كبرياء العشق " الجزء الثاني من سلسلة العشق "

البارت الثاني

نوفيلا
كبرياء العشق
الحلقه الثانيه
&&&&&&
فضلت ثواني تترجم كلامها وتبص ف وشها يمكن بتكدب بس ملامحها كلها جد
عشق : ها يا نورسين قولتي ايه
هيام من ع الباب : توافق طبعا وهي هتلاقي أمير زي عمر فين
عشق بحده : ماما لو سمحت .. سبيها تختار
هيام بحده اقوي : من امتي عندنا البنت بتختار يا سمو الاميره
نورسين : بس بقي
عشق : لا مش بس .. مش هيحصل غير إللي إنتي عايزه يا نورسين
هيام بتحدي : وانا والملك وافقنا ع الجواز ده .. شوفي هتكسري كلمه الملك ازاي
عشق بغضب : ازاي تعملوا كده
هيام : قولتلك معندناش بنات تختار
عشق : بس نورسين مش هتتجوزه .. شوفوا انتوا بقي هتتصرفوا إزاي
هيام : وترضي أن الملك يصغر قدامهم
نورسين بزعيق : بس بقي .. انا موافقه ع الجوازه دي يا عشق
عشق لنورسين بعصبية : لا انا مش هقبل انك تنجبري ع حد زي ما أنا اتجبرت
هيام : اتجبرتي ف ايه ؟؟ عايشه سعيده والضحكه من الخد للخد
عشق : وأنتي ايه عرفك ها .. اي عرفك اني سعيده ف الجوازه مش ممكن اكون بمثل عليكوا .. مش ممكن اني مبحبش غيث اصلا بس عملت كده عشان العلاقات تتصلح
هيام : مش إنتي إللي تعملي كده يا عشق .. انتي مش كده
عشق بسخريه : لان انتي متعرفنيش اصلا جلاله الملكه .. وانتي قرارك ايه واعرفي انه هيحدد مصيرك بس لو حصل حاجه متجيش تشتكي ليا عندك الملك والملكه
نورسين بقلق : قصدك ايه
عشق بجمود : قصدي انك تنسيني يا نورسين من بعدها .. قراري يا جوازك يا انا
هيام بغضب : انتي من امتي انانيه كده .. ليه مش عايزه اختك تفرح زيك
عشق بعصبية : انا انانيه .. عشان مش عايزه تتجبر ع حاجه بقيت انانيه .. صح انا انانيه وكملت بعصبيه قررتي ايه
نورسين بصتلها وبصت للملكه واتكلمت بضيق وحزن
نورسين : انا موافقه .. موافقه ع الأمير عمر
بصتلها جامد اوي واتكلمت ببرود مصطنع : مبروك عليكي يا سمو الاميره.. مبروك عليكي المملكه
وسابتها ومشيت من برا الاوضه خالص هي مش رافضه الموضوع بس رافضه الطريفه ليه يجبروها ع مصيرها  لي ميسبوهاش تحدد بنفسها دخلت الجناح بتاعها هي وغيث وفضلت تتحرك فيه بغضب مش لاقيه حاجه تعملها ووشها بقي لون الدم دخل غيث وهو ع وشه ملامح جمود بس شاف شكلها اتفزع لانه اول مره يشوفها كده
غيث بقلق : عشق .. عشق مالك
بصتله بعينها اللي بلون الدم من كتر الغيظ والغضب وهو اتجنن من منظرها
غيث بغضب : عشق مالك فوقي بقي
قربت منه بهدوء واترمت ف حضنه وهو حضنها جامد وهي مسكت فيه جامد وصرخت ف حضنه صرخت بكل آلامها وهو حضنها جامد اول مره يشوفها بالضعف ده
