#المحطه. الفصل. العاشر.
خرج شاهين من الغرفه ،
تاركاً ابراهيم وانجي. مع ابنتهم اشلي،
وكان قد اضناه التعب،
وتعب التفكير والهموم. اصعب بكثير من تعب اعضاء الجسد،
استند شاهين علي الجدار،
والذي كان احن عليه من الكثير من البشر..
اقترب منه عماد..واخذ بيده.
وقال له:- تعال ننزل الكافيه نشرب قهوه،
وبالفعل نزلا سوياً
وجلسا بالكافتيريا ، وطلب عماد بعض الساندويتشات ، والعصير،
رفض شاهين ،. ولكن عماد الح عليه كثيراً
ولكن شاهين لم يمسك الطعام بيده ،
ظلا يتحدثا،
ومن ثم سأل شاهين عماد. عن صديقته ،
ابتسم عماد وقال:- ريتال؟
شاهين ، هي اسمها ريتال!
عماد:- ايوه ياعم دي قالت لي انك متدايق من لبسها ، وقالت انها بتحترمك جدا.
ومش عايزاك تتدايق لما تشوفها،
فنزلت تدور علي محلات ملابس قريبه ،
تشتري حاجه حشمه شويه،
ابتسم شاهين وقال:- المفروض تحوشو فلوسكم لانكم بعد اللي عملتوه ده هتترفدو من الشغل،،،
عماد:- نترفد مين ياعم ،
انت ما تعرفش ريتال بنت م......
يقطع حديثه. قدوم ريتال نحوهم ،
نظرو اليها. نظرة المتعجب ،
وبدا الانبهار علي وجوههم ،
حيث كانت ريتال ترتدي عبائه سوداء،
طويله جدا. وواسعة فضفاضه. بسبب جسدها النحيف،
وما ان وصلت الي الطاوله القابعين بها،
حتي تعثرت في عبائتها. ووقعت علي الارض ،،
فظلا يضحكان عليها.
فقامت. وجلست علي الكرسي بجوارهم.
وصارت الحمره بوجهها من الخجل ،
فضحك عماد وقال؛- ايه ده يا ريتال ده،
يا نهار ابيض يا جدعان. وظل يضحك،
ريتال:- بس يارخم...
نظر اليها شاهين. وكانت المره الاولي التي ينظر اليها وهو يتحدث معها.
وقال:- ما شاء الله تبارك الله.
الوقار ذاد الجمال جمال،،،،،
وهنا ابتسم عماد وتحدث الي ريتال بالانجليزيه
قائلا:- يبدو ان العبائه الجديده قد اعجبت ذلك الصعيدي،،،،
لترد عليه ريتال باللغه الانجليزيه ايضاً:- هذا ليس من شأنك.
وهنا. رد عليهم شاهين باللغه الفرنسيه
وقال:- تحدثكم بالانجليزيه. في حضرة شخص صعيدي. امر مهين بالنسبه له،،،،
وهنا نظر كل منهما الي الاخر ،
واثار الصدمة تبدو علي ملامحهم.
فطأطأ عماد رأسه.
واذداد وجه ريتال خجلاً.
ونظرت اليه وقالت:- انا بجد اسفه ،،
بس انت اذاي بتعرف فرنساوي؟
شاهين:- انا اللي المفروض انبهر واسالك،
انتو اذاي بتحكمو علي الناس من شكلهم؟
عماد:- ابداً والله بس انا قولت ان .......ثم نادي علي من بالمطعم. هات يابني ساندوتشات للاستاذه...
ريتال:- علي فكره. انا بحب الصعيد جداً. وبابا. اصلاً صعيدي..
بس باين عليكي عمرك ما سافرتي هناك،
ريتال:- صح. بس عرفت اذاي؟
شاهين:- لانك لو رحتي الصعيد. ما كانش الموقف اللي حصل من شويه هيحصل،،
كنتي هتشوفي. دكتور بشري بيروي الارض مع ابوه،
كنتي هتشوفي. مهندس. بيحصد القمح مع العمال،
كنتي هتشوفي. وكيل نيابه. راكب مكروباص.
كنتي هتتعلمي ان الشكل لا يُظهر. الا. جزء بسيط من شخصية الانسان.
وان التواضع. مش معناه. الضعف. او التخلف،
أنت تقرأ
#المحطه. بقلمي. Hamdy mohamed
Ficção Geralومهما زادت الابتلائات. والمصائب. يظل اصحاب القلوب النقيه. علي يقين ان الله سينصرهم ولو بعد حين.
