عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

القدر يقربنا مرة اخرى

الحلقة5
ياربي واش اندير انروح 😰😓نتبهلل ايه انروح انقولو زوج كلمات يديهم في جنابو
انا طاطا اسيا نهبط شوية كاين problème في الباركينغ على طنوبيلتي
اسيا: ياذاك الهم استناي يروح معاك خالد وين راه
انا: لالالالا ما يروحش معايا يرحم باباك خليني منو
رفدت تيليفوني و مفاتيح وخرجت من لاصال هههه قبل ضربت خزرة لدبة لقيتها في لاهية في الرقص والماكلة ماهي متولها لواااالو
خزرت السارفور قتلو ماشي قتلك قلو راحت قالي مدام حب يقتلني لو ما قتلوش الصح قالي  اذا كانت جات للعرس محال ما تكملش السهرة
نسمع صوت من ورايا امشي امشي نحكو
خزرتو قتلو انعم قالي سلاام مدام وينك انتي
انا: ويني تتمسخر بيا تضربلي الطونوبيل وتعطيني رقم غالط
بدرو: لالا ماكيش فاهمة
انا: لالا فاهمة عنبالك هربت انسيت بلي الدنيا صغيرة
بدرو: والله راكي غالطة ضرك انفهمك
انا: لالا فاهمة غير روح على روحك طونوبيلتي خدمتها بلا مزيتك جيت رايحة
بدرو: ربببببببك نهدر معاك
انا: اي اي ريح عاقل ربك قولها للمرتك بلاك تغلط معايا انا ماشي معزة نسكتلك
بدرو: كنت مدابز مع مرتي وكي ديماريت بدات غير تهدر تهدر لوكان عطيتها انا رقمي شفتها تخزر فيك بلعاني ضرباتك انت عجبك الحال اديني معاك كي تروحلها......
حكمت التيليفون طيشتو
انا: قاع هذا باش ترضى مرتو
هو: لا باش تسكت حبيتها تسكت عييت
انا: وانا!!!!  خزر فيا 😮😮 فقت لروحي انا قصدي وكروستي
هو: والله ياك نهار الضربة هاذيك كان السبت الاحد والاثنين كان عندي خدمة كبيرة  ثلاثاء رجعت لابيس انتاعي والله عنبالي تعيطيلي انتي
انا: عيطتلك شحااال من مرة ثلاثاء خدمت كروستي ومحيت رقمك😔😒😞
هو :وضرك تمديلي رقمك
انا: لالا علاه ضرك خلاص فات الحال خدمت طونوبيلتي
هو: ماعليش نخلصلك قاع واش خلصتي
انا: لالا مرسي
وجيت رايحة ايييي راني نهدر وين رايحة في وجهي
انا: خلاص سماح على كلش وبقا على خير
هو :اوك سلام
غير اندور نلقى خالد في وجهي وانتي واش مع هاذ الطونوبيل اوااه لازم انبدلوها
انا في قلبي: وش بيه هذا مهبول وش يبدل وشنو الطونوبيل قتلو وش كاين
خالد: قاتلي طاطا اسيا عيطولك على طونوبيلتك في باركينغ
انا: ضحكت قتلو ايه
خالد: بدر الدين شخصيا وشراك بدرو sa va خو وش راك
بدرو sa va وانت لاباس قالو ديرونجاوها  المادام
خالد: قالو ايه راهي غير كيما كانت عند الميكانيسيان وواقيل راح ترجعلو ههههه
انا: ياربي وهذا ضرك وش يحوس عندي عرف زوح كلمات عليا راه يبان عايش معايا امبصح حاجة فايدة عرفت اسمو بدر الدين
بدرو: بقاي على خير مدام
خالد : لي لي اسمها لي لي
بدرو باي باي  لي لي هههه
رحت لبلاصتي وهو ثاني رجع لبلاصتو
بقيت انشوف فيه مرة مرة اما هو كلاني بعينيه اما انا بقيت انقول ياريت ياريت حتى يجيني السارفور بسرفيات ههههههه مرسول الحب حليتها نقرا فيها...... 06 الجبال ما يتلاقاوش اما انا وانتي لازم نعاودو نتلاقاو
حكمت السارفيات خبيتها كملنا العرس انا واسيا الزينة وروحنا لدار ديماكييت وبقيت انخمم ونقول في قلبي لي لي مهبولة انتي راه متزوج تفكرت اطلعي الشمس عليك 😨 😨 يا رب نعيطلو او لا
نضت الصباح رفدت قاطويا وطب طبت على طاطا اسيا
انا: شربتي قهوة
اسيا: تامني هذا وين قلت انشوف لي لي اذا ناضت تشرب معايا قهيوة جوزي مرحبا بيك
دخلنا للكوزينة
انا: طاطا ذاك العرس جاز رووعة
اسيا: الله يبارك لعقوبة ليك عرس بالطبع والشام
انا: حتى لي حاضرين ناس ملاح
حبيت اي طريقة نجمع بيها معلومات على بدرو والو بقات تهدرلي غير على خالد
انا طاطا بصحتك القهوة انا انخليك
رحت لداري نقيت الدنيا  وطيبت لفطور وقعدت نعيط ما نعيطش امبعد قررت انو ما نعيطش حتي يقوتو يومين لو ثلاثة باش ما يقولش غير تتلصق فاتت صح سمانة ما عيطتش امبعد قلت والله انجرب صونا مرة زوج رفد الوو الوو الوووووو
انا: اللووو
هو: كنت متاكد انو رح تعيطيلي
انا علاش شكون انا عرفتي
هو ايه ياك غير جبال لي ما يتلاقاوش
انا: عيطتلك برك انقولك ما ني نستنى منك والو وخلاص طونوبيلتي راهي مليحة وخلاص
هو: وين راكي
انا: اه 😨 😨 😨 في الدار
هو: وين داركم
انا: في باب الزوار
هو: شفتك قاعدة مع يموت الياس
انا ؛ ايه جارتي مقابلتني
هو: وجدي روحك راني جاي نديك
انا: اه وش راك تقول راهي 14:00 وعلاش تجيني وبين رح انروحوا
هو: مانيش بعيد راني في خارج من المطار 10دقايق نلقاك لتحت او نطلعلك
انا: مهبول انت وش كاين
هو: بقاو 09 je pense pas توجدي روحك غير نطلعلك
انا: لالا انا نهبطلك
هو: اوك à++