Lost Soul

Part 14

ما تنسوش الفوت والكومنت بليز يعنى
التريلر للى ماشفهوش
اينجوى

____________

(دخلت سول البيت كانت لبسه فستان اسود طويل وشايله شنطه صغيره..اول لما هانا شافتها جريت عليها حضنتها)
هانا:حمد الله على سلامتك
سول:الله يسلمك..كيوهيون هنا ولا نزل الشغل
هانا:لا فى اوضته
(نزل كيوهيون على السلم اول لما شافها جرى عليها)
كيوهيون:كنت هاجى اخدك بالعربيه
سول:روحت مع كريستين لبابا وجيت
كيوهيون:النهارده اليوم ال49 صح
سول:ايوة
كيوهيون:كنت عايز ابقى معاكى
(اكتفت بانها ابتسمت..مسك الشنطه منها وطلعها اوضتها ..مشيت وراه وهى ساكته اول لما جيه يخرج لقاها حضنته من ضهره..حط ايده على ايديها وابتسم)
سول:شكرا انك استحملتنى الفتره الى فاتت وشكرا انك سمحتلى ابقى لوحدى
كيوهيون:شكرا انك رجعتى بيتك تانى
(بصلها واخدها فى حضنه)
كيوهيون:وحشتينى
سول:انت اكتر
كيوهيون:بوران ويى فنغ سافروا
سول:لا لسه قفلنا البيت وبليل هييجوا يقعدوا معانا شويه
كيوهيون:ماشى مش هتأخر
سول:ياريت
كيوهيون:لو مش عيزانى اروح الشغل خالص كمان
سول: لا روح خلص شغلك وتعالا براحتك
كيوهيون:حاضر
(طلع كيوهيون اوضته غير هدومه ونزل بالكرافته مفكوكه لاوضه سول..اول لما شافته ابتسمت ورحت ناحيته ربطتهاله)
كيوهيون:كان وحشنى ربطتك
سول:انت كنت واحشنى اكتر من اى حاجه
(طبطب عليها)
كيوهيون: سول
سول:ها
كيوهيون:لو عايزة ننقل نقعد فى البيت بتاع عمو ونسيب البيت ده معنديش مانع
سول:لا طبعا
كيوهيون:انا عايزك تكونى مرتاحه
سول:انا مرتاحه هنا..هناك صعب اتخيل وجودى فيه من غير بابا
كيوهيون:انا هعمل الى يريحك ايا كان
(ابتسمت ابتسامه ضعيفه وهزت راسها..مسح كيوهيون على شعرها وخرج من الاوضه راح الشركه...اول لما دخل لقى يى فنغ قاعد مستينه..سلم عليه كيوهيون ودخلوا مكتبه)
يى فنغ:معلش مكلمتكش
كيوهيون:تيجى فى اى وقت..تشرب ايه
يى فنغ:ملوش لزوم
كيوهيون:ازاى بس
يى فنغ:انا جايلك فى موضوع مهم
كيوهيون:قول..بس مش انتوا جايين بليل
يى فنغ:الموضوع ده مش عايز سول تسمعه
كيوهيون:قلقتنى فى حاجه
يى فنغ:الشركه بتاعت كوريا مكتوبه باسم سول تقريبا 51 فى الميه من الاسهم واسهم بابا فى الشركه دى مكتوبه برضه بأسم سول واظن انك عارف حاجه زى دى و
كيوهيون: ثانيه قبل ما تكمل ده يخصنى فى ايه
يى فنغ:انت جوزها
كيوهيون:ايوة جوزها بس ده ما يدليش الحق انى اعرف املاكها انتوا اخوات مع بعض واكيد مش هتظلموها وحقها كله هيبقى معاها وهتشوفوا الاحسن ليها
يى فنغ:سول كتبتلك تنازل عن كل حاجه فى حاله (بلع ريقه) انها ماتت وعملت توكيل ليك برضه انك تتصرف فيهم
كيوهيون:نعم
يى فنغ:ده سبب فى انى اجى اقولك ايه املاكها..المحامى هيتواصل معاك قريب علشان يوضحلك
كيوهيون:ايه السبب فى ان سول تعمل كدة
يى فنغ:معرفش ومش هعارض اى حاجه هى تطلبها.. انا بس جاى اوضحلك حاجات علشان مش هقدر اوضحهالك فى التيلفون شركه كوريا تبع شركه الصين الى حد ما
