فَاذْكُرُونِي أَذْكُرْكُمْ

الجنه

• هو ينفع و احنا في الجنة نتكلم مع صحابنا عن أيام الدنيا ؟ ..
آه .. هيحصل ..
• طَب ينفع نتكلم مع الأنبياء و نعرف اللي كان بيحصل معاهم ؟ ..
يا ابني اللي نفسك فيه هتلاقيه .. طالما يخضع لقوانين الجنة ..
• طَب هي أشجار الجنة عاملة إزاي ؟ ..
ساقها من ذهب .. و بتنزل لحد عندك عشان تقطف ثمارها .. و ممكن تركب حصان و تجري في ظلها 100 سنة و ما تخلصهوش أصلا ..

وهنسمع القرآن والاذان بصوت الرسول ❤

هنشوف كمان هناك في الجنه كل حد كان عزيز وغالي على قلوبنا بس فارق الحياه في الدنيا هتلاقيه هناك مستناك وفرحان بيك ❤

ربنا في الجنه هيتكلم معاك وهيجيبك وهينادي عليك وهيسألك مين اللي ظلمك ومين اللي اهانك ومين اللي خانك ومين اللي كسرك ومين اللي خلف وعده معاك  ومين اللي جه عليك في الدنيا ساعتها ربنا هيجيب كل دول وهتشوف عظمة ربنا وهو بيرد ليك حقك بكل قوه وعظمة ربنا !!❤👌

• طَب و الفاكهة ؟ ..
أجمل مما تتخيل .. القضمة طعمها مختلف عن اللي قبلها و أجمل منها .. تتشابه مع فاكهة الدنيا في الاسم بس .. لكن الطعم و الشكل .. غير ..
• طَب لما بناكل .. الأكل بيروح فين ؟ ..
الأكل بيترشح من البطن زي العرق كدا .. بس ريحته بتبقا مِسك فا البطن بتصغر تاني و تفضل تاكل براحتك بقا عادي .. و هكذا ..
• يعني مفيش Excretion ؟ ..
مفيش إخراج .. و لا عرق و لا Urine و لا Feces و لا أي حاجة ..
• طَب و حوارات البنات ؟ ..
مفيش حيض و لا نفاس و لا ألم و لا نفسنة و لا الحاجات دي ..
• طَب هو احنا بنتكلم بأنهي لغة في الجنة ؟ ..
بلسان نبينا محمد .. اللغة العربية .. حتى الأجانب ..
• طَب هو أهلي ممكن يبقوا معايا في الجنة ؟ ..
آه .. لو مِن أهل الجنة ربنا بيجمعهم سوا عشان يفرحوا ببعض ..
• لو حد من أهلي دخل النار هزعل و الجنة مفيهاش حزن .. إزاي ؟ ..
اتفقنا قبل كدا أن الجنة مفيهاش حزن .. مش هتحزن لما تدخلها ..
• هو احنا ممكن نتكلم مع ربنا عادي ؟ ..
آه طبعا .. يوم لما نشوف وجه الرحمن هيتكلم معانا و كلام كلام بقا .. يعني تاخد راحتك و تقول كل اللي نفسك فيه و يكلمك  و يفكرك بمواقفك الحلوة في الدنيا .. هتتكلم براحتك ..
الجنه_وجمالها💚