اشعار

🤍غمز الچفن🤍

🤍مساء الخيرر🤍
شعرنه اليوم للشاعر المتلق
دائمن
(💙حسين علي المطوري💙)

وبـعد كل تلك الرسائل وجدت نفسي لا أعلم هل كنت له أملي ...
" أم لي " ♥️

* ذات حلم قلت له لنفرض أننا نحب بعضنا  فأسعده فرضي ...
" فـ رضي "

وقبل استيقاضي كان على قلبي ان يعلم ;

الماي يعطش ..
يشرب بروحه ويموت
تصير دمعه ..
يصير گتالك ردن

_ياگلب لا تحيـي جرحك شبعه موت ..
_صدك اكرام الجرح من يندفن ..
_الصوت لتبذرة عله السمعه ثگيل
_ احجي يم اليسمع بـ( غمز الجفن )

_ولا تأمن لليشبهوك وتدير ..
_ابليس من نار وعذابه بنار يصير ..

_ولايغرك شكله لو طعمه وحلا ..
_اليعثر بتفاحه يوگع من سماا ..

_ولا تطيح فياي فوك المايريد ..
_العلم فارغ فوك گبر الـ مو شهيد ..

_لا ولا كلمن عرگ تعتبره حار ..
_محتوى الكاس العرك بارد اكيد ..

*المايعرف يلوگلك ناقص خضار ..
*شجاب ورد المزهريه اعله الندة ..

*هوا ماشايف نجم بس بلـ كسوف ..
*وانته ليلك نص نهار الله وبدة ..

الامنت لمساتك بجفه ومشيت ..
عبر جفه بجف غريب مدده ..

عيني غمضت مو لان ماردت اشوف ..
غمضت عيني لان مستبرده ..

بالك اعله المايحس تخسر عتاب ..
المافهم شيب الهوى يسمي ضباب ..

ماكو درب فراك يشتاك لجدم ..
وماكو جف نسيان يمسح بـالصور ..

وماحجت بـ اليسحك عليها ويدوس ..
الصخره بس تتذكر البيها عثر ..

بلايه صوت بلايه حس لاگي التراب ..
طيح چن طيحه دعاء مامستجاب ..
اليعرض بروحه علة الموادم رخيص ..
عيش گطره مستحه بگصت السراب ..

السؤال يعيش اذا مابي جواب ..
صير غامق كلها تحسبلك حساب ..

الكاتل براسه الف حسبه تفوت ..
بين دگه ودگه من دگات باب ..

الباب مرات بفتحته يردله ضيف ..
باب عينك سده يلا يطبله طيف ..

الباب دگه يفتن ل اهله عليك ..
اشتاك !!!
بس لا تنفضح  دگه اعله كيف ..

( غمز الجفن )
،🤍🤍🤍🤍🤍🤍