عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

الحلقة الثالثة : وين تهرب مني

الحلقة 3
وصلنا لوتيل لي فيه العرس على 18:00 تقريبا طلعنا لاصال الحق استقبلنا سماح ويماها
سماح: لي لي والله درتي الهدة وجيتي برااافو
انا: كلشي مبروك ربي يهنيهم
سماح: لاغوب تهبل جات على عينيك يا قطوسة ههههه
انا: مرسي يعيشك حبيبتي
سماح تهلات فينا قعدنا في مائدة من الاول مقابلة العريس والعروسة ومقابلة المغنية الفايدة بلاصة 3D كيما يقولو اما طاطا اسيا الله يهديها دارت بيا الصالة وهي تسلم على الغاشي و كل وحدة تقوللها شكون هاذي تقوللها بنت اختي وانا غير نسمع ونضحك
شربنا jute وبدات نعيمة تغني بصوتها الذهبي ماشاء الله وانا نتفرج في الحاضرين قفاطن وكاراكوات ماشاء الله حتى طيح عيني على الباب داخل 😍😍😍 هو ايه هو الرخيس لي عطاني رقم غالط لي ضربلي الطونوبيل ولعبها جونتي ومليتخ وهو رخيس... كلب....شبااااب.... يقتل.... يهبل
لابس كوستيم نوار وشوميز بيضاء  وكرافات يهبببببل
والدبة حذاه يدها في يدو كانت لابسة قفطان براااف شباب وباينة ماشاء الله الواحد ما يكونش حساد 😁😂
بقيت انتبع فيهم بعينيا اما هوما ما شافونيش قعدت غير انخمم كيفاش نلفت انتباهو كيفاش انخليه يعرف انو انا اهنا وحكمتو خممت خممت امبعد جبدت من صاكي ستيلو وحكمت سارفيات وكتبت فيها غير الجبال لي ما يتلاقاوش يا مولا البورش ونضت لعبتها رايحة les sanitaires وحكمت سارفور
قتلو بليز نطلب منك حاجة قالي وي مدام قتلو راني مع ماما مزيرتني حبيت تدي هاذي سارفيات لواحد وتقولو يقراها غير بينك وبينو قالي اوك و ريهولي اما قتلو بشرط اذا جاك قالك وريهالي قلو راحت