كبرياء العشق " الجزء الثاني من سلسلة العشق "

حلقه خاصه

حلقه خاصه (كبرياء العشق وعشق النسيان)
★★★★★★★
اللون الاخضر ف المكان كله تقدر تسمع صوت العصافير ورايحه الهواء جميله ونقيه وبيت صغير ف نص الغابه نايمه ع صدره بهدوء وابتسامه سعيده مرسومه ع وشها وهو ساند راسه ع راسها ومغمض عينه باستمتاع من رائحتها الذكية إللي حسسها اتحركت بهدوء من نومها وبصتله بابتسامة وقربت من شفايفه بهدوء وباسته وبعدت بس اتحول الوضع وبقت هي تحت وهو فوق
غيث بخبث : إنتي بتعملي العمله وتهربي ليه
عشق بضحك : غيث ابعد مينفعش كده
غيث : يعني إللي إنتي عملتيه ده دلوقتي ينفع
عشق : دي صباح الخير
غيث : وانا من حقي ارد الصباح
وقرب منها وباسها بشوق وهي اتجوبت معاه بلهفه وبعد عنها وضحك
غيث : والله شكلك كنتي عايزه كده
شهقت بحده وزقته جامد وهو بعد عنها وهو بيضحك وهي قامت بسرعه من مكانها وحطتت ايدها ف وسطها بغيظ
عشق : ع فكره كده مينفعش .. احنا لازم نرجع المملكه
غيث : يا جلاله الملكه الملكه روز مسيطره ع الموقف متقلقيش
عشق : وأنا ابني وحشني جلالتك
غيث بضيق : تصدقي بقي مش هاخدك ف اي مكان تاني
عشق : غيث مش كده
غيث : مهو انتي غريبه يا عشق يعني اخدتك بعيد عن المملكه عشان اعوضك عن غيابي الوقت ده وانتي عايزه ترجعي عشان ابنك وانا اي كله ابنك ابنك ابنك وبالنسبة ليا يعني
عشق بضحك : انت بتغير من ابنك ولا اي
غيث : انا بغير من الملكه نفسها عشان بتشغلك عني وبتفضلي معاها اكتر مني مش هغير من ابني اللي انتي معاه ع طول
ضحكت جامد ع غيرته إللي ملهاش لازمه اصلا وهو بصلها بغيظ واتعدل يلبس هدومه وهي طلعت من وراه وقربت منه وباسته من رقبته بحب
عشق : انا بحب الملكه لأنها والدتك وبحب ابني لانه حته منك وانت حبي ليك من نوع خاص اوع تحاول تشكك فيه ولو لثانيه عشقك مبتحبش حد قدك
لف ليها وشالها وحطها ع رجله ودفن راسه ف صدرها واتكلم بهمس: وانتي قولي لعشقي اني مش عايزه تنشغل بحد غيري مش عايزه تبعد عني ولا تفكر في حد غيري أنا
عشق بحب : وهي مش هتبعد عنك حتي لو أنت إللي طلبت منها
باسها برقه موضع قلبها واتعدل وبعدها وقام يلبس
عشق باستغراب : انت رايح فين
غيث : عشان نرجع المملكه يلا
عشق : غيث لو زعلان خلاص خلينا انا مش قصدي
غيث : يا حبيبتي انا لو مش عايز نمشي من هنا مكنتش اتحركت اصلا .. بس انا كمان ابني وحشني
عشق : بجد ولا عشاني
غيث : الله هو مش ابني زيك ولا اي طبيعي يوحشني يلا
متعرفش ليه ف اللحظه دي اتجننت وقربت منه وبعدت ايده عن هدومه وباسته جامد وهو اندهش منها وبعدين اتجاوب معاها
غيث وهو بيلهث : لو فضلتي كده مش هنمشي
عشق بهيام : وانا مش عايزه امشي
ابتسم ليها وقرب منها واندمجوا مع بعض ف عالمهم الخاص
&&&&&&&&&&
ف وسط البحر بالتحديد عند المركب اللي موجوده حاضنها وبيلمس على شعرها وهي حضناه كأنها طفل خايف اهله يبعدوا عنه
نورسين: المكان هنا حلو اوي يا عمر
عمر : فعلا لون البحر مع السما الصافيه وشعاع الشمس الخفيف شكلها جميل
نورسين : لو عشق كانت هنا كانت ..
