كبرياء العشق " الجزء الثاني من سلسلة العشق "

البارت الخامس والاخير

نوفيلا
كبرياء العشق
الحلقه الخامسه والاخيره
&&&&&&&&
اتصدمت من كلامه وعشق ساكته تماما وغيث بص ليها وحس لن ليها ايد ف الموضوع لاحظته نظرته وبصته وارتسمت ابتسامه خبيثه على وشها حولت الشك ليقين
نورسين بحده : أنا مش مراتك
علي بضحكه شماته : يعني انت مطلق اهو
عمر بعصبية : علللللي والكعبه أن ما سكت لاموتك
الملك بغضب : ف اي ؟؟ اي إللي بيحصل ده
علي : كل الموضوع يا جلاله الملك اني بطلب ايد الاميره نورسين 
ضربه ف وشه ضاربه اكبر لدرجه انه نزف
نورسين : كفايه يا عمر .. كفاايه
عمر بعصبية وهو غير واعي : ازاي الزفت ده يطلب ايدك .. انتي ملكي انا وبس ع اسمي أنا وبس
الانظار كلها اتوجهت لعمر ونورسين بتبصله بغضب وعيونها اتملت دموع
نورسين بحده : قولتلك انا مش ملكك مش ملكك .. وبالنسبه للأمير علي فاانا موافقه ع طلبك و.
ملحقتش تكمل لان عمر شالها ع كتفه ومشي بيها وسط نظرات صدمه من الكل
الملك بغضب : عمر نزلها فورا
بس مسمعش كلامه وكمل مشي ونورسين بتصرخ فيه وبتضربه وهو ولا مهتم قرب علي من عشق وابتسم بوجع
علي : الله يسامحك يا جلاله الملكه .. ده أنا وشي بقي خريطه
غيث : هه .. حد قالك تعمل دور شهم استحمل بقي
عشق بابتسامة هاديه : شكرا ليك يا سمو الامير .. من غيرك مكنتش هتأكد من إللي ف دماغي
علي : مفيش مشاكل يا جلاله الملكه
وسابها ومشي وغيث حضن عشق وهي اتكسفت
غيث : ممم بتخططي من ورايا يا عشقي
عشق : لا يا حبيبي بس ..
غيث : هششش كلامنا لما نرجع يا جلاله الملكه
&&&&&&&&&
وصل بيها بعيد عن القصر ونزلها وبدون مقدمات باسها بغل وهي بتزقه بغضب وضيق بعد عنها وهو بيتنفس وهي زقته بعيد
نورسين بغضب : انت اتجننت
عمر بغضب مماثل : انتي إللي اتجننتي .. ازاي عايزه تتجوزي تاني
نورسين : ملكش دعوه .. حياتي وانا حره
عمر : حياتك هي حياتي
نورسين : لا يا سمو الامير .. حياتي مش حياتك .. حياتي وحياتك انفصلوا من ساعه ما اطلقنا
عمر : من ساعه ما شوفتك وأنتي اتكتبتي ليا
نورسين : أنا مش بضاعه اتكتبتلك
عمر : انتي مراتي
نورسين بعصبية : مش مراتك انا مش مراتك افهم بقي
عمر : مش هفهم انا مطلقتكيش رسمي .. إنتي لسه ف شهور العده وانا رديتك لعصمتي
نورسين بغضب : انت اكيد اتجننت انا مش عايزاك
عمر : بس انا عايزك
نورسين : هو عافيه
عمر بحده وهو بيمسك دراعها بقوه : اه عافيه .. مش هقبل اشوفك مع اي حد تاني فاهمه .. مش هسمح لحد يلمسك غيري .. مش هسمح لحد أن يدوق طعم شفايفك غيري .. مش هسمح أن حد ياخدك ف حضنه بالليل .. لان إنتي ليا انا مراتي أنا
نورسين : انت إللي دمرت كل ده بكدبك
عمر : كنتي عايزاني اجي واقولك أني اتجوزتك عشان العرش .. كنتي هتكملي
نورسين : وانا مش هقبل اني ارجعلك تاني يا عمر
عمر : مش بمزاجك انتي طلعتي من القصر بمزاجك وهترجعي بمزاجي انا
نورسين : انا مش عبده عندك
عمر : قولتلك انتي مراتي
نورسين : بطل تقول كلمه مراتي ديه.. مش طيقاها منك
عمر بحنيه : أنا عارف ان كل اللي فات ده كان صعب عليكي بس صدقيني هتنسي اللي حصل
نورسين بحزن : صعب يا عمر .. انت دمرتني افهمني
عمر : إنتي عارفه انا اتعذبت قد ايه .. مش هقدر اتعذب تاني يا نورسين ف بعدك .. افهميني
نورسين : ومفكرتش ف عذابي انا .. مفكرتش ف جرحي ووجع قلبي .. عارف انت ف اليوم ده أنا كنت ناويه ابدأ معاك صفحه جديده .. بس بدل ما كنت جايه والفرحه ملياني اتحولت لاتعس انسانه ف الدنيا ف اللحظه ديه انا اتكسرت .. طب وحبك وكلامك كل ده عشان توصل للعرش
عمر : أنا كنت غبي بس والله حبيتك يا نورسين .. صدقيني انا بموت ف بعدك
نورسين: ما انا كمان بتعذب ورجوعنا هيزيدنا عذاب يا عمر .. هيعذبني اكتر
عمر : هبعد عنك بس وانتي جنبي .. خليكي معايا وانا هبعد لحد ما ترجعي ليا من تاني
نورسين بضحكه حزينه : أنت اناني يا عمر ..مبتفكرش غير ف نفسك .. وأنا مش هقدر اسفه
وسابته ومشيت ودموعها بدأت تنزل بهدوء وهي بتلعن الساعه اللي شافته فيها هي اللي سمحت بجراح قلبها هي اللي دخلته جوا دايرتها إللي مكنش حد بيخشها غير عشق وبس هي المذنبه الوحيده
فضل واقف بيبص ع مكانها بصمت حزين خلاص مش هيقدر يرجعها تاني هو إللي جرحها بس مكنش بايده وهو مكنش هيعرفها حاجه هي إللي عرفت حتي الدنيا معنداه مش عايزه اكتر حاجه هو حبها تفضل معاه فعلا الدنيا دي صعبه اوي
وصلت للحفله من تاني وشافتها عشق جريت عليها ومعاها غيث
عشق بقلق : نور إنتي كويسه
نورسين ببكاء : ارجوكي يا جلاله الملكه خلينا نمشي
عشق: عملك حاجه
نورسين: ارجوكي جلالتك ارجوكي
غيث: حاضر .. حاضر يلا. وراح اعتذر من وعد والملك والملكه والعريس واخد والدته ومشيوا وعشق جنب نورسين مسبتهاش ونورسين نايمه ع صدرها بتعيط وبس وصلوا ع القصر وعشق اعتذرت من غيث انها تفضل مع نورسين وهو اتقبل الوضع ودخلت معاها اوضتها
عشق بضيق : ممكن بقي تبطلي عياط .. كفايه
بس نورسين مسمعتش كلامها لحد ما عشق زعقت : قولت كفايه
سكتت نورسين زي الطفل الصغير وهي بتبص ع عشق بخوف اتنفست بضيق واتكلمت بصوت حاولت تخليه هادي : ممكن تفهميني حصل ايه
نورسين : عمر ردني لعصمته يا عشق
عشق بهدوء : وبعدين
نورسين : إنتي مش متضايقه
عشق : اتضايق ليه ده المتوقع
نورسين بغباء : مش فاهمه
عشق : يعني انا كنت عارفه أن عمر هيعمل كده
بدأت الرؤيه تبان قدام نورسين واتكلمت بصدمه : إنتي إللي اتفقتي مع الامير علي
عشق بخبث : ايوه
نورسين بغضب : ليه يا عشق .. ليه تعملي فيا كده
عشق بهدوء : لانك ببساطه بتحبي عمر
نورسين : مبحبوش
قربت منها واتكلمت بثقه : لو انتي متأكده انك مبتحبوش حاجه بسيطه اوي هتأكد ليا أنا
نورسين بتحدي : ايه هي
عشق : أنا إللي هجوز الأمير عمر بنفسي
نورسين بصدمه : نعم
عشق : مالك .. مش مبتحبهوش خلاص وده امير وولي العهد المستقبلي يعني لازم يجيب طفل عشان يورثه
نورسين : اعمليها يا عشق
عشق : انتي بتحبيه يا نور صح
سكتت وبصت ف الأرض وعينها اتملت دموع
عشق : طب ليه بتعملي ف نفسك كده
نورسين : عشان كان كداب .. ضحك عليا حسسني بحاجات انا محتهاش مع حد غيره وأنتي عارفه اني كنت محافظه ع قلبي وعامله الف سد للغريب وهو هدهم وبعد ده كله يطلع متجوزني عشان مجرد كرسي
