كبرياء العشق " الجزء الثاني من سلسلة العشق "

البارت الرابع

نوفيلا
كبرياء العشق
الحلقه الرابعه
&&&&&&&
وصل ع القصر وسأل عليها وعرف انها مع عشق راح للغرفه  بسرعه ودخل عندها بغضب وهي قاعده مكانها ببرود وجنبها عشق ماسكه ايدها
عمر بغضب : انتي إزاي تسيبي القصر بالطريقه ديه
نورسين ببرود : انا حره
عمر : نععععم حره ايه ؟ انتي مراتي
عشق بهدوء : وهطلقها
بصلها بدهشه غاضبه وهي بادلته نظره هاديه جدا
عمر : إنتي مين إنتي عشان تحددي حاجه زي دي
عشق : انا الملكه المنتظره .. أنا صاحبه العرش يا سمو الامير
عمر : انتي بتقولي اي واي دخل ده بده نورسين مراتي
كانت هتتكلم بس عشق منعتها : هطلقها يا عمر اظن انت عارف ان نورسين مش هتكون الاميره ف يوم من الايام يبقي الجوازه دي بطلت
بص عليها لقاها باصه ف الأرض وعيونها فيها دموع بتحاول تمنعها انها تنزل الصوره وضحت قدامه هي سمعته .. سمعت كلامه مع الملك عرفت الحقيقه
عمر لنورسين : إنتي عايزه ايه يا نورسين
قربت منه بغل واضح : لو عندك ذره كرامه طلقني .. لو ف عندك كبرياء لرجولتك وان أنا مش طيقاك طلقني .. لاني كرهتك
غيث من جنبه : اظن انت سمعت هي قالت ايه .. ياريت تطلقها يا عمر عشان ميحصلش حاجه نندم عليها بعدين
بصلهم كلهم بهدوء وأتكلم بهدوء مش مناسب مع الموقف : انتي طالق يا نورسين .. طالق يا سمو الاميره
بصتله جامد اوي ودمعه نزلت من عيونها جريت بسرعه من قدامه وهو باصص مكانها بفراغ عشق مشيت وراها بي قبل ما تطلع قربت منه وضربته بالبوكس ف وشه جامد
عشق بغضب : دي بس تذكار ليك انما انا لسه مرتحتش لان إللي بيجي ع نورسين انا بمحيه ف احسنلك مشوفش وشك ف المملكه لو عايز تفضل عايش
وسابته وطلعت ورا نورسين وغيث قرب من عمر وضربه بالبوكس اجمد من عشق لدرجه انه نزف
غيث بغضب: مكنتش اعرف انك واطي اوي كده يا عمر ..يا خساره الصحوبيه إللي بينا .. تضحك ع بنت يا عمر انت
بصله باحتقار ومشي وسابه وهو واقف مكانه تايه مش كان عايز يطلقها واهو طلقها كده خلاص يرجع حر من تاني بس المره دي بقي هيمشي زي ما هو عايز وبس مش زي ما الملك عايز .