عشق بصوت مبحوح : انا بكرهم كلهم .. بكرهم
واغمي عليها وهو قلق لما استكنت ف حضنه بصلها
غيث بخوف : عشق .. عشق فوقي
ملقاش رد رفعها ع السرير ونده ع غاده إللي جت عشان تبقي مع عشق
غيث بعصبيه : غاده اندهي الطبيب بسرعه
غاده بخوف من صوته وع الاميره : حح .. حاضر
وجريت ع تحت والكل عرف أن الاميره تعبت طلعوا وقفوا فوق ونورسين بتلوم نفسها انها السبب في تعبها كده دخل الطبيب وغيث رفض يخرج وفضل جنبها لحد ما خلص
غيث : خير يا طبيب
الطبيب : خير سموك .. شويه ارهاق مش اكتر وهتبقي كويسه
غيث : يعني مش متحاجه حاجه
الطبيب بابتسامة : صدقني سموك كويسه .. اميرتنا شديده متقلقش عليها .. بعد اذن سموك
وطلع برا وهو قعد جنبها ولمس شعرها بهدوء وهو بيدعي تكون بخير
دخل الكل جوا وغيث اتعدل وبصلهم بغضب
غيث : اطلعوا برا
روز بحده : غيث اي قله الزوق دي
غيث : لو سمحت يا جلاله الملكه خدي ضيوفك برا
شاكر بغضب : انت اتجننت يا سمو الامير .. دي بنتي
غيث : بجد بنتك .. انت متاكد من المعلومه ديه
روز بغضب : غيث
غيث : اي مش كل اللي هي فيه واللي كانت فيه قبل بسببهم من اول الملك لحد اختها اللي بتحبها اكتر من حياتها .. مش هما دول اللي كانت بتفضلهم ع نفسها ومش مهم يحصلها ايه .. خدت ايه بقي من وراهم غير التعب .. انتوا بس شايفينها وهي نايمه كده انما مشوفتهاش من شويه من قبل ما يغمي عليها مشوفتوش شكلها كان عامل ازاي .. كل ده ليه عشان عايزه مصلحتكم بس لحد هنا وكفايه عشق مراتي ومش هسمحلها تتدمر عشان حد .. اتفضلوا
وشاور ع الباب بايده وهما بصوله بصدمه وبالاخص روز اول مره تشوف ابنها كده بيتعامل مع حد كده او بيتكلم مع حد كده روز عرفت أن ابنها مش مجرد بيحب عشق ده اتخطي مراحل الحب والعشق بكتير طلعوا برا وهو قرب من عشق
غيث بهدوء ؛ عشق اصحي .. انا عارف انك صاحيه من ساعه ما خرج الطبيب .. فبلاش تفضلي كده
فتحت عيونها ودمعه حزينه نزلت من عينها وتابعتها دمعه ودمعه لحد ما قدرتش تسكت وعيطت جامد وهو قرب منها وحضنها وهي مسكت فيه وزادت عيطها مقلش
غيث بحنيه : عيطي براحتك يا عشق .. عيطي لحد ما تهدي
فضلوا كده مده صغيره وبعدين هديت وبعدت عنه وبصتله بامتنان
غيث بدون تفكير : عشق إنتي مش مرتاحه لعلاقننا
بتصله باستغراب من كلامه وهو كمل : يعني انتي اتجوزتيني غصب عنك .. انا جبرتك ع كده
عشق : اي الكلام إللي انت بتقوله ده يا غيث.. جبته منين
غيث : منك من الكلام إللي إنتي قولتيه من شويه وأنتي مع الملكه
عشق : وأنت صدقته
غيث : مش عارف
عشق : نعم ؟!
