كبرياء العشق " الجزء الثاني من سلسلة العشق "

البارت الاول

نوفيلا
كبرياء العشق
الحلقه الاولى
&&&&&&&
دخلت الاوضه الخاصه بيها ف مملكه الفرس بعد ما انتهي الفرح وهي مبسوطه وعارفه ان غيث هيسعدها وهيقدر يقنعها وجيه ف بالها الامير اللي كان بيلف حواليها طول الفرح
نورسين بضيق : يا سااااتر ده مبيفهمش صوتي راح وانا بقوله يبعد عني .. وانتي من مملكه ايه وهو ماله .. حتي الأمراء بقوا من المستوي ده بس مش شكله امير ده واحد غريب متخلف
_مقبوله منك يا اميرتي الحلوه واخيرا عرفت إنتي من مملكه ايه
شهقت بفزع وبصت وراها لقته واقف بابتسامته السذاجه إللي رسمها ع وشه
نورسين بغضب : أنت جيت هنا ازاي .. مين سمحلك تدخل اوضتي اصلا اطلع برا
قرب منها بهدوء وهي رجعت لورا : انا عمر امير مملكه النصر جيت هنا إزاي ف ده سهل اوي يا اميرتي الجميله غمزه واحده مني لخدامه عرفت مكانك فورا اصل زي ما إنتي شايفه شاب وسيم
نورسين بغضب : ايه حيلك حيلك .. مين قال انك حلو اصلا شكلك نظرك مش إللي هو
عمر بابتسامة خبيثه وهو بيقرب : انا مش حلو
نورسين بتحدي مزيف : ايوه
عمر : يعني انا مش حلو
نورسين : ايوه
عمر : متاكده اني مش حلو
نورسين بضيق : بقولك ايوه
عمر : يعني انا حلو
نورسين بدون انتباه : ايوه
ضحك بجاذبية وهي انتبهت ع إللي قالته ووشها احمر من الغضب والخجل
عمر : اعترفتي اهو اني حلو
نورسين : انت إللي ضحكت عليا
عمر : ماشي يا اميرتي الجميله بس بردو عرفت اني حلو
نورسين بغضب شديد : اطلع براااا
عمر بغمزه : طالع طالع براحه
وطلع برا بس رجع وفتح الباب وبعتلها بوسه ع الهوا وهي اتصدمت من جراءته وقفل الباب وهو بيضحك
عمر بابتسامة جميله : هذا هو الحب من اول نظره يا اميرتي الجميله
ومشي ع اوضته إللي خصصتها له الملكه (روز) زي ما خصصت لوالدته ووالده واخته لان مملكتهم بعيده ف عرضت انهم يفضلول ف القصر لحد ما يمر اسبوع ع الجواز
نورسين : وقح .. والله وقح ومستفز ومش حلو بس .. الله ياخده
نامت ع سريرها بغضب بس صورته ووقحته بالنسبة ليها لسه موجوده في عقلها مش راضيه
نورسين بضيق : اااه كملت يعني  .. نام يا عقلي نام .. الله يخربيتك بقيت اكلم نفسي
نفخت بضيق وحاولت تنام لحد ما قدرت تنام وطبعا منسيتش تدعي عليه طول ما هي صاحيه
&&&&&&&&&
صباح يوم جديد قامت من نومها بكسل ودخلت الحمام وبعدين طلعت وقعدت تقرأ قرأن وصلت زي ما متعوده وبعدين نزلت وفضلت تستغفر وتدعي متقبلش المختل ده وخبطت ف
الفتاه باسف : اسفه
نورسين بابتسامة : أنا إللي اسفه انا مكنتش مركزه
الفتاه بابتسامة : إنتي اميره صح
نورسين : ايوه .. نورسين اميره مملكه الفوارس
الفتاه : انتوا تقربوا لمملكه الفرس
نورسين : ايوه
الفتاه : وأنا وعد اميره مملكه النصر
نورسين بدون وعي : انتي اخت الوقح
وعد باستغراب : افندم
نورسين بانتباه : لا ولا حاجه
وعد : تقبلي نبقي أصحاب
نورسين: أكيد يا وعد
وعد : اذا إنتي اخت الاميره اللي اتجوزت امبارح صح
نورسين : ايوه
نزل من ع السلم وشافها واقفه مع وعد قرب منهم بابتسامة عريضة وحضن اخته
عمر : صباح الخير
وعد : صباح الخير عمر .. ده عمر الملك المستقبلي لمملكه النصر
نورسين بصوت هامس وصله : والله خساره فيه المنصب .. واحد وقح
بصلها بجمود وهي بصتله ببرود
وعد باستغراب من شكلهم : مالكم ف حاجه
عمر : لا مفيش يا وعد
وعد : طيب هسيبك يا نورسين عشان اشوف الملكه عن اذنك
عمر ف نفسه : نورسين اسم جميل
