عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

الاهتمام اقوى من الحب

راح ايه راح وما عيطلي ماوالو هذاك انهار وللغدوة عيطتلو انا في خدمة بعثلي sms قالي je suis en réunion وما عاودليش حتى لعشية عيطلي مارديتش عليه  غاضتني عمري بكيت بكيت بكيت حتى تكسر راسي رحت لطاطا اسيا قلت نتحضنها ونبكي عندها في بلاصة ماما الله يرحمها لقيتها راحت تبات مع سماح والياس خرجت برا انشم لهواء خليت تيليفوني في الدار وخرجت اندرو بالطونوبيل و انا مش عارفة وين رايحة ومنين جاية نبكي وخلاص وحاطة  cd تاع حسني انا ما كنتش نسمع حسني اما هو علمهولي هو خلاني نسمع حسني لانو عمرو ما ينحيه من الطونوبيل اصلا cd هاذي هو عطاهالي
رجعت لدار وانا نسيل بالماء اصلا كنت قبل ما نخرج في الدوش امبعد خرجت وهي الشتاء الطيح وقعدت شوية عند البحر واشتاق طيح على راسي اول ما وصلت لدار شفت تيليفون مالقيتش ولا مكالمة منو بعد زوج تاع لعشية قبل ما نخرج حسيت روحي تخنقت بالقنطة  فتحت التاقة رقدت ونسيت  التاقة مفتوحة نصت الصباح راسي يوجع ونتقيا حشاكم ونفيفي يسيل السعلة الحصول ميتة انا برداااانة اما نعرق اه كنت في حالة كارثية جسديا ومعنويا ولي قهرتني صح ما عيطليش 😭😭😭😭 ايه ما عيطش 14:30 وانا مت بلاصتي ما تحركتش غير كي سمعت لباب نضت نحل قلت تكون طاطا اسيا على الاقل تشريلي دواء
انا: غير حليت لقيتو هو😭😭😭😭 بكيت مباشرتا ما قلت والو بكيت برك
هو: تحضني قالي واش بيك مهبولة راكي سخونة علاش ما عيطتيش تقولي راني مريضة؟!؟
انا: بعدني وروح خليني نرقد بقا محضني ومزير عليا كي شغل مش نهدر
انا فشلت ما قدرش نوقف جابني لبلاصتي وقالي عندك دواء
انا: لالالالا ما انحبوش
هو: اوك
خرج عيط في التيليفون انا نضت نجري نتقيا حشاكم رجعت نسمعو يقول ايه مسعود راه جاي يجيبك
انا: شكون
هو:طبيب صاحبي
انا: ما انحبش الطبيب
هو: انا انحبو 😒😒😒
جاء مسعود مع الطبيب لي دخل طول عندي اما بدرو فهد مع مسعود بعثو وقالو جيب واس قتلك وارواح تدي الطبيب
الصح شافني ودارلي سيروم وكتبلي فيتامينات و مقويات
الطبيب: انا انروح
بدرو: ضرك يجي مسعود يديك وراح معاه لصالون وقعدو يقصرو وانا رقدت حتى جاء مسعود دا طبيب ودا ordonnance باش يشري الدواء وحبيبي عشيقي عمري راح للكوزينة طيبلي supe رهج الخضرة قاع غلاها وطحنها وحطهالي وكان مسعود جابلب الكبدة قلاهالي ونوضني
انا: ما ناكلش حابة نرقد
هو: كولي وارقدي
كليت شوي بالحتمة وراح للكوزينة انا عنبالي راح لدارو لاني كنت دايخة وزاطلة فطنت على 3 تاع الصباح نلقاه متكسل حذايا ويتفرج في France 24
انا: اي بايت اهنا
هو: انخليك؟؟؟
انا: لالا اما ومرتك والخدمة غدوة ؟! 
