ﻳﻮﻣﻴﺎﺕ ﻣﺴﻄﻮﻟﻪ 8
ﺍﻫﺎ ﺍﻣﻲ ﺍﻟﻠﻪ ﻳﺪﻳﻬﺎ ﺍﻟﻌﺎﻓﻴﺔ ﻓﻲ ﺷﻨﻄﺔ ﻣﻦ ﺍﻟﺸﻨﻂ ﺑﺲ ﺳﺘﻔﺘﻬﺎ ﻟﻲ ﺭﻳﺤﺔ ﻭﻃﻠﺢ ﻭﺯﻳﻮﺕ ﻛﺪﻩ ﻣﺎ ﻋﺮﻓﺘﻬﺎ ﺍﻟﻤﻬﻢ ﺍﻟﺤﺎﺟﺎﺕ ﺍﻟﺨﺎﺻﺔ ﻛﻠﻬﺎ ﻭﺃﺧﺘﻲ ﺟﻬﺰﺕ ﻟﻲ ﺍﻟﺘﻮﺏ ﺍﻟﺤﺴﺎﻓﺮ ﺑﻴﻪ ﻭﻃﻘﻤﺘﻮ ﻟﻲ ﻭﻃﺒﻌﺎ ﻣﺎ ﺑﻌﺮﻑ ﻟﻠﺘﻴﺎﺏ ﺍﻧﺎ ﻭﺷﻠﺖ ﻫﻢ ﺑﻌﺪ ﻣﺎ ﺣﻨﺴﺘﻬﻢ ﺍﻧﻪ ﻳﺨﻠﻮﻧﻲ ﺍﻟﺒﺲ ﺍﺳﻜﺮﻳﺘﻲ ﺃﻭ ﻋﺒﺎﻳﺔ ﻋﺸﺎﻥ ﻣﺎ ﺑﻌﺮﻑ ﻟﻠﺘﻮﺏ ﻗﺎﻟﺖ ﻟﻲ ﻻ ﻋﺸﺎﻥ ﺧﺎﻟﺪ ﺡ ﻳﺠﻴﻚ ﻓﻲ ﺍﻟﻤﻄﺎﺭ ﻻﺯﻡ ﺗﻜﻮﻧﻲ ﺟﺎﻫﺰﺓ ﻭﻣﻈﺒﻄﻪ ﻣﺶ ﻛﻔﺎﻳﺔ ﻣﺎ ﺣﻀﺮ ﺍﻟﺰﻓﺎﻑ ﻗﻠﺖ ﻟﻴﻬﺎ ﺍﻧﺎ ﺣﻤﻴﺘﻮ ﻳﺤﻀﺮﻭ ﺍﻫﺎ ﻃﺒﻌﺎ ﺍﺻﻼ ﺧﺮﺑﺖ ﺍﻟﻤﻜﻴﺎﺝ ﺑﺎﻟﺒﻜﻲ ﻭﺍﻟﻤﺨﺎﺧﻴﻂ ﻭﺍﻣﻲ ﻳﺎﺣﻠﻴﻠﻬﺎ ﻟﻤﻦ ﻋﻴﻮﻧﻬﺎ ﺣﻤﺮﺕ ﻭﻗﺮﺑﺖ ﺍﺧﻠﻲ ﺍﻟﺴﻔﺮ ﺩﻩ ﻭﺑﻘﻴﺖ ﺍﻗﻮﻝ ﻟﻴﻬﻢ ﻣﺎ ﻣﺎﺷﺔ ﻳﺎﺥ ﻭﺩﺧﻠﺖ ﺟﻮﺓ ﺍﻣﻲ ﺯﺍﺗﻬﺎ ﻃﺮﺩﺗﻨﻲ