غيث : صدقيني أنا مش عارف كل حاجه جت بسرعه رفضك لفكره جوازنا فاكره كل ده
عشق : اثبتلك اني مغصوبه عليك صح
غيث : لا يا عشق كان ممكن افتكر كده ده لو إنتي مسمحتليش المسك لانك بطبعك عندي كنتي منعتي مكنتيش هتخليني اقرب منك ب انتي سمحتي بكده
عشق : كلامك متناقض ع فكره
غيث : لا انا بس كنت بسألك
عشق : وأنت عارف الاجابه يبقي بتسألني ليه
غيث : لأني مش عايزه اي ذره شك بينا .. مش عايز اكبر وهم جوايا ع الفاضي عايز اقضي عليه قبل ما يتولد فهمتي .. عايز اني لما اكون مخنوق أو ف حاجه شغلاني اقولك عليها وانا مش خايف مش قلقان من انك تصديني .. انك اول واحده اروح ليها وانا تعبان عرفتي بقي سألتك ليه
سكتت كتير وقامت من مكانها وحضنته ودفنت راسها ف رقبته وباسته برقه
عشق: انت الحاجه الحلوه ف حياتي يا غيث .. لو كنت دورت كتير مكنتش هلاقي زيك .. انت أحلي هديه ف حياتي كلها . متسمحش لاي حاجه حتي لو أنا إللي قولتها او عملتها تبعدك عني .. أنا بحبك يا غيث
ابتسمم بحب ورفع وشها ناحيته وشاف نظره الحب ف عينها ودي كانت البدايه قرب منها واندمجوا مع بعض ف عالمهم الخاص عالم مفهوش غير غيث وعشق وبس
&&&&&&
فضلت ماشيه ف القصر بتوهان هي عارفه أن عشق مش هتسامحها بسهوله لانها كسرت كلامها وصغرتها قصاد الملكه بس ف نفس الوقت هي مش هتقدر تصغر الملك قدامه ف كان لازم توافق
شافها ماشيه تايهه كده قرب منها باستغراب
عمر : اميرتي الحلوه مالها
نورسين بغضب : بقولك اي ابعد عني الساعه ديه
عمر : ولو مبعدتش
نورسين : اووف انا اللي هبعد
عمر : كل ده عشان واقف معاكي خايفه تضعفي من حلاوتي ها
وغمزلها بعينه وهي بصتله بغضب
نورسين : أنت واحد وقح
قرب منها ومسكها من ايدها وشدها له جامد لدرجه بقت ف حضنه وهي اتجمدت من القرب ده
عمر بهمس جنب ودانها : إنتي ليه مش عايزه تصدقي اني معاكي مؤدب جدآ لان لو انا وقح صدقيني مش هتحبي تشوفيني .. فبلاش الكلمه ديه لأني مش ضامن المره الجايه هعمل اي يا اميرتي الجميله
وبعد عنها وهي فضلت واقفه مكانها وهو بص لشكلها إللي بقي شبه الطماطم وضحك وسابها
نورسين بعصبية : طب والله وقح .. معرفش انا هتجوز واحد زي ده ازاي
غاده من وراها : خير سمو الاميره .. ف حاجه
نورسين بغضب : ولا حاجه يا غاده
وسابتها ومشيت وغاده بتبص مكانها باستغراب وبعدين مشيت هي كمان
&&&&&
شاكر بلوم : ليه تعملي كده يا هيام
هيام : لان بناتك مش هيجوا غير كده
شاكر: مش بالغصب يا هيام .. لو هي مش عايزاه خلاص لي تبوظي العلاقة بين الاثنين
هيام : عشق مش هتقدر تبعد عن نورسين وانا واثقه من كده لان عشق هي إللي مربيه نورسين يمكن اكتر مني
شاكر : لو متصالحوش صدقيني مش هسامحك يا هيام
وسابها وطلع وهي واقفه مكانها بتفكر هي اللي عملته ده صح فعلا ولا هي كده غلطت
&&&&&&
قربت من اوضته وخبطت بهدوء وفتحت الباب فتحه صغيره
وعد بابتسامة: ينفع أدخل يا سمو الامير
عمر بابتسامة : ده إنتي تدخلي غصبا عن الامير كمان
دخلت جوا وقعدت ع السرير قصاده
عمر : ف اي بقي
وعد : هو انا لازم اكون عايزه حاجه عشان اقعد معاك
عمر: وعد انتي متربيه ع ايدي