عشق : ايه إللي عرفك
نورسين : أنا سمعته بنفسي يا عشق سمعته بنفسي
عشق : ع حسب ما انا اتكلمت مع عمر مبيعملش غير اللي هو عايزه .. عمر حبك عشان كده اتجوزك وف نفس الوقت وهم نفسه انه متجوزك عشان يرضي الملك انما هو اتشد ليكي
نورسين ؛ إنتي بتبرري له لي
عشق : عشان انا حبيت .. عشان انا عارفه شعور الحبيب .. عارفه أن كل واحد فيكم بيتألم ومش عايز حد يعرف أو فاكر ان محدش عارف وانتوا مكشوفين اوي .. إنتي فاكره كل إللي حبوا دول كانت حياتهم كلها حلوه مفيش واحد متعذبش الحياه مش سهله يا نورسين
نورسين بحزن : صعب يا عشق الكلام حلو بس فعله صعب حسي بيا
عشق : هسألك لاخر مره .. إنتي عايزه تكملي معاه وافتكري أن سألتك قبل كده كتير نفس السؤال بس المره ديه مفيش تاني يا نورسين قراراك هيبقي حاسم بس اللي عايزاكي تتأكدي منه اني هفضل جنبك
نورسين : انا مش عارفه انا عايزه ايه .. انا عايزه ارجعله ومش قادره حسه ام ف الف حاجه ع روحي مش عارفه اقرب .. وف نفس الوقت عايزه أبعد ومش قادره .. انا كنت ميته لما طلقني وفرحت لما عرفت انه ردني تاني وف نفس الوقت حاسه اني مش عايزه كده مش عايزه ارجعله إنتي فاهماني
عشق بابتسامة : ده الحب يا نورسين مش بقولك الحب ده صعب .. يعني انتي عايزه تكملي معاه
نورسين : بس خايفه خايفه يجرحني تاني
عشق : ملكيش دعوه ساعتها انا اللي هقفله مش إنتي
حضنتها نورسين اوي : انا بحبك اوي يا عشق إنتي امي مش اختي .. إنتي احسن منه الملكه بالنسبه ليا
حست بتصلب عشق تحت ايدها وبعدت عنها لقت عشق واقفه هاديه بس هي عارفه أن كل ده ظاهري بس
نورسين : مش ناويه تكل..
عشق مقاطعه : ملكيش دعوه يا نورسين
نورسين بحزن : يا عشق دي مهما كان والدتنا
عشق بحده : دي مش امي امي عايزه تقتلني عشان مصلحتها يبقي مش امي يا نور
نورسين : بس يا عشق
قاطعتها : نورسين ارجوكي اقفلي ع الموضوع .. ملكيش دعوه بحاجه لو إنتي عايزه تكلميها كلميها بس سبيني انا لوحدي ممكن
نورسين : حاضر يا عشق بس متزعليش مني
عشق : مش زعلانه همشي انا بقي .. نام لان اليوم كان صعب عليكي نامي ومتفكريش
نورسين بابتسامة : حاضر
طلعت عشق ونورسين نامت ع سريرها وهي بتفكر هل هتكون بتعيد نفس الغلطه وهي بترجع لعمر هل كده هي بتعمل الصح ولا هتتعذب من جديد فضلت تفكر لحد ما النوم غلبها
&&&&&&&
دخلت اوضتها وغيرت هدومها وطلعت ع السرير ودفنت نفسها ف حضن غيث بهدوء
غيث بهدوء : مالك يا عشقي
عشق : هو انا ظالمه يا غيث
غيث : ليه
عشق : عشان اللي عملته مع الملكه ... أنا ظلمتها بمعملتي
غيث : بصي يا عشقي انا لو غلط هتسامحيني
عشق باستغراب : ايه سبب السؤال ده
غيث : ردي عليا
عشق : اه هسامحك لان إللي بيحب بيسامح
غيث : طب ولو كان غلط ميتغفرش
عشق : اه هيبقي صعب عليا اسامحك بس عشان بحبك هحاول اخلق الف سبب وسبب
غيث : نفس الشيء حاولي تخلقي للملكه سبب لان ف النهايه ديه والدتك
عشق : انت بتقول اهو والدتي يعني المفروض تكون خايفه عليا مش تقتلني مش تخطط تقتلني بدم بارد وقدام الكل هي الام المثاليه
غيث : يمكن كانت خايفه
عشق : خايفه مني انا من بنتها
غيث : ايوه .. هي بشر محسبتش انك بنتها مستحيل تضريها بس عقلها وضح ليها كده .. محدش عارف السبب بس انتي حاولي تفتكري الحلو ليها وسامحيها عليه
عشق بسخريه : يبقي كده عمري ما هسامحها
غيث : ليه .. عايزه تفهميني أن مفيش ولا حتي موقف واحد حلو ليها ده مش ممكن واكمل بمرح عشان يطلعها من الحزن ده وبعدين كفايه نكد بقي .. ابني لسه ف بطنك وبتنكدي عليه امال لما يكبر ويبقي ع وش الدنيا هتعملي ايه
عشق بابتسامة : ايه عرفك انه ولد ما يمكن بنت
غيث : لا انا عايز ولد
عشق : ليه مبتحبش البنات
غيث : لا بس الكل هيبص ليها عشان هتبقي شبهك وانا مش هقدر .. مش بعيد احبها اكتر منك
عشق : ده أنا اموتك لو حبيت حد غيري
غيث : ع فكره دي بنتي وبنتك
عشق بغيره: حتي لو الملكه نفسها يا غيث .. مينفعش تحبها اكتر مني مينفعش تحبها زيي اصلا
غيث بضحك : حبيبي اللي بيغير يا ناس
عشق : اه بغير .. ومتستهزئش بغيرتي لانك هتندم
غيث : مين قال كده بالعكس أنا فرحان لاني ليا المكانه ديه كلها ف قلبك .. انا بحبك
عشق : وانا بعشقك
حضنته جامد وهو كمان وناموا بهدوء وسعاده
&&&&&&&&
صحيت تاني يوم متأخر وسمعت صوت صويت برا جريت ع بلكونه القصر وشافت حلبه الثيران جحدت عينها بصدمه غيرت بسرعه ونزلت تحت ع طول ووصلت هناك كان الكل اتجمع وشافت عشق واقفه
نورسين : عشق ايه إللي بيحصل
عشق : أنتي شايفه ايه
نورسين : عشق متوترنيش مين هيلعب
شاورت ليها وبصت مكان ما شاورت واتصدمت لانها شافت عمر داخل وهو لابس اللبس المخصص ودخل
نورسين بهمس : عمر لفت لعشق بسرعه ممكن افهم ف ايه
عشق بابتسامة خبث : انا هقولك
#فلاش
نزلت تحت بسبب الخدامه إللي بلغتها أن الامير عمر مستنيها تحت وصلت للاوضه بثبات وهدوء متناهي مع حالتها دلوقتي
عشق : خير يا سمو الامير
عمر : بصي انا كنت متخلف وحمار .. بس انا عايز اختك ومفيش غيرك اللي هيخليها تسمعني
عشق وهي بتقعد : بس هي مش الملكه ولا هتكون الملكه انا الملكه المنتظره
عمر : انا كنت غبي لم وهمت نفسي اني اتجوزتها عشان المملكه بس غلطان .. انا بحب نورسين والله بحبها
عشق وهي بتقف : اثبت
عمر باستغراب : ازاي
عشق بصوت عالي : غااااده
جت غاده مسرعه : امرك جلالتك
عشق : عايزه تفاح من اجود الانواع وعايزه سكاكين
غاده باستغراب : حاضر جلالتك
ومشيت وعمر بص لعشق باستغراب : انتي ناويه ع ايه
عشق : هتعرف
بعد مرور دقايق وصلت غاده بالسكاكين والتفاح وحطتهم ع التربيزه ومشيت
عشق : شايف الحيطه اللي هناك ديه يا عمر
عمر وهو بيبص ؛ ايوه مالها
عشق : ممكن تروح تقف هناك معلش
عمر بضيق : ده ماله بطلبي
عشق : هتعرف دلوقتي
عمر : ماشي
وصل ع الحيطه ولسه بيلف لقي سكينه عدت فوق راسه بالظبط وقف مكانه ولف ببطيء ولقي عشق بتقرب منه ومعاها تفاحتين
عشق : كده كويس.  شالت السكينه وحطت التفاحتين
عشق وهي بترجع لورا : بص بقي أنا هحدف السكينه لو جت ف التفاحه هساعدك تاخد نورسين .. ولو مجتش
عمر بابتسامة بلهاء : مش هيبقى فيه عمر أصلا عشان ياخد نورسين
عشق بابتسامة صفرا : برافو عليك أدعي بقي يجوا ف نص التفاحتين
عمر : ماشي بس ينفع طلب
عشق : بسرعه
عمر : ابقي قولي لنورسين اني مت عشانها وابقي اعتذري للملك والملكه ع طريقتي
عشق : متخافش متخافش
عمر بابتسامة مخيفه : اشهد ان لا اله الا الله .. واشهد أن محمدا رسول الله .. اااااه
عدت السكينه ف نص التفاحتين بالظبط وعمر فتح عينه بهدوء خالص وحمد ربنا ان لسه عايش
عشق بضيق : لا انا كده مستريحتش
عمر بصدمه : نعم إنتي ناويه ع حاجه تاني
عشق : اه لاني مفرحتش
عمر بسخريه : وناويه ع ايه بقي تضربيني بالسكينه ف بطني وتحطي بطيخه ولا ايه
عشق : لا ثيران
عمر : نعم
عشق : مسابقه ثيران .. لو طلعت منها صدقني هساعدك ترجع نور ولو مطلعتش
عمر : لا متقلقيش مفيش لو لاني مش هطلع
عشق : وجهه نظر .. اجهز يا بطل
وسابته ومشيت وهو واقف بيلعنها ف سره وبيدعي انه يطلع منها ع خير
#باك
نورسين بصدمه : يعني عمر ال
عشق بهدوء : عمر هو إللي هيحارب
نورسين : اللهم اني بقيت ارمله ما دام إنتي اللي خططي لكده
عشق ببرود : وجهه نظر
فضل يدور عليها لحد ما شافها واقفه قرب منها وهو متضايق
غيث : ايه ده يا عشق .. ينفع كده إللي بتعمليه من ورايا ده
عشق : عايز تبرأ نفسك قصاد نورسين ما انت إللي اقترحت عليا كده
غيث باحراج : اي ده يا عشق مش كده
نورسين بدهشه : أنت يا غيث
غيث : مهو بصراحه محتاج يتربي
نورسين : مش هسامحكم
عشق : هشش بس المسابقه هتبدأ
بدأت المسابقة وعمر بيحاول يتفادى الثور لحد ما وقعه والكل صقف بس سكتوا مع دخول ثور ثاني كان اشرس منه شويه فضلوا فتره لحد ما هزمه وابتسم لنورسين إللي بتبصله ببرود عكس النار إللي جواها من القلق والكل صقف بس دخل ثور ثاني وكان هايج جدا غيث وقف بصدمه وعشق معاه ونورسين اللي مش فاهمه حاجه
غيث بصدمه : ده مستحيل
عشق : فيه ايه يا غيث
غيث : الثور ده مجنون احول مبيشوفش معندوش رحمه مش هيسيبه الا لما يموته
نورسين بصدمه : ايه
غيث لعشق : انتي اللي دخلتيه
عشق : اي الكلام ده أنا عايزه اربيه مش اموته يا غيث
نورسين : لا انت لازم تتصرف
غيث باسي : للاسف مش هعرف .. لازم عمر يكسبه والا
نورسين بصراخ : لا مش هيحصل انتوا فاهمين
وجريت ع السور وعشق منعتها
نورسين بصراخ : عمر .. انسحب يا عمر ارجوك انسحب
عمر : أنا اتفقت مع جلالة الملكه ع اتفاق .. مش هقدر انسحب
عشق : لا انسحب يا عمر ملكش دعوه بكلامي
عمر : اسف جلالتك بس هكمل
كان الحوار ده وهو بيهرب من الثور إللي بيجري عليه بسرعه بسس للاسف رفعه بالقرنين بتوعه جامد ووقعه ع الارض وحاله صمت من الكل ع عمر
نورسين بدموع : عمر لا
بس قام عمر بأعجوبة وهو بيتألم ضحكت نورسين ف وسط دموعها
نورسين مشجعه : عمر انت لازم تهزمه .. اهزمه يا عمر
غيث : انت بدأت ولازم تنهي السباق يا عمر
وبدأ الكل يشجعه ويصرخوا جامد وفضل يهرب من الثور لحد ما وقعه بس الثور عوره ف دراعها بالطول شهقت نورسين بصدمه وبصت لعشق بوجع وف النهايه قدر يفوز عليه وطلع برا والكل بيشجعه وهو واقف بالعافيه قرب منهم غيث واخده من وسطهم ودخلوا القصر كانت الخادمه ماسكه القماش ومطهر وعشق ونورسين واقفين جنبها قعد عمر وهو بيبص ع نورسين