مشيت وهي جت تتحرك مسكها من دراعها وقرب من ودانها واتكلم بهمس : انا مش وقح .. لانك لسه مشوفتيش حاجه من وقحتي يا نوري : اسم حلو يا نورسين بس نوري أحلي
وغمزلها ومشي وهي واقفه مكانها وافتكرت قربه منها ونفسه إللي كان ع رقبتها وشها اتحول للون الاحمر من الخجل ومستغربه انها سكتت له لعنت نفسها ولعنته ع حالتها ديه
نزلت الملكه (هيام) من فوق وشافت بنتها واقفه وتايه قربت منها بهدوء
هيام باستغراب : مالك نورسين
فاقت ع صوت الملكه : ولا حاجه جلالتك
هيام : متاكده
نورسين : اووف مانا مش عارفه أعمل زي عشق
ضحكت : طب تعالي
واخدتها وطلعوا اوضه نورسين وقعدوا وهي اتكلمت وحكتلها من اول الفرح لحد موقف الصلح والملكه هاديه جدا وبتسمع بهدوء
نورسين بغضب : انسان وقح وزباله ده استحاله يكون امير
هيام : وبعدين
نورسين : بس انا عملت حاجه غلط
هيام بابتسامة ومشاكسه : وهو حلو ولا وحش
نورسين : حتي إنتي يا ماما
هيام بضحك : بصي بقى أنا هتكلم مع الملكه بنفسي وهشوف الموضوع ده
نورسين باعتراض : لا طبعا يا ماما .. احنا ملناش دعوه بحد وقريب هنرجع المملكه وهيبعد عني وانا لو عمل حاجه تانيه
هيام : هتعملي ايه
سكتت شويه واتكلمت بضحك : مش عارفه
هيام بابتسامة : بصي يا نورسين انا هسيبك تتصرفي براحتك بس لو حصل حاجه لازم اعرف
نورسين : اكيد جلالتك .. شكرا لانك سمحتيلي اقعد اتكلم معاكي
هيام : انا ام قبل ما اكون ملكه يا نورسين
نورسين : وف الاثنين احسن واحده جلالتك
حضنتها بحنان وبعدت عنها ونزلوا تحت وجتلهم خدامه بتبلغهم أن الملكه عايزهم راحوا ولقوا الكل قاعد بس عمر مش موجود حمدت ربنا وقعدت ف مكانها والملك جنب الملكه وروز ع رأس القاعده ودخل عمر بطلته المميزه وقعد جنبها وهي توترت متعرفش ليه
عمر بهمس : اهدي مبعضش
نورسين : متقدرش أصلا
عمر برفع حاجب: والله
نورسين  بتحدي : اه والله
هيام بتصلها بمعني تسكت وهي اتنفست بغضب وهو ضحك ضحكه مكتومه ع منظرها وقعدوا كلوا وطبعا منسيوش يتعرفوا ع بعض وكلام نورسين ووعد إللي كان عمر مستمتع بيه جدا خلص القعده وكل واحد راح المكان اللي عايزه وكان عمر ظل لنورسين
نورسين بغضب : وبعدين بقي
عمر ببراءة : معملتش حاجه
نورسين : بقولك اي ابعد عني والتزم حدودك
قرب منها وهي بترجع لورا لحد ما شدها فجأه من ايدها وقربها له
عمر بخباثه : قولتلك قبل كده انا لسه متعدتش حدودي لاني لو تعدتها هيحصل حاجه مضمنهاش فاانا ملتزم معاكي جدا ف حدودي معرفش ليه
اتوترت من قربه وزقته بعيد وهو ابتسم وبعد وهي جريت ع جوا
عمر بضحك : شكلك هتجنيني يا نوري
دخلت اوضتها بسرعه وقفلت الباب وحطت أيديها ع قلبها
نورسين : أهدي مالك .. هو واحد وقح انا عارفه بس انت بتدق ليه .. اهدي بلاش فضايح .. الله يحرقك يا عمر
وفضلت تهدي ف نفسها لحد ما سمعت خبط ع الباب بعدت عنه واخدت نفس طويل وفتحت الباب لقت وعد ع الباب
وعد بقلق : مالك نورسين لقيتك طالعه بتجري قلقت عليكي إنتي كويسه
نورسين : ايوه كويسه ادخلي
دخلت معاها وقعدت
وعد : انتي بقي إللي حكالي عليها عمر امبارح صح
بصتلها بدهشه وهي اتكلمت : متستغربيش انا وعمر قريبين من بعض جدا ولما لقيت طريقه تعامله معاكي عرفت أن انتي البنت ديه
نورسين : مممم وبعدين
وعد : وانتي رايك اي ف عمر
نورسين : واحد وقح
وعد بصدمه : نعم
نورسين : ها .. اقصد مليش راي وملوش لازمه أصلا اقول رايي
وعد : ليه مش ممكن تكونوا لبعض
نورسين بصدمه : نعم ده مستحيل .. اصوم اصوم وافطر على بصله!