كيوهيون:انا مش هدخل فى حاجه مليش علاقه بيها غير لو طلبت منى مساعده غير كدة انا لسه فى مكانى وهعتبر ان حوار الاسهم او غيره معرفش عنه حاجه
(هز يى فنغ راسه بالايجاب وقام)
يى فنغ :اشوفك بليل
(خرج يى فنغ من مكتب كيوهيون وسابه تايهه..دخل انهيوك بعد شويه ومعاه شيون)
انهيوك:فى ايه
كيوهيون:سول عملالى توكيل بكل ممتلكاتها بما فيهم اسهم الشركه دى
انهيوك:بجد
شيون:دة ازاى
كيوهيون:معرفش يى فنغ كان لسه عندى وقالى الكلام ده والمفروض المحامى هييجى يشرحلى
شيون:لو دة كده يبقى بالاسهم بتاعتى كمان عليهم واسهم دونغهى تبقى الشركه كلها بتاعتنا ونقدر نتحكم فيها
كيوهيون:ان فاهم لو يونج هوان عرف هيعمل ايه
شيون:مش هيقدر يعمل حاجه
انهيوك:بالعكس بالى بيخططه هتحمى نفسك
كيوهيون:مستعد انه يدمر سول فى لحظه لو حب يطردنى مش عايز احطها فى الصوره قدامه
شيون:بس
كيوهيون:ان فاهم الى انا بقوله وواثق فيه
انهيوك:هتعمل ايه
كيوهيون: انا عايز اعرف ازاى هى اخدت قرار زى دة
انهيوك:طب ما تروح تسألها
كيوهيون:ده الى هيحصل(بص لشيون)انا هروح بدرى لو فى حاجه مهمه ابعتهالى على الايميل
شيون:ماتقلقش
(مشى كيوهيون من الشركه بسرعه اول لما دخل لقى هانا ماسكه صينيه وداخله المكتب)
كيوهيون:فى حد هنا
هانا:محامى مدام تشو
كيوهيون:كويس
(دخل المكتب اول لما سول شافته ارتبكت)
هوانغ يون:استاذ كيوهيون شرف ليا انى اقابل حضرتك
(بصله كيوهيون ومد ايده)
كيوهيون:الشرف ليا
سول:كيوهيون انت ايه الى جابك بدرى
كيوهيون:سول انا عايزك فى موضوع
بونغ تشول:حضرتك لازم تعرف الى انا جاى علشانه
سول:اقعد هنا واسمع منه هو كان رايحلك المكتب اصلا..وهخرج انا اجيب حاجه
كيوهيون:اقعدى
سول:انا
كيوهيون(بزعيق):قولت اقعدى
(جسمها اتنفض وقعدت تانى مكانها..بص كيوهيون بونغ تشول)
كيوهيون:اتفضل كنت جايلى ليه
بونغ تشول:مدام سول عملت توكيل لحضرتك لكل ممتلكاتها الى هنا وفى الصين وان حضرتك ليك الحريه الكامله مفيش اى شروط ..الى هيباشر على شركه كوريا استاذ يى فنغ والاسهم فى شركات تشو بتاعت حضرتك كلها هتتنقل بأسمك والعقارات هتبقى بتوكيل ليك وفى حاله وفاتها
(بصله كيوهيون بغضب انتبه بونغ تشول لنظرته)
بونغ تشول:انا بنقل الكلام..كل ممتلكاتها ما عدا شركه اون فى كوريا هتتقسم لاستاذ يى فنغ واستاذ بوران وملكيه البيت برضه ليهم
(بصله كيوهيون باستفهام)
كيوهيون:خلصت
(هز بونغ تشول راسه)
كيوهيون:تمام .دلوقتى طبعا محتاج امضتى على الكلام دة كله
هوانغ يون:اكيد علشان اقدمه فى المحكمه
كيوهيون:مفيش امضه هتتعمل
(بصتله سول بصدمه)
كيوهيون:كدة الموضوع انتهى ومش محتاجين محامى
(خرج كيوهيون من المكتب ورزع الباب وراه ..قامت سول بسرعه اعتذرت لبونغ تشول)
سول:معلش هو ممكن يكون متضايق من حاجه انت كمل الورق وهبقى اعرفك تبعتله حد فى المكتب