وعد : اووف ما دي الكارثه
عمر بضحك : طب عايزه اي بقي
وعد بجد : انت عايز تتجوز نورسين ليه
عمر باستغراب : وده لي السؤال ده
وعد : نور كويسه يا عمر .. أنا اه مبكلمهاش كتير بس هي رقيقه جدا فلو بتفكر ف اي حاجه فابعد عن نورسين يا عمر
عمر : اي الكلام الكبير ده يا وعد
وعد : انا مبقتش اخاف صغيره يا عمر وده لا كلام كبير ولا حاجه انا بفهمك لانك اخويا
وسابته ومشيت وهو قعد ع السرير بشرود اكتر من حاجه جت ف خياله بيفكر ف مستقبل ميعرفش هيبقي ازاي
&&&&&&
عدا يومين والاحوال زي ما هي لحد ما راحت نورسين لعشق ودخلت باتفاق مع غيث
نورسين : عشق
بصتلها بجمود : خير سمو الاميره
نورسين : عشق ارجوكي بلاش الطريقه ديه
عشق : طريقه اي سموك .. أنا بتكلم عادي
نورسين : عشق بلاش كده انا عملت كده عشان المملكه
عشق : والمطلوب مني
نورسين : يا عشق افهميني مكنش ينفع اصغر الملك
عشق بغضب : وأنا قولتلك هساعدك لو مش عايزاه هقف ف وش الكل عشانك وأنتي إللي رفضتي
نورسين : مكنتش هقبل انك تقفي ف وش الملك
عشق : وأنتي مالك
نورسين : لانك امي قبل ما تكوني اختي انتي اللي كنتي معايا ف كل فترات حياتي
عشق : وأسفه مش هقدر أكمل .. مادام إنتي عايزه تقضي ع نفسك فانا مش عايزاكي يا نورسين روحي للملكه
قربت منها وحضنتها وعشق بتحاول تكون جامده
نورسين : ارجوكي يا عشق متسبنيش لوحدي .. انا محتجاكي وهفضل محتجاكي جنبي
غمضت عينها جامد ورفعت ايدها وضمتها
عشق بابتسامة : وانا هفضل جنبك يا بنتي الجميله
بعدت عنها وبصتلها بسعاده وباستها من خدها بسرعه : إنتي أحلي اخت ف الدنيا
غيث وهو بيعدي من جنبها وقرب ع عشق وباسها من نفس الخد : ايه مالك .. أنا بس إللي من حقي اعمل كده
عشق بخجل : غيث عيب
نورسين : دي اختي قبل ماتكون مراتك يا أستاذ
غيث : ايوه اظهري ع حقيقتك بقي .. مش من شويه عايزه اكلمها يا غيث .. أعمل اي يا غيث صح .. وبعدين أنا قولتلك احضنيها ع طول مكنش لازم كل ده .. اصل عشق بتضعف بالاحضان خالص مش كده
وغمزلها وهي فهمت قصده ووشها بقي طماطم
نورسين : متزعليش مني بقي
عشق : مش زعلانه
غيث : احم ف حاجه
عشق : خير
غيث : عمر عايز يشوف نور عشق افتكرت لما غيث كلمها امبارح وقالها
نورسين : ليه
غيث : عايز يتكلم معاكي ويعرف رايك منك انتي
بصت لعشق وعشق هزت راسها بمعني موافقه
نورسين : ماشي
وطلعوا برا وكان الملك والملكه طالعين بردو
شاكر : رايحين فين
غيث : احم عمر عايز يتكلم مع نورسين واحنا رايحين معاها
هيام : وماله نيجي احنا كمان
ومشيوا مع بعض ووصلوا هناك كان عمر واقف بابتسامته الجذابة قربت منه ووقفت قصاده
نورسين : نعم
عمر : بصي بقي .. أنا المفروض كنت همشي معاهم النهارده بس مقدرتش غير لم اسمع رايك انتي .. انا بقالي ثلاث ايام مبكلمكيش ولا اعرف رايك ايه .. ف انا عايز موافقتك ودلوقتي .. لاني فعلا هتجنن لو موافقتيش عليا.. ف إنتي لازم توافقي ودلوقتي
نورسين باستنكار : انت عايزني اوافق ع طول ليه
عمر بسخرية : تفتكري ليه يا سمو الاميره
نورسين : انا عايزاك تلف حواليا الاول عشان احس انك عايزني فع..