دخلت بسرعه الاوضه واترمت ع سريرها وهي بتفتكر لما مشيت بعد ما مشي وراحت لعشق واترمت ف حضنها وحكتلها إللي سمعته وصدمه عشق وغيث من كلامها عيطت جامد وهي بتندم ع مشاعرها اللي فرطتها عشانه .. وهي بتتألم ع قلبها إللي بقي يدق باسمه .. طلع كله كدب . مشاعره كانت مزيفه كل حاجه كانت كدب .. علاقه كلها كدب
دخلت عليها عشق واخدتها ف حضنها وهي بتحاول تخفف عنها
نورسين : لما هو كده ليه خلاني اتعلق بيه يا عشق .. ليه اتعامل معايا كده .. لي ضحك عليا  ووهمني بالحب .. طب ليه قالي انه بيحبني .. انا وحشه للدرجه دي يا عشق .. مستحقش اني افرح .. ابسط حقوقي افرح مع جوزي محصلش .. لي كل ده عشان عرش .. كانوا هيقتلوا الملك عشان عرش .. إنتي اضحك عليكي عشان عرش .. انا اضحك عليا عشان عرش .. يا رتني ما كنت من العائله الملكيه .. يارتني كنت مجرد خدامه وبس يا عشق .. قلبب وجعني اوي .. بس وحياه كسره قلبي ووجعه ما هضعف .. مش همسح انه يأثر عليا .. هرجع انا وده وعد مني .. بس انا عايزاكي جنبي ارجوكي
دخلت هيام ووشها كله غضب : إنتي مين اداكي الحق تطلقي كده ها
عشق بحده : ابعدي عنها
هيام وهي تستعد لصفعها : انتي اتجننتي بترفعي صوتك عليا
بس ايدها نزلت ع وش نورسين مش عشق وسط شراره من الغضب من الكل وكان غيث لسه داخل واتصدم من المنظر
نورسين بغضب : انتي ملكيش دخل ف حياتي
هيام : هي لحقت لعبت بدماغك ولا ايه
نورسين : عشق ملهاش دعوه بحاجه
هيام : عايزه تفهميني انك اتطلقتي كده من مزاجك إنتي اضعف من انك تعملي كده
عشق وكان فاض بيها الكيل : إنتي ايه جبروت .. الإنسان بيفصل بين واجبه وحقوقه وانتي كله عندك واحد .. مبتطلعيش من دور الملكه إنتي متعرفيش حاجه عن حياه بنتك عشان تتكلمي معاها بالاسلوب ده
هيام : مبقاش غيرك اللي يكلمني
عشق : جلاله الملكه تقصدي ايه بكلامك ده
هيام بارتباك : مقصدش حاجه
غمضت عينها بالم وبصت ع غيث اللي واقف بيبص عليها ببرود بس من جواه عايز يفهم ف ايه
نورسين : اخرجي عن حياتنا يا جلاله الملكه .. حياتنا مبظتش غير لما رجعتي تتدخلي فيها تاني .. ابعدي عننا بقي
رفعت ايدها تاني عشان تضربها بي كانت عشق بالمرصاد ومسكت ايدها وعينها عمها الغضب
عشق : ايه حتي بنتك مش هتسلم منك يا جلاله الملكه ؟؟ إنتي ايه شيطانه بس طبعا ما انتي كنتي بنت فلاح ميعرفش حاجه وفجأه بقيتي ملكه صح
هيام بغضب شديد : عشق انا والداتك التزمي حدود
عشق بصراخ : مش امي .. انا امي ماتت ماتت .. إنتي عارفه اني مش بنتك عارفه اني مش بنتك نورسين بس اللي بنتك انما انا مجرد غلطه .. غلطه ليله قضاها الملك مع الخدامه صح .. انا بنت خدامه يا جلاله الملكه مش دي الحقيقه
صدمه ع وجوه الكل وبالأخص غيث اللي بدأ يفهم هي ليه رافضه الجنين
هيام بعصبية : إنتي بتقولي ايه .. إنتي اتجننتي يا عشق
عشق : لا متجننتش انا عقلت.. عرفت حقيقتي .. عرفت ليه انتي مبتحبنيش زي ما بتحبي نورسين .. عرفت ليه مقدرتيش ع بعد نورسين وانا كان سهل عندك .. عرفت ليه كنتي عايزه تقتليني كنتي فاكره اني مش عارفه انك إنتي اللي دفعتي عليا الناس دول عشان يموتوني .. إللي كان هيجنني ليه ده أنا بنتك بس طلع حتي دي كمان كذبه ف حياتي
نورسين بصدمه : يعني ايه يا عشق
عشق بدموع متجمده : يعني إنتي الملكه يا نورسين مش انا .. إنتي إللي تستحقس اللقب ده مش انا انا مجرد غلطه حصلت
وبصت لغيث وقربت منه وهي بتحاول تتكلم : ارجوك طلقني .. مش هستحمل انك تعيش مع واحده ناتجه عن شيء حرام .. أنا خطيئه يا غيث .. انت متستحقش كده .. طلقني
سكتت وغمضت عينها وهي بتتألم كل حاجه ظهرت امبارح زي حلم لمت وقعت وهي صغيره وأدت إلي فقد ذاكره ومن يوم الحادثه وهي بتفتكر حاجات غريبه لحد ما افتكرت كل حاجه وعرفت اجابات كتير لاسئله كانت ف بالها
قربت منها وهي دموعها ع خدها وحضنتها وهي واقفه مكانها مش قادره تفتح عينها لانها عارفه أن دموعها هتخونها وهي مش عايزه كده
نورسين ببكاء : انتي اختي يا عشق .. مهما قولتي ايه إنتي اختي فاهمه .. إنتي من الملك يعني إنتي بنته .. انتي صاحبه العرش مش انا .. انتي اختي مهما حصل ايه
عشق بهدوء : بس انا بنت ح..
