Lost Soul

Part 1

اول بارت زى ما وعدت يوم 21..البارت التانى لسه مفيش يوم محدد لنزوله بس ممكن اخر الاسبوع دة اعطوها الكثير من الفوت والكومنتات ياريت يعنى احم اينجوى

يفضل لو سمعتم اللحن مع البارت moonlight sonata

_____________
البارت الاول (المقابله)

(قصر السيد تشو اغنى اغنياء سيول صاحب اكبر شركه عقارات فى كوريا الى بيميز البيت مش بس انه متصنف  من ضمن اعلى المنازل سعر لا وبيتميز انه فى منطقه هاديه وبعيده تماما عن اى دوشه ما قطعش صمت الصباح ده غير صوت عزف البيانو..مقطوعه ضوء القمر المقطوعه المفضله لكيوهيون عزفه اقل ما يقال عنه انه عارف بيانو عالمى..طريقته ولمسه للوحه المفاتيح وعنيه الى بيغمضها وبيسرح فى عالمه الخاص يجذب انتباه اى شخص ليه ويجبره يدخل نفس العالم بتاعه وانه يندمج مع اللحن حتى لو ملهوش فى الموسيقى الكلاسيك الكلام ده اتقال على لسان صاحبه شيون .. دخلت ايونجى الاوضه امرأه فى اواخر الاربعينات الانوثه الطاغيه والجمال الجذاب  اتجسدوا فيها وقفت قدامه لفتره نسيت كانت عايزه ايه وايه سبب انها تدخل الاوضه من الاساس سرحت فى عزفه واندمجت مع تعابير وشه.. انتبه كيوهيون لدخولها وقف عزفه وقفل البيانو الى حد ما بعصبيه..بقالها اكتر من 17 سنه معاه بس مش قادره تتعود على اسلوبه او حتى تعرف شخصيته بيفكر في ايه وازاى حتى)
كيوهيون:انتى جيتى امتى

ايونجى: لسه من شويه وكمان مش الاول تقولى صباح الخير
(اكتفى بأنه هز دماغه..ايونجى اتعودت على اسلوبه البارد وهى بطبيعتها ما بتهتمش فتماشت معاه)

ايونجى:كيوهيون هوانت نسيت المعاد الى ابوك..
(قاطعها بسرعه)
كيوهيون:لاما نستش انا هروح اهو

ايونجى:ماشى يا حبيبى..ربنا يوفقك وتكون هى بقى الى انت عايزها
(ابتسم كيوهيون بتكلف)
ايونجى:انا طيارتى الساعه 3
( كانت بالنسبه ليه بتحكى تفاصيل هو غير مهتم بالمره انه يسمعها)
ايونجى:غالبا هقعد شهرين وارجع تانى كوريا..انت ما بتزورش ابوك فى البيت خالص انا لاحظت ان مفيش حاجه ليك هناك
(بصلها ببرود)
كيوهيون:بشوفه فى الشركه تقريبا كل يوم وهو بيشوفنى هحتاج اروحله البيت ليه
ايونجى:ولو برضه لازم مره فى الشهر حتى تروح تتغدى معاه
(ابتسم كيوهيون باستهزاء وما اتكلمش..اخد مفتاح عربيته وخرج)
كيوهيون:انا همشى دلوقتى
(هزت ايونجى راسها ..خرج كيوهيون من الاوضه ونده على هانا مدبره البيت.. او نقدر نقول عليها شبه السكرتيره المنزليه لكيو بيعتمد عليها فى كل حاجه)
هانا:حضرتك طلبتنى
(همس كيوهيون فى ودنها)
كيوهيون:بعد ما تمشى اوضه البيانو كلها تتمسح واى حاجه لمستها تتنضف
(هزت هانا راسها)

هانا:كنت محضره المطهر مستنياها تمشى
(هز كيوهيون راسه برضى..وخرج ركب عربيته وصل قدام كافيه والده كان بعتله عنوانه بصله كيوهيون بطرف عينه من تحت النضاره الشمس ودخل الكافيه لف بعنيه كأنه بيدور على هدف لغايه ما شد انتباهه بنت قاعده لوحدها بتشرب كوبايه القهوه وقاعده باصه للفراغ بصلها كيوهيون بسخريه عرف ان ده الهدف المنشود ..حاطه ميك اب خفيف ورغم عن كدة الروج صارخ الى حد ما لابسها مثير حاطه رجل على رجل شنطه مرصعه بالالماظ الصغير لابسه عقد لؤلؤ محاولات طبيعيها انها تجذب اى حد ليها و ودعايه انها من عيله غنيه.. شكلها مش مختلف عن كل البنات الى قابلهم من اول لما تم ال20 سنه فى اى موعد مدبر او اى حفله خيريه المفروض يعنى انها خيريه...راح كيوهيون وقف قدامها وابتسم البنت اول لما شافته وقفت فى مكانها وتنحت ابسط كلمه على موقفها عنيها بقت مركزه على ابسط تفصيله فيه ابتسامتها بقت من الودن للودن باصتها كان فيها تحرش بسيط بيه ما يضرش يعنى ..نطق كيوهيون بسرعه )