ياريت الى يقرا يعرفنى رأيه فى كومنت لان بناء عليه انا بعرف مستوى الروايه بيبقى عامل ازاى وبمشى على النهج ده ولو فى اخطاء ياريت تنبهونى بيها لانى انا برضه المستفاده وانتوا مستفادين ان الخطأ نمنع تكراره وياريت تعملوا فوت للقصه وتدوها الكثير والكثير من الحب ^^
____
Soul
شهر بالظبط من ساعه ما طلبنى للجواز نظره عنيه يوميها كانت نظره احتياج عارفه ان قرار سريع ومتهور منى انى اقبل اعيش مع واحد معرفهوش بقالى كتير بس نظرته يوميها خلتنى ارمى كل المفروض وكل الصح واقرر ابقى معاه
end
(كانت سول واقفه فى اوضه من اوض بيت يونج هوان وشايفه العمال وهما بينسقوا الترابيزات بالورد الى طلبته..اتشتت لما سمعت صوت خبط على الباب..راحت فتحت الباب لقت كيوهيون فى وشها كان متوتر كأنه عمل مصيبه حاولت ما تسألش وابتسمت)
سول:ما تعرفش انه فال وحش انك تشوف العروسه قبل الفرح
كيوهيون:انتى لوحدك
(هزت سول راسها..زق كيوهيون الباب ودخل الاوضه وقف عند الشباك..ضحكت ودخلت وراه جرى)
سول:استنى مينفعش تدخل بجد
(بصلها بقلق ومسك ايديها)
كيوهيون:انتى كويسه
سول:مش فهماك
كيوهيون:انتى ما فتحتيش الباب ليه على طول
سول:كنت سرحانه
(سحبها كيوهيون لحضنه...لفت ايديها حواليه وابتسمت)
كيوهيون:مش هتغيرى رأيك
سول:مقدرش
كيوهيون:متأكده
(هزت سول راسها تأكيد ..دفن راسه فى رقبتها)
كيوهيون:لازم الفرح يخلص بسرعه ونمشى من المكان ده ..او كنا عملنا الفرح فى اى مكان
سول:باباك كان نفسه يجوزك هنا فى البيت
(شدها لحضنه اكتر)
كيوهيون:اهم حاجه نمشى
(سكن فى حضنها ..طبطبت على ضهره بحنيه)
سول:مش هتنزل تسلم على الضيوف
(بعد عنها وبص فى عنيها ابتسمت بخجل ملس على شعرها وخرج من الاوضه ونزل يسلم على الضيوف كانت حساه غريب وتصرفه اغرب..كانت شيفاه من اوضتها وهو بيحاول يرسم ابتسامه مزيفه وصاحبه واقف جنبه عمال يكلمه)
شيون:اتخنقت
كيوهيون:انا لازم امشى
(فك الكرافته بعصبيه الى حد ما)
شيون:خلاص هانت
(بص كيوهيون فوق لقا سول واقفه فى الشباك وبتبسمله..ابتسم ابتسامه عفويه..كان شيون واقف جنبه ومراقب الموقف)
شيون: احم انت عرفت العروسه انك مسافر بعد الفرح
(بصله كيوهيون بملل)
كيوهيون:اه قولتلها امبارح
شيون:طب هى قالت ايه بعد ما عرفت ان العريس هيسافر اسبوعين
كيوهيون:ما قالتش كتيرغير خد بالك من نفسك وكلام من ده
شيون:يعنى عادى هتسيبها هنا
كيوهيون:امال هاخدها معايا
شيون:لا مش القصد ..بس هو ممكن
(تجاهل كيوهيون كلامه وبصله باهتمام)
كيوهيون:انت عامل حراسه انا مش عايز اشوف صحفى واحد فى المكان
شيون:ماتقلقش امنت كل حاجه ودونغهى واقف بره بيتطمن علشان ننقل سول من المطار للبيت برضه هخليه هو الى يوصلها