شهقت باستنكار : عمر بصله .. حرام عليكي يا شيخه
نورسين : ماانتي اخته من حقك تدافعي عليه
وعد: لا والله
نورسين : اها
وعد : ممممم ماشي يا نورسين .. بكره افكرك وهاخد رايك بردو باي يا نور
وسابتها وطلعت وهي قعدت مكانها بضيق
نورسين : والله مجانين هما الإثنين مجانين إنتي فين يا عشق
&&&&
عدا يومين مخلوش من مشاكسه عمر لنورسين وهي بتصده بضيق لحد ما جالهم خبر إن غيث وعشق جم الكل طلع برا بسعاده يستقبلوهم عشق بقت احلي من الأول وغيث ظاهر ع وشه السعاده الحقيقيه
نورسين بسعاده : عششششق
وجريت عليها حضنتها وعشق بادلتها الحضن بسعاده وفرح
عشق بسعاده : وحشتيني يا نور
نورسين : وانتي وحشتيني اوي اوي اوي .. عندي حاجات كتير عايزه احكيهالك
عشق: وانا رجعت يا نور وهعرف كل حاجه مش عشان إللي واقف ورا ده
بصتلها بابتسامة لان عشق دايما بتفهمها وعندها قوه ملاحظه سريعه
غيث بمرح بعد ما سلم ع الكل : اي يا نورسين إنتي حضنتيها اكتر مني انا شخصياً
عشق بعيون مفتوحه : غيييث عيب كده
نورسين : معلش بقي انت اخدتها واختفيت
عمر بخبث : كل ده ف الغابه بتعمل اي يا غيث
غيث بغضب : عينك دي هتجبني الارض
عمر : ولا بيحوق فيك
وعد حضنته وعشق هتقتلها بعينها وغيث بيبص ع عشق وماسك نفسه بالعافيه انه يضحك
عشق بغيره : خير يا سمو الأميرة ف حاجه
شافت غيرتها ف عيونها واتكلمت بهدوء : اه انا وغيث اخوات وهو وحشني
عشق لغيث : والله ومقولتليش ليه يا غيث
غيث : نسيت
عشق بغيظ : مممممممم
شاكر : وحشتيني يا سمو الاميره
عشق بابتسامة : مش اكتر مني جلالتك
وسلمت ع الكل وطبعا فضلت ف حضن الملكه كتير وفضلت باصه لعمر وغيث اتضايق من نظراتها
غيث بغضب: مش هندخل بقي
دخلوا جوا وعشق استأذنت منهم واخدت نورسين ع فوق
عشق : احكي بقي سبتهملك كلهم
نورسين : بس اسمعيني ومتتعصبيش
عشق : وانا من أمتي اتعصبت عليكي يا نور
نورسين : طيب
وحكتلها كل حاجه حصلت معاها وعن هزار وغلاسه ومشاكسه ووقاحه عمر وعشق بتسمعها بدون إظهار اي رده فعل
نورسين : متبصليش كده
عشق : عايزني اقولك ايه
نورسين : اي حاجه يا نور بس متسكتيش
عشق : متكلمش ف اي حاجه وأنتي عارفه قصدي كويس
نورسين : لا متكلمش
عشق : امممم سيبي الموضوع ده عليا
نورسين : هتعملي اي
بصتلها بابتسامة خبيثه ونورسين فهمتهت وضحكت
نورسين بضحك : الله يرحمك يا عمر كنت طيب
وضحكوا الاختين لما بيتحدوا ف حاجه محدش بيقدر عليهم لأنهم بيبقوا قوه واحده
نزلوا تحت وقعدوا مع الكل وفضلوا يهزروا وعيون عمر ع نورسين وهي مطنشاه خالص وغيث استأذن منهم واخد عشق وطلع بهدوء وهي استغربت
عشق : مالك يا غيث فيك حاجه
غيث بضيق : كنتي بتبصي ع عمر ليه
عشق بضحك : هو ده اللي مديقك كده
غيث بغضب : وأنتي مش شايفه ان دي حاجه تضايق
قربت منه وحوطته من رقبته : لا متضايقش لان المفروض انت عارف أني مبشوفش غيرك قدامي حتي لو كنت ببص لمين
