ﻳﻮﻣﻴﺎﺕ ﻣﺴﻄﻮﻟﻪ 6
ﺍﻫﺎ ﺩﺧﻠﺖ ﺑﻜﻞ ﺛﻘﺔ ﻭﺳﻠﻤﺖ ﻋﻠﻲ ﻧﺴﻴﺒﺘﻲ ﻭﻗﻌﺪﺕ ﺍﺗﻮﻧﺲ ﻣﻌﺎﻫﻢ ﻭﺣﻠﻔﻮ ﻣﺎ ﻳﺘﻜﻠﻤﻮ ﻓﻲ ﻣﻮﺿﻮﻋﻲ ﻏﻴﺮﻭ ﺍﻟﻤﻮﺿﻮﻉ ﻛﻠﻮ ﻛﻠﻮ ﺍﺗﻐﻈﺖ ﻭﺳﻜﺖ ﻏﺎﻳﺘﻮ ﺟﻨﺲ ﺷﻲ ﻣﺸﻴﺖ ﺩﺧﻠﺖ ﺍﻟﻐﺮﻓﺔ ﻭﻧﻤﻤﻤﻤﻤﻤﻤﻤﻤﻤﻤﺖ ﻧﻮﻣﺔ ﺑﺖ ﻛﻠﺐ ﻋﻠﻲ ﻗﻮﻝ ﺣﺒﻮﺑﺘﻲ
ﺻﺤﻴﺖ ﻟﻘﻴﺖ ﺍﻟﺒﻴﺖ ﻓﺎﺍﺍﺍﺍﺍﺍﺍﺿﻲ ﻻ ﺍﺧﺘﻲ ﻻ ﺍﻣﻲ ﻻ ﺍﺑﻮﻱ ﺍﺳﺘﻐﺮﺑﺖ ﻃﻠﻌﺖ ﺍﻟﺤﻮﺵ ﻭﺭﺍ ﺑﺮﺿﻮ ﻣﺎﻓﻲ ﺯﻭﻝ ﺩﺧﻠﺖ ﺍﻟﻬﻮﻝ ﻟﻘﻴﺖ ﻫﻨﺪ ﻧﺎﻳﻤﺔ ﺍﻃﻤﻨﺖ ﻗﻠﺖ ﻣﺸﻮ ﻣﺸﻮﺍﺭ ﺷﻜﻠﻬﻢ ﺩﺧﻠﺖ ﺍﻟﻤﻄﺒﺦ ﻛﻨﺖ ﺟﻌﺎﺍﺍﺍﺍﻧﺔ ﻭﺑﻘﻴﺖ ﺍﻗﻠﺐ ﻓﻲ ﺍﻟﺤﻠﻞ ﻭﻓﺘﺤﺖ ﺍﻟﺘﻼﺟﺔ ﻓﺘﺸﺖ ﺍﻟﻤﻬﻢ ﻟﻘﻴﺖ ﺍﻟﺤﺎﺟﺎﺕ ﻛﻠﻬﺎ ﻣﺎ ﺩﺍﺧﻠﺔ ﻣﺰﺍﺟﻲ ﺧﺼﻮﺻﺎ ﺃﻧﻪ ﺑﻌﺪ ﺍﻟﻤﻐﺮﺏ ﻣﺎ ﺑﺤﺐ ﺍﻟﻄﺒﺎﺑﺦ ﻟﻘﻴﺖ ﻟﻲ ﺑﻄﺎﻃﺲ ﻭﻗﻠﺖ ﻳﻼ ﻳﺎ ﻫﺒﺔ ﺍﺗﻌﻠﻤﻲ ﻟﻴﻚ ﻃﺒﺨﺔ ﺑﺎﻟﺒﻄﺎﻃﺲ ﺩﻱ
