لكاتبه : { حكاية حب ، )
تناظر في شعرها من المرايه وتقول في نفسها " الله يالزمن هالشعر بينقص ويصير بوي عشانك؟ " حست بيد ناعمه على كتفها ، التفتت شافت اختها منار .. ابتسمت و لفت عليها وضمتها
منار بصوت هادئ : لازم يا ريوف ولا ماراح نعيش
غزل بدفاشه تنط فوقهم وتكمل الضمه : يالنفسيات عادي بنعيش حياه ثانيه
ضحكوا البنات لانهم عارفين انها دايم تحاول تغير جو الكئابه الي فيهم..
غزل و ريوف و منار...
ثلاث خوات من عايله بدويه ساكنين في حاره فقييره جداً عاشوا حياه قاسيه بعد موت ابوهم بس الي كان مصبرهم امهم الي توفت قبل اسبوع .. كانت امهم تقول دايماً اخاف عليكم لا مت وانتوا بنات بروحكم ولا تعرفون حد في ذا الديره .. بس كانوا يقاطعون كلامها دايم بـ الله يطول بعمرك .. بعد وفاة امهم وانتهاء العزا تكلم معهم صاحب البيت وقال لهم ان اذا مادفعوا اجار البيت بينطردون..
والي كان مخوفهم اكثر انهم بنات وصعبه عليهم يعيشون بدون بيت فقرروا انهم يتظاهرون انهم اولاد ويدورون لهم شغل سهل في الرياض وبدون بطاقات واوراق ثبوتيه ،،
كان جارهم ابو ابراهيم رجال طيب ومو مقصر معاهم عطاهم اقتراح انهم يسكنون معاه بس البنات رفضوا بحجة ان عنده 6 اولاد والبيت ضيق
بعد محاولات من ابو ابراهيم قالت له منار انهم عندهم قرايب في الرياض واذا تبي تساعدنا ودنا للرياض ..
وافق ابو ابراهيم بسرعه بدون اي نقاش وقال لهم بعد صلاة الظهر يكونون جاهزين.
منار :
اكبر وحده عمرها 20 ضعيفه حييل وهذا مساعدها على انها تتنكر كولد بس الي مخرب عليها هي واخواتها ملامحهم كانت جميييله عيونهم وسااع وناعسه ورموشهم كثييفه و طويله خشومهم صغيره وحاده الا ريوف كان خشمها طويل شوي بس حاد شفايفهم عاديه كانت منار الوحيده الي عيونها عسليه من خواتها شخصيه منار ذكيه وما ينلعب عليها حساسه بس ماتبين ابد
ريوف : عمرها 19 ( الملامح وصفناها ) شخصيتها نعوومه وتخاف من كل كائن حي غير البشر تحب شعرها حب الناس يشكون مرات انه حبيبها
غزل : عمرها 17 مرجوووجه و تعشق شي فيه هبال تصدق اي شي وبريييئه قلبها طيب وحسااسه تعشق شي اسمه رسم وما تخلي اي شخص يشوف رسماتها الا امها الله يرحمها
في الحاظر ..
منار تمسك المقص وتقص شعر ريوف وريوف تبكي عشان شعرها
منار بضيق عشان اختها : خلااص لاتبكين الحين ذي الدموع كلها عشان شعرك خليك مثل ذي الهبلا ( وهي تأشر على غزل ) مستانسه على القصير
ريوف : قلتيها هبلا تستانس على اي شي
غزل وعينها شوي وتطلع : نعععم من الهبلا
منار : ولا احد ولا احد خلاص
ريوف بتفكير : اممم منار ماقلتي لنا وش نلبس ماعندنا ملابس اولاد؟