غيث بمرح : بس اي ده يا جدع .. مكنتش اعرف انك قوي كده
عمر : ده ثور مجنون
غيث : هو فعلا كده
عمر : اظن ان انا عملت اللي إنتي عايزاه من حقي بقي
كانت نورسين هتتكلم بس عشق سبقتها : مش هينفع
عمر بصدمه : نعم
عشق : ايه مينفعش .. لازم الملك والملكه يعرفوا واهلك كمان يمكن حد يعترض
عمر : بس أنا مش عايز غير نورسين
عشق : اسفه لازم اخد رأيهم .. مينفعش انك تاخدها كد
قام عمر من مكانه بغضب واتوجه لنورسين : إنتي عايزه اي
سكتت وبصت ف الأرض
عمر بزعيق : ردي عليا هتيجي معايا ولا لا
نورسين : مقدرش اخالف عشق
عمر : حلو اوي .. انا ماشي
مشي عمر وجرحه لسه بينزف بس مهتمش ونورسين عيطت وجريت ع اوضتها
غيث بحزن : حرام عليكي يا عشق
عشق : هو مش يسبها بمزاجه ويرجعلها بمزاجه نورسين بنتي ومش هقدر افرط فيها
غيث : بس ده كان هيموت عشانها
عشق : عارفه بس بردو مش هياخدها بسهوله انا سكت قبل كده بس مش هسكت تاني .. بعد اذنك
وسابته ومشيت وغيث بص مكانها بحزن ع حال نورسين واللي عشق بتعمله فيها
&&&&&&&&
تاني يوم الصبح صحيوا ع اصوات تحت نزلوا كلهم ولقوا اهل عمر واهل نورسين تحت بص غيث لعشق بمعني انه عدا مرحله العشق بمراحل وبصت نورسين لعمر إللي بيبصلها بحب
عمر : بصي بقي ملكيش حجه تانيه .. الاهل وجبتهم كلهم والله لو طلبتي حاجه تاني لاخدها وامشي
عشق : انت بتهددني مثلا
عمر بمرح : لا أنا بتكلم مجرد كلام ما تشوف مراتك يا عم
غيث بضيق : عم ده طريقه كلام امير
عمر : ملكش دعوه
وعد : وافقي يا عشق بقي .. عمر مش قادر يعيش من غيرها
عشق للملك والملكه : انتوا موافقين نورسين ترجع لابنكم
الملكه بهدوء : عمر عاشق حتي لو احنا رفدنا هو هياخدها
عشق: ماخدتش اجابه
الملك بابتسامة حانيه : انا عايز بنتي الثانية ترجع للقصر من تاني وتنسي اي شئ حصل
غيث لشاكر وهيام : وحضرتكم
شاكر بهدوء : اللي عايزاه نورسين
هيام : عايزه ايه يا نورسين ؟؟ .. هترجعيله ولا ايه
الانظار كلها اتحولت لنورسين إللي اتمنت الارض تنشق وتبلعها ف اللحظه دي قرب عمر منها ومسك ايدها وباسها وهي بصتله بدموع
عمر : أنا اسف يا اميرتي اني جرحتك من غير ما اقصد .. مش طالب منك غير سماح وبس .. صدقيني هنسيكي كل شيء بس ارجعيلي .. انا بحبك
ابتسمت نورسين بهدوء وهزت راسهت بمعني انها موافقه وفرح الكل بس عشق مخلتهمش يكملوا
عشق : طيب وسعي بقي واخدت نورسين وراها
عمر : ف ايه
عشق : مش هتاخدها
الكل بصلها باستغراب وهي كملت : انت مش هتاخدها لازم تعملها حفله كبيره وبعدين تاخدها .. بمعني تاني هنعيد الزواج
كان هيتكلم بس وعد ووالدته وقفوا جنب عشق : واحنا معاكي
عمر : كله عشان نورسين بس مش عشانك ع فكره
عشق : لما تجهز قولي دلوقتي انا هاخد نورسين
ومسكتها من ايدها ومشيت والكل ضحك ع منظر عمر اللي متغاظ من عشقوهو بيقسم داخله انه لو طال يخنقها هيعملها دي طلعت اصعب من نورسين
&&&&&&
تم التجهيز للحفله وكانت فوق الرائعه ودخلت نورسين بهدوء وابتسم عمر بحب وهو شايفها وقرب منها وباسها ع جبينها بهدوء وبعد عنها