هو: راني ميسون في غرداية ثلاث ايام والخدمة صاحبي لي جا قبيل دارلي مالادي ثلاث ايام..... يبداو من غدوة رح انعيشهم معاك واهنا جاك (في التيتانيك ) مش خير مني 😍😘
انا: ما قلت والو غير اني قربت منو و وعاودت رقدت 
صباح نضت بخيير هذاك السيروم بزاف نفعني نضت مع 6 تاع الصباح شبعانه نوم طوول لدوش حبيبي عندي دوشت قاع كاش كريم دارتها في جسمي قعدت نضحك على روحي البارح كيفاش نرقد عندو وانا عرقانة وريحة لقيا 😭😭😭😭😭 رح يعيفني يارب
رحت لصالون ونشفت شعري بالسيشوار باش ما ينوضش اما هو نظام عسكري ناض جا عندي حكملي السيشوار قالي انا نفشفلك شعرك شنشفني الحاصول وقالي بسيف ترجعي ترقدي
انا: وانت رايح
هو: انا راني اهنا قتلك معاك رح نخرج مع مسعود نشري لبسة شوفي رقدت بحوايجي وانجي
انا: انروح معاك
هو: ريحي قتلك اعطيني المفتاح باش ما نبقاش واقف برا
انا: هاو في صاكي ايه دخلت تحت الكوفيرتا ورقدت وهو خرج 11.30 جاء
انا: جعت
هو: كاين la supe تاع لبارح ضرك انسخنهالك
انا: لالالا ضرك اما الطيب
هو: علاه ماعجباتكش ماكلتي؟!؟!
انا: عجبتني برك قلت اهنيك
هو: لالا ارتاحي
انا في قلبي نحتمها وش راح اندير دخل لصال دوبان دوش ولبس سروال جوكينغ نوار ر تريكو ابيض وخرج راح للكوزينة سخن وجا كلينا شويا وحطينا مسرحية العيال كبرت تكسلنا في السرير وبدينا نتفرجو
انا ديما نبدا تعرفوني خزرتو قتلو بدرو حبيت نحط راسي على صدرك وهو صدرو  الله يبارك عريض ومخدوم وكرشو داخلة يهبل musclé
هو: ارواحي
خطيت راسي على صدرو تحضني هو وقتلو
انا: بدرو علاش خليتني
هو: خفت 😢😢
انا: طلعت راسي وخزرتو
خفت!!
هو: خفت عليك مني خفت على قلبك من مشاكلي خفت نضعف ونغلط معاك خفت....
انا: انحبك
هو: وانا..... وسكت
انا: علابالي ما تحب مرتك
بلا ما نفيق تبدل كلش 😨😨😨😨😨😱😱😱😱😱
تقلب عليا كنت  راقدة على صدرو لقيت روحي تحت هو في بلاصتو اما دار عاد من كرشو وصدرو فوقي حكملي يدي لي كنت زعما حكمها على والثانية كانت تحتو تقريبا وقالي
ربببببببك  انحبك انا انحبك انتي انموت عليك انتي مرتي ماشي هي انتي حسيت معاك نصي الثاني ماشي هي  انتي نتفكرك كي انكون في الخدمة ماشي هي انتي لي ان يكون عندي ولد منك ماشي هي نحبببك ربك ماشي لازم ان...كك باش نبروفي بلي انحبك انخاف عليك لي لي انخاف نغلط وانتي مع قاع هاذ الحب تخليني نكسرك انخاف انموت وانخليك لي لي
طاحت دمعتي وفشلت تاع الصح بعيد الشر عليك طلعت راسي وبستو هبط عليا بوحد bouche à bouche تقتتتتتتتل كملناها قالي اسمها بوسة هاذي ماشي عظة ما ستعملوش فيها الاسنان يا حبيبتي
انا: ما جربتش البوس قبل
هو: باينة بلل ما تقوليلي عنقتووووو عاودت حطيت راسي على صدرو وبقيت انبوس فيه رجعنا المسرحية لي فاتتنا ورجعنا نتفرجو