خيمة بيتنه وفيايه غطانه
وسوالف شيب راسه تسولف ربانه
بايام الزغر ماننجرع وكحين
يطگنه ولو بچينه يبچي ويانه
وانه زغير وخاطر تحترمني الناس
اجي لكنتور ابوي البس بقمصانه
احبه مو لان چي ابوي يصير
لان بالگعده يعرف يترس مچانه
لان يدري الاسم يكشف عن المضمون
يسمي الوالده فلانه
جرب جذب وگلي انه اطلبك دين
بكثر مسحه على گصته يخلص ردانه
بكثر مايعز جاره وتارسه مداراة
وعلى تتمنى اهله تصير جيرانه
بوجه خطاره يضحك لو ابوه مكتول
على الحياهم الله معود لسانه
حرورة ملگه عنده تكاسر جويريد
ولهاذا تشوف ضيوفه عرگانه
مابيت زعل مثل الهوا بغربيل
نزعله ومن نجي لحضنه يتلگانه
اذا لا سامح الله وعلي يزعل يوم
يغبر وجهي چنه وجوه دفانه
بگفاهم حابهم بالگعده مشتاقين
شگد يعجبني ما يحجي على صحبانه
…….
يابوي شيبك ضوه لدروب
يالعطشانلك وادريك حالوب
عگبك مالي واهس اطب للبيت
يخنگ بيتنه حسبالك غروب
ياليل لمفارگ ليل جناز
شلون تنام يللي فراشك كزاز
التساله شلونكم ويجاوب دموع
من تخمه تلگه مفارك عزاز
☆☆☆☆☆☆☆☆☆☆☆☆☆☆☆☆
أنت تقرأ
اشعار
Randomالليل بعيوني انتچه وصوت اسمك ابالي انحچه ومدري ياعين البدت بية البچه للنوم چـن رايح حرب مثل اليعارك مايحس خلصت ليلي الصبح لاگيت روحي مدچچه💔😔