قاطعها غيث بغضب : لو نطقتيها تاني صدقيني هتندمي يا مدام غيث
فتحت عينها وبصتله جامد وهو بصلها بعشق عن الاول بكتير وقرب منها ومسك وشها بلطف
غيث بابتسامه : مش هحاسبك ع الكلام الاهبل إللي انتي قولتيه ده .. الا لو قولتيه تاني هتندمي يا عشق .. انتي مراتي مفيش حاجه هتفرقنا
كل ده والملكه بتتفرج وساكته ازاي عرفت ده الاطباء قالوا إنها مستحيل ترجعلها ازاي رجعت ازااااي
دخل الملك وبص ع حالتهم ديه واستغرب
شاكر : فيه ايه
فاقت عشق ع صوته واتوجهت له : أنت ظالم
بصلها بصدمه : أنا واكمل بغضب .. انتي واعيه للي انتي بتقوليه ده يا عشق
عشق : ايوه واعيه .. انا مش من حقي العرش .. العرش ده لنورسين
شاكر : إنتي بتقولي ايه يا سمو الأميرة
عشق : انا مش بنت الملكه عشان اتولي العرش .. انا بنت خدامه يا جلاله الملك
اتصدم الملك من كلامها : انتي رجعتلك الذاكرة
عشق : ايوه .. مفاجأة صح
بص شاكر لهيام لقها باصه ف الأرض وعيونها كلها دموع
شاكر : بس إنتي بنتي انا وهيام
عشق بحده : تاني هتقول بنتكم
شاكر بتنهيده : هيام هي نفسها الخدامه يا عشق
العيون كلها انفتحت من الصدمه وهيام غمضت عينها بحزن
غيث : أنا مش فاهم حاجه
شاكر : أنا حبيت هيام وهي كانت من الجواري بتوعي وحصل اللي حصل وساعتها اتضطريت اتجوزها فبقت الملكه .. يعني انتي الملكه يا عشق
نورسين : ازاي انا مش فاهمه حاجه
هيام : انا كنت جاريه من جواري الملك وهو اعترفلي بحبه وحصل بينا تجاوزات وبعدين اكتشفت اني حامل فكان لازم نتجوز وف نفس الوقت نجيب وريث للعرش .. إنتي بنتي
سكتت عشق وهي حاسه انها ف دوامه بس لقت ايد بتضغط عليها جامد بصت لقت غيث بيبتسلمها بهدوء اترمت ف حضنه وهي تحاول انها تكسب شيء من الطاقه
عشق بخفوت وهي تستعد لفقد الوعي : خدني بعيد عن هنا يا غيث ارجو..
