Lost Soul

Part 17

Hey don't forget to vote, vote. vote and vote
تعليق حلو بقى مش كفايه بنكد عليكوا يعنى خساره فيا -_-
يارب الى هيقر من غير من يعلق تعليق حلو يتخبط فى صوباع رجله الصغير -_- بس بقى
__________

كيوهيون:سول
(سمع صوتها من المطبخ)
سول:انا هنا يا حبيبى
(دخلها المطبخ)
كيوهيون:بتعملى ايه يا سول هنا مش فى اوضتك ليه
سول:انت الى اتأخرت فى الشغل ليه
كيوهيون:معلش يا حبيبتى
سول: طب غير هدومك يلا عقبال ما اجهز الترابيزة
(لف ايده على وسطها وسند راسه على كتفها)
كيوهيون:مش قولتلك ما تتحركيش من على السرير
سول:بطريق الى قالى اقوم اجهز الاكل لبابا
كيوهيون:فين هانا
سول:قولتلها انا عايزة اعمل الاكل لوحدى..ها قولى عملت ايه فى يومك
(ما لقتش رد بصت عليه ما لقتهوش فضلت تتلفت حواليها اختفى..خرجت من المطبخ بسرعه تدور عليه كل حاجه حواليها ابتدى تختفى..صرخت بأسمه لغايه ما فتحت عنيها..سمعت صوت خبطات على الباب)
سول:ادخل
(مسحت وشها وضمت نفسها على السرير)
هانا:استاذ بوران على التليفون
(مدت ايديها واخدت التليفون منها)
بوران:ازيك
سول:انا كويسه
بوران:والبطريق
(ابتسمت بلطف)
سول:كويس وبيسلم على خالو
بوران:سول
سول:هممم
بوران:انتى عارفه انى مش موافقك على قرارك ده ولا مسامحك انك خبيتى عليا انا بالذات لانى دايما بحكيلك
(دموعها نزلت على خدها)
سول:انا اسفه بس
بوران:مفيش مبرر هيخيلنى اغفرلك بسهوله بس انا هاجى وقت المؤتمر اقف جنبك
سول:لا
بوران:ليه يا سول
سول:انتوا جيتوا هنا وشرحتلكم الموضوع
بوران:احنا اخواتك ولولا حادثه الشركه فى الصين ماكناش رجعنا
سول:عارفه..بس انا عايزة اتحمل المسؤليه كلها عايزة ابقى اقوى
بوران:سول
سول:انت لو جيت هضعف وهعتمد عليك بس انا المره دى عايزة اكون قويه عايزة اقف ثابته قدامه عايزة انهيه تماما من حياتى
ارجوك سامحنى بس انت عارف قد ايه انتوا مهمين فى حياتى ومش هستحمل زعلكم منى
بوران:طب بعد المؤتمر تعالى عيشى فى الصين
سول:بس
بوران:هتستنيه
(لقى صمت ..هز راسه بتفهم)
بوران:هخلص مشكله يى فنغ واجيلك
سول:ماشى
بوران:هانا قالتلى انك ما بتاكليش ..كلى كويس انتى قولتى عايزة تبانى قويه
سول:حاضر
(قفلت سول التليفون وحطته جنبها..قعدت باصه للفراغ لفتره طويله لغايه ما قامت اتحركت ونزلت تحت والكانولا بتجرها وراها..كانت بتتحرك جسد من غير روح قعدت على عتبه الباب وضمت نفسها..جت هانا من وراها)
هانا:حضرتك هتتعبى نفسك اكتر
سول:انا كويسه يا هانا
(قعدت هانا جنبها)
هانا:اسمحيلى اقولك انك مش كويسه..انتى لفتره طويله قولتى انك كويسه بس ده عكس الحقيقه
سول:ما هو مفيش حاجه تانيه اقولها غيرها..يمكن تحصل المعجزه وابقى احسن
هانا:بس انتى من جواكى معترفه بالحقيقه
سول:انهى واحده
هانا:انك مش كويسه طالما هو مش موجود والى فى بطنك ده ذنبه ايه
(حطت سول ايديها على بطنها بحزن )
سول:طلعينى اوضته
(هزت هانا راسها بأسى وسندتها طلعتها اوضه كيوهيون..اتلفت فى البطانيه بتاعته تحاول تشم ريحته فى كل جزء..فضلت هانا واقفه جنبها لغايه ما لقتها بتغمض عنيها وبتبتسم..خرجت بهدوء من الاوضه وسابتها لاحلامها السعيده..فاقت سول بليل على صوت هانا)
هانا:مدام سول
(بصتلها سول من غير وعى)
هانا:حضرتك بتعملى ايه
(ركزت سول حواليها لقت نفسها فى مركز الرمايه)
سول:انا ايه الى جابنى هنا
هانا:انا لقيت حضرتك نزلتى بعد ما سابتك بشويه وبقالك اكتر من 5 ساعات هنا
(بصت حواليها ودموعها نزلت)
سول:يمكن اتمنيت انه يرجع هنا
هانا:دكتور ييسونغ جيه امبارح وطلب يقابلك واتصل تانى من شويه وقال انه جاى فى الطريق
(هزت راسها باستسلام...مسكتها هانا من ايديها ورجعوا القصر.غيرت هدومها ونزلت لقته قاعد مستنيها)
سول:انا اسفه انى ما قابلتش حضرتك امبارح
ييسونغ:انتى كويسه(خبط راسه)..ايه الى انا بقوله دة انا قصدى يعنى
(ابتسمت بلطف)
سول:شكرا انك جيت
ييسونغ:انتى عارفه انى معاكى فى اى وقت
سول:شكرا ليك
ييسونغ:دكتور كيم قالى على الى حصل وانه
(هزت سول راسها وبصت فى الارض..الدموع اتكونت فى عنيها..قرب منها ومسك ايديها)
ييسونغ:عارف انى مش هقدر اساعدك كطبيب بس ممكن اساعدك كصديق
سول:مش عايزة انهار
ييسونغ:هو بقاله
سول:17 يوم و15 ساعه
ييسونغ:مفيش اى دليل على مكانه
سول:لا
(دخلت هانا الاوضه..بصت ثوانى لايد ييسونغ وهمهمت بعد ييسونغ عن سول واتعدل )
هانا:استاذ شيون بره
سول:خليه يدخل
(انحنت هانا وخرجت ..دخل شيون .سلم على ييسونغ وقعد قدامه)
شيون:سول عايزك فى موضوع مهم
ييسونغ:انا همشى دلوقتى لو احتجتى لاى حاجه كلمينى
(بصتله سول بامتنان)
سول:شكرا ليك
ييسونغ:هطلب من الدكتوره اريوم تيجى تشوفك هنا
(انحنى ييسونغ وخرج)
سول:فى حاجه
شيون:بكره المؤتمر هيبقى قبل الاجتماع..وبعدين هنروح الشركه
(هزت سول راسها بتفهم)