بسم الله الرحمن الرحيم
تبدأ القصة من دولة السعودية وبالاخص فى منزل شاب يجلس فى غرفته ويبكى و يفكر فى ما كتبه القدر له
يطرق على باب الغرفة شاب اخر ويدخل
و يقول : برضو يا احمد لسه بتفكر فيها
( احمد : عمره ٢٣ سنة من مصر لكن سافر السعودية لاسباب و هنعرف دة من خلال الرواية ان شاء الله)
احمد بنبرة باكية : نفسى اعرف انا بترفض ليه عايز اعرف السبب يا عمرو
عمرو : انت لازم ترجع مصر قعدتك هنا مفيش منها فايدة
( عمرو : صديق احمد المقرب جدا و عمره ٢٣ سنة و كان مع احمد خطوة بخطوة منذ الصغر)
احمد : مش هقدر صدقنى انا هنا احسن
عمرو : لا يا احمد احنا مش هنضحك على بعض انت كل يوم بتفكر فيها و مش عارف تنساها يعنى هنا زى هناك فلازم ترجع عشان اهلك
احمد : ارجع انت انا عارف انى تعبتك معايا بس انا مش هقدر
عمرو : متقولش كدة تانى احنا اخوات و انا هفضل معاك هنا بس فكر
احمد : ماشى هفكر
يرن هاتف احمد و احمد يفصل الخط
عمرو : مين
احمد : دى اسماء
عمرو : طب كنت رد عليها عشان متقلقش
احمد : ماشى المرة الجاية ان شاء الله
عمرو : ياعم انت بارد اوى
و يرن الهاتف مرو اخرى
احمد يرد : ايوة يا اسماء عايزة ايه
اسماء : كدة يا احمد تقلقنى عليك ماما كانت عايزة تكلمك
( اسماء : اخت احمد و عمرها ٢٦ سنة و متخرجة من كلية اداب لغة عربية و مخطوبة لشاب اسمه خالد)
احمد : ماشى بس ياريت منتكلمش فى نفس الموضوع
والدة احمد (نجلاء) : ازيك يا احمد عامل ايه و حشتنى اوى
احمد : كويس الحمد لله و انتى كمان وحشتيني
نجلاء : مش ناوى ترجع بقى
احمد : بلاش نتكلم فى الموضوع دة و انا اما احب ارجع هرجع
نجلاء : يا احمد خطيب اختك عايز يحدد معاد الفرح و احنا كل شوية نأجله
احمد : اعملوه يا ماما عادى مش لازم اكون موجود
نجلاء : لا طبعا مش هنعمله غير وانت معانا و اختك مش هترضى تعمله
احمد : طب ادينى اسماء كدة
نجلاء تعطى الهاتف لاسماء
اسماء : ايوة يا احمد
احمد : اسماء حددو معاد الفرح و متأجلهوش تانى
اسماء : يعنى انت هتيجى
احمد : انتو عارفين ايه الى خلانى اسافر كويس و عارفين انى مش هقدر ارجع ليه بتتعبو نفسكو
اسماء : يعنى انت مش هترجع تانى يا احمد
احمد : لما ربنا يريد ان شاء الله و حددو معاد الفرح و انا هكلم خالد
اسماء : ماشى يا احمد اعمل الى انت عاوزه
احمد : انا عايز راحتكم و مش عايزكم تزعلو
اسماء : يعنى انت كدة مش بتزعلنا
احمد : خلاص بقى يا اسماء و انا هكلم خالد على الفرح
اسماء : ماشى
احمد : يلا سلام
اسماء : سلام
اغلق الخط
احمد لعمرو : خالد عايز يحدد معاد الفرح
عمرو : ياعم دة الراجل زهق بقالو سنة بيأجل فيه
احمد : طب و انا مالى مش هوة الى بيأجله
عمرو : ياسلام دة انت العقبة الوحيده
احمد : انت عارف انا زعلان اوى انى مش هبقى معاهم فى يوم زى دة
عمرو : طب متعملهم مفاجئة و ترجع
احمد : مش عارف اعمل ايه بس الى اعرفه انى مش هقدر اعيش هناك
عمرو : طب ايه رأيك ترجع يوم تحضر الفرح و بعدين ترجع
احمد : طب وانت
عمرو : و انا ياسيدى معاك فى كل حاجة
احمد : هفكر بس الاول هكلم خالد
عمرو : تمام خد وقتك
( تفتكرو ايه الى ممكن يحصل هل ممكن احمد يرجع مصر تانى
و ايه الى مخلى احمد مسافر و مش عايز يرجع
كل دة هنعرفو فى الحلقة الجاية ان شاء الله)
انتظرونى
Shahd Amer
