦ ﻭﺻﻠﺖ ﺍﻟﺤﻮﺵ ﻛﺎﻥ ﻓﻲ ﻣﻮﻳﺔ ﻣﻜﺸﻮﺣﻪ ﻓﻲ ﺍﻟﺒﻼﻁ ﻃﺒﻌﺎ ﻋﺮﻓﺘﻮ ﺍﻟﺤﺼﻞ 😭😭😭😭ﺍﺧﺪﺕ ﻟﻲ ﺯﻟﻘﺔ ﺟﺎﺍﺍﺍﺍﻣﺪﺓ ﻛﺪﻩ ﻟﺤﺪﻱ ﻣﺎ ﻭﺻﻠﺖ ﺣﻠﺔ ﺍﻟﻔﻮﻝ ﻭﻛﺸﺤﺘﻬﺎ ﺯﻱ ﻣﺎﻫﻲ ﺑﻼﻱ ﺻﻮﺑﺖ ﺻﻮﻳﺐ 😂😂😂😂😂😂😂 ﺍﻟﺤﺮﻳﻢ ﺭﻓﻌﻮﻧﻲ ﻭﺷﻐﺎﻟﻴﻦ ﻳﺎ ﺳﺎﺗﺮ ﻳﺎ ﺳﺎﺗﺮ ﻭﺑﺘﺎﻋﺖ ﺍﻟﻔﻮﻝ ﺷﻐﺎﻟﺔ ﺍﺧﺪ ﺍﻟﺸﺮ ﺍﺧﺪ ﺍﻟﺸﺮ 😂😂😂 ﻭﻧﺎﺱ ﻳﺴﺎﻟﻮ ﺩﻱ ﻣﻨﻮ ﺩﻱ ﻣﻨﻮ ﺍﺧﺘﻲ ﺟﻠﺖ ﻣﺎﺭﻗﺔ ﻗﺎﻟﺖ ﻟﻲ ﺍﻟﻠﻪ ﻳﺤﺎﺯﻳﻚ ﻳﺎ ﻫﺒﺔ 😂😂😂😂😂 ﺍﻟﻤﻬﻢ ﺭﻓﻌﻮﻧﻲ ﻭﺭﻗﺒﺘﻲ ﻛﺎﻧﺖ ﻣﺘﺠﻬﺔ ﺍﺗﺠﺎﻩ ﻛﺪﻩ ﻏﺮﻳﺐ ﻻ ﻗﺪﺭﺕ ﺍﻋﺮﻓﻮ ﻳﻤﻴﻦ ﻭﻻ ﺷﻤﺎﻝ ﻭﻻ ﻓﻮﻕ ﻭﻻ ﺗﺤﺖ 😂😂😂😂😂😂 ﻭﺣﺪﺓ ﻣﻦ ﺍﻟﺤﺮﻳﻢ ﺩﺧﻠﺘﻨﻲ ﺟﻮﺓ ﻏﺮﻓﺔ ﻛﺪﻩ ﺑﻌﻴﺪﺓ ﻓﻴﻬﺎ ﻧﻔﺴﺎ ﺃﺧﺖ ﺍﻟﻌﺮﻭﺱ ﻣﺸﻴﺖ ﻗﻌﺪﺕ ﺟﻨﺒﻬﺎ ﻭﺑﻘﻴﻨﺎ ﻧﺘﻮﻧﺲ ﻭﻗﺮﺑﺖ ﻟﻠﺸﺎﻓﻊ ﻭﺑﻘﻴﺖ ﺍﻻﻋﺐ ﻓﻴﻪ ﻓﺠﺄﻩ ﺭﻓﻊ ﺑﺘﺎﻋﺘﻪ ﻭﺑﺎﻝ ﻓﻲ ﻭﺷﻲ 😭😭😭😭😭😭😂😂😂😂 ﺩﻱ ﺷﻨﻮ ﺍﻟﻤﺼﻴﺒﺔ ﺩﻱ 😭😭😭 ﻗﻤﺖ ﻏﻴﺮﺕ ﻫﺪﻭﻣﻲ ﻭﻃﻠﻌﺖ ﺍﻟﺴﻄﻮﺡ ﻗﺎﻟﻮ ﺍﻟﻔﺘﻮﺍﺕ ﺡ ﻳﻨﻮﻣﻮ ﻓﻲ ﺍﻟﺴﻄﻮﺡ
ﺟﺎﺗﻨﻲ ﺻﺤﻴﺔ ﻛﺪﻩ ﺯﻱ 3 ﺻﺒﺎﺣﺎ ﻗﻤﺖ ﻣﺪﻳﺖ ﺭﺍﺳﻲ ﻣﻦ ﺍﻟﺴﻄﻮﺡ ﻟﻘﻴﺖ ﻓﻲ ﻛﻢ ﺑﺖ ﺭﺍﻗﺪﺍﺕ ﻓﻲ ﻓﺮﺷﺔ ﻑ ﺍﻷﺭﺽ ﻭﺍﻇﺮﻑ ﺷﻲ ﻣﺸﺘﺤﺔ ﻳﺪﻳﻬﺎ ﻭﻛﺮﻋﻴﻬﺎ 😂😂😂😂😂 ﺑﻌﺪ ﺷﻮﻳﺔ ﻭﻗﻔﺖ ﻋﻠﻲ ﺣﻴﻠﻬﺎ ﻭﺑﻘﺖ ﺗﺮﻗﺺ 😂😂😂😂😂