مكملتش جملتها ولقت عمر بيلف حواليها بهدوء وبدون مقدمات رفعها ع كتفه
نورسين بشهقه صدمه وغضب : نزلني فورا يا سمو الامير
عمر : انتي شكلك مجنونه وانا اجن منك ومش هسيبك غير ام توافقي ع الجوازه دي يا قاتل يا مقتول
نورسين بغضب أشد : بقولك نزلني فورا
بس هو مسمعش كلامها ولا للخبط إللي عماله تعمله ف جسمه ومشي بيها بعيد عن القصر والملك والملكه وعشق وغيث واقفين
شاكر بغضب : ازاي ياخدها كده وسط الحىس ومستأذنش من حد ليه
عشق بابتسامة : استأذن مني وانا وافقت
بصلها بغضب والملكه ابتسمت وعشق ارتبكت من نظرته
شاكر : يستأذن منك وانا اي مليش وجود
عشق بسرعه : العفو جلالتك .. وبعدين غيث كان عارف
اتحولت الأنظار لغيث إللي كان بيظبط هدومه وهو بيجهز نفسه يسمع الخناقه ولكنه اتصدم ورفع رأسه بسرعه ناحيتها لدرجه انها كانت هتتكسر شاف ابتسامه ساذجه ع وشها
غيث بصدمه : اناا
عشق بتأكيد : ايوه .. حتي كمان سموك هو اللي اتوسط للأمير عمر
غيث شعوره دلوقتي انه عايز يقتلها مفيش شعور غير ده
غيث بتلعثم : جلاله الملك .. جلالة الملكه .. انا .. اجري يا عشق
ومسكها من ايدها واخدوها جري والملك والملكه بيضحكوا ع منظرهم لان عمر استأذن من الملك اصلا !
&&&&&&
فضل ماشي بيها لحد ما وصل لمكان فاضي ونزلها وهي قعدت تبص حواليها بغضب
نورسين : أنت إنسان واطي وحيوان ووقح وقليل الادب و
بس سكتها بانه باسها جامد وهي عينها مفتوحه على اخرهم من الصدمه بعد عنها بهدوء وهو بياخد نفسه
عمر : قولتلك انا مش وقح .. دي بدايه الوقاحه
نورسين : انت ..
قاطعها : اقسم بالله لو قولتي كلمه كمان لابوسك تاني وأنتي حره
سكتت بضعف وغل وهي بتدعي عليه ف داخلها
عمر : المكان هنا هادي وحلو جدآ .. نتكلم بقي
نورسين : مفيش كلام بينا
عمر : هس قولت اي مسمعش حسك
نورسين : يعني اتخرس
قرب منها وهي حطت ايدها ع بوقها بسرعه وهو كتم ضحكته
عمر : بصي بقي أنا مقدرش اقولك بحبك لاني لسه معرفكيش اوي بس انا معجب بيكي وبشخصيتك بطبيعتك بكله .. وهو ده إللي خلاني عايزك ف حياتي مؤدبه وقليل اوي لما تلاقي حد كده
نورسين : ولو انا مش موافقه هتغصبني
عمر : اه هغصبك لاني مش هسمح انك تكوني لحد غيري
نورسين بسخرية : يبقي اي لازمه ردي بقي إذا كنت موافقه ولا لا
عمر : مهو لازم اعرف اسبابك لو رفضتي
نورسين بحزن غير ظاهر : وأنا موافقه عشان خاطر الملك مش عشانك عشان مش هسمح لحد يصغر الملك ايا كان
عمر:  وأنا يكفيني ده .. وهحاول اخليكي تحبيني .. مع أني اشك اني بتحبيني أساسا
نورسين : يبقي بتحلم مش هيحصل .. ولو سمحت انا عايزه ارجع
عمر : هنشوف يا نوري .. اتفضلي
ومشيوا مع بعض ووصلوا ع القصر وهي سابته ودخلت وهو بيبص مكانها بشرود وفراغ دخلت اوضتها بتكاسل وقعدت ولقت عشق داخله عليها
عشق : ها عملتوا ايه
افتكرت لما باسها ووشها احمر : مفيش اتكلمنا
عشق بمشاكسه : اتكلمتوا بس
نورسين : ايوه .. وانا وافقت ع الجواز
عشق بجديه : نور انا بقولك من تاني .. لو مش عايزاه ملكيش دعوه بحاجه
نورسين : لا يا عشق انا عايزه الجوازه ديه وبرغبتي الكامله
عشق بابتسامة مزيفه : مبروك يا حبيبتي
وحضنتها وهي جواها قلق مبهم متعرفش سببه بس هي هتفضل جنبها مهما حصل ايه مش هتسبها لوحدها
بعدت عنها وطلعت وسابتها مكانها وسمحت بدموعها تنزل
نورسين : انا اسفه يا عشق لاول مره اخبي عليكي حاجه .. اسفه
★★★★★★★★★
..يتبع
#Nemo