(هزن بونغ تشول راسه وخرج..طلعت سول اوضته وقفت شويه ودخلت.. لقت كل حاجه متكسره ومرميه فى الارض..سمعت صوت من الحمام راحت وقفت قدامه وخبطت على الباب)
سول:كيوهيون..ممكن افهم انت متضايق ليه..رد عليا
(فضلت اكتر من 10 دقايق)
سول:كيوهيون..رد عليا
(فجأه لقت الباب بيتفتح خارج وقف قدماها وهدومه كلها ملبوله..جريت علشان تجبله فوطه لقته بيشدها من ايديها وبياخدها فى حضنه)
سول:انا
كيوهيون:شششش مش عايز اسمع ولا كلمه
سول:افهم انا قصدى
كيوهيون:ايا كان قصدك ده كله والدك كاتبه علشان يحميكى
سول:عارفه بس من الاول انت عارف انى مليش فى الشغل ده كله
كيوهيون:سول ايا كان الشغل انا هعلمك ازاى تديرى املاكك بنفسك..متفهم ان الشركه بتاعت اون تكون تحت اداره يى فنغ بس والدك كتبها ليكى برضه لفكر فى دماغه..دى لمستقبلك
سول:انا مستقبلى معاك
كيوهيون:انا مش هعيش على طول يا سول
سول:ما تقولش الكلمه دى
(بعد عنها وبص فى عنيها)
كيوهيون:انتى عارفه انى عايزة احميكى طول عمرى بس لاى ظرف انا عايزك تبقى قويه ما تخليش حاجه تسيطر عليكى
سول:طب الاسهم فى شركه تشو اقبلها
كيوهيون:انا قولت ايه
سول:3 فى الميه منهم والدك كتبهملى بمناسبه جوازنا والباقى بتاع بابا ..انا هتنازل عنهم ليك علشان تقدر..
كيوهيون:لا
سول:بس
كيوهيون:انا كلامى معاكى كله واضح من البدايه الحاجه الوحيده المسموحه هنا ان كل ممتلكاتى بتاعتك
سول:قصدك ايه
كيوهيون:ميهمش ده ايه بس اسمعى كلامى المره دى
سول:خلاص خلى التوكيل ليك برضه مؤقتا لغايه ما افهم الى انت عايزنى اعرفه
كيوهيون:انا هطلب من المحامى اى حاجه تخص املاكك يجبها وانا هديرها وانتى الى هتمضى وهتفضلى المسؤله عنها
سول:انت ليه عايز تعمل فاصل بينا
كيوهيون:ده مش فاصل ده حمايه ليكى..بليل لما يى فنغ وبوران ييجوا هفهمهم كل حاجه وان الموضوع الى قولتى عليه اتلغى
(حط ايده على خدها غمضت سول عنيها وريحت على ايده)
كيوهيون:انا بحبك
سول:وانا كمان بحبك
(فتحت عنيها بسرعه كأن عقرب لدغها)
سول:روح غير هدومك يلا هيجيلك برد
(ابتسم من تصرفها شدته من ايده وخرجت بيه)
كيوهيون:هتلبسينى
سول:ها
(قعد على السرير ورفع ايده علشان تقلعه الهدوم بصتله سول وهى متنحه ثوانى)
سول:دة الوقت اتأخر يا خبر
(وخرجت بسرعه من الاوضه..ابتسم كيوهيون وقام غير هدومه مدد على السرير محسش غير بسول بتصحيه)
سول:مساء الخير
كيوهيون:انا نمت
سول:تقريبا كدة..سبتك نص ساعه بالظبط وطلعت لقيتك نايم مردتش اصحيك
كيوهيون:ليه
سول:قولت اكيد تعبان
كيوهيون:الحقيقه ما كنتش بنام كويس وانتى مش موجوده
(وشها احمر بعدت عنه)
سول:يى فنغ وبوران تحت
كيوهيون:هغير هدومى وهنزل
سول:ماشى
(قام كيوهيون من على سريره بسرعه غير هدومه ونزل لقى بوران ويى فنغ قاعدين بيتكلموا مع بعض ..اول لما نزل سلم عليهم وقعد )
كيوهيون:امال سول فين
يى فنغ:دخلت المطبخ
