الجزء الاول
استيقظ رامى وارتدى ملابسه ليتوجه لعمله بينما زوجته سلمى تتأفف بالفراش رغبة فى متابعة نومها لينظر نحوها برفق : قومى بقى يا سلمى هتنامى لأمته ؟
سلمى: يوه يا رامى اقوم اعمل ايه دلوقتي ؟؟ انت مش صايم عاوز ايه ع الصبح ؟؟
رامى : يعنى طول رمضان انزل شغلى وانت نايمة قومى اصطبح بوشك كدة علشان يبقى اليوم جميل زيك
اعتدلت بتأفف: أيوة ما انت محدش يغلبك فى الكلام
رامى بحزن : اول مرة اشوف واحدة تزعل لما جوزها يقولها كلام حلو انت حالة خاصة ،انا نازل قبل ما تقلب بخناقة
سلمى بتراجع فورى : لا خلاص انا عاوزة اقولك على حاجة
توقف رامى ونظر لها بشك : خير إن شاء الله
سلمى: انت عارف يا حبيبي النهاردة اول يوم رمضان كل سنة وانت طيب
رامى: لا حول ولا قوه الا بالله يا سلمى ربنا يهديكى قولى كل عام وانت بخير انا فهمتك قبل كدة أن من تفسير سورة يوسف " تزرعون سبع سنين دأبا فما حصدتم فذروه فى سنبله إلا
قليلا مما تأكلون (٧٤) ثم يأتي من بعد ذلك سبع شداد يأكلن ما قدمتم لهن إلا قليلاً مما
تحصنون(٨٤) ثم يأتي من بعد ذلك عام فيه يغاث الناس وفيه يعصرون (٩٤)
السنة يا سلمى بتحمل الشقاء والتعب أما كلمة عام فيها رحمة
تضع سلمى خدها على كفها وتنظر إليه بضجر: خلاص يا رامى هى جت على الكلمة يعنى !!!
رامى بإصرار: وهل يكب الناس على وجوههم بالنار إلا حصائد ألسنتهم ،الحق عليا خايف عليكى ماتستهونيش بالكلمة"وما يلفظ من قول إلا لديه رقيب عتيد"
سلمى : خلاص يا رامى مش طالبة درس الدين بتاعك ع الصبح
رامى: درس الدين ،ربنا يهديكى يا سلمى انا ماشى
أسرعت تغادر الفراش لاحقة به : استنى يا رامى بالله عليك
التفت لها بصبر: ونعم بالله .نعم يا سلمى
سلمى : يا حبيبي كنت بقولك النهاردة اول رمضان كل عام وانت بخير وانا عازمة اخواتى ع الفطار عندنا
قاطعها رامى: ازاى يا سلمى تتصرفى من نفسك ؟ من اول يوم عزومات اتقى الله فيا
سلمى بغضب: انا اتقى الله،اتقى الله انت الحق عليا قلت ألحق اعزمهم قبل ما يعزمونا عاوزاك تسبق بالخير ويبقى بيتك اول بيت نتلم فيه
ضرب رامى كفيه ببعضهما وهو ينظر لها بغضب: لا حول ولا قوه إلا بالله يا بنت الناس انا راجل عارف ربنا وماينفعش نضيع رمضان فى عزومات واكل رمضان شهر عبادة يا سلمى عبادة مش أكل
سلمى: يا سلام يعنى لو كنت عزمت اخواتك كنت هتقول كدة ؟؟
رامى : هى دى فكرتك عنى يا سلمى هو ده اللى شوفتيه منى فى سبع شهور جواز انا بفرق بين اهلى واهلك
سلمى: بس ده مكنش كلامك قبل الجواز وكنت بتيجى عندنا رمضان اللى فات واحنا مخطوبين
رامى: كنت بأجي اكراما ليكى علشان عروسة وماهنش عليا ازعلك تقدرى تقولى لى شفتينى كام مرة فى رمضان اللى فات
صمتت سلمى فقال: اقولك انا مرة واحدة لما صممتى افطر عندكم وانا مارضتش اكسر خاطرك صح ولا انا غلطان
سلمى وهى على وشك البكاء: يعنى عاوز ايه دلوقتي؟ اقولهم ميجوش ؟؟
اخذ رامى نفسا عميقا وزفره بصبر : لا طبعا مش انا الراجل اللى يصغر مراته قدام اهلها علشان عزومة يشرفوا اهلا وسهلا بس متطلبيش منى اضيع اليوم فى القعدة معاهم
اخرج حافظته وتناول مبلغا ماليا ومد يده به قائلا: اتفضلى اعملى العزومة اللى شايفة انها تشرفك قدام اهلك ولينا كلام بعدين لما نهدى شوية ...عن اذنك
وخرج صافقا الباب بعنف
__________
الأجزاء قصيرة لأنها قصة قصيرة
اتمنى تعجبكم
