وائل: شذى صباح الخير ي قصيره
شذى:صباح النور ي طويل
وائل:وين حبيبك السجمان دا
شذى:وقفت ع حيله اوعه تقول ليهو سجمان ي طويل انت
وائل:هههههههههه انتي لو واقفه او قاعده م ح يفرق خلاص ي ستي م سجمان زفتان وين
شذى:اسكت مني ي غياظ م ح اوريك زاتو
وائل بقى بغيظ في صديقتو الصدوقه وبقى وبقول ليها ان شاء الله الشلابات يكترو حوالينو ي رب تتشاكلو عشان نشوف الح يصالحكم منو
شذى:حرام عليك ي وائل عاوز تخرب بيت اختك يعني
وائل:خلاص راجلك وينو
شذى:اي كدا ممكن اوريك هو وين هههههههههه قاعد في البنشات الجمب الكفتريا مع ناس علي وحنين وديل
وائل:وانتي قاعده هنا براك لي
شذى:عاوزه اكتب بحث وكدا
وائل:خلاص طيب ح امشي ليهو وبنتلاقه بعدين
وائل كان متردد يمش م عارف حنين ح تتعمل معاهو كيف بعد الحصل امبارح بس اتوكل ومشى ي شباب كيفكم وكيفك ي حنين
الشباب:الريس ياخ تمام الحمدلله وين مختفي
وائل:قاعد والله
*لاحظ انو حنين م سلمت ولاعاينت ليهو الحاجه دي ضايقتو لانو م بحب زول يكون زعلان منو بس قال يخليها شويه والامور ح ترجع دي الاول
وائل:ي احمد ارح سايقك معاي مشوار
احمد:ع وين ي ريس
وائل:ماشين لي ناس مصعب في طب
احمد:ناس مصعب برضو ولا عاوز تلاقي الجميله المستحيله
حنين عيونه فتحو عشره عشره وبقت بتعاين لي وائل وكانها بتقول ليهو ي كذاب قلت الحب والحاجات دي م بتنفع معاك وهسه ماش تلاقي بت
وائل م ركز مع نظرته وحاول يطلع من الموضوع
وائل:معقول ياخ انا بتاع حاجات زي دي رامي صاحب ناس مصعب الكنا قاعدين معاهم المره القاتت عندو مناقشه مهمه وقال نجيهو وكدا
احمد:خلاص ارح ي زول
اثناء م هم في الطريق وائل حكى لاحمد موضوع حنين كلو واحمد بقى بكورك في وائل انت عوير زي م بتلقاها تاني دي بتحبك بالجد حتى نظراته ليك حقت حب انا من زمان قلت ليك البت دي عاوزاك انت م صدقتني
وائل:بصراحه ي خوي م حاسي حاجه اتجاها من م لاقيت علا وقعته معاها وانا بفكر فيها وهسه نفسي بس الاقيها واسلم عليها
احمد:اووووووووووو الريس شكلو وقع القلب الكنا قايلنو مات طلع صاحي شديد ههههههههه
وصلو الجامعه ودخلو سلمو ع الشباب وقعدو
وائل:ي مصعب وين الجميله المستحيله علا وين م شايفه ف الحته البتقعد فيها شغاله محاضره ولا شنو
مصعب:انت من زمنه ياخ...............
وائل:لالا ياخ بتين الكلام دا.......
يتبع.....
