اشعار

توضيح+شعر بسيط🖤

مساء العافيه🌼💛
طولت عليكم هوواي
اني ما التزم بنشر الكتاب لان السبب الاول التفاعل كووولش ضعيف ميسوء انشر وثاني شي اني انسانه حياتي ما مستقره وبيهہ هواي عوائق وضروف
فا ما اكون دئمن متواجده بل واتباد وافتحهہ بس ارد على صديقاتي او انشر منشور وخرج فا الـ3 الي سئلوني بل خاص وكالولي الكتااب مال شعر شنو وقفتي؟
لا ما موقفتهہ بس جاي انشر حسب مزاجي وحسب ضروفي🙂🖤

شـعر بصـيطـ لل4 آو5 آشـخآصـ آلي دقرون گتآبي ويتفآعلون بي🙂😂
آمـآآ آلآصـنآمـ آلي شـغلهہمـ بسـ يقرون مـآگو لآ تصـويت ولآ تعليق فآ آحب آگلگمـ رجأ آخرجو مـن گتآبي ومـسـحو مـن مـگتبتگم ماله داعي وجودكم لان مدسون فرق🙂🖤

_-_-_-_-_-_-_-_-_-_-_-_-_-_-_-_-_-_-_-

‬‏‪هو الخلل بينة  أحزابنة يعرفون
ما نحتاج واحد يضحك إعلينة..
عوفوا أطفالنا بلا مدرسة يكبرون
وخل نقتل بعض  خلينة خلينة..
على ياهو الخليفة سنين صار نموت
أحنة أول شعب يكتلنة ماضينة..
هو أحنة أنّتهينة بعمر ست يسنين
من صار العشگ كل واحد ودينة..
من صارت مدارسنة غرف للموت
من تاريخنة اليذبح امانينة..
من صار الطفل يحلم يشيل سلاح
مسدس يشتري وبالعيد يرمينة..
طابوگ المدارس من نبوگّة نگول
هاي فلوس دولة وأحنة شعلينة..
على الحيطان نكتب هذا دم مهدور
ومن نّضوج نكتب كافي ملينة..
ثقافة رشوة  وصلت بينة حد وحال
ناس تبوگنة وبالبوگ ترشينة..
مهزوزين ما عدنة قضية وراي
ناس تجيبنة وناس التودينة..
ما نخلّي البنية تكمل التعليم
بنت الجامعة سمعتها مو زينة..
مفهوم العشاير وصل للطلاب
إذا واحد رسب بالعگل هدينة..
بالغش تنجح وتحلم  معلمة تصير
بعد شلون بالمدرسة تربّينة..
نهدم بالشواع حتى نبني بيوت
وبهاي البيوت أطفال ربينة..
نعلم  أجيالنا أعلى الطائفة يحبون
وأصحاب المنابر عرسوا بينة..
گبل چان  الحچي مثل أمي والجيران
تموت وما تگّلهم كلمة مو زينة..
جان الخبز يخلص والبطون تلوب
ومن جوع الليالي إحجارة تلگينة..
بس نبقى نحن ونستحي ونشتاگ
بكل زفة عرس تركص تراجينة..
گبل چان المعلم نبي بلا قران
هسة ندخن ودخانة بعينة..
بس ويانة واحد يختلف بالراي..
نسبة ولا نعرفنة ولا محاچينة..
عمانة الكره ما ظلينة شبر شوف
بس الموت ما يعّمن سچاچينة..
اذا ردنة الوطن يرجع وطن للخير
وبقية الدول ترجع تعترف بينة..
نبدي من الطفل والصحة والتعليم
نبّني أنسان يفهم كلنة من طينة..
منهاج للتسامح والوطن والخير
مو دم وحروب وطفل سابينة..
نأسس مجتمع يلتزم بالقانون
نشيل أسم العشاير من جناسينة..
وقبل لا نبني طابوگة بوطنة الطاح
نبي أرواحنا الهدّمتها چفينة.. #ادهم_عادل