الفصل الحادي والعشرين 💞
من أشواق وحنين
زهرة الريحان 🍀 🌱 🍀
بعد مرور أسبوع علي أبطالنا بسلام مفيش جديد سهام لسه قاعدة عند عرفان والحاجة وجيهة بعد مكانت عايزاها تمشي لقتها هاديه وعاقله وأخلاق حتي في أوضتها قاعدة بالحجاب حبتها وارتاحت ليها وتمنتها لأبنها بعد ملاحظة إهتمام عرفان ليها ونظراته المكشوفه ليهم فقالت ليه لا.... أهم حاجة أشوف أبني مبسوط ومتهني....... لا دا كمان دلوقتي بتحاول تقرب بينهم في يوم كانت قاعدة مع ابنها بعد رجوعه من المزرعه وبتتكلم معاه عايزه تجس نبضه تشوف أخرة ابنها إيه
وجيهة : يعني مسالتش علي سهام زي عوايدك دانت اليومين الماضيين ..... كنا نظبط عليك الساعه لازمن تشوفها مرة الصبح ومره في الليل
بس أن جيت للحق هيه زينه وتستاهل السؤال هاديه... وعاقله ......وأخلاق..... حتي في اوضتها قاعدة بالحجاب وكملت كلامها بمكر ....... ويا بخت اللي تكون من نصيبه
مش زي المصراوية اللي كانت بتكلمنا من طراطيف
منخيرها وقرفانه من كل حاجه حوليها
عرفان: أباااااي عاد إيه اللي جاب السيرة دي يا أمه كل واحد راح لحال نصيبه
وجيهة : اهاه .....سكت أهاه
عرفان بص لأمه بصه رضاء وبتسم علشان يعني سكتت
وجيهة : طب إيه عاد مش هتروح تسأل علي سهام
عرفان سرح بخياله في آخر يوم كان عندها فيه
كان لازم يسأل عليها كل يوم بعد ميرجع من المزرعه
وفي يوم خبط علي الباب محدش رد قلق عليها فتح الباب بيدور بعنيه عليها في كل حته مش لاقيها وفأجه باب الحمام اتفتح وطلعت سهام منه لابسه عبايه بيتي مغطيه كل جسمها بس شعرها مفرود ومبلول وسانده علي عكاز شافها بالمنظر ده اتسمر مكانه كانه مشفش وحده قبل كده مع إن مها طلقته تفوقها في الجمال بس هيا جذابه..........جذابة.....جدا ..لابعد حد
شافته ارتبكت من نظراته المتفحصه فيها وقع منها العكاز اللي في أيدها وهي كمان وقعت معاه
طلع يجري عليها يشيلها صرخت فيه أبعد عني مايصحش كده
عرفان مسمعش كلامها وشالها شعرها كله طار علي وشه غطاء....ريحتها .. قربها منه خلاه مغيب نزلها علي السرير بكل رقه وبيحوش شعرها من علي وشه ميل عليها ولسه هيقرب من شفايفها دفعته بكل قوتها
سهام : اطلع بره من فضلك أنا مستحيل اقعد هنا ولا ثانيه تانية
طلع وقفل الباب وراه اتغاظ من نفسه أوي أول مرة
يكون بضعف ده ﻻم نفسه وأنبها... وقال لازم أعتزر منها
تاني يوم الصبح بيخبط عادي عليها سمحت ليه بدخول
لقاها لابسه هدوم خروجها اللي جت بيها معاه أول مره
سألها رايحه فين ولابسه كده ليه
سهام بحده: أنا ماشيه رايحه بيتي
عرفان : مش هيحصل غير لما تفوكي الجبس وتمشي علي رجليكي غير كده لاه
سهام بعصبيه : إنتي هتحبسني هنا ولا إيه همشي يعني همشي
عرفان بعصبيه جامده : مافيش مشي من إهنيه
غير لما تطيبي....... ولو علي اللي حوصل امبارح
فأنا مش هدخل عندكي تاني ....وده آخر كلام عندي وأنا ماشي أبقي اعصي كلامي