ﻗﺎﻟﺖ ﻟﻲ ﻳﻼ ﻳﺎ ﺑﺖ ﻃﻴﺮﻱ ﻣﺸﻮ ﻣﻌﺎﻱ ﺍﻟﻤﻄﺎﺭ ﻣﺤﻤﺪ ﻭﺃﺧﺘﻲ ﻭﻫﻨﺪ ﻗﻌﺪﻧﺎ ﺑﺮﺓ ﻭﺍﺗﻮﻧﺴﻨﺎ ﻭﺑﻜﻴﻨﺎ ﻭﺍﻛﻠﻨﺎ ﻭﺩﺧﻠﺖ ﻋﺸﺎﻥ ﺍﻟﺰﻣﻦ ﻳﻼ ﻓﻲ ﺍﻟﺴﻴﺮ ﺍﻷﻭﻝ ﻟﻤﻦ ﺧﺘﻮ ﻟﻲ ﺍﻟﺸﻨﻂ ﺍﻟﻀﺎﺑﻂ ﻗﺎﻝ ﻟﻲ ﺩﻱ ﺷﻨﻮ ﺍﻟﻔﺘﺎﻳﻞ ﺍﻟﻜﺘﻴﺮﺓ ﺩﻱ ﻗﻠﺖ ﻟﻴﻪ ﻓﺘﺎﻳﻞ ﺷﻨﻮ ﻗﺎﻝ ﻟﻲ ﺍﻟﺸﻨﻄﺔ ﺩﻱ ﻓﻴﻬﺎ ﻓﺘﺎﻳﻞ ﻛﺘﻴﺮﺓ ﻭﺍﻧﺎ ﻣﺎ ﻓﺎﻫﻤﺔ ﺷﻲ ﺿﺮﺑﺖ ﻻﺧﺘﻲ ﻭﺷﺎﻛﻠﺘﻨﻲ ﻗﺎﻟﺖ ﻟﻲ ﻋﺮﻭﺱ ﻭﻣﺎﺷﺔ ﻟﺮﺍﺟﻠﻚ ﻭﻣﺎ ﻋﺎﺭﻓﺔ ﺍﻟﻔﺘﺎﻳﻞ ﺩﻱ ﺷﻨﻮ ﻭﻗﻔﻠﺖ ﻓﻴﻨﻲ ﻟﻜﻦ ﻭﺍﻟﻠﻪ ﺟﺪ ﻧﺴﻴﺖ ﻳﺎ ﺟﻤﺎﻋﺔ ﻗﻤﺖ ﻗﻠﺖ ﻟﻴﻬﻮ ﺍﻧﺎ ﻋﺮﻭﺱ ﻭﻭﺭﺗﻴﻪ ﻳﺪﻱ ﻭﻗﻠﺖ ﻟﻴﻪ ﻣﺎﺷﺔ ﻟﺮﺍﺟﻠﻲ ﻗﺮﺭﺭﺭﺭﺏ ﻳﻀﺤﻚ ﻟﻜﻦ ﻣﺴﻚ ﻧﻔﺴﻮ ﻗﺎﻝ ﻟﻲ ﻃﻴﺐ ﺍﺗﻔﻀﻠﻲ ﻟﻜﻦ ﺷﻮﻓﻲ ﻛﻴﺲ ﻋﺸﺎﻥ ﺗﺤﻮﻟﻲ ﻓﻴﻪ ﺍﻟﺮﻳﺤﺔ ﺩﻱ ﻷﻧﻪ ﺩﻱ ﺑﺘﺘﺸﺤﻦ ﻣﻌﺎﻙ ﺍﻟﻄﻴﺎﺭﺓ ﻣﺎ ﻳﻨﻔﻊ ﻣﻊ ﺍﻟﻌﻔﺶ ﻗﻠﺖ ﻛﻴﻒ ﻳﻌﻨﻲ ﺗﺎﻧﻲ ﺷﺮﺡ ﻭﺯﻫﺠﺖ ﻭﺍﺗﻀﺎﻳﻘﺖ ﻣﺸﻴﺖ ﺍﻟﻮﺯﻥ ﻗﻠﺖ ﻟﻠﺒﺖ ﺑﺘﺎﻋﺖ ﺍﻟﻮﺯﻥ ﺍﻧﻪ ﺍﻧﺎ ﺍﻭﻝ ﻣﺮﺓ ﺍﺳﺎﻓﺮ ﻭﻣﺎ ﻓﺎﻫﻤﺔ ﺷﻲ ﻭﻗﺎﻝ ﻟﻲ ﻣﺎ ﻳﻨﻔﻊ ﺗﺸﺤﻨﻲ ﺩﻩ ﺍﻟﺒﺖ ﺣﻨﺖ ﻋﻠﻲ ﻗﺎﻟﺖ ﻟﻲ ﻟﻸﺳﻒ ﻻﺯﻡ ﺗﺸﺤﻨﻲ ﻣﻌﺎﻙ ﻓﻲ ﺍﻟﻄﻴﺎﺭﺓ ﻭﻣﺎ ﻳﻨﻔﻊ ﺍﻟﺸﻨﻄﺔ ﺩﻱ ﻷﻧﻪ ﺍﻷﺣﺠﺎﻡ ﺩﻱ ﻣﻤﻨﻮﻋﺔ ﺗﺨﺸﻲ ﺑﻴﻬﺎ ﺍﻟﻄﻴﺎﺭﺓ ﻓﻲ ﺍﻟﻠﺤﻈﺔ ﺩﻱ ﺧﺎﻟﺪ ﺿﺮﺏ ﻗﺎﻝ ﻟﻲ ﺧﻠﺼﺘﻲ ﺍﻹﺟﺮﺍﺀﺍﺕ ﻭﻻ ﻟﺴﻪ ﻭﺍﺗﻔﻘﻌﺖ ﺑﺎﻟﺒﻜﻲ ﻭﺑﻘﻴﺖ ﺍﺣﻜﻲ ﻟﻴﻪ ﻗﺎﻝ ﻟﻲ ﺍﻫﺪﻱ ﺍﻫﺪﻱ ﻭﺍﺩﻳﻨﻲ ﺍﻟﺒﺖ ﻗﺎﻡ ﺍﺗﻜﻠﻢ ﻣﻌﺎﻫﺎ ﻭﺍﺩﺗﻨﻲ ﺍﻟﺘﻠﻔﻮﻥ ﻗﺎﻣﺖ ﻛﻮﺭﻛﺖ ﻟﻮﺍﺣﺪ ﻣﻦ ﺍﻟﻨﺎﺱ ﺍﻟﻤﻌﺎﻫﺎ ﺟﺎﻫﺎ ﻗﺎﻟﺖ ﻟﻴﻪ ﺍﻟﺸﻨﻄﺔ ﺩﻱ ﻣﻤﻨﻮﻋﺔ ﻣﻦ ﺍﻟﺸﺤﻦ ﻟﻜﻦ ﺍﺗﻜﻠﻢ ﻣﻌﺎﻱ ﻭﺍﺣﺪ ﺗﺒﻊ ﻣﻨﻮ ﻛﺪﻩ ﺷﻐﺎﻝ ﻓﻲ ﺍﻟﻤﻄﺎﺭ ﻭﺯﻭﻝ ﻣﺴﺆﻭﻝ ﻗﺎﻝ ﻟﻴﻬﺎ ﻛﻴﻒ ﻳﻌﻨﻲ ﻗﻠﺖ ﻟﻴﻪ ﻣﺎ ﻗﺎﻟﻮ ﻟﻴﻚ ﺗﺒﻊ ﻓﻼﻥ ﺍﺩﺍﻧﻲ ﻋﻴﻦ ﻗﺎﻝ ﻟﻲ ﻣﺎﻓﻲ ﺩﺍﻋﻲ ﻟﻠﻐﻠﻂ ﻓﻲ ﺍﻟﻠﺤﻈﺔ ﺩﻱ ﺟﺎ ﻓﻼﻥ ﻗﺎﻝ ﻟﻴﻬﻢ ﻭﻳﻦ ﻫﺒﺔ ﻋﺒﺪﺍﻟﺒﺎﺳﻂ ﺭﻓﻌﺖ ﺍﺻﺒﻌﻲ ﻓﻮﻭﻭﻭﻭﻕ ﻗﻠﺖ ﻟﻴﻬﺎ ﺍﻧﺎ ﺍﻧﺎ