غيث : امال كنتي بتبصي عليه ليه
عشق : زي ما تقول كده عايزه اعرف حاجات عنه
غيث وابتدا يفهم : عشان نورسين صح
عشق : وانت عرفت منين
غيث : نظراته كانت عليها طول ما احنا قاعدين
عشق : انا كمان لحظت بردو بس دي الصغيرة مش هسيبها له بالساهل
غيث بضحك : اقرأ الفاتحه ع روحه يعني خلاص
عشق بضحك: يعني مش اوي .. وبعدين انا إللي من حقي اضايق
غيث باستغراب : ليه
عشق بغضب : ازاي تسمحلها تقرب منك
غيث : زي اختي يا عشق
عشق : نعععم اه زي اختك دي لحد غيري انما هي مش اختك عشان تحضنها كده او هي حتي تحضنك
غيث وهو بيبوس راسها : حقك عليا يا عشقي مفيش غيرك ف قلبي اصلا
عشق بغيره : ولا هيبقي فيه لان لو حصل هموتك .. ومتحضنش اي حد تاني حتي لو عمتي
غيث بدهشه : دي والدتي يا عشق
عشق : بغير عليك يا اخي حرام
غيث : غيري براحتك يا حبيبتي
ابتسمتله بحبي وهو بأس ايدها بعشق دفين
غيث وهو بيقربها منه : مش ملاحظه انك اهملتيني اوي
شهقت باستنكار : حرام عليك ده احنا كنا لسه مع بعض الصبح
غيث : اديكي قولتي الصبح ومن ساعه ما جينا وأنتي معاهم وسيباني
عشق بدلع : تؤ تؤ تؤ الحق عليا صحيح
ودابوا مع بعض ف دايرتهم وبس دايره مليان بحبهم وعشقهم وبس مفيش مكان لحد تاني
&&&&&&&&&
تاني يوم الصبح قالت لغيث انها نازله ساحه التدريب ونزلت وبعتت لعمر ينزل نزل قصادها ووقف وهو مستغرب وهي بتنشن بالاسهم
عشق : بتعرف تلعب اكيد صح
عمر : لي السؤال ده
عشق : يعني استفسار
عمر : مم اه بعرف
وبدون مقدمات كان فيه سهم معدي من فوق راسه وهو اتجمد مكانه من جنانها وهي قربت منه
عشق لحظه ' عايز اي من نورسين يا سمو الأمير
وقفت فوق عن الشباك وشافت وعشق بتصوب السهم عند راسه وهي مقربه منه وملامحها متدلش ع خير
نورسين : ايوه تستاهل يكش تموت
غيث من وراها : حرام عليكي عمل اي لكل ده
شهقت برعب وبصت وراها : حرام عليك يا غيث هتموتني
غيث بضحك ع منظرها: فدايه يا حبيبتي مش مشكله
نورسين : يا سلام .. والله لأقول لعشق يكش تعمل فيك زي ما بتعمل لعمر
غيث : ههههههههه لا ما انا خفيت حاجه اسمها اسلحه أو فازه حتي حكم اختك متضمنش
ضحكت عليه وبصت من الشباك لقتهم اختفوا عرفت انهم خلصوا كلام وغيث كمان مشي بعد ما قدر يخلي نورسين متابعش الموضوع زي ما اتفق مع عشق وهي راحت لوعد وقعدوا يرغوا مع بعض
طلعت عشق وعرفت ان نورسين عند وعد بعتتلها
نورسين : هجيلك تاني
وعد : بجد ولا زي امبارح
نورسين : لا بجد
وعد : طيب وسلميلي ع سمو الأميرة
وطلعت برا وراحت ع اوضتها لقت عشق قاعده ومفيش اي تعبيرات ع وشها
نورسين : خير يا عشق
عشق : اقعدي واسمعيني وعايزه ردك
نورسين بقلق : فيه ايه
عشق بجمود : عمر عايز يتجوزك .. وعشان متتكلميش هو دلوقتي بيتكلم مع الملك إنتي بقي عايزه ايه؟؟
★★★★★★★★
... يتبع
#Nemo