اشعار

🥀🖤

انا العايش وامس قارين فاتحته
انا الـ من غاب مامش ناس فاگِدته

انا المالي خلگ ع الـ ماي اودي الريگ
انا مثل الشَمِع دَمعه إعله خاصرته

دلوني اعله رب الناس اريد الگاه
حچي ويه الله عندي اشكثر انه اوياه

يربي انته الگِلت كل واحد وذِمته
اريد ارتاح بس يَمته

جَربت العطش والماي والغرگان
شني ايموت الثلِج عرگان

اريدن افتهم قصتي
ماكَضَن اچفوفي اچفوف غيرك من رحت لليوم
منزلوفك لخاصرتي

ياتنور ما ناوَشته من احرورتي وعلتي

ها يرويحتي شگلتي
خل نبچي لچن دمعاتنه بسكته
الدمع مالح امس لَمَن طِحت ضگته

امس من نام الابيض كذلتك گامت
ماظلت گصيبه بگلبي مانامت

وين انته
انا الـ من طاح مامش ناس خاسرته
ازعل والگه روحي إهناك عاذرته

وجي جيت ضوه ودَندَل إعله الباب
وسمَع وجهك اعله إمرايتك سَكته

وتمرجح عذر مابين زعلانين
واحد گَل للآخر غلطتك انته

وين انته
هَلَك شالو وشَعرَك لَسه ماشِلته

طحت چلمه بحلگ سكران محد شالني بشفته

غيب إبراحِتَك احچيك من اشتاگ
الله الفوگ ماشفته لچن گلته