ﻳﻮﻣﻴﺎﺕ ﻣﺴﻄﻮﻟﻪ 7
ﺍﻟﻤﻬﻢ ﻃﺒﻌﺎ ﺍﻟﺴﻔﺮ ﻛﺎﻥ ﺑﻌﺪ ﺍﻟﻌﻘﺪ ﺑﻴﻮﻣﻴﻦ ﺑﺲ ﻭﺧﺎﻟﺪ ﺟﻬﺰ ﻟﻲ ﺃﻭﺭﺍﻗﻲ ﺑﺪﺭﻱ ﺑﺪﺭﻱ ﻳﻼ ﻣﺸﻴﻨﺎ ﺍﻧﺎ ﻭﺃﺧﺘﻲ ﻭﺻﺤﺒﺘﻲ ﺳﻬﺎﻡ ﺣﺠﺰﺕ ﺍﻟﻔﺴﺘﺎﻥ ﻭﺍﻟﻌﻘﺪ ﻛﺎﻥ ﻳﻮﻡ ﺟﻤﻌﺔ ﺍﻟﻔﺴﺘﺎﻥ ﺷﺪﺓ ﻣﺎ ﻋﺠﺒﻨﻲ ﺭﺳﻠﺘﻮ ﻟﺨﺎﻟﺪ ﻭﺃﺧﺘﻲ ﺷﺎﻛﻠﺘﻨﻲ ﻭﻗﺎﻟﺖ ﻟﻲ ﻳﺎ ﻋﻮﻳﺮﺓ ﺣﻠﻮ ﻟﻤﻦ ﻳﺸﻮﻓﻚ ﺑﻴﻪ ﺍﻟﻤﻬﻢ ﺍﺧﺪﺕ ﻫﺮﺷﺘﻲ ﻭﻋﺪﻱ ﺍﻟﻴﻮﻡ ﺑﻌﺪ ﻋﺮﻓﺖ ﺍﻟﺤﻨﺔ ﻣﺘﻴﻦ ﻭﺍﻟﻔﻴﺸﻴﻞ ﻭﺑﺎﻗﻲ ﺍﻟﺤﺎﺟﺎﺕ ﻟﺤﺪﻱ ﻳﻮﻡ ﺍﻟﻌﻘﺪ ﻭﻃﺒﻌﺎ ﻟﺒﺴﺖ ﺯﻓﺎﻑ ﻷﻧﻪ ﻣﺎﻓﻲ ﺗﺎﻧﻲ ﻣﻨﺎﺳﺒﺔ ﻟﻜﻦ ﺧﺎﻟﺪ ﻋﻤﻞ ﻟﻲ ﻣﻨﺎﺳﺒﺔ ﻭﻋﺰﻭﻣﺔ ﺑﻌﺪ ﻣﺸﻴﺖ ﻟﻴﻪ ﻟﻜﻦ ﻋﺸﺎﻥ ﻧﺎﺱ ﺍﻟﺴﻮﺩﺍﻥ ﻭﻛﺪﻩ ﻋﺮﻭﺱ ﻣﺮﺗﻴﻦ ﺍﻫﺎ ﻣﺸﻴﺖ ﺍﺗﺤﻨﻨﺖ ﻗﺒﻞ ﻳﻮﻡ ﻣﻦ ﺍﻟﻌﻘﺪ ﻭﺗﺎﻧﻲ ﻳﻮﻡ ﻣﺸﻴﺖ ﻋﺸﺎﻥ ﺍﺟﻬﺰ ﻭﺍﻃﻠﻊ ﺑﺪﺭﻱ ﻋﺸﺎﻥ ﺍﻟﺤﻔﻠﺔ ﺑﺎﻟﻌﺼﺮ ﻛﺎﻥ ﻓﻲ ﺁﺧﺮ ﺟﻠﺴﻪ ﺑﺘﺎﻋﺖ ﻓﻴﺸﻴﻞ ﻋﻤﻠﺘﻬﺎ ﻭﻃﻠﻌﺖ ﺍﻟﺒﺖ ﺍﻟﺤﺘﻠﺒﺴﻨﻲ ﻗﺎﻟﺖ ﻟﻲ ﺟﻴﺒﻲ ﺍﻟﻜﺎﺭﻳﻨﺎ ﻭﺗﻌﺎﻟﻲ ﻟﻲ ﺟﻮﺓ ﻭﺷﻲ ﺍﻟﺒﺴﻲ ﺣﺎﺟﺎﺗﻚ ﻭﺍﻣﺸﻲ ﻟﻤﻨﻮ ﻛﺪﻩ ﻧﺴﻴﺖ ﺍﺳﻤﻬﺎ ﻋﺸﺎﻥ ﻳﺠﻴﺒﻮ ﻟﻲ ﺍﻟﺰﻓﺎﻑ ﺟﻮﺓ ﻣﺸﻴﺖ ﻟﻴﻬﺎ ﻭﻣﻌﺎﻱ ﺍﺧﺘﻲ ﺍﺩﺗﻨﻲ ﺯﻓﺎﻑ ﻣﻌﻔﻦ ﻋﻔﺎﻧﺔ ﻓﻲ ﺍﻟﺒﺪﺍﻳﺔ ﻗﺎﻳﻼﻩ ﺃﻭﻑ ﻭﺍﻳﺖ ﻃﻠﻊ ﻣﻘﺒﺶ ﺑﺎﻟﺘﺮﺍﺏ ﻗﻠﺖ ﻟﻴﻬﺎ ﻋﺎﻳﻨﻲ ﻳﺎ ﺍﻧﺘﻲ ﻫﺎﻙ ﺍﻻﻳﺼﺎﻝ ﺩﻩ ﻭﺷﻮﻓﻲ ﺍﺳﻤﻲ ﻭﺷﻮﻓﻲ ﺣﺠﺰﻱ ﺩﻩ ﺷﻨﻮ ﺩﻩ ﻗﺎﻟﺖ ﻟﻲ ﺩﻗﻴﻘﺔ ﻣﺸﺖ ﻭﺟﺎﺗﻨﻲ ﺷﺒﻜﺘﻨﻲ ﻟﻴﻚ ﻣﻌﻠﻴﺶ ﻗﺎﻳﻼﻙ ﺡ ﺗﺠﻲ ﺑﻜﺮﺓ ﻭﺍﺩﻳﻨﺎ ﻓﺴﺘﺎﻧﻚ ﻟﻌﺮﻭﺱ ﺗﺎﻧﻴﺔ ﻭﻓﺘﺤﺖ ﺑﻴﺖ ﺑﻜﺎﺀ ﻭﺑﻘﻴﺖ ﺍﺟﻌﺮ ﻭﺍﺷﺎﻛﻞ ﻓﻴﻬﺎ ﻭﻗﻠﺖ ﻟﻴﻬﺎ ﺍﺩﻭﻧﻲ ﻗﺮﻭﺷﻲ ﺯﺍﺗﻮ ﻣﺎ ﻋﺎﻳﺰﺓ ﺍﻟﺒﺲ ﻫﻨﺎ ﺍﺧﺘﻲ ﻗﺮﺻﺘﻨﻲ ﻗﺎﻟﺖ ﻟﻲ ﺡ ﺗﻤﺸﻲ ﻭﻳﻦ ﻳﻮﻡ ﺍﻟﻤﻨﺎﺳﺒﺔ ﺯﺍﺗﻬﺎ ﺍﺳﻜﺘﻲ ﺍﻧﺎ ﺑﺘﺼﺮﻑ ﺍﺧﺘﻲ ﻗﺎﻟﺖ ﻟﻴﻬﺎ ﺣﻠﻲ ﻟﻴﻨﺎ ﺍﻟﻤﺸﻜﻠﺔ ﺩﻱ ﻳﺎ ﺃﺧﺖ ﻧﺤﻨﺎ ﺟﻴﻨﺎ ﺑﺪﺭﻱ ﻗﺒﻞ ﺍﻟﻤﻨﺎﺳﺒﺔ ﺑﻔﺘﺮﺓ ﻭﺣﺠﺰﻧﺎ ﺩﻱ ﻣﺎ ﻣﺸﻜﻠﺘﻨﺎ ﺍﻟﻤﻬﻢ ﺍﺗﺼﺮﻓﻲ ﻭﺳﺮﻋﺔ ﺍﻟﺰﻣﻦ ﻷﻧﻪ ﻣﻔﺮﻭﺽ ﺗﻄﻠﻊ ﺑﺪﺭﻱ ﺍﻟﺒﺖ ﺩﻱ ﺍﻟﻤﺮﺓ ﺍﺗﻮﺗﺮﺕ ﻭﺧﺎﻓﺖ ﻭﺑﻘﺖ ﺗﺨﺶ ﻭﺗﻄﻠﻊ ﺍﻧﺎ ﻃﻠﻌﺖ ﺍﻟﺒﻠﻜﻮﻧﺔ ﻭﺍﻟﺰﻋﻞ ﺷﺎﻗﻴﻨﻲ ﺧﺎﻟﺪ ﺿﺮﺏ ﻟﻲ ﻋﺸﺎﻥ ﻳﺒﺎﺭﻙ ﻟﻲ ﻋﺸﺎﻥ ﻋﻘﺪﻭ ﺧﻼﺹ ﻗﻠﺖ ﻟﻴﻪ ﻓﻲ ﺷﻨﻮ ﻋﺎﻳﺰ ﺷﻨﻮ ﺍﻧﺖ ﻛﻤﺎﻥ
ﻟﻤﻦ ﺍﺧﺪ ﻟﻴﻪ ﺻﻨﺔ ﻟﻴﻮﻡ ﺍﻟﻠﻠﻴﺔ ﻣﺎﺳﻜﻬﺎ ﻟﻲ
ﻗﺎﻝ ﻟﻲ ﻫﺒﺔ ﻋﺎﻳﺰ ﺍﺑﺎﺭﻙ ﻋﺸﺎﻥ ﻋﻘﺪﻭ ﻗﻠﺖ ﻟﻴﻬﻮ ﺍﻟﻠﻪ ﻳﺒﺎﺭﻙ ﻓﻴﻚ ﻋﻘﺒﺎﻟﻚ ﻗﺎﻝ ﻟﻲ ﻫﺒﺔ ﺍﺩﻳﻨﻲ ﺯﻭﻝ ﻛﺒﻴﺮ 😂 ﻭﺍﻧﺎ ﻟﺴﻪ ﻣﺎ ﻣﺴﺘﻮﻋﺒﺔ ﻣﻦ ﺍﻟﺰﻋﻞ ﻧﺎﺩﻳﺖ ﺍﺧﺘﻲ ﺍﺗﻜﻠﻤﺖ ﻣﻌﺎﻩ ﻭﻗﻔﻠﺖ 😂😂😂 ﻭﺍﻧﺎ ﻭﺍﻗﻔﺔ ﺟﺎﺕ ﻋﺮﺑﻴﺔ ﻭﻧﺰﻟﻮ ﻣﻨﻬﺎ ﻓﺴﺎﺗﻴﻦ ﻛﺮﺕ ﻛﺮﺗﻮﻧﺔ 😂😂😂 ﺟﺎﺗﻨﻲ ﺳﺖ ﺍﻟﻜﻮﻓﻴﺮ ﺟﺎﺭﻳﺔ ﻗﺎﻟﺖ ﻟﻲ ﻣﻦ ﺣﻈﻚ ﺟﺎﺗﻨﺎ ﻓﺴﺎﺗﻴﻦ ﻫﺴﺴﺴﺴﻲ ﻣﻦ ﺍﻟﻤﺼﻨﻊ ﺍﻣﺸﻲ ﺍﺧﺘﺎﺭﻱ ﺍﻟﺒﻌﺠﺒﻚ ﻭﻣﺎ ﻋﺎﻳﺰﺓ ﻣﻨﻚ ﺍﻱ ﻗﺮﻭﺵ ﻟﻮ ﺍﻟﺴﻌﺮ ﺃﻋﻠﻲ ﻣﻦ ﻓﺴﺘﺎﻧﻚ ﻗﻠﺖ ﻟﻴﻬﺎ ﻳﻘﺮﺵ ﺣﻠﻘﻮﻣﻚ ﻫﺴﻲ ﻟﻮ ﺍﻟﻘﺮﻭﺵ ﺑﻘﺖ ﻣﻄﺮ ﻧﺎﺯﻟﺔ ﺑﺒﻘﻲ ﻣﻈﻠﺔ ﺍﺣﺮﻣﻚ ﻣﻨﻬﺎ 😂😂😂 ﺍﻟﻤﺮﺓ ﻃﻮﻟﺖ ﺑﺎﻟﻬﺎ ﻣﻊ ﺃﻧﻪ ﻗﻠﺖ ﺡ ﺗﻘﻮﻡ ﺗﺘﺸﺎﻛﻞ ﻣﻌﺎﻱ 😂😂 ﻣﺸﻴﺖ ﻳﺎ ﻳﻤﻲ ﺍﺧﺘﺮﺕ ﺍﺣﻠﻲ ﻓﺴﺘﺎﻥ ﻭﻛﺎﻥ ﻓﻴﻪ ﺑﻴﺎﺽ ﻧﺎﺻﻊ ﻟﻤﻦ ﻋﺠﺒﻨﻲ ﻭﻗﻠﺖ ﻻﺧﺘﻲ ﺩﻩ ﺑﻴﺎﺽ ﺗﺎﻳﺪ ﺍﺍﺑﻘﻮﻟﻮ ﻋﻠﻴﻪ 😂😂😂😂😂😂 ﻣﺎﺷﺎﺀ ﺍﻟﻠﻪ ﻳﻌﻨﻲ ﻟﺒﺴﺖ ﻭﺟﻬﺰﺕ ﻭﻗﺒﻞ ﻣﺎ ﺍﻟﺒﺲ ﺍﻟﺰﻓﺎﻑ ﻟﻤﻦ ﺑﻤﻜﻴﺠﻮ ﻓﻴﻨﻲ ﺍﻟﻜﺮﺳﻲ ﺍﻟﻨﻮﻉ ﺍﻟﺒﺘﺤﺮﻙ ﻭﺑﻠﻒ ﺩﺍﻙ ﻋﺮﻓﺘﻮﻩ 😂 ﻛﺎﻥ ﻣﺴﻜﻮﺭ ﺍﻓﺘﻜﺮ ﻋﺮﻓﺘﻮ ﺍﻟﺤﺼﻞ 😂😂😭😭😭😭😭😭😂😂😂
ﺍﻫﺎ ﻗﻮﻣﻮﻧﻲ ﻭﺍﻟﺤﻤﺪ ﻟﻠﻪ ﻣﺎ ﻛﺎﻥ ﻓﻲ ﺇﺻﺎﺑﺎﺕ 😂 ﻭﺍﺗﺼﻮﺭﺕ ﻭﺟﺎﻧﺎ ﻣﺤﻤﺪ ﺳﺎﻗﻨﺎ ﻭﻓﻲ ﺍﻟﺰﻓﺔ ﺩﺧﻠﻨﻲ ﻣﺤﻤﺪ ﻭﺍﻟﺤﻤﺪﻟﻠﻪ ﻋﺪﺕ ﻋﻠﻲ ﺧﻴﺮ ﻭﻃﺒﻌﺎ ﺧﺎﻟﺪ ﻗﺎﻓﻞ ﻣﻨﻲ ﻗﻔﻠﺔ ﻃﺒﻠﺔ ﻣﻔﺘﺎﺣﺎ ﺭﺍﻳﺢ 😂😂😂😂😂 ﻭﺟﺎ ﻳﻮﻡ ﺍﻟﺴﻔﺮ ﻭﻛﺎﻟﻌﺎﺩﺓ ﻛﻮﺍﺭﺙ ﺍﻟﻤﻄﺎﺭ ﺍﻧﺘﻈﺮﻭﻧﻲ