عمر : مبروك عليا إنتي
نورسين : الله يبارك فيك يا اميري
عمر : طب ايه وغمزلها
نورسين باستغراب : ايه
عمر : مش هتقولي بحبك
نورسين بجرأه متوقعهاش : لما نبقي لوحدنا هشرحلك قد إيه بحبك
عمر بصدمه : وانا إللي فاكرك مؤدبه
ضربته ف كتفه جامد ودفنت وشها ف صدره وهو ضحك بصوت عالي عليها
عمر بمشاكسه : مش قد الكلام بتقوليه له
نورسين بخجل : بس بقي يا عمر
مشيوا مع بعض والفرحه باينه ع وشهم عكس اول مره وسلموا ع الكل وجت عشق وحضنتها ونورسين كمان
نورسين : انا بحبك اوي
عشق بدموع سعيده من اجلها : وانا كمان صغيرتي
نورسين : بتعيطي ليه طيب
غيث بمرح من جنبها : اصلها علمت الواد النكد فبقي ينكد هو بقي
ضحكوا ع كلام غيث وهي ضربته ف كتفه بضيق وبصت ع عمر ورفعت صبعها محذره
عشق : والله يا عمر لو زعلتها تاني صدقني هموتك بايدي
غيث : لا سيبي ليا انا بقي ساعتها الطلعه ديه
عمر : ايه الحب ده كله
نورسين بغرور : انا مفيش زيي لازم الكل يخاف عليا
عشق: بص بقي قدامك عشر ثواني لتاخد نورسين وتمشوا لاما مش هتشوفها وانا الصراحه بتلكك .. واحد..
مكملتش وكانوا هم الاثنين بيجروا من قدامها والكل بيضحك عليهم قربت هيام منها بحزن
هيام : عشق
سكتت عشق واتبدلت ملامحها تماما وغيث ضم ايدها اوي
هيام : عشق انا اسفه ارجوكي سام..
عشق بهدوء : انا سامحتك من زمان .. لاني معرفش اي اسبابك بس ف النهايه انتي امي .. وانا معنديش وقت ومش عايزه اضيع سنين من عمري ف زعل من حد
ابتسم غيث ع طيبه عشقه وزاد الضغط ع ايدها وهي بصتله بابتسامه ولقت هيام بتحضنها سكتت ثواني وبعدين ضمتها بهدوء
عشق : خلاص ملوش لازمه الدموع ديه .. انا مش عايزه غير سعادة أختي وبس ارجوكي متكسريش فرحتها
هيام : حاضر يا عشق
مشيت هيام لزوجها إللي ابتسم لعشق بامتنان
غيث : انتي جميله اوي يا عشق
عشق : انت السبب لاني من غيرك مكنتش هفوق كده
غيث : انتي كنتي عايزه سبب تصالحي بيه الملكه وانا كنت السبب ده
عشق : انت احلي حاجه ف حياتي يا غيث .. أنا إللي لاحظته أن حياتي من قبلك مكنش ليها اساس انت جيت غيرتها
غيث : وأنتي دخلتي حياتي شقلبتيها كلها .. بعشقك يا عشقي الفريد
عشق : وانا بعشقك اكتر من عشقك ليا
مشيوا بسرعه وهما ماشيين شافوا علي بصله عمر بغضب وكان هيتكلم بس علي سبقه
علي : اهدي سموك انا هفهمك جلاله الملكه عشق هي إللي اتفقت معايا ع كده .. عشان حاجه ف دماغها انا معرفهاش صدقني انما انا مكنتش عايز اتجوز حد
عمر بداخله بيلعن عشق الف مره وعشق ف ناحيه تانيه عماله تكح جامد وغيث مستغرب
عمر : ماشي يا سمو الامير .. بس ملكش دعو بالاميره نورسين مهما حصل
علي بابتسامة ع غيرته الواضحه : اكيد سموك ومبروك ع الزفاف
سابهم ومشي وعمر بص لنورسين نظره طويلة واتكلم بخفوت : اسف
كانت لسه هترد وتسأله اسف ليه بس كان هو خبطها بخفه عند الرقبه فقدت الوعي شالها بهدوء ومشي بيها
&&&&&&&&&
فاقت من الاغماء وهي بتبص حواليها بتوهان فتحت عيونها وبدأت توضح الرؤيه شافت عمر قاعد وع وشه ابتسامه بلهاء
