عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

انا وانت !!؟

يا ربي كيفاش علاش وش اندير..... الف فكرة طاحت في راسي ضربة واحدة
لبست فيزو رمادي اديداس و تيشرت اديداس ثاني غوز ولبست تينيس رفدت شعري تومات وحطيت parfum انحبو براااف azzaro pour elle احبها بزاف رفدت تيليفوني ومفتاح الدار برك وهبطت
نلقى قدام الدار البورش طليت نلقاها فارغة دين الرب يلعب بيا هذا
قلت بصوت عالي
انا: انا لحمارة لهبطت من عقلي
هو :من ورايا وفي وذني تأخرتي 4 دقايق و انا لي خرجت من عقلي
انا: اه 😨 😨 وش بيك مهبول
هو:مهبول لخاطر  هبطت من الطونوبيل برك باش نفتحلك الباب
انا: شكون قالك انا رح نركب معاك
هو: انا قلت وانا كي انقول انتي تنفيذي
انا: علاه جارية عندك
حل الباب وقالي اطلعي ماتخافيش لازم نهدر معاك
انا: اوك وركبت
هو: لي لي واشنو لامياء او ليندا
انا: ليلى
هو: هههه هايل شوفي لي لي انا عمري ما هربت من السؤولية و الطونوبيل انتاعك صح غلطتي انا لي ضربتك وزدت  تاخرت عليك با نخدموها
انا: قتلك خلاص سماح وانسى هاذ لحكاية
هو: اوك ننساها اما رح تتعشاي معايا اليوم
انا: راهي 15.00 واش من عشاء ضرك
هو: علابالي راح نروحو لكاش بلاصة نقصرو شوي وامبعد نتعشاو امالا غير عيطي لماماك خبريها كاش ما تكذب على باباك
انا: ماما الله يرحمها وبابا في سطيف
هو: الله يرحمها ويغفر لها
انا: يعيشك تديني لبحر؟!
هو: نديك وين تحبي
انا: اوك هههه
هو: وخالد ما تسقسيهش
انا: خالد علاش انا عرفتو غير في العرس وما عندي حتى علاقة بيه
هو: وشبيك تقلقتي نضحك معاك برك وزيد حتى ولو يكون يحبك خالد راجل بن فاميلة ومربي تتمناه اي بنت
انا تبهدلت حسيت انو ملهوفة عليه
هو: رح تحكيلي كل شيئ عليك حاب نعرف كلش عليك انتي رح تكوني صديقتي من اليوم
انا: في قلبي صديقتك طييييير قالو صديقة دين الرب شحال يحبو نساوينهم ويحترموهم ماشي كيما الرخيس انتاع بابا
هو: اي الوووووو وينك
انا: ماكانش في حياتي ذيك الحاجة الكبيرة لي نقدر انقولهالك
هو: واش تخدمي
انا: متسكعة من سيدي يحي لابيار من الابيار لباب الزوار
ومرات انقل التسكع الى خارج الوطن هههه
هو: كيفاش عايشة قريتي؟! انا: ايه قربت انفورماتيك هذا عام الاخر لكن ما حبيتش نكمل عندي دراهم في الكونت من ورثي راني عايشة بيهم
هو: اول حاجة لازم تخدمي وتكملي قرايتك
انا: ان شاء الله حتى لسبتمبر وانخمم
هو: انا خممت خلاص رح تقراي وتخدمي
انا في قلبي هذا مهبول راح يخطط لحياتي؟!؟!؟!
حكينا وحكينا ذاك انهار عمري ما نسيتو ولا رح ننساه من 15.00 حتي 12.00 وانا معاه برا رحنا لبحر في تيبازة رجعنا تعشينا في شراقة بعدها زعما وصلني لدار على 22.00 اما من 22.00 حتى 00'00 وحنا حابسين  و مقصرين  في الطونوبيل تصدقوني حبيتو ههههه والله حسيت روحي حبيتو لو على الاقل اعجبني براااف
انا: تصبح بخير هانا تلاقينا
هو: ومش رح نتفارقو صدقيني هاذي بداية فقط
انا: بداية صداقة
هو: العنوان يكتب دائما في نهاية القصة
انا: اهلا اهلا عن اي قصة تتحدث هههه بالفصحى ثاني
هو: روحي ترقدي غدوة نعيطلك
سلام سلام وطلعت انقوللكم فرحانة نكذب فرحانة سعيدة متحمسة ما فكرتش في مرتو دقيقة ولا حتى خممت في واش رح يصير بيناتنا تكسلت في بلاصتي وبديت انخمم في هدرتو في ضحكتو دخانو لي يتكيف فيه والاهم la galanterie لي عندو يفتحلي الباب كي نطلع وكي نهبط من الطونوبيل... يقدملي الكرسي في restaurant حتى كي جا يتكيف ستاذن مني اهه اه اه اه نخاف نكمل نحكي عليه نهبل يارب نرقد يارب نرقد لااا يارب يعيطلي 🔊📞🔊📞🔊📞🔊
اه صح عيط
انا: الو الو
هو: انجيك نعاود نخرجو هههههه ما شبعتش القعدة معاك
انا: هههه الجايات اكثر
حبيت انسقسيه على مرتو كيفاش راهو يهدر وهو في الدار لكن والله ما تجرأت نسقسيه كل النهار لي فوتو معاه ما حكاليش حرف عليها غير انو يخدم في وزارة الدفاع ومن باتنة عايش في عين النعجة وخلاص