Lost Soul

Part 15

Hope you like it

مارس 2000
(على الطريق يونج هوان سايق عربيته بسرعه جنونيه لغايه ما قرب من عربيه تشان)
يونج هوان:جيسكيا اقفى حالا
(بصتله جيسيكا برعب..خبط يونج هوان عربيتهم ..وقف تشان العربيه بسرعه قبل ما يخبطوا فى شجره..نزلت جيسيكا من العربيه مسكها يونج هوان من رقبتها وخنقها)
جيسيكا:كدة هترضى نفسك
(بصلها يونج هوان وابتسم...نزل تشان زقه عنها ضربه يونج هوان وزق جيسيكا على الارض)
يونج هوان:ما تستحقيش حتى انى الوث ايدى بسببك..بكره السكرتير هيجيلك بورق الطلاق هتمضى عليه وهيبقى معاه فلوس مناسبه مش عايز اشوف وشك تانى فى كوريا لا انتى ولا ابنك
جيسيكا:وانت هتربيه
يونج هوان:على اساس انك متهمه بيه..يمكن جرحه يقل شويه لو عرف انك متى
(بصتله جيسيكا بصدمه)
جيسيكا:مت
يونج هوان: بكره جنازتك انتى ملكيش تانى وجود فى حياته او حياتى من النهارده
جيسيكا:انت هتبعدنى
يونج هوان:انتى طول عمرك بعيده عنه و عنى ملكيش لازمه وجودك زى عدمه السر ده مش هيعرفه غيرى وغيرك لو كيوهيون اخد خبر انك عايشه موتك هيكون على ايدى والموضوع مش هيفرق معايا
end