كيوهيون:طب كويس
شيون:طب برضه ما فكرتش تاخدها معاك
كيوهيون(بصله بغضب):انا فعلا مش فايق دلوقتى يا شيون انا تفكيرى اخلص الاول الى بنيله ده
(هز شيون راسه ووقف جنبه...طلع والد سول الاوضه)
اون سو:جاهزه
(هزت سول راسها بالموافقه مسك ايديها ونزلوا تحت كان قلبها قرب يخرج من ضلوعها وهى شيفاه واقف هى ما اخدتش بالها لما طلعلها الاوضه بس شكله كان احلى من اى يوم او يمكن علشان برضه دى اول مره تبص لوشه وتركز فى كل تفاصيله...ما لاحظتش ان شعره بيلمع فى الشمس وبيبقى لونه احمر..لما قربت منه ولمس ايديها جسمها كله اترعش تاهت فى عنيه كانت اول مره تلاحظ الحسنه الى تحت عنيه وشكل عنيه اصلا هو بيبتسم.. نسيت كل حاجه وبقت مركزه فى تفاصيله و اتوترت وبوظت النذور وقعدت تلومه فى سرها انه السبب ولما لمسه وشها وقرب منها علشان يبوسها كانت هتلفتت وتجرى مسكها من ايديها ولفها ليه فى اخر لحظه وسببت فى ضحك كل الى قاعدين برضه كان هو السبب...اول لما سلموا على الضيوف بما ان مفيش حفل استقبال بعدها طلعت سول تغير الفستان علشان تستعد وتوصل كيوهيون للمطار نزلت بسرعه لقته واقف مع شيون ودونغهى فضلت واقفه بعيد وفجأه لقت حد بيحاوطها بين دراعاته وبيحضنها..شهقت ولفت بصدمه)
يى فنغ:اتجوزتى قبلى -_-
سول:اوبا خضتنى
يى فنغ:انا مش هسامحك
(اتشعلقت سول فى رقبته)
سول:لا هتسامحنى غصب
بوران:ايه ده وانا فين من الحب ده كله
سول:هول بوران العظيم ساب شغله علشان يحضر فرحى
(بعدت سول عن يى فنغ وحضنت بوران طبطب بوران عليها)
بوران:وانا عندى اغلى منك
(باسها على راسها)
سول:انا بحبك اووووووووى
(ضحكت سول بطفوليه وبوران فضل ينعكش فى شعرها..فى نفس الوقت دة انتبهه كيوهيون للى بيحصل تمالك اعصابه وراح ناحيتهم شد سول من ايديها بعنف وهمس)
كيوهيون:مش هتعرفينى
(جسمها اترعش واتوترت ..مدله يى فنغ ايديه)
يى فنغ:انا اخو سول الكبير يى فنغ اسف ان مجتش فرصه نتعرف على بعض غير النهارده وكمان توهنا فى الطريق فوصلنا متأخر وملحقناش الفرح
(رسم كيوهيون ابتسامه على وشه ومد ايده ليه)
كيوهيون:تشو كيوهيون اتشرفت
بوران:انا بوران اخوها الكبير التانى
سول:اخواتى الى قولتلك عنهم
(خفف كيوهيون قبضته من على دراع سول وسلم على بوران..هديت سول تماما بعد ما سابها )
كيوهيون: اتشرفت
(جيه شيون من وراه)
شيون:كيوهيون معاد الطياره
(بعد كيوهيون علشان يتكلم مع شيون)
بوران(بحزن):انتوا هتسافروا دلوقتى ملحقتش اقعد معاكى
سول:لا كيوهيون بس وراه شغل ولازم يخلص
يى فنغ:نعم يوم الفرح -_-
(مسكت سول ايد يى فنغ وشاورلته يوطى صوته)
سول:اه انا عارفه وكان عايز يأجل الفرح بس علشان كنا حددنا كل حاجه والشغل جيه مفاجأه و ما تحاولش تتكلم معاه فى الموضوع هو اكيد متضايق برضه
