يوميات مسطولة9
ﺍﻫﺎ ﻃﺒﻌﺎ ﺧﺎﻟﺪ ﻣﻦ ﺑﺪﺭﻱ ﺟﻬﺰ ﺍﻟﺸﻘﺔ ﻟﻜﻦ ﻣﺎ ﺍﺷﺘﺮﻱ ﺣﺎﺟﺔ ﻏﻴﺮ ﻏﺮﻓﺔ ﺍﻟﻨﻮﻡ ﻭﺑﻌﺾ ﺍﻷﺟﻬﺰﺓ ﺍﻟﻜﻬﺮﺑﺎﺋﻴﺔ ﻭﻛﺪﻩ ﻋﺸﺎﻥ ﻛﺪﻩ ﺑﻌﺪ ﺍﺧﺪﺕ ﻟﻲ ﺃﺳﺒﻮﻋﻴﻦ ﻛﺪﻩ ﻳﻌﻨﻲ ﻋﺴﻠﺖ ﻭﻛﺪﻩ ﺑﺪﻳﺖ ﺃﻧﺰﻝ ﻭﺍﻋﺰﻝ ﺍﻟﺤﺎﺟﺎﺕ ﺍﻟﻼﺯﻣﺔ
ﺍﺗﻌﺮﻓﺖ ﻋﻠﻲ ﻭﺣﺪﺓ ﺳﻮﺩﺍﻧﻴﺔ ﻓﻲ ﻧﻔﺲ ﺍﻟﻌﻤﺎﺭﺓ ﻭﻃﺒﻌﺎ ﻣﻦ ﺍﻭﻝ ﻳﻮﻡ ﻣﺎ ﻋﺠﺒﺘﻨﻲ ﻳﻼ ﺍﻭﺭﻳﻜﻢ ﻟﻴﻪ ﺗﻘﺮﻳﺒﺎ ﻛﺪﻩ ﻋﻠﻲ ﻗﻮﻝ ﺍﻣﻲ ﺍﻟﻐﺮﺑﺔ ﻫﺠﻤﺘﻬﺎ ﻛﻼﻣﻬﺎ ﻛﻠﻮ ﻋﻦ ﺍﻟﻌﺮﺑﻴﺔ ﺍﻟﻔﻼﻧﻴﺔ ﺍﻟﺒﻠﺪ ﺍﻟﻔﻼﻧﻲ ﻭﺍﻟﺴﻮﺩﺍﻥ ﺑﻘﻲ ﻻ ﻳﻄﺎﻕ ﺳﺮﺍﺍﺍﺍﺣﺔ ﻳﻌﻨﻲ .. ﺳﺮﺍﺣﺔ ﺩﻱ ﻟﺼﺮﺍﺣﺔ ﻗﻠﺖ ﻟﻴﻬﺎ ﻓﻲ ﺳﺮﻱ ﺇﻟﻬﻲ ﺳﺮﺍﺣﺔ ﻳﺤﺒﺴﻮﻙ ﻓﻴﻬﺎ ﺍﻫﺎ ﻃﺒﻌﺎ ﻣﺸﻴﺖ ﻟﻴﻬﺎ ﺍﻧﺎ ﺍﻭﻝ ﺑﺤﻜﻢ ﺍﻧﻲ ﺟﺪﻳﺪﺓ ﻭﻻﺯﻡ ﺃﺗﻌﺮﻑ ﺑﺎﻟﻨﺎﺱ ﻭﻛﺪﻩ ﻗﺸﺮﺕ ﻟﻲ ﺑﻌﺒﺎﻳﺔ ﻭﺍﺗﻈﺒﻄﺖ ﻭﻣﺸﻴﺖ ﻟﻴﻬﺎ ﺍﺳﺘﻘﺒﻠﺘﻨﻲ ﺯﻳﻴﻴﻴﻴﻦ ﻭﻗﻌﺪﺕ ﺧﻠﻔﺖ ﺭﺟﻠﻬﺎ ﻭﺑﻘﺖ ﺗﺴﺄﻝ ﻓﻴﻨﻲ ﻣﺘﻴﻦ ﺟﻴﺘﻲ ﻭﺗﻔﺎﺻﻴﻞ ﺯﻱ ﺩﻱ ﺑﻌﺪ ﺷﻮﻳﺔ ﻗﺎﻟﺖ ﻟﻲ ﺍﻫﺎ ﺗﺸﺮﺑﻲ ﺷﻨﻮ ﺍﻧﺎ ﺑﻘﻴﺖ ﺍﺗﻠﻔﺖ ﻗﻠﺖ ﻳﺎﺭﺑﻲ ﺩﺧﻠﺖ ﻣﻄﻌﻢ ﻭﺍﻧﺎ ﻣﺎ ﻋﺎﺭﻓﺔ ﻗﻠﺖ ﻟﻴﻬﺎ ﻻﻻ ﺷﻜﺮﺍ ﻣﺎ ﻋﺎﻳﺰﺓ ﺣﺎﺟﺔ ﻗﺎﻟﺖ ﻟﻲ ﺧﻼﺹ ﺍﻧﺎ ﻛﻨﺖ ﺡ ﺍﺗﻐﺪﻱ ﺩﻗﻴﻘﺔ ﻋﺸﺎﻥ ﺗﺘﻐﺪﻱ ﻣﻌﺎﻱ ﺷﻜﻴﺖ ﻑ ﺳﻮﺩﻧﺘﻬﺎ 😂😂 ﺟﺎﺑﺖ ﻟﻲ ﺳﻨﺪﻭﺗﺶ ﻭﻣﻌﺎﻩ ﺑﺎﺭﺩ ﺑﺘﺎﻉ ﺍﻟﻌﻠﺐ ﺩﺍﻙ ﻭﺑﻘﺖ ﺗﺄﻛﻞ ﻭﺗﺘﻮﻧﺲ ﻭﺷﺒﻜﺘﻨﻲ ﺍﻛﻠﻲ ﺍﻛﻠﻲ ﻗﺮﻓﺖ ﻭﺍﺳﺘﺎﺫﻧﺖ 😂😂😂 ﺣﻜﻴﺖ ﻟﺨﺎﻟﺪ ﻭﺑﻘﻴﺖ ﺍﺣﺎﻛﻴﻬﺎ ﻓﻲ ﻣﺸﻴﺘﻬﺎ ﻭﻛﻼﻣﻬﺎ 😂😂😂 ﺧﺎﻟﺪ ﺍﺗﻔﻘﻊ ﺑﺎﻟﻀﺤﻚ ﻟﻤﻦ ﺍﺗﺸﺮﻕ ﻗﺎﻝ ﻟﻲ ﻋﺎﺩﻱ ﻣﺎ ﺗﺎﺧﺪﻱ ﻓﻲ ﺑﺎﻟﻚ ﺍﻟﺠﻤﺎﻋﺔ ﺩﻳﻞ ﻓﻲ ﺍﻟﺒﻠﺪ ﺩﻱ ﻣﻦ ﺳﻨﻴﻦ ﻃﻮﻳﻠﺔ ﻋﺸﺎﻥ ﻛﺪﻩ ﺍﺗﺸﺒﻌﻮ ﺑﻌﺎﺩﺍﺕ ﺍﻟﺒﻠﺪ ﺩﻱ ﻋﺸﺎﻥ ﻛﺪﻩ ﻣﺎ ﺗﺰﻋﻠﻲ ﻭﺧﻠﻴﻚ ﻣﻌﺎﻫﺎ ﻋﺎﺩﻳﺔ ﻓﻬﻤﺖ ﻛﻼﻡ ﺧﺎﻟﺪ ﻭﻭﻗﻊ ﻟﻲ .. ﺧﺎﻟﺪ ﺩﻛﺘﻮﺭ ﺗﺎﻧﻲ ﻳﻮﻡ ﻗﺎﻝ ﻟﻲ ﻋﻨﺪﻱ ﻋﻤﻠﻴﺔ ﻻﺯﻡ ﺍﺣﺼﻠﻬﺎ ﻟﻜﻦ ﺍﻟﺒﺴﻲ ﺗﻄﻠﻌﻲ ﻣﻌﺎﻱ ﺑﺪﻳﻚ ﺍﻟﻔﻴﺰﺍ ﻭﺍﻧﺰﻟﻚ ﻓﻲ ﻣﺤﻞ ﺑﺘﺎﻉ ﻋﺪﺓ ﻋﺸﺎﻥ ﺗﺨﺘﺎﺭﻱ ﺣﺎﺟﺎﺕ ﻟﻠﻤﻄﺒﺦ ﻭﺑﻌﺪ ﺗﺨﻠﺼﻲ ﺑﺠﻴﻚ ﺇﻥ ﺷﺎﺀ ﺍﻟﻠﻪ ﺑﻜﻮﻥ ﺧﻠﺼﺖ ﺍﻟﻌﻤﻠﻴﺔ ﻗﻠﺖ ﻟﻴﻬﻮ ﺟﺪﺍ ﻭﻟﺒﺴﺖ ﻻﻗﻴﺘﻬﺎ ﻓﻲ ﺍﻟﺴﻠﻢ ﺳﻠﻤﺖ ﻋﻠﻴﻬﺎ ﻭﻭﺭﻳﺘﻬﺎ ﻣﺎﺷﺔ ﻭﻳﻦ ﻗﺎﻟﺖ ﻟﻲ ﺧﻼﺹ ﺑﻤﺸﻲ ﻣﻌﺎﻙ . ﺍﻫﺎ ﻭﺻﻠﻨﺎ ﺧﺎﻟﺪ ﻓﻲ ﻣﻮﻝ ﻛﺪﻩ ﻭﻣﺸﻲ ﺩﺧﻠﻨﺎ ﻳﻼ ﻃﺒﻌﺎ ﺍﻧﺎ ﻋﺎﺩﺗﻲ ﺩﺍﻳﻤﺎ ﺑﺸﻮﻑ ﺍﻟﺤﺎﺟﺎﺕ ﺍﻟﺮﺧﻴﺼﺔ ﻭﺍﻟﺴﻌﺮﻫﺎ ﻛﻮﻳﺲ 😃😂😂 ﻟﻤﻦ ﻟﻘﺘﻨﻲ ﺑﻌﻤﻞ ﻛﺪﻩ ﺑﻘﺖ ﺗﺮﻓﻊ ﻳﺪﻱ ﻭﺗﻀﺮﺑﻨﻲ ﻓﻲ ﻛﻔﺔ ﻳﺪﻱ ﺑﺒﺮﺍ ﻭﺗﻘﻮﻝ ﻟﻲ ﻻﻻ ﻣﺎ ﻛﺪﻩ ﻻﺯﻡ ﺗﺸﻮﻓﻲ ﺣﺎﺟﺎﺕ ﺭﺍﻗﻴﺔ 😂😂😂😂 ﺣﻴﺮﺗﻨﻲ ﺍﻟﻤﻬﻢ ﻣﻦ ﺍﻟﺰﻋﻞ ﺍﺷﺘﺮﻳﺖ ﻃﻘﻢ ﺑﺘﺎﻉ ﻛﺒﺎﺑﻲ ﻋﺼﻴﺮ ﻟﻘﻴﺘﻮ ﺑﻲ 60 ﺭﻳﺎﻝ ﺷﻠﻨﺎﻩ ﻭﻃﻠﻌﻨﺎ ﺧﺎﻟﺪ ﺟﺎ ﺭﺟﻌﻨﺎ ﻭﺭﺟﻊ ﺍﻟﺸﻐﻞ ﻭﺑﺮﺿﻮ ﺣﻜﻴﺖ ﻟﻴﻪ ﻭﺑﻘﻲ ﻳﻀﺤﻚ 😂😂
ﺍﻫﺎ ﺑﻌﺪ ﺃﺳﺒﻮﻉ ﻛﺪﻩ ﺧﺎﻟﺪ ﻗﺎﻝ ﻟﻲ ﻓﻲ ﺃﺑﻮ ﺧﻤﺴﺔ ﺭﻳﺎﻝ ﻭﺃﺑﻮ ﻋﺸﺮﺓ ﺭﻳﺎﻝ ﻧﺎﺱ ﺍﻟﺴﻌﻮﺩﻳﺔ ﻋﺎﺭﻓﻨﻬﺎ ﺍﻛﻴﺪ ﻗﺎﻝ ﻟﻲ ﻓﻴﻪ ﺣﺎﺟﺎﺕ ﺳﻤﺤﺔ ﻧﻤﺸﻲ ﻧﻠﻒ ﻳﻤﻜﻦ ﺗﻠﻘﻲ ﺣﺎﺟﺔ ﺗﻌﺠﺒﻚ . .. ﻳﻼ ﺍﻭﺭﻳﻜﻢ ﺍﻟﺤﻨﻚ ﺑﺘﺎﻉ ﺃﺑﻮ ﺧﻤﺴﺔ ﺷﻨﻮ ﺑﺠﻴﺒﻮ ﻣﺜﻼ ﻃﻘﻢ ﻋﺸﺎﺀ ﻛﺎﻣﻞ ﺑﻔﻜﻮ ﻭﻳﺮﺻﻮﻩ ﺍﻟﻘﻄﻌﺔ ﺍﻟﻮﺍﺣﺪﺓ ﺑﺨﻤﺴﺔ ﺭﻳﺎﻝ ﻳﻌﻨﻲ ﻣﺎ ﺣﺎﺟﺎﺕ ﺿﺎﺭﺑﺔ ﺑﺲ ﺷﻐﺎﻟﻴﻦ ﺑﺴﻴﺎﺳﺔ ﺗﻜﺴﺒﻬﻢ ﺳﺮﻋﺔ 😂😂 ﻭﺑﺤﻜﻢ ﺃﺑﻮ ﺧﻤﺴﺔ ﺗﻤﺴﻜﻚ ﺍﻟﻬﺎﺷﻤﻴﺔ ﻭﺗﺨﺸﻰ ﺗﺴﺮﺣﻲ ﻟﻜﻦ ﺗﻄﻠﻌﻲ ﺑﻲ 300 ﺭﻳﺎﻝ ﺃﻗﻞ ﺷﻲ 😂😂😂 ﺍﻟﻤﻬﻢ ﻭﻧﺤﻨﺎ ﻻﻓﻴﻦ ﺍﺷﻮﻑ ﻟﻴﻚ ﻃﻘﻤﻲ ﺍﻟﻤﺎ ﺑﻐﺒﺎﻧﻲ ﺯﺍﺍﺍﺍﺗﻮ ﺗﻼﺗﺔ ﻛﺒﺎﺑﻲ ﺑﻲ ﺧﻤﺴﺔ ﺭﻳﺎﻝ ﻳﻌﻨﻲ ﺍﻟﺴﺘﻪ ﺑﻌﺸﺮﺓ ﻗﺮﺑﺎ ﺍﺷﻴﻠﻮ ﺃﻛﺴﺮﻭﺍ ﻭﺍﺷﻴﻞ ﻭﺍﻧﺒﺬ ﻓﻲ ﺍﻟﻤﺮﺓ ﻭﺍﻗﻮﻝ ﻭﺍﻟﻠﻪ ﻣﺎ ﺍﺧﻠﻴﻬﺎ 😂😂😂 ﺑﺠﻴﻜﻢ
ﺧﺎﻟﺪ ﺷﺒﻜﻨﻲ ﺧﻼﺹ ﻋﺎﺩﻱ ﻣﺎ ﺗﺮﻛﺰﻱ ﻭﺑﻘﻴﺖ ﺍﻧﻔﺾ ﻓﻲ ﻳﺪﻱ ﻭﺍﻗﻮﻝ ﻟﻴﻪ ﻟﻲ ﻳﻌﻨﻲ ﻓﺮﻕ 40 ﺭﻳﺎﻝ ﻫﺴﻲ ﻋﻠﻴﻚ ﺍﻟﻠﻪ ﺃﺭﺑﻌﻴﻦ ﺭﻳﺎﻝ ﻣﺶ ﺗﻔﻄﺮﻧﻲ ﻓﻄﺮﺓ ﻛﺎﺭﺑﺔ 😂😂😂 ﺧﺎﻟﺪ ﻗﺎﻝ ﻟﻲ ﻫﻤﻚ ﻓﻲ ﻛﺮﺷﺘﻚ ﺍﺭﺡ ﺍﻧﺠﺰﻱ ﺑﻐﺪ ﺧﻠﺼﻨﺎ ﺧﻠﻴﺖ ﺧﺎﻟﺪ ﺩﺧﻞ ﻭﺍﻧﺎ ﺭﻓﻌﺖ ﻋﺒﺎﻳﺘﻲ ﻭﻣﺸﻴﺖ ﺩﻗﻴﺖ ﻟﻴﻬﺎ ﻓﺘﺢ ﻟﻲ ﻭﻟﺪﻫﺎ ﻗﻠﺖ ﻟﻴﻪ ﺃﻣﻚ ﻭﻳﻦ ﻗﺎﻝ ﺍﻣﻚ 😲😦 ﺣﺴﺴﻨﻲ ﺍﻧﻲ ﻧﺒﺬﺗﻮ 😂😂😂 ﻗﻠﺖ ﻟﻴﻪ ﻣﺎﻣﻲ ﻭﻳﻦ ﻗﺎﻝ ﻟﻲ ﻣﺎﻣﺎ ﺟﻮﺓ ﻋﺎﻳﺰﺓ ﺣﺎﺟﺔ 😂😂😂 ﺍﺟﻲ ﻳﺎ ﺍﻟﺒﺮﻗﺶ ﻗﻠﺖ ﻟﻴﻬﻮ ﻧﺎﺩﻳﻬﺎ ﻃﺎﺍﺍﺍﺥ ﻗﻔﻞ ﺍﻟﺒﺎﺏ ﻓﻲ ﻭﺷﻲ 😂😂😂 ﺑﻘﻴﺖ ﺍﺗﻠﻔﺖ ﻋﺸﺎﻥ ﻣﺎ ﻳﻜﻮﻥ ﻓﻲ ﺯﻭﻝ ﺑﻌﺎﻳﻦ 😂😂😂 ﻟﻘﻴﺖ ﺧﺎﻟﺪ ﻭﺍﻗﻒ ﻭﺑﻀﺤﻚ 😂😂😂 ﻋﻤﻠﺖ ﺭﺍﻳﺤﺔ ﺟﺎﺗﻨﻲ ﺍﻟﻤﺮﺓ ﻓﺘﺤﺖ ﺍﻟﺒﺎﺏ ﻭﻃﻮﺍﻟﻲ ﺻﺮﻳﺖ ﻭﺷﻲ ﻭﻧﻔﺨﺖ ﺭﻭﺣﻲ ﻋﻠﻲ ﺃﺳﺎﺱ ﺡ ﺗﻌﺘﺬﺭ ﻟﻲ ﻣﻦ ﺗﺼﺮﻑ ﻭﻟﺪﻫﺎ ﻗﺎﻟﺖ ﻟﻲ ﻣﺮﺣﺐ ﺍﺗﻔﻀﻠﻲ 😂😂😂 ﻗﻠﺖ ﻟﻴﻬﺎ ﺍﻧﺘﻲ ﺑﺘﻌﺮﻓﻲ ﺃﺑﻮ ﺧﻤﺴﺔ ﻗﺎﻝ ﻟﻲ ﻳﺎﺍﺍﺍﺍﺍﺍﺍﺍﺍﻱ 😂😂😂😂😂 ﻋﺎﻳﻨﺖ ﻟﺨﺎﻟﺪ ﻟﻘﻴﺘﻮ ﻗﻔﻞ ﺍﻟﺒﺎﺏ ﺑﺮﺍﺍﺍﺍﺍﺣﺔ 😂😂😂😂😂😂 ﻗﻠﺖ ﻟﻴﻬﺎ ﻣﺎﻟﻮ ﻗﺎﻟﺖ ﻟﻲ ﺍﻧﺘﻲ ﻣﺸﻴﺘﻲ ﺃﺑﻮ ﺧﻤﺴﺔ ﺑﺎﺍﺍﺍﺍﺍﺍﻟﻐﺘﻲ ﻭﺣﺴﻴﺖ ﻣﺮﺍﺭﺗﻲ ﺟﺎﻫﺎ ﺍﻟﺘﻬﺎﺏ 😂 ﻗﻠﺖ ﻟﻴﻬﺎ ﻣﻌﻠﻴﺶ ﺑﺲ ﺍﻧﺘﻲ ﻗﺪﺭ ﺍﻣﻲ ﻣﺖ ﺑﻘﺪﺭ ﺍﻏﻠﻂ ﻓﻴﻚ ﻭﻣﺸﻴﺖ ﺩﺧﻠﺖ ﺷﻘﺘﻲ 😂😂😂 ﺑﺠﻲ ﻋﺸﺎﻥ ﺍﻭﺭﻳﻜﻢ ﻟﻤﻦ ﺟﺎﺕ ﻣﻌﻄﺘﻨﻲ ﻣﻦ ﺷﻌﺮﻱ ﻋﺸﺎﻥ ﻗﻠﺖ ﻟﻴﻬﺎ ﻗﺪﺭ ﺍﻣﻲ 😂😂😂😂😂😂
ﻳﺘﺒﻊ
