علا:ي ربي دا وين حصل ليهو شنو من م رجع هنا اختفا طيب اضرب لي عبدالله اسالو منو لالا احسن حاجه بكرا امش الجامعه الاقيهو
وفعلاً صحت تاني يوم ومشت الجامعه ومشت جمب المكتبه م لقت وائل بقت بتلف ف الجامعه وم لقتو وفجاه عينه وقعت ع حنين قامت مشت ليها
علا:سلام عليكم
حنين:وعليكم السلام
علا:حنين صح
حنين: ايوا .... وانتي اسمك علا اخوك فلان وفلان ومغتربين في السعوديه ساكنه في المكان الفلاني وامك متوفيه وابوك عندو الشركه الفلانيه وانتي اتولدتي في السعوديه وشهاده عربيه
علا (باستغراب ) بتعرفني عني الحاجات دي كلها من وين ونحن اتلاقينا مره وحده
حنين:الحاجه الانا دايره اعرفه بعرفه
علا:المهم وائل وين
حنين:م عارفه وبعدين انتي مالك ومالو بتسالي منو لي
علا:لانو م برد ع تلفونو ولا حتى رسايلي وقلقته عليهو
حنين:بكون م عاوز يتكلم معاك لانو هسه قفل مني وقال لي م جاي الجامعه وح نتلاقه انا وهو في مطعم...يعني باختصار كدا م عاوز يتكلم معاك خلي عندك كرامه حبه ياخ
علا:طيب الحمدلله انو كويس سلمي عليهو
حنين:يوصل اي طلبات تاني
علا:لا شكراً
حنين:العفو
ي امي جسمي محموم شديد م قادر اقيف راسي لافي شديد
الحجه : دقيقه انادي مروان يفحص ليك تلفونك وين
وائل:تلفوني!!....اااااخ نسيتو في الصيدليه
الحجه:صيدليه شنو
وائل:بحكي ليك بعدين ي امي
الحجه :دقيقه طيب ....رامي نادي لي اخوك مروان بسرعه
رامي :حاضر ي ماما امل
مروان:جسمك مرهق ي وائل ابلع المسكن دا والفايتمين دا وح تبقى احسن ان شاء الله وحاول انك تنوم
وائل:دايما متعبك ي صديقي
مراون:عيب عليك ياخ نحن اخوان...بكرا ان شاء الله بجيك
وائل:تسلم ي خوي
الحجه م قصرت ي ولدي شكراً ليك
مروان:م تشكريني ي امي وائل دا اخوي
وائل بلع الادويه وراقد بعاين في التلفزيون وسرح بقى بفكر في علا ي ربي فقدتني لالا م ظنيت ياخ انا منو اصلا عشان زي دي تعاين لي ان شاء الله تكون اتزكرتني لو برساله
عارف الاحساس الملخبط البتكون م عارف وم فاهم العلاقه دي شنو اصلا بس انت مبسوط لابعد حد م قادر تفهم دا حب ولا صداقه ولا خوه حاجه كدا م لاقي ليها وصف زي كلامك الملخبط البطلع وانت متوتر...م ح تلقى كلام يفسر ليك البحصل جواك ح تلقى احاسيس كتيره بتتشاكل جواك بالضبط كدا زي لما تضربك كهربه بتحس انو كل اعضاء جسمك وقفت حتى الذاكره بتتجمد...بس الاحساس الحلو لسه موجود وبتكون متمسك بيهو لابعد حد...
يتبع....