بوران:يبقى كان يلغى الشغل
سول:لا طبعا مينفعش
يى فنغ:انا كرجل اعمال هو فعلا ما ينفعش ..بس برضه ما ينفعش يسيبك يوم الفرح
سول:انا واثقه انه هيعوضنى بعدين
(جيه كيوهيون تانى)
كيوهيون:كان نفسى اقعد معاكم بس معاد الطياره وانا مستعجل
سول:ينفع اوصلك للمطار
(هز كيوهيون راسه بالايجاب ومشى راح يودع الضيوف..ابتسمت سول برضى)
سول:هروح اوصله واجيلكم مش هتقعدوا فى البيت ^^
يى فنغ:انتى بتحلمى اصلا هنيجى وراكى بالعربيه التانيه طيارتنا قدامها ساعتين ولا حاجه
سول:انتوا لحقتوا
يى فنغ:ورايا شغل كتير
بوران:وانا فى دراسه ولازم ارجع على طول بكره فى كليه
سول:امال مين الى قال انا لحقت اقعد معاكى -_-
بوران:ما انا كنت هقعد معاكى شويه لغايه معاد الطياره
يى فنغ:يلا روحى مع جوزك واستنى فى المطار احنا هنعرف بابا ونيجى على طول
(هزت سول راسها وجريت على عربيه كيوهيون)
بوران:يعنى الهبله دى اتجوزت ازاى
يى فنغ:والله يابنى علمى علمك بس عادى يعنى طالما مش هتجيب معتوه صغير دلوقتى فاحنا فى امان
بوران:على رأيك
يى فنغ:على رغم كل حاجه هى هتفضل اختى الصغيره المفضله
(طبطب بوران عليه وراحوا لاون سو..فى العربيه بتاعت كيوهيون)
كيوهيون:معلش مقعدتش معاهم
سول:هما اصلا هيمشوا هما كمان طيارتهم قربت فهستنى نقعد شويه مع بعض فى المطار وبعدين هروح على البيت
كيوهيون:انا عرفتهم بمعاد وصولك وخلتهم يجهزولك الاوضه
(طلع كيوهيون ورق من شنطته وقعد يقرأه ..همست سول بحب )
سول:خد بالك من نفسك
(ما التفتش ليها واكتفى بهز راسه)
كيوهيون:دى مش اول مره اسافر
سول:بس اول مره واحنا متجوزين
(ابتسمت سول بخجل ووشها احمر..بص كيوهيون لشيون الى قاعد جنب السواق)
كيوهيون:شيون
شيون:ايوة
كيوهيون:تبقى تخلى حد يشوف طلبات سول اول بأول لغايه ما ارجع وحد يبقى يوصلها عند عمو برضه علشان ما تحسش بالملل
سول:هبقى اقول لعمو ما تقلقش هو قالى اننا هنبقى نروح زيارات سوا
كيوهيون:نعم
(بصتله سول ببراءه)
سول:هو احنا مش هنقعد مع باباك
(بصلها كيوهيون بعصبيه)
كيوهيون:مين الى قالك الكلام المتخلف ده
سول:باباك قالى النهارده انا بحسبك عارف
(مسك كيوهيون الورق الى فى ايده وضغط عليه اتعصب وعروق رقبته كلها برزت)
شيون:كيوهيون
كيوهيون:مين الى سمحله يتدخل
شيون(بصوت هادى):شوف انت هتعمل ايه
(سكت لثوانى كانت حرفيا الدم وقف فى عروق سول واتجمدت..لقت بيبصلها فجأه)
كيوهيون:انتى معاكى جواز سفرك
(هزت سول راسها بالايجاب)
سول:اكيد بحطه فى الشنطه على طول
كيوهيون:اتصل بجيهو قولها متجيش المطار..سول هتروح معايا لندن
(بصتله سول بصدمه وفضلت تبربش..هز شيون راسه وطلع موبايله يتصل بجيهو والسفاره علشان اذن دخول سول)
سول:بس
(ما بصلهاش وكمل يتابع الورق الى فى ايده)
كيوهيون:ايه
سول:انا ماجبتش اى حاجه معايا
كيوهيون:اى حاجه هتحتاجيها هنجبها من هناك
سول:انت مستوعب انت بتقول ايه
كيوهيون(بعصبيه):اه مستوعب ومش عايز نقاش فى الموضوع
(انكمشت سول مكانه وفضلت ساكته طول الطريق للمطار ..اول لما وصلوا دخلوا قاعه الانتظار وشيون راح يسجل حجز التذكره لسول..غاب تقريبا نص ساعه وجيه)
شيون:حجزت لجيهو بكره معايا وبعت للعميل اجلت المعاد علشان تريحوا وطبعا هتقعدوا فى الجناح بتاعنا فمفيش اى مشاكل وانا بكره هبقى عندك انا وجيهو
(همهم كيوهيون كان قاعد مركز فى الورق الى فى ايده..وش سول كان احمر وعماله تلعب فى صوابع ايديها)
سول:معلش تعبتك
شيون:ماتقلقيش دة الى مرمطنى ولا اكنى شغال عنده ما قاليش شكرا -_-
كيوهيون:طيب يلا روح خلص الى انا قولتلك عليه وحاجات سول تتأكد انها وصلت لبيتى قبل ما تجيلى بكره
شيون:شفتى -_-
(ابتسمت سول بخجل..مشى شيون وكيوهيون مكمل شغل.. شويه وسمعت سول صوت بوران..قامت قعدت معاهم وسابت كيوهيون بيخلص الى بيعمله)
سول:انتوا جيتوا بسرعه
بوران:مش قولنا ورايا بكره شغل
سول:ماشى لما ارجع لازم تيجوا
يى فانغ:انتى رايحه فين
سول:هسافر مع كيوهيون
بوران:ها
(شاورتله سول يوطى صوته)
سول:ششش بطل تعلى صوتك كده
يى فانغ:ساعات بحتار مين فيكم الكبير والله
سول:انا ^^
يى فنغ:هاتى حضن يلا لاوبا
(نطت سول فى حضنه)
يى فنغ:هتوحشينى يا صغنطط
سول:وانت كمان اوبا
بوران:يلا حضن لاوبا
(بصتله سول بقرف )
سول:عايز ايه حضرتك
بوران:هى عنيفه معايا ليه
(نعكش يى فنغ شعرها)
يى فنغ:بطتى تعمل الى هى عيزاه كله
(طلعت سول لسانها لبوران)
بوران:هتسافرى من غير هدوم او اى حاجه
سول:كيوهيون قالى اجيب الى انا عيزاه من هناك
(جيه كيوهيون من وراهم وحط ايده على كتف سول)
كيوهيون:معلش مضغوط بسبب الشغل
يى فنغ:متخفش مقدرين
بوران:تروحوا وترجعوا بالسلامه
(نادت المضيفه على رحله لندن)
كيوهيون:هى دى رحلتنا يلا يا سول
سول:حاضر
(عملت شفايفها زى الكلب الصغنطط نعكش بوران شعرها)
بوران:هاخد اجازه من الكليه واجيلك وعد
سول:يارب تصدق بقى مره
(سلم كيوهيون عليهم ومسك ايد سول وطلعوا الطياره)
كيوهيون:لو عايزة تنامى لغايه ما نوصل
سول:وانت مش هتريح شويه
كيوهيون:عايزة اراجع الورق ده علشان يخص المشروع بتاع بكره