(قعدت سول على السرير بتحاول جمع الى حصل من شويه)
سول:مين

جيسيكا:اكيد لمحتى صوره ليا

سول:انتى ايه الى جابك هنا

جيسيكا:عايزة اقابل كيوهيون

سول:اطلعى بره

جيسيكا:انتى ازاى تتجرأى

سول:اتجرأ ..تقدرى تقولى انى بتحمل نتيجه انانيتك وكرهك ليه لما اشوف جوزى بيتعذب قدامى الفتره دى كلها واتعذب قد ايه وهو صغير علشان واحده زيك والله اعلم انتى راجعه ليه تانى عايزة تأذيه ولا راجعه ليه
جيسيكا:ولا انتى ولا اى قوه هتمنعنى اشوف ابنى
(بصتلها سول بسخريه واتكلمت باستهزاء)
سول:ابنك لو شافك انا هقتلك انا مش حمل انه يبقى تعيس تانى
(فاقت سول على خبطات هانا)
سول:كريستين اخدت اون سو
هانا:ايوة..حضرتك كويسه
سول:اه
هانا:اعملك حاجه تاكليها اكيد اغمى عليكى من قله الاكل
سول:لا انا كويسه يا هانا شكرا
هانا:بس
سول:عايزة اقعد لوحدى معلش انا تعبانه
(خرجت هانا من الاوضه..ثوانى وسمعت صوت صريخ سول من الاوضه ..دخلت الاوضه تانى بسرعه لقت ماسكه سول بطنها )
هانا:فى ايه
سول:المغص رجع تانى
هانا:هتصل بالدكتور كيم
سول:لا قولتلك بعد الحفله انا هروحله هاتى بس الدوا الى قال عليه دكتور ييسونغ...(بصتلها بتوسل)هانا بسرعه
(خرجت هانا جابت الدوا وفضلت قاعده جنبها لغايه ما نامت..خرجت من اوضها لقت كيوهيون فى وشها)
كيوهيون:سول نامت
هانا:اه من شويه
كيوهيون:فى حاجه
هانا:ها
(ارتبكت وبصت فى الارض)
كيوهيون:انطقى
هانا:مدام سول اغمى عليها وعندها الم فى معدتها بقالها كام يوم
كيوهيون:اتصلى بكيم خليه ييجى
(هزت هانا راسها وقبل ما تتحرك لقت سول خارجه من الاوضه)
سول:لا يا هانا
كيوهيون:سول مش فى دى كمان عناد
سول:مش عناد بس
كيوهيون:بس ايه
سول:انا هروحله بعد بكره
كيوهيون:سول انا سكت لما قولتى الوجع خفيف
سول:بعد بكره هروحله وعد اول حاجه بس علشان الحفله والمسكن الى باخده كويس
كيوهيون:بس
سول:الموضوع اكيد مش حاجه مهمه كان على الاقل قالى لازم اعمل فحص على طول
(خرج كيوهيون من اوضتها واتصل بكيم)
كيوهيون:سول كلمتك
دكتور كيم:ايوة
كيوهيون:بتقولى انه عادى والدكتور ييسونغ كاتبلها مسكن
دكتور كيم:ما تقلقش زى ما هى بس خليها تبطل المسكن لما هتيجى هوصفلها حاجات تانيه
كيوهيون:انت عارف حاجه
دكتور كيم:لما تيجى هنعرف
(قفل كيوهيون معاه التيلفون ودخل تانى اوضه سول )
سول:اتطمنت
كيوهيون:لسه لما هنروحله هتطمن ..وعنادك يقل
سول:حاضر
(طلع كيوهيون يغير هدومه لما خرج من اوضه الهدوم لقاها نايمه على سريره..ابتسم وراح جنبها..لفت ايديها حوالين رقبته)
سول:بتمنى الاذى يبعد عنك والحزن ما يوصلش قلبك تانى
كيوهيون:طول ما انتى جنبى انا بخير
(دمعه فلتت منها ..مسحها وبص فى عنيها)
كيوهيون:سول انتى مخبيه عنى حاجه
سول:لا
كيوهيون:سول لو فى حاجه عرفينى
سول:مفيش حاجه يا كيوهيون
(لفت ادته ضهرها بصلها كيوهيون بقلق وحضنها من ضهرها)
كيوهيون:ارجوكى ايا كان الى مضايقك عرفينى ايه هو
سول:مفيش انا بس همدانه شويه لما هنام هبقى كويسه..نام
(غمض عنيه بألم وقام من على السرير)
كيوهيون:هنزل اخلص حاجه فى المكتب
(اول لما خرج من الاوضه بدأت تعيط كانت حابسه دموعها من من ساعه ما شافته.. عيطت لغايه ما قوتها انهارت و نامت..بعد فتره دخل كيوهيون الاوضه لقاها نايمه وحاضنه المخده بتاعته..شالها من بين ايديها ونام جنبها )