ﻗﻄﻌﺘﻮ ﺑﻌﺪ ﺗﻌﺐ ﺷﺪﻳﺪ ﺑﺴﺒﺐ ﻳﺪﻱ ﺣﻤﺮﺗﻮ ﻭﺭﺻﻴﺘﻮ ﻓﻲ ﺻﺤﻦ ﻭﻟﻘﻴﺖ ﻣﺎﻳﻮﻧﻴﺰ ﺭﺷﻴﺘﻪ ﺑﻔﻮﻕ ﻟﻴﻪ ﻭﻟﻘﻴﺖ ﻟﻲ ﻋﺠﻮﺭ ﻣﻘﻄﻊ ﺭﺻﻴﺘﻪ ﺟﻨﺒﻮ ﻭﺷﻠﺖ ﺻﺤﻨﻲ ﻭﻗﻌﺪﺕ ﺟﻨﺐ ﻫﻨﺪ ﻭﺍﻧﺎ ﻓﺨﻮﺭﺓ ﻗﺎﻝ ﻋﻤﻠﺖ ﺍﻛﻠﺔ ﺑﻌﺪ ﺷﻮﻳﺔ ﺳﻤﻌﺖ ﺣﺎﺟﺔ ﻗﺎﻟﺖ ﺩﻟﻠﻠﻠﻠﻠﻠﻞ ﺍﺗﺨﻠﻌﺖ ﻭﺗﺎﻧﻲ ﻋﻤﻠﺖ ﺭﺍﻳﺤﺔ ﺑﻌﺪ ﺷﻮﻳﺔ ﻓﻲ ﺯﻭﻝ ﻛﺎﻥ ﺑﺤﺮﻙ ﻓﻲ ﺑﺎﺏ ﺍﻟﻬﻮﻝ ﻃﺒﻌﺎ ﻗﻔﻠﺘﻮ ﻋﺸﺎﻥ ﺧﻮﺍﻓﺔ ﺍﻓﺘﻜﺮﺕ ﻧﺎﺱ ﺍﻟﺒﻴﺖ ﺟﻮ ﻭﺍﻣﻲ ﺑﺘﺤﺎﻭﻝ ﻗﻠﺖ ﻳﺎ ﺍﻣﻲ ﺟﻴﺘﻮ ﺍﻧﺘﻮ ﻣﺎﻓﻲ ﺯﻭﻝ ﺭﺩ ﺍﺗﺬﻛﺮﺕ ﺩﻟﻠﻠﻠﻠﻠﻠﻞ ﻭﻗﻠﺒﻲ ﺍﻛﻠﻨﻲ
ﺍﻟﻠﻴﻠﺔ ﻭﻭﻭﻭﻭﻭﻭﺏ ﻳﺎ ﻫﺒﺔ ﺩﻩ ﺷﻜﻠﻮ ﺣﺮﺍﻣﻲ ﻗﻤﺖ ﺗﺮﺑﺴﺖ ﺍﻟﺒﺎﺏ ﺯﻳﺎﺩﺓ ﻭﻃﺒﻠﺘﻮ ﺑﺠﻮﺓ ﻭﻣﺸﻴﺖ ﺍﺗﺄﻛﺪﺕ ﻣﻦ ﺍﻟﺒﺎ ﺍﻟﻮﺭﺍ ﻭﺑﻘﻴﺖ ﻓﻲ ﺣﺎﻟﺔ ﺗﺎﻧﻴﺔ ﺑﻌﺪ ﺷﻮﻳﺔ ﺍﻟﺤﺮﺍﻣﻲ ﻗﺎﻝ ﻟﻲ ﺍﻓﺘﺤﻲ ﺍﻓﺘﺤﻲ ﺍﺻﻼ ﺧﻼﺹ ﻋﺮﻓﺖ ﺍﻧﻚ ﺑﺮﺍﻙ ﻋﺸﺎﻥ ﻣﺎ ﺍﻋﻤﻞ ﻣﺼﻴﺒﺔ ﺍﻓﺘﺤﻲ ﺍﻟﺒﺎﺏ ﺩﻩ
😭😭
ﻃﺒﻌﺎ ﺍﻋﺼﺎﺑﻲ ﺑﺎﻇﺖ ﻛﻠﻮ ﻛﻠﻮ ﻭﺑﻘﻴﺖ ﺍﻗﺮﺃ ﺍﻟﺸﻬﺎﺩﺓ ﻭﺍﺗﺤﺴﺒﻦ ﻭﺷﻮﻳﺔ ﺃﻋﺎﻳﻦ ﻟﻬﻨﺪ ﻭﺍﻗﻮﻝ ﻟﻴﻬﺎ ﻳﺎ ﺣﻠﻴﻠﻨﺎ ﻳﺎ ﻫﻨﺪﻭﻳﺔ ﺡ ﻧﻤﻮﺕ ﺷﻬﺪﺍﺀ 😂😂😂😂 ﻗﻤﺖ ﺩﺧﻠﺖ ﺟﻮﺓ ﺿﺮﺑﺖ ﻻﺑﻮﻱ ﻭﻗﻠﺖ ﻟﻴﻪ ﻑ ﺣﺮﺍﻣﻲ ﺑﺮﺍ ﻭﺑﺤﺎﻭﻝ ﻳﻔﺘﺢ ﺑﺎﺏ ﺍﻟﻬﻮﻝ ﺍﺑﻮﻱ ﺍﺗﺨﻠﻊ ﻗﺎﻝ ﻟﻲ ﺍﻗﻔﻠﻲ ﺍﻟﺒﺎﺏ ﻛﻮﻳﺲ ﻭﺍﺩﺧﻠﻲ ﺍﻟﻐﺮﻓﺔ ﺟﻮﺓ ﻭﺩﺧﻠﻲ ﻫﻨﺪ ﻧﺤﻨﺎ ﺡ ﻧﺠﻲ ﻫﺴﻲ ﻗﻠﺖ ﻟﻴﻪ ﺍﻧﺘﻮ ﻭﻳﻦ ﻗﺎﻝ ﻟﻲ ﺍﻋﻤﻠﻲ ﻛﻼﻣﻲ ﺑﺲ ﻭﺧﻠﻲ ﺑﺎﻟﻚ ﻣﻦ ﻫﻨﺪ ﻋﺸﺎﻥ ﻣﺎ ﺗﺘﺨﻠﻊ 😂😂 ﺍﻟﻤﻬﻢ ﻋﻤﻠﺖ ﻛﻼﻡ ﺍﺑﻮﻱ ﻭﺗﺎﻧﻲ ﺳﻤﻌﺘﻮ ﺑﻜﺮﻛﺐ ﻓﻲ ﺍﻟﺒﺎﺏ ﻗﻤﺖ ﻏﻄﻴﺖ ﻫﻨﺪ ﺟﻮﺓ ﺍﻟﻐﺮﻓﺔ ﻭﺷﻐﻠﺖ ﺍﻟﻤﻜﻴﻒ ﻭﻃﻠﻌﺖ ﺍﻟﻬﻮﻝ ﻭﺟﺎﺗﻨﻲ ﻓﻜﺮﺓ ﺟﻬﻨﻤﻴﺔ 😂😂 ﻣﺸﻴﺖ ﻗﻠﺖ ﻟﻴﻬﻮ ﺭﺃﻳﻚ ﺷﻨﻮ ﺗﺘﻮﻧﺲ ﻣﻌﺎﻱ ﻭﺍﺩﻳﻚ ﺍﻟﻌﺎﻳﺰﻭ ﻗﺎﻝ ﻟﻲ ﻓﻲ ﺯﻭﻝ ﻗﺎﻝ ﻟﻴﻚ ﻋﻨﺪﻱ ﺭﻳﺎﻟﺔ ﺳﺎﻳﻠﺔ 😂😂😂 ﻗﻠﺖ ﻟﻴﻪ ﺍﺑﺪﺍ ﻭﺍﻟﻠﻪ ﺑﺲ ﺻﺮﺍﺣﺔ ﺍﻧﺎ ﺻﻮﺗﻚ ﻋﺠﺒﻨﻲ ﻭﻋﺸﺎﻥ ﺗﻄﻤﻦ ﻟﻲ ﺃﻧﺎ ﺡ ﺍﻓﺘﺢ ﺍﻟﺸﺒﺎﻙ ﻭﺍﻧﺎ ﺍﺗﺄﻛﺪﺕ ﺍﻧﻪ ﻧﺎﺱ ﺑﻴﺘﻨﺎ ﻟﺴﻪ ﻋﻠﻴﻬﻢ ﻛﺘﻴﺮ ﻗﺎﻝ ﻟﻲ ﻃﻴﺐ ﺍﻓﺘﺤﻲ ﺍﻟﺸﺒﺎﻙ ﻓﺘﺤﺖ ﺍﻟﺸﺒﺎﻙ ﻭﺯﺣﻴﺖ ﺍﻟﺴﺘﺎﺭﺓ ﻭﺑﻘﻴﺖ ﺍﺗﺒﺴﻢ ﻭﺍﺭﻣﺶ ﺑﻌﻴﻮﻧﻲ 😂😂😂 ﺑﻘﻲ ﻳﻌﺎﻳﻦ ﻓﻴﻨﻲ ﻗﻠﺖ ﻟﻴﻬﻮ ﻛﻨﺖ ﺡ ﺍﻛﻞ ﻻﻧﻲ ﺟﻌﺎﻧﺔ ﺭﺃﻳﻚ ﺷﻨﻮ ﺗﺄﻛﻞ ﻣﻌﺎﻱ ﻗﺎﻝ ﻟﻲ ﻭﻳﻨﻮ ﺟﺒﺖ ﺍﻟﺼﺤﻦ ﻭﺍﺩﻳﺘﻮ ﺍﻟﻌﻴﺸﺔ ﻭﻋﺸﺎﻥ ﻣﺎ ﻳﺨﺎﻑ ﺑﺪﻳﺖ ﺍﻛﻞ ﻗﺒﻠﻴﻪ ﻭﻫﻮ ﺑﻘﻲ ﻳﺄﻛﻞ ﻭﻳﺘﻮﻧﺲ ﻭﺣﻜﻲ ﻟﻲ ﻋﻦ ﻧﻔﺴﻮ ﻭﻇﺮﻭﻓﻮ ﻭﺃﻧﻪ ﺍﺿﻄﺮ ﻳﺒﻘﻲ ﺣﺮﺍﻣﻲ ﻭﺃﻧﻪ ﺷﺎﻑ ﻧﺎﺱ ﺑﻴﺘﻨﺎ ﻟﻤﻦ ﻛﺎﻧﻮ ﻃﺎﻟﻌﻴﻦ ﻭﻣﺎ ﻛﺎﻥ ﻋﺎﺭﻑ ﺍﻧﻪ ﻓﻲ ﺯﻭﻝ ﻋﻤﻠﺖ ﻓﻴﻬﺎ ﺍﺗﺎﺛﺮﺕ 😂😂😂 ﻭﺑﻘﻴﺖ ﺍﻗﺸﻘﺶ ﻓﻲ ﺍﻟﺪﻣﻮﻉ 😂😂😂 ﻗﺎﻝ ﻟﻲ ﻃﻴﺐ ﻣﺎ ﺗﻔﺘﺤﻲ ﻟﻲ ﺍﻟﺒﺎﺏ ﺍﺗﻜﻠﻢ ﻣﻌﺎﻙ ﺟﻮﺓ ﺑﺮﺍﺣﺘﻲ ﻗﻠﺖ ﻟﻴﻬﻮ ﻻ ﻃﺒﻌﺎ ﻋﺸﺎﻥ ﻟﻮ ﻧﺎﺱ ﺑﻴﺘﻨﺎ ﺟﻮ ﺗﻘﺪﺭ ﺗﺠﺮﻱ ﺑﻌﺪ ﺷﻮﻳﺔ ﺑﻘﻰ ﻳﻌﺎﻳﻦ ﻟﻲ ﻛﻴﻒ ﻛﻴﻒ ﺍﻧﺎ ﻃﻮﺍﻟﻲ ﻓﻬﻤﺖ ﺍﻟﺤﻨﻚ 😂😂😂😂 ﻭﺑﻄﻨﻲ ﻗﻠﺒﺖ ﻭﺷﻮﻳﺔ ﻭﻛﻨﺖ ﺡ ﺍﺻﺮﺥ ﻗﻠﺖ ﻟﻴﻪ ﺟﻮﺍﻱ ﺑﺮﻛﺔ ﺍﻟﻠﻪ ﻭﺭﺟﺎﻝ ﺍﻟﻠﻪ ﺗﺠﻴﻚ ﻋﺎﻫﻪ 😂 ﺍﻫﺎ ﺳﻤﻌﺖ ﺻﻮﺕ ﺍﻟﻌﺮﺑﻴﺔ ﺍﻃﻤﻨﺖ ﻭﻓﻌﻼ ﺩﻳﻞ ﻛﺎﻧﻮ ﻧﺎﺱ ﺑﻴﺘﻨﺎ ﻗﻠﺖ ﺍﻟﺨﻤﻮ ﻋﺸﺎﻥ ﻣﺎ ﻳﺘﺨﻠﻊ ﺑﻘﻴﺖ ﺍﺗﻤﺎﻳﺺ ﻓﻲ ﺍﻟﻜﻼﻡ ﻭﺷﺒﻜﺘﻮ ﺡ ﺗﺨﺶ ﺗﻌﻤﻞ ﺷﻨﻮ ﻭﺍﻏﻤﺾ ﻭﺍﻓﺘﺢ ﻋﻴﻨﻲ ﺑﺲ ﺍﺑﻮﻱ ﻇﻬﺮ ﻭﺑﻘﻲ ﻣﺎﺷﻲ ﺑﺮﺍﺍﺍﺍﺣﺔ ﻭﻭﺭﺍﻩ ﻣﺤﻤﺪ ﻭﻣﺴﻜﻮﻩ
ﺑﺲ ﺍﻧﺎ ﻓﺘﺤﺖ ﺍﻟﺒﺎﺏ ﻭﺑﻘﻴﺖ ﺍﺭﺩﺡ 😂😂😂😂😂 ﻳﺎ ﻭﺍﻃﻲ ﻳﺎ ﺧﺎﻳﺐ ﻳﺎ ﻋﺎﻳﺐ ﻛﻤﺎﻥ ﺑﻌﻴﻦ ﻗﻮﻳﺔ ﺩﺍﻳﺮ ﺗﺨﺶ ﻳﺨﺶ ﻓﻴﻚ ﻗﻄﺮ ﻳﺎ ﻭﺍﻃﻲ ﻗﺎﻝ ﻇﺮﻭﻓﻲ ﻗﺎﻝ ﻭﺍﺑﻮﻱ ﻭﻣﺤﻤﺪ ﺑﻌﺎﻳﻨﻮ ﻓﻴﻨﻲ ﺑﺎﺳﺘﻐﺮﺍﺏ 😂😂😂 ﻭﺍﻟﺤﺮﺍﻣﻲ ﻣﺎ ﻓﺎﺿﻞ ﻟﻴﻪ ﺷﻲ ﺇﻻ ﻳﺘﺸﻞ 😂😂😂😂 ﺟﺎﺕ ﻫﻨﺪ ﻣﺎﺭﻗﺔ ﻗﺎﻟﺖ ﺩﻩ ﻣﻨﻮ ﻳﺎ ﺟﺪﻭ ﺍﺑﻮﻱ ﻗﺎﻝ ﻟﻴﻬﺎ ﺣﺮﺍﻣﻲ ﻗﺎﻟﺖ ﻫﻲ ﻳﻌﻨﻲ ﻫﻮ ﺯﻭﻝ ﺯﻳﻨﺎ 😂😂😂😂 ﺍﻟﻤﻬﻢ ﻭﺩﻭﻩ ﺍﻟﻘﺴﻢ ﻭﺑﻌﺪ ﺟﻮ ﻗﻌﺪﺕ ﻭﺣﻜﻴﺖ ﻟﻴﻬﻢ ﺑﺎﻟﻌﻤﻠﺘﻮ ﻭﺣﺎﺳﺔ ﺑﺎﻟﻔﺨﺮ ﻭﻣﻨﻔﻮﺧﻪ 😂😂😂😂 ﺍﺑﻮﻱ ﻛﺎﻥ ﺑﺤﻤﺮ ﻟﻲ ﺳﺎﺍﺍﺍﺍﻱ 😂 ﺧﻔﺖ ﻣﻨﻮ ﻭﺳﻜﺖ ﻭﻏﻴﺮﻧﺎ ﺍﻟﻤﻮﺿﻮﻉ ﻭﻗﺎﻟﻮ ﻟﻲ ﺑﻌﺪ ﺃﺳﺒﻮﻉ ﺧﻄﻮﺑﺘﻚ ﻋﻠﻲ ﺧﺎﻟﺪ 😦😨😨 ﻟﻴﻪ ﻧﺎﺱ ﺑﻴﺘﻨﺎ ﺑﻌﻤﻠﻮ ﻣﻌﺎﻱ ﻛﺪﻩ 😂😂
ﻭﺍﻟﺤﻤﺪ ﻟﻠﻪ ﻓﻜﻴﺖ ﺍﻟﻐﺮﺯ ﻭﺧﺎﻟﺪ ﺧﻄﺒﻨﻲ ﻭﻗﺎﻝ ﻟﻲ ﻟﻮ ﺡ ﻧﺴﺘﻤﺮ ﻣﻊ ﺑﻌﺾ ﻻﺯﻡ ﺗﺨﻠﻲ ﺍﻟﺮﻭﺍﺷﺔ 😂😂😂😂 ﺳﺎﻓﺮ ﺧﺎﻟﺪ ﻭﺑﻌﺪ ﺳﺘﻪ ﺷﻬﻮﺭ ﻋﻤﻠﻮ ﻋﻘﺪ ﻭﺳﻔﺮﻭﻧﻲ ﻟﻴﻪ ﻃﺮﺩ
ﻃﺒﻌﺎ ﺣﺼﻠﺖ ﻟﻲ ﻣﻮﺍﻗﻒ ﻛﺘﻴﺮﺓ ﻓﻲ ﺳﻔﺮﻱ ﻟﺨﺎﻟﺪ 😂😂😂 ﻭﺣﺎﻟﻴﺎ ﺑﻜﺘﺐ ﻟﻴﻜﻢ ﻭﻛﺮﺷﺘﻲ ﻗﺪﺍﻣﻲ ﺩﻋﻮﺍﺗﻜﻢ ﺍﺗﺤﻼ ﺑﺎﻟﺴﻼﻣﺔ ﺍﻧﺒﺴﻄﺖ ﺷﺪﻳﺪ ﺑﺘﻌﻠﻴﻘﺎﺗﻜﻢ ﻭﺣﺒﻴﺘﻜﻢ ﺷﺪﻳﺪ ﻳﺎ ﺣﻠﻮﺍﺍﺍﺕ . .. ﻭﻟﻮ ﻋﺎﻳﺰﻳﻦ ﻳﻮﻣﻴﺎﺗﻲ ﻓﻲ ﺑﻴﺘﻲ ﺷﺠﻌﻮﻧﻲ ﻭﺑﻜﺘﺐ ﻟﻴﻜﻢ ﺑﻌﻴﺪ ﻋﻨﻜﻢ ﺍﻟﻐﺮﺑﺔ ﺑﺘﺠﻴﺐ ﻓﺮﺍﻍ ﻣﻦ ﻣﺎﻓﻲ ﻭﻃﺒﻌﺎ ﺟﻤﺪﺕ ﺁﺧﺮ ﺳﻨﻪ ﺑﺴﺒﺐ ﺍﻟﺤﻤﻞ ﻭﺃﺧﺘﻲ ﺟﺎﺑﺖ ﺑﺖ ﺑﺮﺿﻮ ﻭﺳﻤﻮﻫﺎ ﻫﺎﻟﺔ
يتبع
