الجزء الثالث
عاد رامى بعد صلاة التراويح فأستأذن الجميع بالانصراف
بعد مغادرة الجميع نظرت سلمى لزوجها وقالت: رامى تعالى نتفرج على التليفزيون فى شوية مسلسلات رمضان السنة دى تجنن متابعة اعلاناتها من شهرين
هز رامى رأسه بأسف وتوجه لغرفته لينام
فى الصباح التالى استيقظ رامي مبكرا ليتوجه لعمله بينما شعرت سلمى بالاسف فهى تعلم انها مخطئة اعتدلت جالسة بهدوء وقالت: هتمشى من غير ما تصبح عليا ؟
رامى: مش عاوز ازعجك وانتى نايمة متأخرة
سلمى بمزاج: ياريتك قعدت معايا شفت شوية مسلسلات
رامى يأسف: هو ده رمضان عندك نوم وعزومات ومسلسلات ربنا يهديكى يا سلمى انا نازل قبل ما تزعلى من درس الدين بتاعى ولا تقولى عليا معقد ،السلام عليكم
وانصرف رامى تاركا سلمى بين تأنيب الذات والندم طيلة اليوم
******
كان رامى بالعمل حين دق هاتفه وكانت سلمى زوجته
رامى : السلام عليكم
سلمى : عليكم السلام ازيك يا رامى؟
رامى : الحمد لله انتى كويسة ولا تعبانة زى امبارح
سلمى وهى تشعر بالندم لسوء معاملتها له رغم خوفه عليها : لا انا كويسة الحمدلله بس كنت عاوزة اقولك على حاجه
رامى : خير إن شاء الله
سلمى: اصل انا عندى اكل كتير من امبارح وكانت مرات البواب حكت لي عن ناس فى الحى كدة ظروفهم تعبانة فبقول يعنى لو توافق أدى لهم من الاكل الزيادة الى عندنا
شعر رامي أن سلمى للمرة الأولى تفكر تفكيرا صحيحا فقال: اه طبعا يا سلمى ى دى حاجة عاوزة كلام
سلمى : لا اصلى كنت بشوف برنامج دين والشيخ قال إن الزوجة لازم تستأذن زوجها قبل ما تتصدق من ماله
رامى بسعادة: جزاكى الله خير يا سلمى من هنا ورايح ما تستأذنيش فى الصدقة انا مديكى اذن مفتوح المهم ما تروحيش لوحدك خدى مرات البواب معاكى
سلمى : حاضر مع السلامة
رامى : استودعك الله وحفظه
********
عاد رامى من العمل فوجد سلمى تصلى فإنتظر حتى انتهت
رامى : تقبل الله يا سلمى
سلمى: منا ومنكم يا رامي
رامى: روحتى المشوار. اللى قلتى عليه؟
سلمى: أيوة اخدت مرات البواب معايا زى ما قلت حتى أسأله
رامى: لا حول ولا قوة الا بالله مين قالك بس انى مش واثق فيكى بلاش يا سلمى سوء النية علطول كدة
سلمى: خلاص انا آسفة مش قصدي
اخرج مبلغ ماليا وقال: طيب خدى خلى دول معاكى
سلمى : معايا والله المصروف مخلصش
رامى : لا دول مصروف ليكى انت مش للبيت لو نفسك راحت لحاجة ولا عجبتك حاجة يبقى معاكى فلوسك
سلمى : طب ما انا معايا فلوسى بتاعتى
رامى : فلوسك تشيليها يا سلمى انت ليكى ذمة مالية مستقلة وده حقك الشرعى وحقك كمان انى اديكى مصروف شخصى مادامت قادر وماتزعليش انى قصرت الشهور إللى فاتت انت عارفة كان عليا شوية اقساط بس خلصت الحمدلله ومن هنا ورايح هتاخدى مصروف ايدك
غير مصروف البيت
سلمى: بس بردوا هأتصدق من مصروف البيت
ابتسم رامى: طيب اعملى اللى يريحك
سلمى: اصل الشيخ قال إن الزوجة لما تتصدق من مال زوجها بإذنه ياخدوا هم الاتنين ثواب زى بعض
رامي: يا ليتك تسمعى الشيخ ده كل يوم انا هروح بقى اقرأ قرآن لقرب العصر
سلمى: طب ممكن نقرأ سوا
عاد رامي خطوة للخلف وقال : وده بردو كلام الشيخ!!
سلمى: صراحة لا .نهى مرات حسام امبارح قالت لى أنهم بيقرأو سوا فقلت ليه مش اقرأ معاك؟
رامى : وماله حلوة المنافسة فى طاعة الله
سلمى : رامى انا أسفة انا زودتها معاك امبارح،حسام وايهاب فهمونى غلطى
رامى : طب ما انا كنت بحاول افهمك بتاخدى كلامى بزعل
سلمى: خلاص انا آسفة بعد كدة لما تقول حاجة فى الدين هأسمع وأفهم
رامى: طيب هأروح اتوضأ علشان نقرأ سوا