كيوهيون:ايا كان الى انتى مخبياه عنى هو خانقك ودة تاعبنى اكتر
(تانى يوم صحى كيوهيون ملقهاش جنبه..نزل اوضتها سمع صوت كركبه فتح الباب بسرعه لقى باب الحمام اتقفل)
كيوهيون:سول انتى هنا
سول:ايوة هاخد شاور ونازله
كيوهيون:انتى كويسه
سول:ايوة
(خرج كيوهيون من اوضتها ..فتحت سول باب الحمام واتحركت بصعوبه قعدت على السرير بضعف..بلعت ريقها وقعدت قدام المرايه مسحت العرق من على وشها واخدت نفس عميق
(غيرت هدومها ونزلت لقته قاعد فى مكتبه..دخلت قعدت قدامه)
كيوهيون:انتى ما نمتيش كويس
سول:لا نمت
كيوهيون:لو مش عايزانا نروح الحفله
سول:لا طبعا لازم نروح..انت مش هتفطر
كيوهيون:مش جعان دلوقتى روحى كلى
سول: مليش نفس للأكل
كيوهيون:ولو لازم تاكلى حاجه
سول:شويه وهخلى هانا تحضرلى حاجه..حاسه انى عايزة انام تانى
كيوهيون:خلاص اطلعى ريحى
(هزت سول راسها وخرجت من المكتب)
سول:هانا
(جريت هانا عليها)
هانا:فى حاجه
سول:صحينى على الساعه 5لو كنت لسه نايمه ولو لقيتى كيوهيون طالع اوضتى وعرفتى تطلعى تصحينى قبلها ياريت مش عيزاه يحس بحاجه
(هزت هانا راسها..طلعت سول اوضتها مكلمتش ثوانى وكانت نايمه..لما دخلت هانا تصحيها)
سول:هى الساعه بقت 5
هانا:الساعه بقت 6 انا بقالى ساعه بصحى حضرتك
سول:حاسه انى دايخه ومش قادره اقوم
هانا:تحبى ابلغ استاذ كيوهيون
سول:لا ..ساعدينى بس اخد شاور افوق
(ساعدتها هانا تقوم من على السرير وجهزتلها الحمام..خرجت سول لبست فستان وحطت ميك اب خفيف ونزلت كان كيوهيون واقف بيعدل الساعه فى ايده مستنيها..اول لما شافها ضحك..راحت ناحيته وبصتله بلوم)
سول:شكلى وحش
كيوهيون:انا كل مره بشوفك بقع فى حبك زى اول يوم
(وشها احمر وبعدت عنيها عنه)
سول:بستغرب انت ازاى كل مره بتضحك عليا بكلامك دة
كيوهيون:ومين قالك انى بضحك عليكى
(مسك ايديها باسها واخدها ما بين ايده وراحوا الحفله..لما دخلوا القاعه جرى دونغهى عليهم)
دونغهى:سول انتى جيتى
كيوهيون:سول انتى جيتى؟؟ انت عايز ايه
دونغهى:بتطمن عليها
(ابتسمت سول بخجل)
كيوهيون:مش هيفرق معايا منظرى قدام الناس وانا بمسح بيك الارض
(جيه شيون من وراهم)
شيون:تعالا سلم على مستر سايمون الاول..(بص لسول وابتسم) شكلك حلو اوى النهارده
كيوهيون:انتى هترمى موبايلك ده ومش هتدى رقمك لحد
(مسك ايد سول وراحوا سلموا على سايمون ووقفوا معاه ..اول لما اشتغلت الموسيقى طلب سايمون انه يرقص مع سول..بصت لكيوهيون مستينه رده هزلها راسه بالايجاب بصعوبه....بعد ما خلصت رقصتها مع سايمون راحت وقفت جنب كيوهيون جيه دونغهى من جنبها)
دونغهى:تسمحيلى
(ومدلها ايده..بصله كيوهيون بقرف وزقه..وحاوط وسطها بأيده...وقفوا شويه لغايه ما اعتذرت وراحت قعدت..شويه وكيوهيون راح وركع على ركبته)
كيوهيون:ممكن تشرفينى بالرقصه دى
سول:الشرف ليا بالرقصه يا استاذ تشو
(ابتسمت ومدتله ايديها..لما وقفوا فى ساحه الرقص..ضمها كيوهيون ليه وهما بيرقصوا...حست بألم فى بطنها اتكلمت معاه وحاول تكون طبيعيه)
سول:كيوهيون
كيوهيون:ها
سول:انا تعبانه عايزة اقعد
كيوهيون:تعالى
(مسك ايديها ووصلها للترابيزة لقى ييسونغ بيقرب منهم)