بوران:مصممه تعمل هى الاكل
(ابتسم كيوهيون بخفه)
يى فنغ:المحامى كلمنى الصبح
كيوهيون:انا مش عايز يكون ليا الحق دة
بوران:ما دام سول واثقه فيك وهى الى طلبت الطلب ده
كيوهيون:لا
بوران:اشمعنى
كيوهيون:ممكن لو حد فيكم اتعامل مع يونج هوان
يى فنغ:طبعا
كيوهيون:يبقى تعرف انه مش سهل برغم انه والدى هو ممكن يحطمنى فى اى لحظه الحاجه الوحيده الى هقدر اهرب بيها منه هى البيت ده غير كده اسهمى فى شركات تشو هياخدها وشركه لندن بالعقارات بتاعى
بوران:وده علشان
كيوهيون:لو عايز يطردنى من الشركه مش هيبقى فى سبب وعمو برضه كان فاهم حاجه زى دى انا كل الى هقدر عليه انى ادير ممتلكاتها بأسمها وهى برضه الى ليها حق التصرف فيها يعنى مفيش حاجه هتمشى غير بمعرفتها الشركه بتاعت اون انتوا من البدايه الى كنتوا بتديروها ف زى ما الاساس كان ماشى..انا بس بطلب منكم سول ما تعرفش حاجه
يى فنغ:لو حاول يشيلك من الشركه بأسهم سول
كيوهيون:مش هخليها تحمينى بالاسهم بتاعتها
يى فنغ:الى انت شايفه
كيوهيون:ده اصلح حاجه
(دخلت هانا تنبهم ان العشا جاهز)
كيوهيون:اتفضلوا
(اول لما دخلوا قعدوا..بوران بص لسول بشك)
بوران:حطالى سم
(بصتله سول باستحقار)
سول:ايوة جلالتك بتتمنى تتسمم
بوران:يااااه
سول:ششش
(بص كيوهيون لى فنغ)
يى فنغ:توم وجيرى العصر الحديث..هتلاقى ضرب تحت الترابيزة انا ما بيجيلش صداع من شويه
سول:شكرا -_-
كيوهيون:لا عادى طبله ودنى اتخرمت
(بصتله سول بطرف عنيها وكملت اكلها وهى مطنشاهم ما بتردش على حد فيهم..بعد الاكل قعدوا يتكلموا مع بعض ويهزروا لغايه الفجر..وصلهم كيوهيون وسول للمطار)
بوران:هتوحشينى يا قرده
سول:وانت كمان
يى فنغ:لو احتجتى اى حاجه اتصلى
سول:طبعا
كيوهيون:مش لازم تبقى محتاجه حاجه علشان تيجوا
سول:ياريت
يى فنغ:ياريت تيجوا الصين
(بصت سول لكيوهيون)
كيوهيون:اكيد هفضى وقت ونيجى
(ابتسم بوران وحضن كيوهيون)
بوران:خد بالك من اختى
كيوهيون:ما تخافش عليها
(بعد ما ودعوهم ورجعوا على البيت..شدها كيوهيون على اوضتها واخدها فى حضنه علشان ينامو)
سول:طب هغير هدومى
كيوهيون:كلها ساعتين وهروح الشغل عايز اريح شويه
(هزت سول راسها وطبطبت على ضهره..فاق كيوهيون الساعه 9 ملقهاش جنبه..غير هدومه ونزل اوضتها لقاها قاعده على طرف سريرها كان على جبينها عرق بسيط جرى كيوهيون عليها قعد على ركبته علشان يبقى بمستوى طولها)
كيوهيون:سول مالك
سول:مفيش انا كويسه
كيوهيون:فى ايه
سول:دايخه شويه بس
كيوهيون:من ايه اكلتى ايه
سول:اصلى كنت بجرى شويه وتعبت
كيوهيون:ما تعمليش تانى رياضه اقعدى ارتاحى
سول:حاضر
كيوهيون:كلامى يتسمع
(ابتسمت وحطت ايديها على خدوده وضغطت عليهم)
سول:حاضر
كيوهيون:هتفضلى عامله فيا كدة كتير
سول:اه
كيوهيون:ما تتعشيش استنينى
سول:ماشى
(مسكت سول ايده وخرجت معاه لغايه باب البيت..نده كيوهيون على هانا)
هانا:حضرتك طلبتنى