عمر بضيق : يوووه عشق تاااني .. حبيبتي احنا مع بعضينا مفيش عشق هنا
نورسين : اتعودت يا عمر عليها
عمر : معاكي حق مااحنا بقالنا سنه متجوزين وكانت جايتها عندنا اكتر من عدمه لدرجه أنا انا شخصيا اتعودت عليها ف المملكه اكتر من مملكتها
ضحكت نورسين جامد ع كلام عمر وهو لوي شفايفه بضيق وبعدين بصلها بمرح
عمر : انا قولتلك كام مره بحبك النهارده
نورسين بمرح : ممم مش فاكره
عمر : لا ازاي بقي .. هعتبر نفسي مقولتش حاجه واعيد من الأول
ورفعها ليه وبدأ يوزع قبلاته عليها وهو بيهمسلها بحبك وهي مغمضه عينها باستمتاع بعد عنها وبصلها
عمر بخبث : مش هتقوليلي بحبك إنتي كمان ولا اي
نورسين بخجل : عمر بقي .. احنا وسط البحر مينفعش كده افرض جيه
عمر : لا متقلقيش محدش هيجي
نورسين : ومين اللي قالك بقي .. مش فاكر اول مره ولا اي
ضحكت ع الذكره دي وهو بيبص ليها بهيام وابتسامه ماكره اتزينت ع وشه
عمر : اول مره دي كانت بسبب اختك وجوزها لما سابوا الدنيا كلها وجو لينا اول يوم في حياتنا بسببهم مقربتش من الجزيره تاني وساعتها حصل الموقف ده إنما دلوقتي لا
نورسين بشك : انت عملت
عمر بلا مبالاة : قولت إللي هيفكر يصتاد اليومين دول هيتسجن بس
بصتله بصدمه وضحكت جامد وهو شاركها ف الضحك
نورسين : هتحرم الناس من الصيد يا عمر
عمر : طول ماانا ف البحر ايوه
نورسين : مهو ف الجزيره يا عمر
عمر : الجزيره اختك خدتها لصالحها خلاص
نورسين : واشمعنا البحر اللي اخترته ليه مش مكان تاني
عمر : عشان انا ف عشقك غرقت  ف بحر حبك عشان كده مفيش احسن من المكان ده احس بنفسي فيه معاكي
بصتله جامد وبدون مقدمات نطت ف حضنه لدرجه ان المركب كان هيقع بيهم وهو حضنها بابتسامة
نورسين بحب : انا بحبك اوي اوي اوي يا عمر
عمر : وانا بحبك اميرتي الصغيره
قربن منه بهدوء وباست تفاحه ادم خاصته بحب وابتسم ع حبيبته المجنونه وقربت من شفايفه وطبعت ابتسامه رقيقه وبعدت عنه بس هو مسمحلهاش وقرب منها وتملكها اكتر حتي بقوا جسم واحد
&&&&&&
مر شهر ع الرحله دي واتجمع الكل ف مملكه النصر لحفل زفاف وعد وكان احتفال عظيم وكان غيث وعمر قاعدين مبوزين لان كل واحدة اندمجت مع اختها ونسيوهم خالص مرت الحفله بسلام او ده الظاهر لان كل واحدة من عشق أو نورسين مخنوقين من هزارهم مع الأميرات رجعت عشق وغيث ع قصرهم وهي بتغلي اخدت ابنها من غاده وطلعت بيه فوق قبل غيث
دخلت الاوضه وحطتت ابنها ف سريره وفضلت تهزه بضيق متضايقه انه مبيكلمهاش كل ده من موقف بسيط بس كان لازم تتدخل أو هي حست بكده وافتكرت هزاره مع اميره من الاميرات اتغاظت اكتر ونيران الغيره ابتدت تظهر
عشق بغضب هامس : مع السلعوه دي يضحك .. ومع القمر ده يكشر .. مهو البعيد اعمي
غيث من وراها : ازاي بتشبهي الاميره دي بالسلعوه دي كانت جميله جدا ثاني حاجه قولتي ع نفسك انك قمر ازاي مفيش وجه مقارنه
نجح في استفزازها وبعد وع وشه ضحكه خبيثه زادت لما سمع شهقاتها
عشق : انا مفيش بيني وبينه وجه مقارنه لي وحشه ولا وحشه
غيث : معرفش شوفي انتي
عشق بغضب : انا وحشه .. امال اتجوزتني ليه