(هزت سول راسها وسندت راسها على الكرسى وقعدت تتابعه طول الرحله كان كيوهيون صاحى عنيه مغفلتش للحظه كل الى كان بيطلبه ما بين الفتره والتانيه قهوه ما فكرش يبص لسول او يكلمها والحقيقه هى كانت عايزة كده ..كان مديها فرصه اكبر تشوفه وتركز فى كل تفاصيل الراجل الى اتجوزته هى كان فعلا نفسها فى لحظه ما تلمس شعره بس اتكسفت كالعاده ومن كتر تخيلاتها الكتير لو لمست ايده او شعره ضحكت بصوت ..بص كيوهيون ببطء عليها لقاها بصاله وبتضحك اوى رفع حاجبه وبصلها باستغراب)
كيوهيون:فى حاجه
(اتعدلت سول بسرعه وهزت راسها بلأ)
سول:اتشتت بس وفكرت فى مشهد من فيلم
(هز كيوهيون راسه وكمل شغله..لفت سول بجسمها الناحيه التانيه وقعدت تخبط راسها بايديها..لغايه ما لقت ايده مسكت ايديها بلعت سول ريقها بصدمه وبصتله بتوتر)
كيوهيون:ما تخطبيش راسك
(هزت سول راسها بالايجاب فضل ماسك ايدها ما سبهاش لللحظه لغايه اخر الرحله هى ماكنتش معارضه رغم ان ايديها اتشجنت شويه ولما كان بيسحب ايديها علشان يقلب الورق..وما اتكسفتش كتير من المضيفات الى كانوا بيهمسوا على شكلهم هى كانت مبسوطه اكتر من اى حاجه وشايفه ان دى طريقته فى الاعتذار..اول لما وصلوا وخرجوا من المطار ..العربيه الى كان شيون حاجزها لقاها قدامه والشوفير بيفتحلهم الباب..ركب كيوهيون وسول..اول لما العربيه اتحركت )
كيوهيون:قبل الفندق ودينا اقرب مول الاول
(هز الشوفير راسه..بصتله سول باستغراب)
سول:عايز تجيب حاجه
كيوهيون:المفروض
(هزت سول راسها ...لما وصلوا المول خرج كيوهيون من العربيه وفتح الشوفير الباب لسول..حركت سول راسها ليها بامتنان..مسك كيوهيون ايديها ودخلوا..كيوهيون مش ايدول او ممثل بس كيوهيون اصغر نائب لاكبر شركه مقاولات فى العالم و هو الى خلى لشركه ابوه على المستوى المحلى او الدولى فطبيعى مجرد ما يدخل العيون كلها تبقى عليهم ..اتكلمت سول بصوت واطى)
سول:هما بيبصولنا كدة ليه
كيوهيون:تفتكرى صاحب اكبر شركه مقاولات فى لندن ومعاه بنت مش هيبصولنا
سول:انت عامل شركه هنا
(اتكلم كيوهيون بملل وهو بيدور على حاجه معينه)
كيوهيون:من 8 سنين وانا لسه فى كليه هندسه اخدت سلفه واستعرت اسم شركه بابا فتقنيا دى تعتبر فرع من فروع الشركه بس انا وشيون المتحكمين الفعليين فيها شركا مع بعض
(بصتله سول بفخر وحضنت دراعه..ابتسم كيوهيون ..لغايه ما وقفوا قصاد محل وشد سول من ايديها ودخلوا)
كيوهيون:يلا
سول:ايه
كيوهيون:مش عايزة هدوم
سول:اه بس
كيوهيون:شوفى هتجيبى ايه
(وقفت سول محتاره شويه لغايه ما لقته جاى من وراها)
كيوهيون:معجبكيش حاجه
سول:لا كلهم حلوين
أنت تقرأ
Lost Soul
Romansaكيوهيون:عارفه قصه العقرب والضفدع (هزت راسها بالنفى وبصتله باهتمام.. ابتسم واتحرك ببطء وقعد جنبها على السرير وحرك شعرها وراه وبص فى عنيها) كيوهيون: كان فى عقرب عايز يعدى بحيره فنادى الضفدع وطلب منه يساعده صرخ الضفدع وقاله مينفعش اثق فيك ايه يضمنلى ان...