😂😂😂😂 ﺳﻠﻢ ﻋﻠﻲ ﺑﺎﺣﺘﺮﺍﻡ ﻛﺪﻩ ﻟﻤﻦ ﺣﻴﺮﻧﻲ 😂😂😂 ﻭﻗﺎﻝ ﻟﻲ ﺍﻟﻒ ﻣﺒﺮﻭﻙ ﺭﺑﻨﺎ ﻳﺴﻌﺪﻛﻢ ﻗﻠﺖ ﻟﻴﻪ ﻋﻘﺒﺎﻟﻚ ﺑﻘﻲ ﻳﻀﺤﻚ ﻗﺎﻝ ﻟﻲ ﺑﺎﻟﺘﺎﻧﻴﺔ ﺍﻣﻴﻦ 😂😂😂 ﻗﺎﻡ ﻗﺎﻝ ﻟﻠﺒﺖ ﺍﻟﺸﻨﻄﺔ ﺍﺷﺤﻨﻴﻬﺎ ﺑﻘﺎﺑﻞ ﻟﻠﻜﺴﺮ ﻭﺟﺎ ﻋﺎﻣﻞ ﻛﺪﻩ ﻋﻠﻖ ﻟﻲ ﻭﺭﻗﺔ ﻣﻜﺘﻮﺑﺔ ﻓﻴﻬﺎ ﻗﺎﺑﻞ ﻟﻠﻜﺴﺮ ﻳﺎﺥ ﻟﻤﻦ ﺟﺴﻤﻲ ﻧﺪﻱ 😂😂😂😂 ﻋﺎﻳﻨﺖ ﻟﻴﻬﻢ ﺑﻨﻈﺮﺓ ﻛﻴﻒ ﻛﻴﻒ ﻭﻣﺸﻴﺖ ﺑﻌﺪ ﻭﺯﻧﺖ ﺍﻟﺮﺍﺟﻞ ﻣﺸﻲ ﻣﻌﺎﻱ ﻭﻭﻗﻔﺖ ﻋﺸﺎﻥ ﺍﻣﻸ ﺍﻟﻮﺭﻗﺔ ﺑﺘﺎﻋﺖ ﺍﻟﺨﺮﻭﺝ ﺟﺎﻧﻲ ﻭﺍﺣﺪ ﻛﺪﻩ ﻗﺎﻝ ﻟﻲ ﺑﻌﺪ ﺗﺨﻠﺼﻲ ﺍﻟﻘﻠﻢ ﻗﻠﺖ ﻟﻴﻬﻮ ﻛﻮﻳﺲ ﺍﻫﺎ ﻣﻠﻴﺖ ﺍﻟﻮﺭﻗﺔ ﻭﺍﺩﻳﺘﻪ ﺍﻟﻘﻠﻢ ﻗﺎﻝ ﻟﻲ ﺍﻟﺠﻤﻴﻞ ﻣﺴﺎﻓﺮ ﻭﻳﻦ ﻗﻠﺖ ﻟﻴﻬﻮ ﻗﺎﺩﺭ ﺍﻟﻠﻪ ﻳﺴﻔﻔﻚ ﺗﺮﺍﺏ ﻳﺎ ﻭﺍﻃﻲ ﻭﺟﻴﺐ ﺍﻟﻘﻠﻢ ﺩﻩ 😂😂😂😂 ﺟﺮﻳﺖ ﻣﻨﻪ ﺍﻟﻘﻠﻢ ﺍﻟﻮﻟﺪ ﻟﻤﻦ ﺍﺗﺨﻠﻊ ﺟﺎ ﻓﻼﻥ ﺍﻟﺘﺒﻊ ﺧﺎﻟﺪ ﻗﺎﻝ ﻟﻴﻪ ﻓﻲ ﺣﺎﺟﺔ ﻳﺎ ﺍﺥ ﻗﺎﻝ ﻟﻴﻪ ﻻﻻ ﺳﻮﺀ ﺗﻔﺎﻫﻢ ﺑﺲ ﻗﻠﺖ ﻟﻴﻬﻮ ﺳﻢ ﻫﺎﺭﻱ ﻳﻬﺮﻳﻚ 😂😂😂 ﻭﻣﺸﻴﻨﺎ ﻭﻗﻔﻨﺎ ﺍﻟﺠﻮﺍﺯﺍﺕ ﻭﻓﻼﻥ ﺧﺎﻟﺪ ﻣﺸﻲ ﺧﻼﻧﻲ ﺑﻌﺪ ﻗﺎﻝ ﻟﻲ ﺑﻌﺪ ﺗﺨﺸﻲ ﺍﻟﺠﻮﺍﺯﺍﺕ ﺗﺎﻧﻲ ﺗﻤﺸﻲ ﺍﻟﺼﺎﻟﺔ ﺑﺲ ﻭﻣﺎﻓﻲ ﺷﻲ ﺗﺎﻧﻲ ﻭﺭﺑﻨﺎ ﻳﻮﺻﻠﻚ ﺑﺎﻟﺴﻼﻣﺔ ﻗﻠﺖ ﻟﻴﻬﻮ ﺍﻟﻠﻪ ﻳﺴﻠﻤﻚ ﻭﺑﻘﻴﺖ ﻭﺍﻗﻔﺔ ﻓﻲ ﺍﻟﺼﻒ ﻟﻤﻦ ﺟﺎ ﺩﻭﺭﻱ ﺍﻟﻀﺎﺑﻂ ﺑﺮﺿﻮ ﺑﻘﻲ ﻳﺘﻈﺎﺭﻑ ﻣﺴﺎﻓﺮﺓ ﻭﻳﻦ ﺍﻧﺘﻲ ﻗﻠﺖ ﻟﻴﻬﻮ ﺍﻟﺴﻌﻮﺩﻳﺔ ﻭﻳﻦ ﻓﻲ ﺍﻟﺴﻌﻮﺩﻳﺔ ﻗﻠﺖ ﻟﻴﻪ ﺃﺑﻬﺎ ﻗﺎﻝ ﻟﻲ ﺷﻜﻠﻚ ﻋﺮﻭﺱ ﻓﺠﺄﺓ ﺣﻤﺮﺕ ﻟﻴﻪ 😂😂😂 ﺳﻜﺖ ﻗﺎﻝ ﻟﻲ ﻭﻳﻦ ﺗﺄﺷﻴﺮﺓ ﺍﻟﺨﺮﻭﺝ ﻗﻠﺖ ﻟﻴﻬﻮ ﺍﻧﺎ ﻋﺎﺭﻓﺔ ﻭﻳﻦ 😂😂😂 ﺑﻘﻲ ﻳﻀﺤﻚ ﻗﺎﻝ ﻟﻲ ﻟﻜﻦ ﻣﺎ ﻳﻨﻔﻊ ﺗﻌﺪﻱ ﻣﻦ ﻫﻨﺎ ﻭﻻ ﺗﺴﺎﻓﺮﻱ ﺑﺪﻭﻥ ﺗﺄﺷﻴﺮﺓ ﺍﻟﺨﺮﻭﺝ ﻗﻠﺖ ﻟﻴﻪ ﻛﻴﻒ ﻳﻌﻨﻲ ﺍﻧﺖ ﻛﻤﻠﺖ ﻛﻞ ﺍﻹﺟﺮﺍﺀﺍﺕ ﻗﺎﻝ ﻟﻲ ﺍﻗﻴﻔﻲ ﺑﻲ ﺟﺎﻱ ﻟﺤﻈﺔ ﻳﺎﺩﻱ ﺍﻟﻌﻮﺍﺭﺽ