نورسين : انت جبتني فين
عمر وهو بيشير لباب الكوخ : شوفي
وقفت وطلعت من الكوخ واندهشت كوخ صغير ف وسط المايه ع جزيره صغيره والشجر حواليها حست بايدين بتتلف حوالين وسطها ودفن راسه ف شعرها ابتسمت بحب
عمر : حبيت اعوضك عن االي شوفتيه ف الاول ملقتش مكان احسن من كده نبدأ بيه حياتنا مع بعض
نورسين : انت متعرفش انا فرحانه قد ايه المنظر حلو اوي
عمر : وانا مهمتي اسعدك وبس .. معاكي ببقي عمر وبس مش الامير إللي الكل شايفه
نورسين بحب : وأنا مش عايزه غير كده عايزاك قدامي حبيبي بكل عيوبك ومميزاتك عايزه يبقي ليا انا الحق الوحيد ليك
عمر : اوعدك أني هكون معاكي انتي وبس .. عمر كله ملك ليكي يا نوري إنتي النور إللي نور حياتي
وباسها ف رقبتها بهدوء وشالها ببطئ ودخل الكوخ وقفل الباب
عمر بهمس : بحبك
وباسها برقه ع شفايفه وبعد عنها ولسه هيقرب تاني سمع خبط من برا استغرب وهي كمان مين هيجي ف المكان ده قاموا فتحوا واتصدموا
نورسين بصدمه : عشق
دخلت جوا بهدوء ونراها غيث إللي بيبص لعمر بنظره اسف مش بايدي
عشق : صعب عليا اسيبك هنا لوحدك جيت بسرعه وغصبت ع غيث
عمر بغضب : لا كده كتير كتير اوي .. انا هسيبلك الجزيره كلها لاني كده مش هشوف دنيا
واخد نورسين بسرعه وركب المركب اللي جيه بيها ومشيوا وغيث وعشق بيضحكوا عليهم
غيث : انتي مش سهله يا عشق حرام عليكي
عشق : معرفش بس حسيت اني لازم ارحم عليهم
غيث بغمزه : طب ما تيجي نعيد ذكريات الغابه ونستكشف الجزيره ديه
عشق بخجل : بس يا غيث بطل قله أدب
غيث : طب عيني ف عينك كده
بصتله جامد وسرحوا مع بعض واقتربوا من بعض حتي مبقاش فيه فاصل بينهم
&&&&&&
وقف ف نص البحر ونورسين بتضحك ع منظره
عمر بضيق : مبسوطه انتي ها .. اختك بوظت الليله
نورسين بدلع : حظك بقي يا عموري
عمر بدلع : يا قلب عموري من جوا
ضحكت جامد وهو سرح ف ضحكتها لحد ما سكتت وبصتله باستغراب وبصت حواليها
نورسين باستغراب : انت وقفتنا هنا ليه
عمر : اصل بصراحه بقي أنا عايز ابدأ حياتي ف نص البحر وهبدأها وع المركب دي
نورسين بقلق مزيف : عمر اعقل
عمر : هو انتي خليتي فيا عقل انتي واختك
وقرب منها وباسها جامد وهي سكتت للحظات وبعدين اتجوبت معاه بنفس اللهفه وبعدوا عن بعض عشان النفس وسندوا ع رأس بعض وبعدين هيقرب منها تاني لقي مركب جايه من بعيد عليهم
احد الصيادين باستغراب : سمو الامير ف حاجه
داس ع سنانه بغيظ وبص لنورسين اللي بتحاول تكتم ضحكتها بصعوبه واتكلم بصوت مليان غيظ : لا مفيش مفيش خالص
ومشي بالمركب ونورسين ضحكت ع شكله واتكلمت من وسط ضحكتها : انت رايح فين
عمر بغيظ : هرجعك لاهلك .. انا حد بصلي ف الليله ديه لا ليله ايه حد بصلي ف الجوازه كلها .. اااه حسبي الله ونعم الوكيل فيكم يا ظلمه
فضلت تضحك جامد ع منظره وهو متغاظ منها ومن الحظ الفقر اللي ملازمه وهو بيدعي ع عشق لانه حاسس انها السبب بردو لانها لو مكنتش جت الكوخ مكنش ده حاله دلوقتي
★★★★النهايه★★★★
يارب اكون كنت لطيفه عليكم وتنال النوفيلا اعجابكم متنسونيش بقي ونلتقي ف عمل جديد أن شاء الله
#Nemo