كيوهيون:ماتخليش سول تعمل رياضه وترتاح
(بصت هانا لسول بعد فهم...هزتلها سول راسه بانها ترد)
هانا:اه طبعا
كيوهيون:خدى بالك من نفسك
سول:وانت كمان
(مشى كيوهيون راح الشغل بصت هانا لسول بشك)
هانا:انتى حضرتك ما قولتهلوش بالمغص
سول:مش لازم يعرف انا هبقى كويسه هتصل بدكتور ييسونغ هيقولى على مسكن لغايه ما اروح لدكتور كيم
هانا:انتى حضرتك بتعانى من فتره بسبب الموضوع ده
سول:انا كويسه صدقينى بس مش عايزة اشغله كفايه الى هو فيه
(لما دخل كيوهيون الشركه لقى يونج هوان طالبه..اخد نفس عميق ودخل مكتبه)
يونج هوان:جاى متأخر مش عوايدك
كيوهيون:انشغلت شويه
يونج هوان:سول كويسه
كيوهيون:شكرا على سؤالك اه بخير
يونج هوان:انت ايه اخبارك
(بصله كيوهيون بشك)
كيوهيون:انت طالبنى علشان تسأل على اخبارى
يونج هوان:عمتك جايه من السفر
كيوهيون:وانا اعملها ايه
يونج هوان:كانت عايزة تيجى تقعد معاك فى البيت
كيوهيون:ما انت عارف انا ما بحبش حد غريب فى بيتى
يونج هوان:بس دى عمتك فى مقام والدتك
كيوهيون:انا معرفش يعنى ايه ام ليا وايا كان بكرهه وجودها جنبى تفتكر انا نقلت من البيت بدرى ليه
يونج هوان:انت
كيوهيون:ما اظنش ان عندك حاجه عايز تقولها بعد اذنك علشان ورايا شغل
(رمى يونج هوان الكوبايه جنب كيوهيون ..بصله كيوهيون وابتسم بسخريه ..انحنى وخرج من المكتب..ودخل مكتبه)
شيون:كان مناديلك ليه
كيوهيون:انت مش عندك مكتب كل ما اجى هنا الاقيك طب ادخل مكتبك يعنى
شيون:هتلاقى دونغهى هناك..وانهيوك قاعد فى مكتب دونغهى
كيوهيون:يعنى اسيب الشركه
شيون:هنيجى وراك عادى
كيوهيون:ايه الى جابك
شيون:السفير البريطانى عامل حفله وعازمك او بمعنى اصح نبهنى بضرورة وجود سول
كيوهيون:سول دلوقتى نفسيتها مش متزنه انها تروح
شيون:بس ده هيبقى افضل وكمان انا بعتلها رساله وهى قالتلى اعرفك انت
كيوهيون:ثانيه انت بتكلم مراتى
شيون:طبعا احنا متابعين بعض على الفيس بوك وبنتكلم كتير
كيوهيون:نعم
شيون:ايه يا كيو
كيوهيون:بتكلم سول مراتى كتير
شيون:قولت مراتك مرتين كككك
كيوهيون:اطلع بره
شيون:طب بالراحه
(خرج شيون من المكتب ثوانى ودخل دونغهى..رمى كيوهيون الورق الى فى ايده)
كيوهيون:انا جاى الشغل ولا حضانه
دونغهى:فى مشكله دلوقتى
كيوهيون:اتفضل
دونغهى:دلوقتى هيتشول
كيوهيون:تانى هيتشول
دونغهى:لا د باعت صفقه اننا نشتغل فيها سوا
كيوهيون:انا ليه مش مرتاح
دونغهى:هو اصلا لا قابلنى طلب يعنى اننا نتجمع سوا ونتعشى
كيوهيون:لا النهارده مش هينفع قولت لسول هتعشى معاها
دونغهى:ايه
كيوهيون:هتعشى مع مراتى عادى يعنى
دونغهى:بغض النظر ..انا هكلم سول اعتذرلها وهفهمها
كيوهيون:هتكلم مين
دونغهى:سول
كيوهيون:مش هديك نمرتها -_-
(طلع دونغهى موبايله واتصل بسول وكيوهيون قاعد باصص ليه ومتنح)
