عشيقي 🤩🤩⁦🇩🇿 كرونيك باللهجة الجزائري⁩⁦🇩🇿⁩

انت لست لي

انا شفتها صفرت وهي قاتلي سلام
انا: سلام شكون انتي لملمت روحي بالخف ولعبتها عادي
هي: تعرفيني وعارفه علاش جيتك
انا: لالا ما نعرفك ما نعرف علاه جيتيني
هي: راجلي تخطيه هذا بن عمي قبل ما يكون راجلي والعائلة الكل معايا عمرهم ما يرضو بيك
انا: ما علاباليش بيك
هي: علابالك بلي هو في الجيش محال يقدر يتزوج زوج
انا: شكون قالك راح نتزوج
هي: اه انتي ساقطة غير انتاع حرام املا قحبة وراضية
تقول عطاتني الف كف على وجهي سكرت الباب في وجهها قاتلي راني رايحة يسمع بيا جيتك تسمع اسيا بلي عامين وانتي تنيكي معاه انا ما قدرت انقول والو بقيت نبكي برك .... بعد حوالي زوج سوايع
عيطلي
هو: حبيبي سمحتي فيا انسيتيني؟!
انا: ارواح عندي اليوم
هو: انجيك قلبي
وصح شوي وجا يضحك يقصر مافاهم والو قتلو انا اقعد قالي لالا هاتي بوسة قبل قعد يهارج فيا انا قلبي خابث
هو: وش كاين
انا: ماكان والو حابة نتفارقو
هو: زبي وي قالو نتفارقو عمري ما ممكن نسمح فيك ربك
انا: انا راني انقولك لازم نتفارقو راح نتزوج وانجيب اولاد انظن من حقي
هو: ياك قلتي نحوس عليهم منك
انا: وما نقدرش منك
هو: ضرك انجيب امام نفتح عليك ايامات انطلق وتزوجو
انا: لالا ما طلق ما والو مش حابة نتزوجك طراااااااخ كف سخون جا في وجهي وخرج  😫😫😫😫 انخليلكم بدرو يحكي شوي
ربها ما تخممش انحبها انموت عليها رايحة تتزوج وتجيب ولاد من راجل ما تحبوش واصلا مكسرة شكون راح يديها... اواه اكيد عندها لي طلبها لزواج.... كانت تمشي معاه وانا معاها.... ههه محاااال حبيبتي ونعرفها مي من حقها دير دار وتجيب اولاد...... ربها مني علاش مش مني كنت رح ندي انتريت و نتزوج بيها ماعلابالي لا بالجيش لا والو مدام الرهج ما حبتش تطلق...... اه ياربي واش اندير حاس بحريق في قلبي نااااار نار 🔥 🔥 🔥 🔥 نار شاعلة في قلبي عمري ما تصورت نخسرها تخليني حبيبتي انا تخليني؟!؟!

