الحلقة الثالثة والعشرون 💞
من أشواق وحنين
بقلم زهرة الريحان 🍀 🍃 🍀 🍃
الكل نزل وفضلت وجيهة بس معاها
وجيهة قفلت الباب وراهم بتلتفت لقت بنتها بتبتسم
وجيهة بستغرأب : خلعتي قلبي عليكي وقاعده تضحكي دلوك // هان عليكي قلب أمك !؟
مريم : أسفه يا ست الكل
وجيهة : لاااااه يا نن عين أمك متأسفيش أنا كلي همي أشوفك مبسوطة بس إيه اللي ضحكك دلوك
مريم بفرحه ممزوجة بالحزن
محمد قالي بحبك يا ماما إنتي سمعتيه صح وقال ميقدرس يستغني عني
وجيهة : طيب وأيه الجديد// منا خابره زين إنه عيحبك/ قولتلك بنفسي الكلام ده
مريم: بس هو أول مره يقولي الكلام ده أول مره يقولها صريحة وسمعها منه
وجيهة : علشان محمد راجل
الرجل الصح يا بنتي اللي يخبي مشاعره لحد مياجي الوقت المناسب .......واول ملقي الوقت مناسب وقف قدام الكل وطلب ايدك هو ده الصح يا بنتي
اللي المفروض الراجل الصوح يعمله
مريم بكسره والحزن غطا علي ملامحها لما افتكرت أنو بقي مش ليها دلوقتي بقي ملك وحده تانية
مريم: ويفيد بى إيه يا ماما دلوقتي الكلام ده مخلاص خطب وحده تانيه
وجيهة لما لقت بنتها بالضعف ده حابه تقويها
وجيهة : قومي يا بنيتي ارفعي رأسك خليكي قويه ودافعي عن حقك في واد عمك
مريم بصتلها باستغراب
وجيهة بتأكيد : أيوه يا بنتي محمد حقك
قومي انزلي معايا ووري بنت المعتوه دي مقامها
وانتي أن كان علي الجمال .إنتي أجمل بكتير
جمال رباني
دي هي جمالها صناعي زي العروسة اللعبه
وإذا كان علي قلبه.....قلبه معاكي يا ضنايا
إنتي اللي كسبانه من كل ناحيه
مريم بحزن : بس هي اللي لابسه دبلته ومسك أيده قدام الكل
وجيهة : مش هطول معاه وبقي قولي أمي قالت
يلا يا بنتي دحنا نسينا صافي وطيارتها اللي فضلها ساعه وتمشي
وزمان الكل قاعد قلقان عليكي انزلي معايا برأس مرفوعه أوعي تطاطي راسك أبدا
قامت معاها مريم نزلت تحت لقت فعلا الجو متوتر والكل قاعد قلقان عليها
فاطمة أول ملامحتها قامت من مكانها وقالت
فاطمة : حمدالله علي سلامتك يا حبيبتي عامله إيه دلوك
مريم :الحمد لله يا مرات عمي أنا بس مكلتش اليوم كله تلاقي ضغطي وطي شوية أسفه لو كنت قلقتكم عليا
صافي قامت من مكانها وقلتلها تعالي حبيبتي اقعدي ولا قلق ولا حاجه أهم حاجة عندنا أن أطمنا عليكي
مريم : أنا كويسه وعنيها علي اللي قاعدة جنب محمد
محمد قاعد علي كرسي الانتريه هي قاعدة علي طرف الكرسي من فوق ولافه دراعها علي كتفه وباين ليها أوي خاتم الخطبة