دونغهى:الو يا سول ازيك ..انا تمام ..بقولك جوزك النهارده هيتأخر شويه فعلش مش هيعرف يتعشى معاكى...اه اه شغل ما تخافيش لو عيزانى اصور لايف واحنا فى الاجتماع مفيش اى مشكله..خلاص ماشى...ايه ده بجد هتعملهولى ..طب خلاص حلو اوى هلم العيال واجيلك بلغينى بس قبلها بيوم ماشى مع الف سلامه
(حط دونغهى الموبايل فى جيبه لقى كيوهيون قاعد ماسك الورقه بيقطعها)
كيوهيون:انتوا اتجننتوا صح
(بصله دونغهى ببرأه)
دونغهى:قصدك ايه
كيوهيون:ومراتى هتعملك ايه بقى وهتلم عيال مين ان شاء الله
دونغهى:كان فى بسكويت عملته لما كنا هناك فى بيت اون سو بنطمن عليها وطلبته منها وقالتلى لما ترجع البيت هتعمل وتقولى
كيوهيون:هههههه انتوا رحتوا كمان هناك واكلتوا..شيون قالى انكم قعدتوا 5 دقايق
دونغهى:لا ازاى احنا قعدنا 5 ساعات انت ما حصلكش حاجه دة احنا جبنا سيرتك اكتر من 4 ساعات ووريتها الصور الى على موبايلى كمان
كيوهيون:ها
دونغهى:انا قولت حاجه
كيوهيون:انتوا كلكم ميتين
(دخل شيون المكتب)
شيون:ايه ده انتوا بتعملوا ايه
دونغهى:بحكيله يوم ما روحنا قعدنا فى بيت اون سو مع سول ويى فنغ
شيون:احم
كيوهيون:انتوا بعتونى جيجو ورحتوا قعدتوا مع مراتى
شيون:انت فاهم ايه
كيوهيون:فاهم انى لو عديت لغايه 5 وكنتوا لسه قدامى مش هتخرجوا من المكتب ده
شيون:ومزعل نفسك ليه
كيوهيون:1
(بص شيون وراه ملقاش دونغهى..ضحك وبص لكيوهيون لقاه باصصله بقرف)
كيوهيون:2
شيون:طب بعد اذنك بقى علشان ورايا شغل
(جرى شيون من قدامه..مسك كيوهيون موبايله واتصل بسول)
سول:الو يا حبيبى فى حاجه
كيوهيون:انتى ببتكلمى دونغهى وشيون وانهيوك
سول:ايوة ليه
كيوهيون:ليه
سول:مش اصحابك ..صحيح انا عزمتهم عندنا
كيوهيون:ها
سول:خد بالك من نفسك وما تتأخرش ..خلص اجتماعك وتعالا على البيت
كيوهيون:حاضر
(قفلت سول الموبايل وكملت نومها..فى المكتب قعد كيوهيون سرحان شويه وبعدين خلص الى وراه دخل جيهو الساعه 7)
جيهو:استاذ هيتشول مستنى حضرتك فى المطعم
كيوهيون:ماشى
(قام كيوهيون من على مكتبه لبس الجاكيت ودخلوا المطعم..قعد كيوهيون قدام هيتشول بشك)
هيتشول:بتبص كدة ليه
كيوهيون:مستغربك
هيتشول:وفيها ايه نبدأ من جديد
كيوهيون:اشمعنى
هيتشول:تقدر تقول جربنا سوا واتحدينا بعض بما فيه الكفايه وما كسبناش حاجه
كيوهيون:انا الى مخلينى موافق على الاجتماع ان انت كنت سبب فى انى ارجع مراتى البيت
هيتشول:انت لسه فاكر الموضوع
كيوهيون:انا ما بقبلش يبقى عليا دين لحد
هيتشول:ده مش دين ..الفكره الى اتزرعت جوه دماغى اه ممكن ابقى بارد وجاحد فى الشغل بس ما بندخلش العيله فى الموضوع
كيوهيون:يمكن دة الى مصبرنى عليك لغايه النهارده
هيتشول:انت ليه حاطط فى دماغك ان انت ما بتغلطش تفتكر يعنى انه من الصعب حد يجبلك فضيحه او غيره
(بصله كيوهيون بسخريه)
كيوهيون:ثانيه وانت فكرك ان انا محدش بيهددنى وبيطعلى اشاعات
(بصله هيتشول باهتمام)