مكملتش لانها اغمي عليها وغيث شالها بصدمه ونورسين جريت عليها ودموعها ع خدها والملك والملكه اتصدموا وجريوا عليها بس غيث كان اسرع واخدها ع اوضتها نزلها برفق ع السرير وقعد جنبها ونورسين من الناحيه الثانيه
نورسين : غيث ينفع تاخدني معاكم للقصر
غيث : حاضر يا نورسين .. مش محتاجه تطلبي طلب زي ده
فضلوا جنب عشق ام ف الناحيه الثانيه كان الملك جنب هيام إللي منهاره
هيام ببكاء : انا غلطت .. انا مكنتش من نفس الطبقه يا جلاله الملك وانت اتجوزتني بامر من الملكه عشان تداري الغلطه عشان المملكه بس انا مستحقش انا إللي هجيب العار لاولادي
قرب منها ومسح دموعها برفق : ممكن تهدي .. لو تفتكري اني مبتجبرش ع حاجه انا اتجوزتك بمزاجي يا جلاله الملكه .. وانا فهمتك كده قبل كده يمكن الحقيقة كانت صعبه ع الكل حتي عشق بس كان لازم نتوقع انها ممكن ترجعلها الذاكرة
هيام : بس انا حاولت اقتلها
اتصدم وبعد عنها واتكلم بصوت غاضب : نعم
هيام ببكاء : ايوه لان عشق كانت بتدور ورا الماضي وكان طبيعي تفتكر وانا مش هقبل ان حد يتكلم كلمه
شاكر بغضب : تقومي تقتلي بنتك
هيام بحده : لو عشان المصلحه يبقي ايوه
صفعه قويه نزلت ع وشها بصتله بصدمه وهو بصلها بعصبية شديدة : انتي اتجننتي يا هيام .. ده كله عشان منصب انا افتكرت عشق بتخرف بس طلعت بتتكلم صح ..انتي مجرده من حقوقك يا جلاله الملكه
هيام بصدمه : ايه
شاكر : زي ما سمعتي اتسحب منك منصبك يا هيام .. عشق هي الملكه مش إنتي
وسابها ومشي وهي وقعت ع الأرض من الصدمه بعد ده كله وخلاص مفيش حاجه .. هي إللي رمت نفسها من اثنين وعشرين سنه قدامه عشان تحصل ع منصبها ده وف الاخر اتاخد منها بكل بساطه .. حتي بعد ما اخفت وجوده وعملت نفسها مضحيه وبتدور عليه واتصببت ف اصابه عشق وعملت نفسها بردو بتضحي عشانها .. كانت بردو المسيطرة مقدرتش تعمل حاجه .. وبعد ده كله تتجرد من منصبها .. تبقي مجرد واحده عاديه
&&&&&&
فاقت عشق وغيث قرب عليها بسرعه : انتي كويسه
عشق بحزن : عادي مش جديد
نورسين : عشق انا اسفه انا إللي جبتك هنا ..سامحيني
عشق : انتي ملكيش ذنب الحقيقه كانت هتتعرف .. إنتي بس طلبتيني اجي هنا .. اسف نورسين زودتك مشاكل
نورسين بغضب : انتي بتقولي ايه مش مهم حاجه عندي .. المهم إنتي يا عشق
غيث بهدوء : روحي جهزي نفسك عشان هنمشي نورسين
نورسين : حاضر.  وطلعت برا وعشق مش فاهمه حاجه بس مش قادره تكلمه ..مش قادره توجهه مهما حصل ايه هي بردو نتجت عن غلطه
غيث : عشق بصيلي
بصتله وعينها فيها دموع قرب منها بهدوء وباس عيونها وهي استغربت من طريقته
غيث بابتسامة هاديه : هو ده بقي السبب الاهبل إللي عايزه تنهي حياه طفلنا عشانه
عشق : مش عايزه اجيب طفل ياخد وسمه عاري يا غيث
غيث : مين قال كده .. إنتي احلي شرف ف الدنيا