ﺑﻤﺸﻲ ﻭﺍﺟﻲ ﺍﺣﻜﻲ ﻟﻴﻜﻢ ﺣﻤﺎﺭ ﺍﻟﻨﻮﻡ ﺍﻟﺸﺎﻟﻬﺎ 😂😂😂😂
ﺍﻫﺎ ﻃﺒﻌﺎ ﺑﻌﺪ ﺷﻔﺖ ﺍﻟﺒﺖ ﺑﺘﺮﻗﺺ ﺍﺗﺨﻠﻌﺖ ﻭﻗﻠﺖ ﺑﺴﻢ ﺍﻟﻠﻪ ﻣﺎﻟﻬﺎ ﻭﺍﻟﺒﺖ ﻣﺼﺮﺓ ﺗﺮﻗﺺ ﻭﻛﻤﺎﻥ ﺭﻗﻴﺺ ﺯﻧﻖ 😂😂😂 ﺷﺪﺗﻨﻲ ﻭﻟﻘﻴﺖ ﺭﻭﺣﻲ ﺑﺮﻗﺺ ﻣﻊ ﺭﻗﻴﺼﻬﺎ 😂😂😂😂 ﺍﻟﺸﻤﺎﺭ ﺣﺮﻗﻨﻲ ﺑﻌﺪ ﺍﺧﺪﺕ ﻟﻲ ﺿﺤﻜﺔ ﻛﺪﻩ ﻧﺰﻟﺖ ﺑﺮﺍﺣﺔ ﻟﺤﺪﻱ ﻣﺎ ﻭﺻﻠﺖ ﺗﺤﺖ ﺗﺎﻭﻗﺖ ﺑﺎﻟﺤﻴﻄﺔ ﻟﻘﻴﺖ ﺍﻟﺒﺖ ﻣﺎﻓﻲ ﻣﺸﻴﺖ ﺩﺧﻠﺖ ﺟﻮﺓ ﻟﻘﻴﺘﻬﺎ ﺩﺧﻠﺖ ﺍﻟﻤﻄﺒﺦ ﻭﻗﻄﻌﺖ ﻟﻴﻬﺎ ﺗﻼﺗﺔ ﻛﺒﺎﺑﻲ ﻣﻮﻳﺔ 😂😂😂😂 ﻟﻤﻦ ﻋﻄﺸﺘﻨﻲ ﻣﻌﺎﻫﺎ 😃😂 ﺑﻌﺪﻫﺎ ﻓﺘﺤﺖ ﺍﻟﻐﺮﻓﺔ ﺍﻟﻔﻴﻬﺎ ﺍﻻﻭﻻﺩ ﻟﻤﻦ ﺣﻴﻠﻲ ﺑﺮﺩ ﻭﻗﻠﺖ ﺍﻟﺒﺖ ﺩﻱ ﻣﺎﺷﺔ ﻭﻳﻦ ﻣﺸﻴﺖ ﻭﺭﺍﻫﺎ ﻓﺘﺤﺖ ﺍﻟﻤﺴﺠﻞ ﺃﻋﻠﻲ ﺻﻮﺕ 😂😂😂😂😂 ﻭﺑﻘﺖ ﺗﺮﻗﺺ ﻭﺷﻲ ﺭﻗﻴﺺ ﺑﺮﻗﺒﺘﻬﺎ ﻭﻛﻞ ﻣﺮﺓ ﺗﻨﺠﺪﻉ ﻓﻲ ﻭﺍﺣﺪ ﻣﻦ ﺍﻻﻭﻻﺩ 😂😂😂😂😂😂 ﺑﻀﻬﺮﻫﺎ ﻭﻛﻤﺎﻥ ﺣﺮﻛﺎﺕ ﺑﻬﻠﻮﺍﻧﻴﺔ ﺍﻧﺎ ﻣﺎ ﻗﺪﺭﺕ ﺃﻣﺴﻚ ﻧﻔﺴﻲ ﻭﻓﻜﻴﺖ ﺍﻟﻀﺤﻜﺔ ﻭﻛﺒﻴﻴﻴﺮﺓ ﻛﻤﺎﻥ 😂😂😂 ﺑﻌﺪ ﺷﻮﻳﺔ ﻟﻘﻴﺖ ﻣﺮﺓ ﺟﺎﺕ ﻗﺎﻟﺖ ﻟﻲ ﻣﺎﻟﻚ ﺃﺷﺮﺕ ﻟﻴﻬﺎ ﻗﺎﻟﺖ ﻟﻲ ﺳﺠﻤﻲ ﺳﺠﻤﻲ ﺩﻱ ﺃﺳﻤﺎﺀ ﺑﺖ ﺍﺧﺘﻲ ﺷﻜﻠﻮ ﺣﻤﺎﺭ ﺍﻟﻨﻮﻡ ﺷﺎﻟﻬﺎ ﺗﺎﻧﻲ ﻃﺒﻌﺎ ﺍﻻﻭﻻﺩ ﺻﺤﻮ ﻭﻣﻦ ﺻﺤﻮ ﺍﻧﺎ ﺩﺧﻠﺖ ﻭﻣﺴﻜﺖ ﺃﺳﻤﺎﺀ ﻭﺑﻘﻴﺖ ﺷﻐﺎﻟﺔ ﻟﻴﻬﺎ ﺑﺴﻢ ﺍﻟﻠﻪ ﺑﺴﻢ ﺍﻟﻠﻪ ﻣﺎﻟﻚ ﻳﺎ ﺍﺳﻮﻡ 😂😂😂😂😂 ﺍﻫﺎ ﻳﺎ ﺍﻟﺮﺷﺎﻗﺔ ﺍﻟﻘﺘﻠﺖ ﺍﺷﺮﺍﻗﺔ 😂😂 ﺑﻌﺪ ﺷﻮﻳﺔ ﺍﻟﺒﺖ ﻓﺘﺤﺖ ﻭﺩﻳﻨﺎﻫﺎ ﺑﺮﺍ ﻭﺭﻗﺪﻧﺎﻫﺎ ﺑﻼﻱ ﻃﻮﺍﻟﻲ ﺷﺨﺮﺕ 😂 ﺍﻧﺎ ﺑﻘﻴﺖ ﺍﺿﺤﻚ ﻭﻃﻠﻌﺖ ﺍﻟﺴﻄﻮﺡ ﻭﻧﻤﺖ
ﺍﻫﺎ ﺗﺎﻧﻲ ﻳﻮﻡ ﺻﺤﻴﺖ ﺑﺪﺭﻱ ﻭﺻﻠﻴﺖ ﻟﻘﻴﺖ ﺍﻟﺤﺮﻳﻢ ﺑﻌﻤﻠﻮ ﻓﻲ ﺍﻟﺸﺎﻱ ﻭﺑﺮﻣﻮ ﻓﻲ ﺍﻟﻠﻘﻴﻤﺎﺕ ﻭﻭﺯﻋﻮ ﺍﻟﺸﺎﻱ ﺍﻫﺎ ﺑﻌﺪ ﺷﺮﺑﺖ ﺍﻧﺎ ﺩﺧﻠﺖ ﺟﻮﺓ ﻻﻗﺎﻧﻲ ﻭﺍﺣﺪ ﻣﻦ ﺍﻷﻭﻻﺩ ﺟﻨﺐ ﺍﻟﺼﺎﻟﻮﻥ ﺍﻟﺪﺍﺧﻠﻲ ﻟﻤﻦ ﺍﺗﻌﺸﺮﻗﺖ ﻗﺎﻝ ﻟﻲ ﻣﻤﻜﻦ ﻃﻠﺐ ﻗﺮﺑﺖ ﺍﻗﻮﻝ ﻟﻴﻪ ﻣﻮﺍﻓﻘﺔ ﻣﻮﺍﻓﻘﺔ 😂😂 ﺗﻘﻠﺖ ﻭﻗﻠﺖ ﻟﻴﻪ ﺍﺗﻔﻀﻞ ﻗﺎﻝ ﻟﻲ ﺑﺲ ﻣﺎ ﺑﻘﺪﺭ ﺍﻃﻠﻊ ﻋﺸﺎﻥ ﺍﻟﺤﺮﻳﻢ ﻣﻤﻜﻦ ﺗﺠﻴﺒﻲ ﻟﻲ ﻛﺒﺎﻳﺔ ﺷﺎﻱ ﻗﻠﺖ ﻟﻴﻬﻮ ﺟﺪﺍ ﻭﻃﺮﺕ ﻃﻴﺮﺍﻥ ﻛﺒﻴﺖ ﺍﻟﺸﺎﻱ ﻭﺷﻠﺘﻮ ﻓﻲ ﺍﻟﺼﻴﻨﻴﺔ ﻭﺍﻟﻤﺮﺓ ﺍﻻﺩﺗﻨﻲ ﺍﻟﺸﺎﻱ ﻗﺎﻟﺖ ﻟﻲ ﺍﻟﺴﻜﺮ ﺧﻠﺼﺎﻥ ﺧﺸﻲ ﺍﻟﻤﻄﺒﺦ ﻭﻭﺻﻔﺖ ﻟﻲ ﻣﺤﻞ ﺍﻟﺴﻜﺮ ﻭﻣﻦ ﺭﻭﺍﺷﺘﻲ ﻃﻌﻤﺖ ﻟﻴﻪ ﺑﻤﻠﺢ 😭😭😭😭😭😭
ﻳﺘﺒﻊ