انا قعدت في داري لميت روحي رقدت و الصباح خممت مباشرتا انو انروح لسطيف رحت لسطيف رحت عند عادل كان تزوج بطبيبة قرات معاه كنت على اتصال بيه بالتيليفون وكي لدزاير كان يجيني مرات اما مش علاقة كبيرة رحت الحق فرح بيا بزاااف لقيت عندو بابا راقد مريييض شيان كبر هم الدنيا فوق راسو
انا: بابا واش بيك
بابا: داتني الدنيا خسرت كلش دراهم خاوتك قاع فلستهم ما بقا غير اوتيل انتاع سطيف وراهي حاجز عليه البنك
عادل: عماد رجع وراه يحاول يمشي الحالة شوي اما الدراهم ناقصة والبنوك ماحبوش يسلفونا
ويامنة كيما تعرفيها مش مقلقة روحها انا كنت ديجا هادرة مع يامنة على ذهب ماما والدراهم لي خبيتهم انا وتفاهمنا انخلوهم لاقسى الضروف جا عماد قعد يتسسمح مني لانهم سمحو فيا ومكانوش يجو اصلا يامنة من 2015 ماجاتش وعماد جاء باش كاش ما يصلح ورايح
انا شوفو عندنا الدراهم باش انخلصو البنك ونرجع الحجز على الاوتيل لكن بشرط عماد لازم ترجع اوتيل ماما كيما كان ذهب ماما انا سرقتو وخبيتو كيما هو في البنك انبيعوه ومع الذهب كاين  وانبيعو الفيلا تاع لابيار ونحاولو انرجعو واش نقدرو فرحة بزاف فاتو ايامات وبدرو ما راحش من بالي اما ما عيطتلو ما عيطلي  طلعت انا وعماد لدزاير   رقدنا ريحنا شوي الصباح  رحنا للبنك ومنها لسايغ بعنا الذهب وعماد كان ضحك معايا وهو صح بوقوص
عمري ما توقعت انو من الصباح وبدرو يتبع فيا وشافني كيفاش خرجت مع عماد من الدار وطبعا حسبو صاحبي او راجلي
رحنا للمطعم نتغداو عماد ناض يغسل يجيني سارفور بسرفيات مش عارف مباشرتا عرفتها رسالة منو مكتوب فيها
مش قادر نتخيل غير انك تزوجته لانو محاااال يرقد واحد لي بلاصتي بلا زواج بصحتك مبروووك عليك اليوم نخرج من حياتك للابد
نسمع يا لطيف يالطيف مسكيين درت نسمع وحدة تهدر قالت داير كي الحيط الله يبارك واقف طاح طيحة وحدة  ان لله وانا اليه راجعون  انا قلبي حبس حسيت حسيت انو هو حبيبي
خرجت قلتلهم شكون قالولي هذا انتاع البورش😨😨😨😨😨😭😭😭😭😭😨 اه ماات

عماد خرج لقاني يابسة برا قالي وش بيك قتلو لالا راجل مات قدامي وقعدت نبكي داني لدار وراح لانو لازم يلحق هلى اجراءات فك الرهن في سطيف انا طووول لطاطا اسيا انسقسي كاش جديد
اسيا: لالا مكان والو يا بنتي
عيطتلها سماح قلتلها انجيبلك مينو اه نسيت سماح في هاذ العامين جابت محمد امين قالتلها انخليه عندك لانو وليد خالتي بدرو جاتو جلطة دماغية وراه كوما في عين النعجة
انا: قعدت غير نبكي ما صبرتش رحت الدنيا كاااامل عندو وبقيت انروح كل يوم وبالتخبية على الدبة باش انشوفو يومين ثلاثة اسبوع كامل في غيبوبة
مرة رحت المغرب كي العادة انشوف من بعيد حتى انشوف واحد جاي عندي هربت بديت نسرع في المشية اول ما وصلت لطونوبيل قالي مدام استناي انستيني!!
انا: شكون انت ما نعرفكش راك غالط فيا
هو: انتي تاع باب الزوار انا  دكتور احمد صاحب بدرو لي جيت داويتك مرة
انا طرطقت بالبكاء قتلو واش راهو
احمد: صاحبي راجل راح يفوتها ما تخافيش يحبك بزاااف حكالي عليك مرة قتلو شكون هاذيك لي ديتني داويتها قالي هاذيك انا روحي انا ماصبرتش وليت نبكي بصوت عالي قتلو حابة انشوفو لازم انشوف
احمد: اوك روحي ضرك 23:00 ارواحي اندخلك تشوفيه راني قارد اليوم وضرك قاع انقوللهم يروحو هاكي رقمي عيطيلي طي تجي
انا.: merci docteur
جيت رح انروح ما خلانيش قلبي قعدت ايه قعدت من 7 تاع لعشية حتى 23:00 تاع الليل نحسب في الوقت بالدقيقة كنت ندعي في ربي يعيش ماعليش مش معايا المهم يعيش
جوايه 21:00 شفت عايلتو في الباركينغ خارجين كامل وانا غير نستغفر وندعي
جاء الوقت عطيت لاحمد
انا: الووووووو
احمد: هههه قتلك روحي وارواحي ماشي تستناي قاع هذ الوقت برا
انا: ما قدرتش
احمد: ايا ارواحي الطريق امان هههه
هبطت نجري ودخلت عند احمد قبل لبسوني وحد اللبسة خاصة لبلوك معقمة وغطاولي راسي وجيت داخلة
احمد: اهدري معاه بصوت عالي ممكن جدا يكون يسمع او على الاقل قلبو يحس بيك