عشق : انت بتقول كده عشان مزعلش يا غيث .. لكن انت مش عارف إللي جوايا
حط ايده ع قلبها وايده الثانيه مسك ايدها وحطها على قلبه : مين قالك اني مش حاسس بيكي .. القلب ده هو هو القلب ده .. انا وانتي روح واحده يا عشق .. انا معرفش ايه اللي حصل ف الماضي وازاي كنتي فاقده الذاكره ولا رجعتلك إزاي بس إللي عارفه أن حبيبتي قويه مش ضعيفه .. إنتي قويه يا عشق مش حاجه زي ديه تضعفك
عشق بدموع : والله انا ماقويه .. انا ضعيفه يا غيث والله ضعيفه .. انا ف النهايه بشر عندي قلب ولحس انا مش حجر عشان اخد كل حاجه واسكت .. مش هقدر صدقني
غيث : وانا موجود جنبك ليه يا عشق .. مش عشان تشاركيني مشاعرك صح .. تشاركيني وجعك قبل فرحك مش تشيلي كل حاجه لوحدك واكمل بمرح وبعدين بقي إنتي عايزه طفلي المستقبلي يطلع نكدي ولا ايه
عشق: انت فعلا عايزه يا غيث
قرب منها وبدون مقدمات باسها جامد واتحولت لرقه وهي مصدومه وبعد عنها عشان يتنفسوا
غيث وهو يلهث : لو قولتي كده ثاني عقابك هيكون كده يا عشق .. كفايه انه ابنك حته منك ياعشقي
عشق بندم : اسفه على الكلام إللي انا قولته واني مش عايزاه بس انا
غيث : متتكلميش خلاص انسي كل اللي حصل واتقال ركزي معايا انا وبس .. يلا عشان نروح المملكه ولا تعبانه
عشق بنفي : لا انا كويسه .. لو فضلت هنا فعلا هتعب
اخدها وطلعوا لقوا نورسين واقفه ع الباب بس شاردة فهمت عشق انها بتفكر ف عمر قربت منها وحضنتها وهي ضمتها جامد
عشق بهمس : انا جنبك .. انا كفايه عليكي يا ابنتي الصغيره
نورسين بصوت حزين : انا بحبك اوي يا عشق
عشق : وانا بحبك يا ابنتي
غيث : خدوني ف عائله الحب ديه
ابتسموا وهو حضنهم بحنان ومشيوا والملك بيبص عليهم من بعيد بحزن افتكر لما هددوه بحياه بنته وهي صغيره وساعتها اتعرضت لخبط جامد ف دماغها وفقدت الذاكرة .. عشق من وهي صغيره كانت عارفه ان الملكه كانت خدامه لانها سمعت بالغلط بي بعد الحادثه دي نسيت كل حاجه
&&&&&
مر شهرين اتغير فيهم حاجات كتير عمر بقي عصبي كتير وافتكر انه هيعيش طبيعي بعد ما طلقها بس مش عارف والملك تعبان عشان ابنه حاسس انه هو السبب بقي انسان عصبي مبقاش مرح زي الاول حتي وعد اتضررت منه لانها مش لاقيه اخوها وصديقها وبعدت عنه لانها من الاول كانت حاسه بحاجه غلط
نورسين بقت اقوي من الاول بس حزينه من جوا وع طول شارده اتعلمت من عشق حاجات كتير مبقتش البنت المرحه بقت عاقله جدا ومرجعتش القصر عاشت مع عمتها واختها ف مملكه الفرس ودايما صوت عمر ف ودانها وهو بيطلقها وبتحاول تنساه بشتي الطرق
عشق وغيث حياتهم اتحسنت جدا وغيث مبيسمحش ليها انها تفتكر اي شيء عن الماضي وعايشين سعداء مع الطفل اللي غيث بيهتم بيه اكتر من عشق شخصيا وعشق بتحاول انها تسعد غيث باقصي حد وبتحاول تخرج نورسين من حالتها بس مش عارفه
شاكر بيتعامل مع هيام بحدود جدا وهي بتحاول تكسب عطفه وحنانه من تاني بس مش عارفه
&&&&&&&
دخل غيث وكانت عشق ونورسين مع بعضهم وبيضحكوا ابتسم عليهم ودعا أنهم ع طول يبقوا كده
نورسين : والله يا عشق انا مش عارفه هو اختفي فين من ساعتها
غيث يقضوا : هو مين ده
نورسين بضحك وماخدتش بالها من عيون عشق المحذره : اصل واحنا صغيرين كان فيه شاب ف المملكه بيحب يغلس ع عشق .. فعشق اخر ما زهقت مسكت خنجر صغير وعورته ف رجله بالطول .. من ساعتها الواد ده اختفي تقريبا أهله خافوا ومشيوا .. وعشق كانت مفتقده غلاسته اوي
غيث بغيره : والله وأنتي لسه مفتقده غلاسته يا عشق
عشق بسرعه : لا والله وبعدين هي قالت كنت كنت يا غيث وخلاص
نورسين وفهمت الوضع : احم طب امشي انا
عشق : خديني معاكي
غيث : استنوا انتوا الاثنين
وقفوا مكانهم وهو بصلهم بغيظ وعشق نورسين ساكتين وبيبصوا للارض
غيث : ف حفله ف مملكه النصر احتفالا بخطوبه الاميره وعد واحنا مدعوين
اول ما سمعت مملكه النصر ظهر قدامها عمر غمضت عينها بالم وبعدين رفعت راسها بثقه
نورسين ببرود : حيث كده بقي اجهز نفسي هي امتي
ابتسمت عشق وغيث كذالك بس محدش غير عشق عارف انها بتتألم بس لازز تبتسم
غيث : النهارده
نورسين : طيب اروح اجهز انا
سابتهم ومشيت ودخلت اوضتها ودموعها نزلت
نورسين : ياارب .. لازم ابقي جامده مش هقبل اني اضعف قصاده .. يارب ثويني
&&&&&&&
دخل لقاهم متجمعين كلهم والانظار متوجه ناحيته وبيبصوا عليه بهدوء وترقب
عمر باقتضاب : ف ايه
الملك : هتحضر خطوبه اختك
عمر : مش فاضي
الملكه بغضب : عندك ايه اهم من خطوبه اختك يا عمر
عمر : مش عايز احضر .. هو موضوع
وعد بحزن : سبوه يا جماعه خلاص .. براحتك يا عمر مش هجبرك
الملك : لا مش براحته .. انت الملك المستقبلي لازم تحضر مينفعش تسبني لوحدي وبعدين مش يمكن تلاقي
عمر : الاقي ايه ها .. الاقي اميره جديده تكون الملكه المستقبلية وتبقي تحت ايدك صح .. انت ايه .. ياريت يبقي اسلوب تعاملنا ملك وابنه وبس مش اب وابنه لاني بالفعل مش حاسس غير بكده .. عايزني احضر حاضر هحضر يمكن مبقاش الابن العاق
وسألهم ومشي والكل اتنهد بحزن ع طريقه عمر اللي اتغيرت من يوم ما طلق نورسين سابهم ومشي وهو بيفكر ف نورسين كان فاكر ان كده هيرتاح بس ده بيتعذب اكتر من الاول .. لسه نظره الوجع إللي كانت ف عيونها والكسره قدامه منسهتش بس منساش لما اتحدته ف رجولته وده ميشغعلهاش فضل ماشي يمكن يهدي وبعد فتره رجع ع القصر عشان يجهز
&&&&&&
وصلوا للحفل وعشق ماسكه ايد نورسين إللي بتضغط ع ايدها جامد بيستمد القوه منها دخلت روز ف المقدمه وغيث جنب نورسين وعشق
الملكه بابتسامة : ازيك يا جلاله الملكه
روز بابتسامة : كويسه يا جلاله الملكه .. مبروك لوعد
الملكه : الله يبارك فيكي  .. اهلا يا جلاله الملكه المنتظره
عشق بابتسامة هاديه : أهلا بيكي يا جلاله الملكه