ييسونغ:استاذ كيوهيون
كيوهيون:دكتور ييسونغ
انهيوك:استاذ انهيوك
(بصله كيوهيون بطرف عينه)
كيوهيون:انت ايه الى جابك
(قرب انهيوك وهمس فى ودنه)
انهيوك:سمعت ان بنات لندن الى بييجوا الحفلات دى حلوين
كيوهيون:ابعد عنى
انهيوك:شيون عايزك
كيوهيون:طيب..سول مش هتأخر
(هزت سول راسها بتفهم..قعد ييسونغ جنبها)
ييسونغ:انتى عامله ايه
سول:احسن
ييسونغ:المسكن جايب نتيجه
سول:اه شكرا على اهتمامك انا على طول تعباك
ييسونغ:ابدا مفيش حاجه مش قولنا احنا اصحاب
سول:طبعا
(ابتسمت بخجل..لقت كيوهيون خارج من القاعه فضلت متبعاه بعنيها لغايه باب القاعه..لمحت ميونغ سو واقف بعيد وجنبه جيسيكا اول لما شافتهم قامت من مكانها بسرعه وقعت كوبايه الميه على فستانها..بصلها ييسونغ بقلق)
ييسونغ:انتى كويسه
سول:هو جيه
ييسونغ:مين.. فى ايه
(الدنيا لفت بيها محستش بحاجه غير انها وقعت على الارض..القاعه كلها سكتت وبصولها بقلق قعد ييسونغ على الارض وبيهز فيها ..وهى ساكته ثوانى و  كيوهيون جيه وشالها  لبره القاعه جسمها كله كان بيتنفض وحست ان نفسها بطئ)
كيوهيون:فى ايه..سول
( لفت ايديها على رقبته وعيطت)
كيوهيون:سول فى ايه حد قال حاجه
سول:كيوهيون انا بحبك
(طبطب عليها)
كيوهيون: فهمينى ايه الى حصل
(بصتله سول بتوسل)
سول:انا عايزة اروح
كيوهيون:فى حد قالك حاجه
سول:لا انا عايزة اروح
(هز كيوهيون راسه بالايجاب لقى شيون جيه وراه)
شيون:فى حاجه سول كويسه
كيوهيون:اه بلغ اعتذارى لمستر سايمون انا هروح
(بص شيون لسول بقلق)
شيون:خلاص ما تشغلش بالك هو هيتفهم
(قلع شيون جاكت البدله بتاعه وحطه علي سول وخرج مع كيوهيون لغايه العربيه بتاعته ودخل تانى.. قعدت سول فى حضن كيوهيون ومسكاه جامد)
كيوهيون:طب نروح المستشفى
سول:عايزة نروح البيت بس..ارجوك
(اتنهد بعصبيه ..اول لما وصلوا البيت وقفلوا الباب اخدت نفس عميق كأنها كانت محرومه من الهوا وقعدت فى الارض..وطى كيوهيون ومسكها من كتافها)
كيوهيون:ارجوكى فهمينى ايه الى حصل
سول:عايزة ارتاح بس ودينى اوضتى
(شالها كيوهيون بين ايديه تانى وطلعها اوضتها..فضل جنبها لغايه ما نامت ..تانى يوم صحى يروح الشغل )
كيوهيون:خليها تروح لدكتور كيم النهارده
هانا:اتصلت اخد معاد والممرضه قالتلى انه فى مؤتمر وراجع بكره
كيوهيون:وده وقته
هانا:خليتها تحجز بكره
كيوهيون:اساسى وما تخليش سول تتحرك من اوضتها النهارده
هانا:حاضر
(راح كيوهيون الشركه اعصابه كانت تلفانه ..لاحظ شيون توتره)
شيون:فى ايه
كيوهيون:سول تعبانه وانا مش عارف اعمل ايه
شيون:حاول تهدى نفسك واتصل بكيم
كيوهيون:مسافر وراجع بكره
شيون:طب خلص الى انت جاى علشانه وروح
كيوهيون:ماشى
شيون:انا فهمت مستر سايمون ان موت والدها مأثر عليها
(بصله كيوهيون بتعب)
كيوهيون:بتمنى اعرف هى فعلا مالها
شيون:قاصدك ايه
كيوهيون:سول متغيره
(خلص كيوهيون شغله بسرعه وجرى على البيت اول لما دخل لقى هانا فى وشه)
كيوهيون:سول فين
هانا:فى اوضتها انا استنيت حضرتك تيجى بس هى تعبت اوى عن امبارح وحرارتها عاليه ورافضه تاكل
كيوهيون:تانى مره تعرفينى فى ساعتها ما تستنينيش
(طلع بسرعه اوضه سول..وهانا وراه دخل الاوضه لقاها مرميه فى الارض شالها كيوهيون وقعد يصرخ باسمها ويلمسها بالراحه)