لاحمي نفسي

جزء٧

البارتت السابع...♡ 

استغفر الله.. 
الحمدلله..
الله اكبر.. 

الساعه 4:00الفجر ...

قام فواز من النوم وهو يتامل الشخص الي نايم في السرير الي جنبه.. ( يالله معقوله صار لي ثلاث ايام انام مع بنت و ولا دريت . اقولها اني عرفت ولا لا؟ لا خلني اشوف لين وين تبي توصل ) 

قام واتجه للحمام خذ له شاور وتوضى ولبس له شورت وقميص احمر .. 

طلع من الحمام وشاف وجه ماكان يشوفه ابد كان منعمي .... 

عيون جمييله وبشره بيضااا وخششم صغير وشفايف صغيره ومليانه .. راح فرش سجادته وصلى وبعد ما خلص

تحرك لها وقال و فيه ابتسامة نذاله : سلووووووم سلووومي 

غزل بتعب : نععم 

فواز : قوووم صل..

غزل : كم الساعه؟؟؟ 

فوااز : اربع الفجر 

غزل لفت للجهه الثانيه وبتعب : طيب خمس دقايق 

فواز جا يبي يتكلم بس قاطعته فكرة نذله... 

ابتسم وتقدم لها شال اللحاف ونام جنبها ولزق فيها.... 

غزل نطت من السرير وبخوف : ننعم انت وش تبي .. 

فواز كتم ضحكته وقال وهو يسحبها جنبه : نام نام بعد ساعتين نقوم ونروح للشاليهات ...

غزل قامت بسرعه وهو ميتته حياا ووجها اححمر.. 

راحت للحمام وسمعت ضحكته غطت وجهها بأحراج ( لايكون يدري اني بنت .. لا لا يمكن شاذ اعووذ بالله خلاص خلاص .. يوووه بنروح الشاليهات ... ) خذت لها شاور وتوضت ولبست الضاغط و تي شيرت اسود وفوقه جاكيت احمر وشورت اسود .... 

طلعت من الحمام و ماشافت احد في الغرفه قفلت الباب وطلعت شرشف صلاة صلت بسرعه و فسخت الشرشف وسمعت صوت الباب 
فتحت الباب ودخل فواز وقعد وبعد دقايق 

قالت غزل : فوااز 

فواز رفع راسه وببتسامه : هلا ؟ 

غزل : اااء انا بطلع اتمشى شوي وبرجع طيب ؟ 

فواز كان وده يقول انه يروح معها بس مايبي ينشب : طيب 

ابتسمت غزل وطلعت وراحت للساحه وكانت فاضيه لان الوقت كان بدري واجازه واكيد الكل نايم .. 

صارت تتمشى وتتخيل حال خواتها ( يالله ابي اعرف اذا احد كشفهم ولا لا ؟ بس اكيد ماراح يقولون لي لو كشفهم احد .. ) وهي غارقه في التفكير وتتمشى بروحها في الساحه شافت غيث قاعد في كرسي بعيد لحاله ويقرا شي! 

قربت من وراه وكانت تبي تخوفه وجات تبي تصارخ بس سمعته يقول : شفتك ترا 

غزل بخيبة امل : اففف انت ماتخلي احد يخوفك؟