غيث ببرود : عشان احصل ع ولي عهدي .. ولي عهد مملكتي وطبعا لازم مراتي تكون وجه مشرف وجميله ف نفس الوقت فمكنش عندي غيرك
عشق بصدمه : يعني انت كنت بتضحك عليا
غيث ببرود مضاعف وهو بيراقب حركات وشها : ايوه.. ولو عايزه تبعدي ابعدي انا كده اخدت ولي العهد ومش عايز حاجه تاني
بعدت عنه بصدمه وبصتله باستنكار بس معرفتش تفسر ملامح وشه قعدت ع سريرها بتعب ودموعها بتحارب ف النزول قامت بهدوء طلعت الشنطه وابتدت تحط هدومها وهو اتصدم من إللي بتعمله وقرب منها
غيث : إنتي بتعملي اي
ومسك ايدها وهي زقته جامد
عشق بعصبية : اوع ايدك عني اياك تلمسني يا غيث حذاري
غيث بغضب : سيبي الهبل اللي ف ايدك ده .. انت عايزه تمشي من هنا
هنا دموعها مقدرتش تقف اكتر من كده ونزلت بغزاره وهو واقف مصدوم هو مكنش قصده كل ده كان بيهزر مش اكتر
غيث بصدمه : عشق لا
وقرب منها وحضنها وهي زقته بعيد وهو قرب منها تاني ومسكها جامد وباسها مكان دموعها وع عيونها
غيث : اسف يا قلب غيث .. كنت بهزر معاكي .. أنا مقدرش أعيش من غيرك أصلا
عشق : لا مش بتهزر
غيث بحنيه : وحياه عشق عندي كنت بهزر
سكتت وبتصله جامد وهو كمل : يعني لو مبحبكيش تقدري تقوليلي مستحمل جنانك ازاي .. ملك زيي كان بيجري زي الاطفال عشان يلاقي إللي نفسك فيه بنفسه .. ويجري عشان يجبلك دكتور ويفضل متجنن طول الليل جنبك .. كنت هاخدك ف الغابه واسيب المملكه لوحدها طب هستفاد اي لو انا مش عايزك .. مبيحبكيش ازاي بقي ده حتي يبقي اعمي
عشق بصت حواليها واتحركت ف الاوضه بس وقفت ف نصها بتوهان
غيث : متدوريش .. أنا مانع الحاجات دي تخش الجناح اصلا مضمنش رده فعلك خصوصا بعد موقف السكاكين
عشق وهي بتمسك فازه : بس فيه فازات. ورمتها ف وشه وهو اتخطها بسرعه
غيث بضيق : حتي شكل الاوضه مش عايز ليها شكل وهلغي حاجه إسمها فازات
عشق وهي بتتهجم عليه وتضربه : انت بارد .. ومتخلف .. ومبتفهمش .. وحيوان .. وانا بكرهك
غيث وهو بيضمها ليه : وانا بعشقك يا عشقي .. عارفه لو حد غيرك اللي كان بيقولي كده مكنش هيكمل اصلا بس إنتي معاكي كل الصلاحيات
عشق وهي بتبعده : ابعد مش السلعوه دي جميله وانا مفيش مقارنه مع القمر ابعد عني
غيث وهو بيحضنها من ظهرها ويدفن راسه ف رقبتها وهي ابتسمت : انا كنت بناغشك إنتي بالنسبة ليا احلي واجمل واحده شافتها عنيا هي جنبك ولا شايفها وبالنسبة للقمر فعلاً مقارنه مش معقوله لانك أجمل منه بكتير بيغير منك يا حبيبتي
بصتله بابتسامة واتعدلت ولفت ايديها ع رقبته واتكلمت بهمس : انت الوحيد اللي بتعرف تثبتي .. أنا مقبلش مجرد واحده بس تتكلم معاك مش تهزر .. متعملهاش تاني يا غيث
غيث : عمري يا قلب غيث
عشق بمرح ؛ مش هتجيب سيف هنا ولا سكاكين احتياطي
غيث : لااا .. مش ناقص وبعدين تعالي هنا انتي جبتي السكاكين دي منين ساعتها
عشق : لسه فاكر ده انت قلبك اسود اوي
غيث بخبث : اوي اوي وانا عايز حقي
عشق بخبث : طب ما تاخده انا منعتك
وكانت دي الإشارة الخضرا لغيث وباسها بكل الحب والشوق إللي جواه هي عشقه اللي كان بيحلم يلاقيه وهو ملكها ملك قلبها وحياتها كلها .
&&&&&&&&&&&
قعدت هاديه خالص وهو بصلها بقلق من هدوءها ده
عمر : نورسين انتي كويسه
نورسين : اه كويسه
عمر : طب ساكته ليه
نورسين : عايزني اعمل حاجه
عمر : متعمليش انا ماشي
نورسين : براحتك
استغرب جامد من طريقه تعامله معاها وهو طلع برا فعلا وهي عيطت جامد وحطتت ايدها ع بطنها وهي تتألم دخل تاني عشان ياخد هدوم ليه بس شاف حالتها جري عليها وكان عايز يلمسها بس هي منعته
نورسين بالم : ابعد عني روح للاميره إللي كنت بتهزر معاها .. ملكش دعوه بيا
عمر بغضب : اميره اي دلوقتي .. اهدي نورسين اهدي حبيبتي طب ف اي
نورسين : بطني وجعاني اوي يا عمر
عمر : طب اهدي أهدي هنده الطبيب
نورسين وهي بتتشبث به : لا ارجوك متسبنيش
عمر بقلق عليها : اسف حبيبتي ثواني بس. وطلع برا بسرعه ونده ع الخادمه والكل اتفزع من صوته واتجمعوا
الخادمه : امرك سمو الامير
عمر : هاتي طبيبه فورا وانا قولت طبيبه
هزت راسها بمعني حاضر ومشيت بسرعه والملك والملكه قربوا بقلق
الملكه بقلق : مالها الاميره
عمر : تعبانه اوي
دخل جوا بس اتصدم من منظرها ومن منظر الدم اللي تحتها وأنها غايبه عن الوعي دخلت الملكه وشهقت بصدمه
الملكه بصدمه : دي بتجهض
دخلت الطبيبه بسرعع وطلبت منهم يبقوا برا ومر ساعه وهي جوا وعمر قلقان برا وطلعت الطبيبه
الطبيبه باسف : اسفه جلالتكم بس انا مقدرتش انقذ غير طفل واحد بس
عمر بصدمه : تقصدي انها
الطبيبه :  ايوه جلالتك سمو الاميره كانت حامل ف توأم بس للاسف مقدرناش ننقذ حياه الجنين
ابتسم عمر ف وشها بس من جواه مضايق انه خسر ابن له دخل جوا عند نورسين ولقها مدمعه قرب منها وحضنها وهي عيطت ف حضنه
نورسين : ابني مات يا عمر
عمر : قولي الحمدلله .. احنا لسه عندنا ابن تاني ولازم نهتم بيه
نورسين : أنت مش زعلان
عمر : انا لو زعلت كنت هزعل لو انتي اللي جرالك حاجه بس انتي كويسه قدامي ولسه ابني كويس يبقي ازعل ليه .. ابتسمي بقي مبحبكيش زعلانه كده
نورسين بغضب وكأنها نسيت إللي حصل من شويه : مين الحلوه إللي كنت بتهزر معاها دي
عمر وهو بيقوم من جنبها : طيب اسيبك ترتاحي بقي
نورسين بصوت عالي: عمررر
عمر : دي اميره حبيبتي
نورسين : لا والله وانا اللي فكرها خدامه
عمر : شوفتي بقي انك ظالمه
نورسين بغضب : كنت واقف معاها ليه يا عمر
عمر: ماانتي سبتيني ووقفتي من عشق
نورسين : تقوم تقف مع ام اربعه واربعين
عمر : حرام عليكي دي كانت جميله
نورسين : عمررررررر
عمر : ايه ايه فزعتيني .. انا اسف يا نورسين كويس كده
نورسين  بغيظ : والله
ضحك ع منظرها وقعد جنبها وحضنها
عمر : نوري إنتي مفيش احسن منك ف حياتي وخليكي واثقه من كده وبالنسبة للاميره دي فاانا حته معرفش اسمها انا كنت واقف معاها بس عشان اغيظك لانك سبتيني ووقفتي جنب عشق
نورسين : والله يا عمر لولا اني تعبانه كنت قومت عليك بس حظك وحش
عمر : قصدك حلو
نورسين : عمر..اممم
سكتها بانه باسها جامد من شفايفها وهي اتجوبت معاه
عمر : ينفع تبطلي كلام بقي .. المفروض نحتفل بالطفل
وقرب منها واندمجت انفسهم مع بعضها والتحم الجسدين بحيث اصبحوا جسد واحد بقلب واحد فقط مش هيفرقهم عن بعض الا الموت وبس