كيوهيون:الفرق بينى وبينكم ان زى ما بتطلع اشاعه انى وسخ عارفين انى بدمر الى بيتكلم عليا كله عنده دليل يثبت الف حاجه بتتقال عليا وبيتكلموا فيها كمان فى اجتماعتهم الصغيره بس وقت الجد كله بيسكت محدش يقدر يقف قدامى..مش بستقل بيك بس انا معنديش حاجه اخسرها انا لو وقعت هوقع كله معايا انا يمكن اكتر انسان غرقان فى الغلط بس كله بيصقف لما بيشوفنى
هيتشول:خلاص خلينى معاك
كيوهيون:كله هيبان على حسب شغلنا الفتره الجايه مع بعض
هيتشول:ماشى
كيوهيون:انا همشى
هيتشول:مش هنسهر
كيوهيون:مراتى فى البيت لوحدها
(بصله هيتشول وقعد يبربش شويه)
هيتشول:ها
كيوهيون:ايه..لما هتتجوز هتفهم..شيون هيبقى يتكلم معاك ونحدد معاد فى المكتب
(رجع كيوهيون البيت لقى هانا عماله تجرى فى البيت والخدم وراها)
كيوهيون :فى ايه يا هانا
هانا:اصل الطفل بيعيط واحنا مش عارفين نسكته ازاى ومدام سول شيلاه من بدرى وكل ما واحده فينا تقربلها يعيط بيسكت معاها هى بس
كيوهيون:طفل ايه
(نزلت سول بسرعه اول لما سمعت صوته كانت شايله طفل صغير فى ايديها..اول لما كيوهيون شافها ..شاور عليه)
كيوهيون:ايه ده
سول:ابن بنت كريستين..كانت رايحه المستشفى تعمل فحص فقولتلها تسيبه معايا وكمان اسمها ايه ده
كيوهيون:ايا كان
سول:لا اسمه اون سو(ابتسمت بالراحه) سمته تيما ب بابا لانها كانت متعلقه بيه
كيوهيون:هو دة هيبات معانا
سول:ايوة
(قربت سول منه علشان تخليه يشيله بعد كيوهيون عنها)
كيوهيون:ما تعمليش كدة تانى
سول:بس
كيوهيون:لا
(طلع كيوهيون اوضته بعصبيه بصتله سول بحزن..جت هانا من جنبها)
هانا:ما اظنش ان هو بيحب الاطفال اوى
(هزت سول راسها بالايجاب ومسكت ايد اون سو وباستها ..بصلها وابتسم واترمى فى حضنها)
سول:ايجووو ازاى حد ما يحبش اللطافه دى كلها
هانا:مش هو بيعرف يمشى ما تسبيه
سول:انا مش تعبانه وكمان مش عيزاه يعيط
هانا:الاطفال دايما بتحس بالحنيه علشان كدة اتعود عليكى بسرعه
سول:تفتكرى
هانا:اكيد
سول:انا واثقه ان لو كيوهيون شاله هيسكت لان مفيش حد احن منه
(قعدت تلعب معاه وهى طالعه على السلم ..بصلها اون سو وعطس ..مقدرتش تمسك نفسها وقعدت تضحك بصوت عالى كان قاعد فى اوضته لما سمع صوتها فتح الباب ونزل بسرعه لقاها واقفه بتتفرج على اون سو بيجرى قدامها..اول لما شافها ابتسم وراح ناحيتها وحضنها)
كيوهيون:شكلى هحسد الاتنين سنتى انه خلاكى تضحكى
سول:هتحسد طفل
كيوهيون:اه...هتيجى مامته تاخده امتى
سول:ممكن بكره
كيوهيون:يعنى مش هتنامى جنبى
سول:لا..هنام جنبه النهارده
كيوهيون:ايه ده انتى هتفضليه عليا
سول:عمرى ما هفضل حد عليك بس هو محتاج رعايه اكتر لغايه بكره بس
(لوى كيوهيون بوزه زى الاطفال ولف علشان يطلع اوضته لقى سول بتجرى فجأه جرى وراها دخلت سول الحمام وقفلت الباب وقف كيوهيون وخبط على الباب جامد وزعق علشان تخرج..فتحت سول الباب كانت دايخه اول لما شافته اترمت فى حضنه)
كيوهيون(بصلها بقلق):فى ايه يا سول