عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

درجة ثانية

رقدت وانا انخمم فيه وفطت من النوم انا مزال انخمم فيه صح المراة تحتاج رجل باش تحس انها عايشة انها مراة خممت اندير مناكير نسبغ اهه انعيش
اول مرة انحس ما عنديش وش نلبس لازم انكون شابة ايه حابة انكون انثى حقيقة حابة يحبني حابة نغريه
لي لي عندو مرتو فيقي 
علابالي اما خير من مكانش
عيطلي 📞🔈📞🔈📞🔈
انا: الووو صباح الخير
هو: رقدتي!!!
انا: صباح الخير
هو: سمعتك اما رقدتي؟!!
انا: ايه هذا وين نظت
هو:  انا ما رقدتش ومش رح نقولك صباح النور لانو رح انشوفك ضرك ونقولهالك
انا: اه وش راك تقول
هو: راني تحت اهبطي
انا: لالا ما نقدرش نهبط ضرك
هو: اوك انا نقدر نطلع
انا: لااااا هاني هابطة
لبست خفيف خفيف pantalon noir و pulle vert  و sandales noir ورفدت صاكي وخرجت
نلقاه واقف قدام باب الباطيما يستنى فيا
هو: هذا وين شفت النور باش انقول صباح النور
انا: بركا من تبلعيط حكينا مرة هو: جاك في التيتانيك حب روز في نهار الزاوج رقد معاها الثالث فاقو بيهم وواجه المشاكل مع  خطيبها انهار الرابع غرق البابور دار المحال باش يسلكها ومات في سبيل انو سلكها حبها في ثلاثة ايام ومات في الرابع وهي عاشت 60 سنة تتفكر برك في 4 ايام حب عشق حرمان
انا: مانيش فاطرة ياسي جاك
هو: رح تفطري معايا لاول مرة وتتعشاي لثاني مرة
انا: شكون قالك رح نكمل معاك النهار
هو: يا متسكعة خليني نسيع معاك احسن من ما تسيعي وحدك
انا: ومرتك!!!!!!
ايه تجرأت وقلتها الحقيقة زلقتلي
هو: اطلعي في الطونوبيل فتحلي الباب وركبت وما جاوبنيش
انا: انا مش حابة انسببلك مشكل مع مرتك
هو: هههه مرتي هي بروحها مشكل خلينا منها يرحم باباك
وكيما البارح اليوم يوم كاااامل فوتناه مع بعض لي فهمت من كل اليوم انو كونجي مرتو في دار باباها  في باتنة هو وليد خالت سماح مرت الياس وانو متزوج من 5 سنين من بنت عمو وماعندوش اولاد

فاتو يوم ويومين وشهر وشهرين وانا كل يوم نعشقو انحبو نتعلق بيه ولا هو كل شي في حياتي اما هو عمرو ما قالي انحبك والحقيقة ولا انا قتهالو اما كنت انحبو براااف
اهتمامو بيا طول هاذ الشهرين ما نقصش بالعكس كان يزيد وحبيي ليه كان يزيد اكثر دارلي براااف حاجات خلاولي انحبو خلاني نحكي ليامنة كل شيئ على بابا وهي بروحها بدات تحس انو بابا نقص عليها المصروف بحجة انو يوسع في المشاريع رجعت علاقتي بعماد و عادل اما بالتيليفون برك
جاء سبتمبر داني لسطيف جبت اوراقي وحولت لجامعة الجزائر والخدمة ما لقيتش الحقيقة هو ما خلانيش نخدم مصروفي كان يجيني لدار مع عمي مسعود السائق انتاعو كل شيئ كان بدرو يهتم بيه
اما انا فخالد كان يتصل بيا كل يوم مرة انرد و 10لالا وبدرو عمرو ما قالي ما تهدريش معاه الشيئ الوحيد لي كان يقلقني
مرة قتلو بدرو ماتغيرش عليا؟!
قالي علابالي لي تكون معايا عمرها ما تشوف غيري
اما انا كنت انشوف افعال تدل على الحب اما ما قالهاليييييش😥😥😥😥
بديت نقرا وفي نفس الوقت بديت نخدم الياس وليد طاطا اسيا دبرلي خدمة في جازي نخلص مليح الحمدلله اما بدرو فمحبنيش نخدم اما انا كثرت عليه والكونت بدا يفرغ والانسان لازم يخمم لبعيد
طاطا اسيا ما خلاتنيش انهار كل يوم اتهلا فيا ربي ما يحرمنيش منها كانت كي تجي سماح نبقى نحكي معاها وحد المرة جبدتلها على بدرو قاتلي الدبدوبة ههه اسمها سعاد عمو الكبير جا لباباه قالو بنتي لابنك وباباه سيفو  عليها ومش عايش مليح معاها لانو هو مش حاب يكون معاها وقاتلي انو تلاقيت بيها عندها اسبوع وقلتها انو حاسة بدرو يعرف مراة اخرى لانو متغير كثيير
خفت بدا قلبي يخبط بديت انخاااااااف يربي اتخيل يفيقولي كيفاش انقابل سماح وطاطا  اسيا اه 😧😮 والياس ياربي يستر برك
انا: سماح انا انروح ضرك ربي يهدي سرهم يرجعو خير من الاول
سماح: اقعدي راه يطيب الفطور
انا: لالا رح ندوش
سماح: اوك راني انجيبلك ما ديريش لفطور
انا: اوك مرسي
رحت لداري نلقا تيليفوني يصوني
انا: الووو
بدور: ربببببببك وينك قلقتيني عليك
انا: اي انت وااااش استعبدتني واقيل ما حبيتش انرد عندك مانع؟!
هو: وشنو هاذ اللغة الجديدة
انا: خلاص راسي راهو يوجع سلام وكوبيت
دخلت لدوش اول ما خرجت نشفت شعري طبطب الباب او شكون يجيني تفكرت سماح تجيب لفطور حليتلها بلا ما انشوف في la loupe
انا: انت وش كاين!!!
هو: تكوبيلي في وجهي!!!!
انا: اهبط نحكو في التيليفون
هو: طبعني ودخل.... دارك شابة
انا: علابالك ساكنة وحدي كيفاش تجيني لدار
هو: وعلابالك كي ما تهبطليش نطلعلك
انا: تفضل برا
هو:  تخرجيني هاكذا !!!! اوك اسمحيلي
طب طب الباب اه 😨😨😨😨😨😨 سماااح ياربي ادخل ادخل شمبرتي تخبا
هو: لالا نحللها بنت خالتي توحشتها ههه
انا: يرحم بابك ما تفضحنيش
تخبى هو وانا فتحت لسماع
واااو رائحة الماكلة تشهي
سماح: انتي لي تشهي بصحتك  مع انو لوكان جيتي كليتي معانا خير
انا: مرسي مزال ما ناكل بصحتكم
سماح: يسلمك وراحت
حطيت الماكلة في الكوزينة ووقفت انخمم جاء بدرو من ورايا ولسق فيا من لور وهمسلي في وذني
تزيدي تكوبي في وجهي انجي وانجيبلك سماح معايا
انا: درت ليه خزرتو  فعينيه في شفافو 😍😘 باسني بوسة خفيفة مواح وحدة برك وباسني في راسي وعنقني
انا: انحبك ايه انا لي قتلو الاولى في علاقتي بيه دائما كنت انا اولا انا لي خزرتو في الحانوت انا عيطتلو انا قتلو انحبك 😍😍
بدرو:............... 😥😥
اسمحيلي لاني جيت عندك لدار نحاني من حضنو وراح