الملك : أهلا بالملك المنتظر لازم دعوه عشان تيجي
غيث بود : اسف جلالتك بس حضرتك عارف المسؤليات
الملكه بابتسامة حنونه : ازيك يا نورسين
نورسين بابتسامة جاهده ف رسمها : اهلا جلالتك .. اهلا جلاله الملك
الملك : اهلا نورسين .. اتفضلوا
ودخلوا جوا ونورسين بتبص ف الارض مش عايزه تشوفه بس هو شافها بنفس ابتسامتها إللي سحرته اول مره هو مينكرش انه اتجذبلها بس نصيبهم ميكملوش فضل يبص ع وشها يعوض البعد ده لحد ما حست أن فيه حد بيبصلها كانت حاسه انه هو بس كدبت نفسها ورفعت عينها وشافته فعلا دقنه كبرت شويه وزادته وسامه لسه بساومته اللي اتعودت عليها بس افتكرت انها مش من حقها تتألم فيه افتكرت انه طلقها وأنه خدعها ف بعدت نظرها بسرعه وهو كمان
وعد بفرحه : نورسين
وجريت عليها حضنتها ونورسين حضنتها بسعاده
نورسين : مبروك يا عروسه
وعد : وحشتيني اوي يا نورسين
نورسين : وانتي كمان وبصت للامير وحركت راسها بمعني اهلا
وعد : أهلا يا عشق .. أهلا يا غيث
عشق بغيره : أنا عشق اه انما هو سمو الامير أو الملك المستقبلي براحتك
ابتسم غيث ع غيرتها وهي ضغطت ع سنانها وهمست ف ودنه : متبتسمش كده .. بيبقي شكلك حلو ومش هرحمك لو حد اتكلم نص كلمه
غيث : يعني افضل مكشر يا عشق
عشق : اه افضل مكشر احسن
ضحك على شكلها وهي برقت بغضب فعمل نفسه خاف وسكت ونورسين ابتسمت بحزن ع علاقتهم ولاحظها وعد وعمر !!
بدأت مراسم الحفل والكل بيهزر وبيضحك رفعت عينه لقته بيهزر مع اميره من الأميرات متعرفش شعور من الغضب اتملكها بس أقنعت نفسها انها م من حقها تغير عليه يعيش براحته
كان عارف انها هتشوفه عشان كده فضل يهزر مع الاميره الجميله ديه ميعرفش ليه عمل كده بس اتبسط لما حس بنار غيره جواها فضل يتكلم مع الاميره ديه لحد ما وقف ع صوت ضحكه رقيقه هو عارف مصدرها كويس بص لقاها واقفه بتضحك مع الأمير علي اكتر امير بيكرهه برزت عروقه وشافه غيث اللي كانت متابعه بردو عشق
غيث بهدوء : شايفه
عشق : ايوه .. حاسه غيران
غيث : لا اتاكدي واضح عليه جدا
عشق : بس لما هو بيحبها عمل كده ليه
غيث : مش عارف خليني نتفرج
فضلت تهزر وهي بترد ليه إللي عمله بصت بطرف عينها لقته بيبصلها واقسمت أن لو النظرات بتحرق كان زمانها ماتت دلوقتي فضلوا شويه لحد ما نورسين راحت مكان عشق وغيث وروز وهو متابعها بس لفت نظره علي إللي بيقرب عليهم قرب منهم هو كمان عشان يشوف ناوي ع ايه
علي بابتسامة : سمو الامير غيث .. أنا يسعدني اني اطلب منك ايد سمو الأميرة نور ..
مكملش كلامه لانه لقي نفسه ع الارض شهقت نورسين بصدمه وعشق بتبص بزهول زي ما تكون كانت حسه وغيث مندهش رفعت نظرها لقته بيبص ع علي وعيونه حمرا وعروقه برزت اوي
عمر بصوت غاضب عالي : أنت إزاي تتجرء تطلب مراتي يا متخلف ؟؟!!
★★★★★★★★
..يتبع
#Nemo