ﺍﻫﺎ ﺍﻟﻀﺎﺑﻂ ﺷﺎﻝ ﺟﻮﺍﺯﻱ ﻭﻗﺎﻝ ﻟﻲ ﺗﻌﺎﻟﻲ ﺩﺧﻠﻨﺎ ﻣﻜﺘﺐ ﻛﺪﻩ ﻟﻤﻦ ﻛﺘﺐ ﺍﺳﻤﻲ ﻟﻘﻲ ﺍﻧﻪ ﻓﻌﻼ ﺍﻧﺎ ﻋﺎﻣﻠﺔ ﺍﻟﺘﺄﺷﻴﺮﺓ ﻟﻜﻦ ﻓﻲ ﺍﻟﺠﻮﺍﺯ ﺍﻟﺨﺘﻢ ﻣﺎﻓﻲ 😂😂 ﺍﻟﻤﻬﻢ ﺑﻘﻲ ﻳﻘﻠﺐ ﻓﻴﻪ ﻛﺪﻩ ﻟﻘﻲ ﺍﻟﺨﺘﻢ ﺑﻌﺪ ﺳﺘﻴﻦ ﺻﻔﺤﺔ ﻓﻲ ﺍﻟﺠﻮﺍﺯ ﻋﻤﻠﻮ ﻟﻲ ﻭﺭﺍ ﺷﺪﻳﺪ ﺟﻨﺲ ﺷﻲ ﻏﺎﻳﺘﻮ 😂😂 ﺍﻟﻤﻬﻢ ﺍﻋﺘﺬﺭ ﻟﻲ ﻭﻋﺪﻳﺖ ﻭﺩﺧﻠﺖ ﺍﻟﺼﺎﻟﺔ ﻭﺍﻟﺤﻤﺪ ﻟﻠﻪ ﺳﺎﻓﺮﺕ ﺑﺴﻼﻡ ﺑﺪﻭﻥ ﻋﻮﺍﺭﺽ ﺗﺎﻧﻴﺔ ﻛﺎﻥ ﻋﻨﺪﻱ ﻛﻮﻧﻜﺸﻦ ﻓﻲ ﻣﻄﺎﺭ ﺍﻟﺮﻳﺎﺽ ﻟﻜﻦ ﺳﺎﻋﺔ ﻭﺍﺣﺪﺓ ﻟﻤﻦ ﻭﺻﻠﺖ ﺍﻟﺮﻳﺎﺽ ﺷﻐﺎﻟﺔ ﺑﺘﻠﻔﺖ ﺯﻱ ﻣﺮﻭﺣﺔ ﺍﻟﻄﺮﺑﻴﺰﺓ ﻣﺎﺷﺎﺀ ﺍﻟﻠﻪ ﻣﻄﺎﺭ ﺍﻟﺮﻳﺎﺽ ﺍﻫﺎ ﻟﻤﻦ ﻭﺻﻠﺖ ﺍﻟﺠﻮﺍﺯﺍﺕ ﻟﻘﻴﺖ ﺍﻟﻨﺎﺱ ﺯﻱ ﺍﻟﻨﻤﻞ ﻛﻤﻴﺔ ﻣﻦ ﺍﻟﻨﺎﺱ ﻛﺪﻩ ﻟﻤﻦ ﺍﺗﺨﻠﻌﺖ ﻃﺒﻌﺎ ﻛﻨﺖ ﻣﺤﻮﻟﺔ ﺭﺻﻴﺪ ﻗﺮﻳﺐ 100 ﻋﺸﺎﻥ ﺧﺎﻟﺪ ﻳﻘﺪﺭ ﻳﻀﺮﺏ ﻟﻲ ﻭﻳﺘﺎﺑﻌﻨﻲ ﺿﺮﺏ ﻟﻲ ﻭﻋﺮﻑ ﺍﻧﻲ ﻭﺻﻠﺖ ﺍﻟﺮﻳﺎﺽ ﻗﻠﺖ ﻟﻴﻪ ﻓﻲ ﺯﺣﻤﺔ ﻣﺎ ﺍﻇﻦ ﺃﺧﻠﺺ ﻫﺴﻲ ﻭﻳﻤﻜﻦ ﺍﻟﻄﻴﺎﺭﺓ ﺍﻟﺘﺎﻧﻴﺔ ﺗﻔﻮﺗﻨﻲ ﻗﺎﻝ ﻟﻲ ﺍﻣﺸﻲ ﻷﻱ ﺿﺎﺑﻂ ﻗﻮﻟﻲ ﻟﻴﻪ ﻋﻨﺪﻱ ﻛﻮﻧﻜﺸﻦ ﺑﺴﻴﻂ ﻣﺸﻴﺖ ﻟﻴﻪ ﻗﺎﻝ ﻟﻲ ﺷﻮﻓﻲ ﻳﺎ ﺍﺧﺘﻲ ﻧﺤﻦ ﻛﻠﻨﺎ ﻣﺴﻠﻤﻴﻦ ﻟﻮ ﻣﺸﻴﺘﻚ ﺡ ﺃﻛﻮﻥ ﻇﻠﻤﺖ ﺍﻟﻤﺴﻠﻤﻴﻦ ﺍﺧﻮﺍﻧﻚ ﻫﺪﻭﻝ 😂😂😂😂 ﺧﺎﻟﺪ ﺿﺮﺏ ﻗﻠﺖ ﻟﻴﻪ ﻛﻼﻡ ﺍﻟﻀﺎﺑﻂ ﺑﻨﻔﺲ ﺍﻟﺼﻴﻐﺔ 😂😂😂 ﺧﺎﻟﺪ ﺍﻟﻀﺤﻚ ﺷﺮﻃﻮ ﻭﺍﻟﻀﺎﺑﻂ ﺣﻤﺮ ﻟﻲ 😂😂😂 ﺧﺎﻟﺪ ﻗﺎﻝ ﻟﻲ ﺍﻣﺸﻲ ﺍﻗﻴﻔﻲ ﻭﺑﻌﺪ ﺷﻮﻳﺔ ﺗﺎﻧﻲ ﺍﻣﺸﻲ ﻟﻴﻪ ﻣﺸﻴﺖ ﻭﻗﻔﺖ ﻓﺠﺄﺓ ﻟﻘﻴﺖ ﺣﺮﻳﻢ ﻛﺒﺎﺭ ﻭﺍﻗﻔﻴﻦ ﻓﻲ ﺻﻒ ﺑﺮﺍﻫﻢ ﻋﺸﺎﻥ ﻳﻤﺸﻮﻫﻢ ﺳﺮﻋﺔ ﻗﻠﺖ ﻟﻴﻬﻢ ﺍﻧﺘﻮ ﺗﺒﻊ ﺷﻨﻮ ﻗﺎﻟﻮ ﻟﻲ ﻭﻗﻔﻮﻧﺎ ﻫﻨﺎ ﻋﺸﺎﻥ ﻛﺒﺎﺭ ﺍﻟﺴﻦ 😂😂 ﻃﻮﺍﻟﻲ ﺩﻧﻘﺮﺗﺎ ﻭﻧﺰﻟﺖ ﺑﺘﺤﺖ ﻭﻗﻔﺖ ﻣﻌﺎﻫﻢ ﻗﻠﺖ ﻟﻴﻬﺎ ﺍﻧﺎ ﺯﺍﺗﻲ ﻣﻦ ﻛﺒﺎﺭ ﺍﻟﺴﻦ 😂😂😂😂
ﺍﻫﺎ ﻭﻗﻔﺖ ﻭﺧﺎﻳﻔﺔ ﻣﻦ ﻳﺸﻮﻓﻨﻲ ﻭﺍﺣﺪ ﻣﻨﻬﻢ ﻭﻳﺠﻲ ﻳﺮﺟﻌﻨﻲ ﺣﺴﺐ ﻧﻴﺘﻲ ﻋﺪﻭﻧﻲ ﻣﻊ ﻛﺒﺎﺭ ﺍﻟﺴﻦ ﻋﺎﺩﻱ 😂😂😂 ﺍﻫﺎ ﺟﻴﻨﺎ ﻟﻠﺒﺼﻤﺔ ﺑﺘﺎﻋﺖ ﺩﺧﻮﻝ ﺍﻟﻤﻤﻠﻜﺔ ﺍﺳﻤﻲ ﺍﺧﺪ
سوو فولو للصفحة abeermust