&&&&&&&&&
فضل رايح جي ف الجناح بتاعه وهو متعصب وهي قاعده ع السرير ومنعه نفسها من الضحك وبتاكل فواكه بهدوء
عمر : لا والله اختك دي مش عايزه تجيبها لبر .. افهم بس مين عرفها انك حامل
نورسين : عشق دي غلبانه
عمر : غلبانه والله غيث اللي غلبان انه وقع فيها
نورسين بغضب مصطنع : لا بقولك أي دي اختي
عمر بعدم اهتمام : يا شيخه روحي إنتي واختك بعيد عني .. معرفش انا تبات عندنا باماره ايه .. مش عندها مملكه خاصه بيهم
_ ف حاجه يا عمر
كان صوت عشق وهي واقفه وراه ومبتسمه ابتسامه مستفزه مزينه وشها
عمر بزعيق : لا والله .. انتي مش مكفيكي القصر كله داخله اوضه نومي ومن غير استئذان كمان .. امشي اطلعي برا
عشق بزهول مصطنع : انت بتطردني يا عمور
عمر : بلا عمور بلا بتاع بقي .. برا يا جلاله الملكه براااا
وزقها برا ونورسين بتضحك ع شكله بصلها بغضب وحرك ايده قصاد رقبته بمعني هيموتها وزقها برا وقعت في حضن غيث
عمر وهو مش مهتم لمنظر غيث : بص بقي عندكم القصر كله انا مقولتش حاجه انما محدش فيكم يجي لحد هنا الا والله هطردكم شر طرده دي مش عيشه
ودخل جوا وقفل الباب بقوه وعشق وغيث بصوا لبعض بزهول وبعدين ضحكوا جامد ع منظره
دخل جوا وقرب ع نورسين وهي قامت من ع السرير بتهرب منه
عمر : بتهربي تلاقيكي انتي اللي قولتلها صح
نورسين : حرام عليك وانا هشوفها فين
عمر : انا هوريكي تضحكي ازاي
وجري وراها وشالها وسط ضحكها ونزلها ع السرير وهو فوقيها وقرب شفايفه من شفايفها باسلوب مفاجئ لفت درعها حوالين رقبته واتجوبت معاه وبعدوا عن بعض عشان ياخدوا نفسهم
عمر بهيام : انتي بتجنيني كده ازاي
نورسين بحب : زي ماانت مسيطر ع قلبي
عمر وهو مع كل كلمه بيبوسها : إنتي حب حياتي لو كنت فضلت عمري كله ادور عليكي مكنتش هلاقيكي بحبك يا اميرتي
ابتسمت بحب وهي واثقه من كلامه لأنه شرحه ليها اكتر من مره وبطرق مختلفة هي عارفه انها اختارت الشخص الصح ف حياتها مبتنسهوش ف دعواتها زي ماهي واثقه انها اول حاجه ف دعواته
لسه هيقرب منها اكتر سمع خبط ع الباب بعد عنها بضيق
عمر بنرفزه : اقسم بالله لو كانت اختك ما هرحمها
ضحكت ع شكله وقام فتح لقي الخادمه قصاده
الخادمه : اسفه سموك بس جلاله الملك عايزك سموك
عمر بضيق : اووف طيب روحي
مشيت وهو قفل الباب ونورسين اتفتحت ف الضحك وهو بصلها بضيق
عمر : فرحانه انتي ها
نورسين وهي بتضحك : اصل افتكرت اول جوازنا
ضحك عمر معاها وهو بيفتكر لما شاف الصيادين ورجع ع القصر فضل غضبان من الكل ولم قرر يبدأ حياته لسه كان بيقرب منها جتله خادمه بتبلغه أن الملك عايزه ف شئ وف الاخر بدأ حياته معاها ف السجن ف اوضه ضلمه نهائي وكلها متقفله بالحديد وفضلوا يومين فيها ولما طلع لقي الجنود جايين ومعاهم أحد المساجين بصوا ليهم بكسوف وهم اتكسفوا وجريوا من قدامهم !
عمر بابتسامة خبيثه : طب تصدقي بقي .. انا مش نازل ويحصل إللي يحصل
نورسين : لا يا عمر عشان الم..
مكملتش بسبب التهامه لشفايفها برقه اتجوبت معاه بسرعه وتاهوا مع بعض ف حياه العشق وبس حياه مفيهاش غيرهم وبس!🖤
#Nemo